अब्दुल हमीद कैसर  हिन्दी देवनागरी में पढ़ें।

Disamb2.jpg abdul hamid ek bahuvikalpi shabd hai any arthon ke lie dekhen:- abdul hamid (bahuvikalpi)
abdul hamid kaisar
Blankimage.png
poora nam saiyad mohammad abdul hamid kaisar
any nam lakhapati
janm 5 mee, 1929
janm bhoomi jhalavad, rajasthan
mrityu 18 julaee, 1998
abhibhavak saiyad mir mohammad ali (pita)
nagarikata bharatiy
prasiddhi prakharavakta, svatntrata senani, garibon ke masiha, tyagi deshapremi evn deshabhakt
shiksha em. es. si, el. el. bi., di. eph. e.
any janakari abdul hamid kaisar rajasthan men apane upanam 'lakhapati' ke nam se hi prasiddh the. vastut: 1954 ee. men unake nam ki ek lakh rupaye ki laautari khuli thi, usake bad se hi ve 'lakhapati' ke nam se prasiddh ho gaye.

abdul hamid kaisar (angrezi: Abdul Hamid Kaisar, janm- 5 mee, 1929, jhalavad, rajasthan; mrityu- 18 julaee, 1998) bharat ke jane-mane deshabhakton men se the. kaisar vilakshan vyaktitv ke dhani the. garibon ke lie inake dil men bahut pyar tha. inake man men bachapan se hi deshabhakti ki bhavana jag uthi thi, kyonki jis vidyalay men ye shiksha grahan karate the, vahan chhatron men angrezi hukoomat ke viruddh sngharsh karane ki bhavana bhari jati thi.

janm

abdul hamid kaisar ka janm 5 mee, 1929 ee. rajasthan men jhalavad zile ke ek chhote se kasbe bakani men hua tha. unake pita ka nam saiyad mir mohammad ali tha. ve us kshetr ke bahut bade jagiradar the tatha riyasat kal men tahasiladar jaise bade ohade par niyukt the. shri lakhapati apane char-bhaee bahanon men sabase chhote the. unaka poora nam saiyad mohammad abdul hamid kaisar tha. abdul hamid kaisar rajasthan men apane upanam 'lakhapati' ke nam se hi prasiddh the. vastut: 1954 ee. men unake nam ki ek lakh rupaye ki laautari khuli thi, usake bad se hi ve 'lakhapati' ke nam se prasiddh ho gaye.

mata-pita ka sath

abdul hamid kaisar ka bachapan bahut kashtamay dhag se gujara. jab ve tin varsh ke the, tab unake pita ki mrityu ho gee. isake bad unake pita ke rishtedaron ne unaki sampatti par kabza kar liya. aisi visham sthiti men unake parivar ke sadasy unhen bakani se boondi le aye. unaka jivan bachapan se hi sngharsh evn kashton se bhara hua tha.

vidyarthi jivan

abdul hamid kaisar ne apani prarambhik shiksha jhalavad evn boondi men prapt ki. tatpashchath apane kota ke hitakari vidyalay se 10vin ki pariksha di. yah vidyalay us samay banaras hindoo vishvavidyalay se juda hua tha. 'lakhapati' ke sabase ghanisht mitr ramachandr saksena the. abdul hamid kaisar evn ramachndr saksena donon sath-sath vidyalay men padhate the. snyog se balyavastha men donon ek- doosare ke ajij mitr ban gaye. mitr bhi aise ki ek- doosare ko pranon se zyada chahate the. khana-pina, uthana baithana evn ghoomana sab kuchh sath hi hota tha. ek hindoo aur doosara musalaman hote hue bhi aisa pratit hota tha, jaise donon sage bhaee hon, ek pran do sharir hon. abdul hamid kaisar aligadh vishvavidyalay se intaramidiyet, bi.esasi. tatha bhoogarbh vigyan men em.esasi, el.el. bi. aur videsh seva men diploma di. eph. e. karane ke bad boondi chale aye aur yahan par vakalat prarambh ki. abdul hamid kaisar ne aligadh vishvavidyalay ke tatkalin vais chansalar evn bharat ke poorv rashtrapati daau. jakir husain ke sannidhy men rah kar padhaee poori ki thi. abdul hamid kaisar ne boondi men apani vakalat prarambh ki aur kuchh hi samay men ve boondi ke prasiddh vakilon men se ek ban gaye. unhen faujadari mukadamon ko ladane men maharat hasil thi.

vilakshan vyaktitv ke dhani

abdul hamid kaisar vilakshan vyaktitv ke dhani the. abdul hamid kaisar ka vyaktitv bahut prabhavashali tha. jo bhi vyakti inake sampark men ata tha, vah prabhavit hue bagair nahin rahata tha. inhonne apane jivan men paison ke sthan par insaniyat aur manavata ko mahattv diya. inamen udarata, sahishnuta evn dayaluta adi gun koot-koot kar bhare hue the. 1961 ee. bharat ke grihamntri lal bahadur shastri tatha svatntrata senani, maniky lal varma ke samane abdul hamid kaisar ne saugandh khakar bhil, adivasi tatha multani v garib jati ke logon se bina phis lie unake mukadamon ki pairavi karane ki pratigya ki thi, jise unhonne jivan-parynt nibhaya. sirph seva bhav se hi unhonne jivan ke antim samay tak unake mukadamon ki ni:shulk pairavi ki. yah apane ap men ek bahut badi bat hai. is kary se abdul hamid kaisar manavata se bhi oopar uthe the.


sampoorn bharatavarsh men ve aise pahale vakil the, jinhonne garibon ke mukadame nishulk lade the. isase pata chalata hai ki garibon ke lie unake dil men kitani sahanabhooti evn pyar tha. duniya men aise log virale hi hote hain, jinake dil men manav seva ke aise bhav hote hain, shri kaisar unamen se ek the. is kary se ap manavata se bhi oopar uthakar ardash manav ki shreni men a gaye. inaki deshabhakti, tyag evn garibon ki seva jaise karyon ke karan apaka jivan ham sabhi ke lie preranadayak evn anukaraniy ban gaya. garibon ki ni:svarth bhav se ki gee seva ke lie yadi ham unhen 'garibon ka masiha' kah kar pukaren, to koee atishayokti nahin hogi. jis kisi men desh prem, tyag, garibon ki seva, hindoo-muslim ekata ka samarthan evn desh ke lie sarvasv arpan karane ki tamanna hoti hai, vah vareny ho jata hai. rajasthan ke svatntrata sngram ke muslim deshabhakton men lakhapati ka vishisht sthan hai. jin rashtriy musalamanon ne lig ki sampradayik niti ka virodh karate hue hamesha kangres ka sath diya aur azadi ke snrghash men mahattvapoorn bhoomika nibhaee, unamen se abdul hamid kaisar bhi ek the. ve rajasthan ke rashtravadi musamanon ke shiromani aur svatntrata sngram ke prasiddh senani the. at: unaka nam aj bhi bade garv ke sath liya jata hai. abdul hamid kaisar ke desh prem evn tyag ke bare men kavi ki yah pnktiyan uchit pratit hoti hai-

             taj svarth ka marg, ahinsa ko apanay,
             shish jhuka chupachap pulis ki lathi khaye,
             gaye jel, hathakadi hath men, kasht uthaye,
             bahut bahut ashish bharat mata se paye.

deshabhakti ki shiksha

abdul hamid kaisar ke man men bachapan se hi deshabhakti ki bhavana jag uthi, kyonki vahan chhatron men angrezi hukoomat ke viruddh sngharsh karane ki bhavana bhari jati thi. kota ka hitakari vidyalay bharatiy svatntrata andolan se juda hua tha. is vidyalay ke prachary shambhoodayal saksena pajamandal ke pramukh netaon men se ek evn prasiddh svatntrata senani the. abdul hamid kaisar tatha unake hitakari skool ke sathi chhatr rat bhar jagakar kota shahar men gasht karate the. unhonne kuchh mahinon adhyayan karana yah samajhakar chhod diya ki shayad ab angrejon ka raj samapt hokar hamen azadi milegi aur is shasan ka ant hoga. is lathi-charj ka virodh kota maharav raja ne anashan karake kiya.

