अरुणा आसफ़ अली  हिन्दी देवनागरी में पढ़ें।

aruna asaf ali
aruna asaf ali
poora nam aruna asaf ali
any nam aruna ganguli
janm 16 julaee, 1909
janm bhoomi hariyana
mrityu 29 julaee, 1996
pati/patni asaf ali
karm bhoomi bharat
karm-kshetr svatntrata senani, shikshak
bhasha hindi, angrezi
puraskar-upadhi 'lenin shanti puraskar' (1964), 'javaharalal neharoo antarrashtriy sadbhavana puraskar' (1991), 'padm vibhooshan' (1992), ‘indira gandhi puraskar’, 'bharat ratn' (1997)
vishesh yogadan 1942 ee. ke ‘angrezon bharat chhodo’ andolan men vishesh yogadan tha.
nagarikata bharatiy
any janakari 1998 men inake nam par ek dak tikat jari kiya gaya. unake samman men nee dilli ki ek sadak ka nam 'aruna asaf ali marg' rakha gaya.

aruna asaf ali (angrezi: Aruna Asaf Ali, janm- 16 julaee, 1909; mrityu- 29 julaee, 1996) ka nam bharat ke svatntrata andolan men vishesh roop se prasiddh hai. inhonne bharat ko azadi dilane ke lie kee ullekhaniy kary kiye the. bharat ke svatntrata andolan men agrani bhoomika nibhane vali krantikari, jujharoo neta shrimati aruna asaf ali ka nam itihas men darj hai. aruna asaf ali ne san 1942 ee. ke ‘angrezon bharat chhodo’ andolan men mahattvapoorn yogadan ko vismrit nahin kiya ja sakata. desh ko azad karane ke lie aruna ji nirntar varshon angrezon se sngharsh karati rahi thin.

jivan parichay

aruna ji ka janm bngali parivar men 16 julaee san 1909 ee. ko hariyana, tatkalin pnjab ke 'kalaka' namak sthan men hua tha. inaka parivar jati se brahman tha. inaka nam 'aruna ganguli' tha. aruna ji ne skooli shiksha nainital men prapt ki thi. nainital men inake pita ka hotal tha. yah bahut hi kushagr buddhi aur padhaee likhaee men bahut chatur thin. balyakal se hi kaksha men sarvochch sthan pati thin. bachapan men hi unhonne apani buddhimatta aur chaturata ki dhak jama di thi. lahaur aur nainital se padhaee poori karane ke bad vah shikshika ban gee aur kolakata ke 'gokhale memoriyal kaaulej' men adhyapan kary karane lagin.[1]

vivah

aruna ji ne 19 varsh ki ayu men san 1928 ee. men apana antarjatiy prem vivah dilli ke suvikhyat vakil aur kangres ke neta asaf ali se kar liya. asaf ali aruna se ayu men 20 varsh bade the. unake pita is antarjatiy vivah ke viruddh the aur muslim yuvak asaf ali ke sath apani beti ki shadi kisi bhi qimat par karane ko razi nahin the. aruna ji svatntr vicharon ki aur svatah nirnay lene vali yuvati thin. unhonne mata-pita ke virodh ke bad bhi svechchha se shadi kar li. vivah ke bad vah pati ke pas a geen, aur pati ke sath premapoorvak rahane lagin. is vivah ne aruna ke jivan ki disha badal di. ve rajaniti men ruchi lene lagin. ve rashtriy andolan men sammilit ho geen.

rajanitik aur samajik jivan

paratntrata men bharat ki durdasha aur angrezon ke atyachar dekhakar vivah ke uparant shrimati aruna asaf ali svatntrata-sngram men sakriy bhag lene lagin. unhonne mahatma gandhi aur maulana abul qalam azad ki sabhaon men bhag lena prarambh kar diya. vah in donon netaon ke snpark men aeen aur unake sath karmathata, se rajaniti men bhag lene lagin, ve phir lokanayak jayaprakash narayan, ram manohar lohiya aur achyut patavarddhan ke sath kangres 'soshalist parti' se snbaddh ho geen.

jel yatra

aruna ji ne 1930, 1932 aur 1941 ke vyaktigat satyagrah ke samay jel ki sazaen bhogin. unake oopar jayaprakash narayan, daau. ram manohar lohiya, achyut patavardhan jaise samajavadiyon ke vicharon ka adhik prabhav pada. isi karan 1942 ee. ke ‘bharat chhodo andolan’ men aruna ji ne angrezon ki jel men band hone ke badale bhoomigat rahakar apane any sathiyon ke sath andolan ka netritv karana uchit samajha. gandhi ji adi netaon ki giraphtari ke turant bad mumbee men virodh sabha ayojit karake videshi sarakar ko khuli chunauti dene vali ve pramukh mahila thin. phir gupt roop se un kangresajanon ka path-pradarshan kiya, jo jel se bahar rah sake the. mumbee, kolakata, dilli adi men ghoom-ghoomakar, par pulis ki pakad se bachakar logon men nav jagriti lane ka prayatn kiya. lekin 1942 se 1946 tak desh bhar men sakriy rahakar bhi ve pulis ki pakad men nahin aeen. 1946 men jab unake nam ka varnt radd hua, tabhi ve prakat hueen. sari sampatti jabt karane par bhi unhonne atmasamarpan nahin kiya.

