असत्कार्यवाद
asatkaryavad karanavad ka nyayadarshanasammat siddhaant jisake anusar kary utpatti ke pahale nahian rahata. nyay ke anusar upadan aur nimitt karan alag-alag kary utpann karane ki poorn shakti nahian hai kiantu jab ye karan milakar vyaparashil hote haian tab inaki sammilit shakti aisa kary utpann hota hai jo in karanoan se vilakshan hota hai. at: kary sarvatha navin hota hai, utpatti ke pahale isaka astitv nahian hota. karan keval utpatti mean sahayak hote haian. saankhyadarshan isake viparit kary ko utpatti ke pahale karan mean sthit manata hai, at: usaka siddhaant satkaryavad kahalata hai. nyayadarshan bhavavadi aur yatharthavadi hai. isake anusar utpatti ke poorv kary ki sthiti mana anubhavaviruddh hai. nyay ke is siddhaant par akshep kiya jata hai ki yadi asath kary utpann hota hai to shashashrriang jaise asath kary bhi utpann hone chahie. kiantu nyayamanjari mean kaha gaya hai ki asatkaryavad ke anusar asath ki utpatti nahian mani jati. apitu jo utpann hua hai use utpatti ke pahale asath mana jata hai.[1]
|
|
|
|
|
tika tippani aur sandarbh
- ↑ hindi vishvakosh, khand 1 |prakashak: nagari pracharini sabha, varanasi |sankalan: bharat diskavari pustakalay |prishth sankhya: 298 |