andolanon men sakriyata

angrez sarakar ke viruddh sngharsh ki rananiti taiyar karane hetu agast, 1942 ee. men prajamandal ki or se kota ke chand taaukij men tilak jaynti manaee gee. isamen bambee men 9 agast, 1942 ee. ko hone vale gvaliyar taink sthit khule adhiveshan men bhag lene tatha bharat chhodo andolan men sakriy roop se bhag lene ka prastav parit kiya gaya. tilak jaynti ke anusar 8 agast ko miting ke prastav rakhane hetu kuchh svatntrata senaniyon evn vidyarthiyon ne bhi bhag liya tha. aise svatntrata senaniyon men edavoket veni madhavaji, abhinn hariji, hiralalaji jain, shambhoodayalaji evn vidyarthiyon men abdul hamid kaisar evn ramachandr saksena pramukh the. is jaynti men bhag lene ke bad kaisar svatntrata andolan se sakriy roop se jud gaye.
tilak jaynti ke anusar 8 agast ko miting ke prastav rakhane hetu kuchh sadasyon ko bambee jana tha, parntu desh ke pramukh svatntrata senaniyon evn karyakarini ke sadasyon ko giraphtar kar angrez sarakar ne unhen haidarabad sthit aga khan namak jel men bhijava diya. giraphtar ki khabar kota skool men ag ki tarah phail gayi. kota men hitakari vidyalay sahit sabhi skool kaaulejon men hadatal shuroo ho gee, jisase skool v kaaulej band ho gaye. is prakar skool aur kaaulej ke chhatron ne apani padhaee chhodakar praja mandal andolan ko tivragati dene men mahattvapoorn bhoomika ada ki. is samay shri kaisar bhi apani padhaee likhaee chhodakar azadi ke andolan men kood pade. shri kaisar evn shri ramachandr saksena hamesha hitakari skool ke chhatron ko ekatrit karake apane netritv men juloos nikalate. lakhapati varishth svatntrata senaniyon ke netritv men chhatron ke sath harbat kaaulej, nayapoora, kota ke pichhe ekatrit hote. juloos prat: kal ath baje vahan se ravana hokar nayapura, ladapura, maqabara, patanapol, ghantaghar, tipata hote hue siti haee skool men akar sabha men parivartit ho jata. yahan par sabhi rashtragan gate aur angrejon ke viruddh nare lagate the.
13 agast, 1942 ee. ko angrej sarakar ne shambhoodayal ji, hiralal ji jain evn veni madhav ji adi kota ke svatantrata senaniyon ko giraphtar kar ramapura ki kotavali men band kar diya. yah giraphtari angrej sarakar ke eeshare par kota stet ne ki thi. giraphtari ki khabar ag ki tarah kota men phail gayi. is par praja mandal ke sadasyon, hitakari vidyalay ke chhatron evn nagarikon ne ramapura kotavali ko gher liya aur dharana diya. abdul hamid kaisar dharane men agrim pnkti men baithe hue the. is samay veni madhav ji ki patni ne apane pati ko mala pahanane ke lie kotavali ke get par se chadhakar jane ka prayas kiya, to unhen rok diya gaya. isase bhid uttejit ho gee tatha lathi-bhata jagn shuroo ho gee. kaisar evn saksena donon ghayal ho gaye. un donon ke sir phat gaye aur tanke lagane pade. usi samay ghudasavar sainikon ko bula liya gaya, jinhonne andolanakariyon ko rondane ka prayas kiya. tatpashchath giraphtar andolanakariyon ko pulis anyatr sthan par lekar chali gayi.
pulis ke sath is sngharsh men kee log ghayal hue. janata tatha vidyarthiyon ne apana ghera kotavali par aur kada kar diya. as-pas ke nagarikon ne apane gharon ki chhaton par patthar ikaththe kar liye. kotavali ka yah gherav 19 agast tak chalata raha. hitakari ke vidyarthiyon ne shahar ke samast pravesh dvaron ko band kar diya tatha sabhi sadakon par gadhde karake patthar ukhad diye, taki kota shahar men sena pravesh nahin kar sake aur stet ka koee bhi vahan shahar men nahin ane paye. prajamandal ke netritv men hitakari vidyalay ke chhatron tatha nagarikon ne kotavali ke karmachariyon ka kotavali se nikalana band kar diya. kotavali ke karmachari bhookh pyas se tadapane lage. par janata ne yah ailan kiya ki pahale svatntrata andolanakariyon ko riha kiya jae, tabhi kotavali se gherav hataya jayega.
19 agast, 1942 ko saynkal char baje kisi tarah sena ne shahar men pravesh kiya tatha kotavali ko donon taraph se gher liya. tatpashchath sainik adhikariyon ne kaha ki ham kotavali ke karmachariyon ko bhookh-pyase bachane aye hain, parntu janata is bat par adi rahi ki pahale hamare netaon ko riha kiya jae. phir 20 agast, 1942 ee. ko svatntrata senaniyon ko bina shrart riha kar diya gaya, tab jakar kotavali se ghera hataya gaya.
abdul hamid kaisar jab bhi boondi ate the, to apani kamij par tirngi jhandi lagakar ate the. is khabar se angrez divan raaurbtasan naraz rahane laga, jo is samay boondi stet men mujalamat the. isake bad 1943 ee. men banaras se maitrik ki pariksha pas karake kaisar ne aligadh muslim vishvavidyalay men pravesh liya, to boondi ke angrez divan ne vahan se shikayat karake vishvavidyalay prashasan se nilambit kiya jae kyonki vah angrez hukoomat ke viruddh andolan men bhag leta hai. 1943 men maitrik karake aligadh jane se poorv kaisar ne boondi stet men kisi tarah naukari prapt kar li tatha phir naukari ko chhodakar aligadh vishvavidyalay men pravesh le liya. isase boondi ka angrez divan ag baboola ho gaya tatha naukari men mili sari tanakhvah abdul hamid kaisar se vapas jama karavaee. aligadh vishvavidyalay men pravesh lene ke bad kaisar ne svatntrata andolan men badh-chadhakar bhag liya. ve 1946 ee. men aligadh kangres ke sadharan sadasy bane jabaki us samay ve intaramidiyet ke chhatr the.
1946 men hi rafi ahamad qidavee par ligi dngaeeyon ne yah kahakar nagarapalika, aligadh men hamala kar diya ki yah bharat ka samarthak hai, to kaisar ne apane sathi iqabal ahamad (nivasi- muradabad, uttar pradesh) ke sath jan jokhim men dalakar kidavee ka bachav kiya, jisase ve apane sathi aur kidavee sahit ghayal hokar aspatal men bharti hue. 1946 men jab bharat sarakar ke antarim sarakar ke lie chunav hue, to kaisar mujaphphar nagar (uttar pradesh) men kangres pratyashi maulana husain ahamad madani ke chunav men prachar karane hetu gaye.