kangres kameti ki nirvachit adhyaksh

do varsh ke antaral ke bad sanh 1946 ee. men vah bhoomigat jivan se bahar a geen. bhoomigat jivan se bahar ane ke bad sanh 1947 ee. men shrimati aruna asaf ali dilli pradesh kangres kameti ki adhyaksha nirvachit ki geen. dilli men kangres sngathan ko inhonne sudridh kiya.

kangres se soshalist parti men

san 1948 ee. men shrimati aruna asaf ali 'soshalist parti' men sammilit huyin aur do sal bad sanh 1950 ee. men unhonne alag se ‘lepht speshalist parti’ banaee aur ve sakriy hokar 'mazadoor-andolan' men ji jan se jut geen. ant men san 1955 ee. men is parti ka 'bharatiy kamyanist parti' men vilay ho gaya.

bhakapa men

shrimati aruna asaf ali bhakapa ki kendriy samiti ki sadasya aur ‘aaul indiya tred yooniyan kangres’ ki upadhyaksha banaee gee thin. sanh 1958 ee. men unhonne 'marksavadi kamyunist parti' bhi chhod di. sanh 1964 ee. men pn. javaharalal neharoo ke nidhan ke pashchath ve punah 'kangres parti' se judin, kintu adhik sakriy nahin rahin.

dilli nagar nigam ki pratham mahapaur

shrimati aruna asaf ali sanh 1958 ee. men 'dilli nagar nigam' ki pratham mahapaur chuni geen. meyar banakar unhonne dilli ke vikas, saphaee, aur svasthy adi ke lie bahut achchha kary kiya aur nagar nigam ki kary pranali men bhi unhonne yathesht sudhar kie.

sngathanon se sambndh

shrimati aruna asaf ali ‘indosoviyat kalcharal sosaiti’, ‘aaul indiya pis kaunsil’, tatha ‘neshanal phaidareshan aauph indiyan voomain’, adi snsthaon ke lie unhonne badi lagan, nishtha, eemanadari aur sakriyata se kary kiya. dilli se prakashit vamapnthi angrezi dainik samachar patr ‘petriyat’ se ve jivanaparynt karmathata se judi rahin.

samman aur puraskar

shrimati aruna asaf ali ko sanh 1964 men ‘lenin shanti puraskar’, sanh 1991 men 'javaharalal neharoo antarrashtriy sadbhavana puraskar', 1992 men 'padm vibhooshan' aur ‘indira gandhi puraskar’ (rashtriy ekata ke lie) se sammanit kiya gaya tha. 1997 men unhen maranoparant bharat ke 'sarvochch nagarik samman' bharat ratn se sammanit kiya gaya. 1998 men un par ek dak tikat jari kiya gaya. unake samman men nee dilli ki ek sadak ka nam unake nam par 'aruna asaf ali marg' rakha gaya.

ek snsmaran

aruna asaf ali ki apani vishisht jivanashaili thi. umr ke athaven dashak men bhi vah sarvajanik parivahan se saphar karati thin. kaha jata hai ki ek bar aruna ji dilli men yatriyon se bhari bas men savar thin. koee bhi jagah baithane ke lie khali n thi. usi bas men adhunik jivan shaili ki ek yuva mahila bhi savar thi. ek vyakti ne yuva mahila ke lie apani jagah use de di aur us yuva mahila ne shishtachar ke karan apani sit aruna ji ko de di. aisa karane par vah vyakti bura man gaya aur yuva mahila se bola - 'yah sit to mainne apake lie khali ki thi bahan.' isake uttar men aruna asaf ali turnt bolin - 'beta! man ko kabhi n bhoolana, kyonki man ka adhikar bahan se pahale hota hai.' yah sunakar vah vyakti bahut sharminda hua aur usane aruna ji se mafi mangi.

nidhan

aruna asaf ali vriddhavastha men bahut shant aur gnbhir svabhav ki ho gee thin. unaki atmiyata aur sneh ko kabhi bhulaya nahin ja sakata. vastav men ve mahanh deshabhakt thin. vayovriddh svatntrata senani aruna asaf ali 87 varsh ki ayu men dinank 29 julaee, sanh 1996 ko is snsar ko chhodakar sadaiv ke lie door-bahut door chali geen. unaki sukirti aj bhi amar hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. aruna asaf ali : dilli ki pahali mahapaur (hindi) (ech.ti.em.el) veb duniya. abhigaman tithi: 6 apral, 2011.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah