अभिषेक

• mantrapath ke sath pavitr jal-sianchan ya snan. yajurved, anek brahman evan charoan vedoan ki shraut kriyaoan mean ham abhishechaniy krity ko rajasooy ke ek aang ke roop mean pate haian.
• aitarey brahman mean to abhishek hi mukhy vishay hai. dharmik abhishek vyakti athava vastuoan ki shuddhi ke roop mean vishv ki ati prachin paddhati hai. any deshoan mean anuman lagaya jata hai ki abhishek rudhir se hota tha jo virata ka soochak samajha jata tha. shatapath brahman ke anusar is kriya dvara tejasvita evan shakti vyakti vishesh mean jagrit ki jati hai. aitarey brahman ka mat hai ki yah dharmik krity samrajyashakti ki prapti ke lie kiya jata tha.
• mahabharat mean yudhishthir ka abhishek do bar hua tha, pahala sabhaparv ki digvijayoan ke pashchath adhikrit rajaoan ki upasthiti mean rajasooy ke ek aansh ke roop mean tatha doosara bharat yuddh ke pashchat.
• maharaj ashok ka abhishek rajyarohan ke char varsh bad evan harsh shiladity ka abhishek bhi aise hi vilamb se hua tha. pray: samratoan ka hi abhishek hota tha. isake ullekh brihatkatha, kshemendr, somadev tatha abhilekhoan mean paye jate haian.
• sadharan rajaoan ke abhishek ke udaharan kam hi prapt haian, kintu svatantr hone ki sthiti mean ye bhi apana abhishek karate the.
• mahabharat (shaly parv) raja ke abhishek ko kisi bhi desh ke lie avashyak batalata hai.
• yuvarajoan ke abhishek ke udaharan bhi paryapt prapt hote haian, yatha ram ke ‘yauvarajyabhishek’ ka ramayan mean vishad varnan hai, yadyapi yah ram ke antim rajyarohan ke samay hi poorn hua hai. yah pushyabhishek ka udaharan hai.
• atharvaved parishisht, varahamihir ki brihatsanhita evan kalikapuran mean bataya gaya hai ki yah sanskar chandrama tatha pushy nakshatr ke sanyog kal (paushamas) mean hona chahie.
• abhishek mantriyoan ka bhi hota tha. harshacharit mean rajaparivar ke sabhasadoan ke abhishek (moordhabhishikta amatya rajan:) evan purohitoan ke lie ‘brihaspatisav’ ka ullekh hai.
• moortiyoan ka abhishek unaki pratishtha ke samay hota tha. isake lie doodh, jal (vividh prakar ka), gay ka gobar adi padarthoan ka prayog hota tha.
• bauddhoan ne apani das bhoomiyoan mean se antim ka nam ‘abhishekabhoomi’ athava poornata ki avastha kaha hai. abhishek ka arth kisi bhi dharmik snan ke roop mean agni puran mean kiya gaya hai.
• abhishek ki samagriyoan ka varnan ramayan, mahabharat, agni puran evan manasar mean prapt hai. ramayan evan mahabharat se pata chalata hai ki vaidik abhishek sanskar mean tab yathesht parivartan ho chuka tha. agni puran ka to vaidik kriya se ekadam mel nahian hai. tab tak bahut se naye vishvas isamean bhar gaye the, jinaka shatapath brahman mean nam bhi nahian hai. abhishek ke ek din poorv raja ki shuddhi ki jati thi, jinamean snan pradhan tha. yah nishchay hi vaidiki diksha ke saman tha, yatha-

1- mantriyoan ki niyukti, jo pahale athava abhishek ke avasar par ki jati thi,
2- rajy ke ratnoan ka chunav, isamean ek rani, ek hathi, ek shvet ashv, ek shvet vrishabh, ek athava do; shvet chhatr, ek shvet chamar,
3- ek asan (bhadrasan, sianhasan, bhadrapith, paramasan) jo sone ka bana hota tha tatha vyaghracharm se achchhadit rahata tha,
4- ek ya anek svarnapatr jo vibhinn jaloan, madhu, dugdh, ghrit, udumbaramool tatha vibhinn prakar ki vastuoan se paripoorn hote the.

• mukhy snan ke samay raja rani ke sath asan par baithata tha aur keval rajapurohit hi nahian apitu any mantri, sambandhi evan nagarik adi bhi usako abhishikt karate the. sanskar indr ki prarthana ke sath poora hota tha jisase raja ko devoan ke raja indr ke tuly samajha jata tha. rajyarohan ke pashchath raja upahar vitaran karata tha evan purohit tatha brahman dakshina pate the.