mrityu

azadi ka divana evn manavata ka masiha abdul hamid kaisar 18 julaee, 1998 ee. ko is snsar se vida ho gaya. is du:khad avasar par asnkhy logon ne unaki sevaon ko yad karate hue apane janapriy neta ko bhavabhini vidaee dete hue ashrupoorit shraddhanjali arpit ki thi. svatntrata ke is parakrami yoddha ki qabr aj bhi unake tyag evn balidan ki kahani sunati hai. yadyapi kaisar aj hamare bich nahin hai, tathapi janata unako aj bhi shraddha aur samman ke sath yad karati hain. is prakar kaisar uchch koti ke vidvan, prakharavakta, svatntrata senani, garibon ke masiha, sampradayikata ekata ke pratik, tyagi deshapremi evn deshabhakt the.

sadbhavana ke masiha

abdul hamid kaisar azadi ke un parakrami yoddhaon men se ek the, jinhonne satta ke galiyare ki taraph kabhi jhanka tak nahin. unaka nam akhabar ki surkhiyon men dekhane ko nahin milata, kyonki unhonne kisi phal ki prapti ki asha se azadi ki jng men bhag nahin liya tha. unaka utsarg anam tha. ve kngooron ki bhanti dikhave ki vastu nahin, apitu ninv ke patthar the. isilie unake nam ki svarn pattikayen kahin par dekhane ko nahin milatin. unaki majar aur samadhiyon par n chirag jalae jate hain, n pushp chadhaye jate hain. aise hi gumanam rashtr bhakton ki pnkti men kaisar ka nam bhi shamil hai. kaisar bahumukhi pratibha ke dhani, desh ke lie mar mitan vale yoddha, tyagi, balidan, adarsh manavata ke pratik desh ke mahanh bhakt, bharat mata ke sachche putr evn sampradayik sadbhavana ke masiha the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah