इन्द्र कुमार गुजराल  हिन्दी देवनागरी में पढ़ें।

indr kumar gujaral
indr kumar gujaral
poora nam indr kumar gujaral
any nam aee.ke. gujaral
janm 4 disambar, 1919
janm bhoomi jhelam, british bharat
mrityu 30 navambar, 2012
mrityu sthan gudaganv, hariyana
abhibhavak avatar narayan gujaral aur pushpa gujaral
pati/patni shila devi
sntan do putr- naresh evn vishal
nagarikata bharatiy
prasiddhi bharat ke barahaven pradhanamntri
parti kangres (1988 tak), janata dal (1988 - 2012)
pad pradhanamntri, vitt mntri, videsh mntri
kary kal pradhanamntri- 21 aprail, 1997 - 19 march, 1998

vitt mntri- 21 aprail, 1997 - 19 march, 1998
videsh mntri- 1 joon, 199619 march, 1998

any janakari gujaral videsh niti ke visheshgy the, is karan inhonne pakistan se sambandh sudharane ke kootanitik prayas kie.

indr kumar gujaral (angrezi: Inder Kumar Gujral, janm: 4 disambar, 1919; mrityu: 30 navambar, 2012) bharat ke barahaven pradhanamntri the. yah us samay pradhanamntri bane jab kangres ki samarthan vapasi ke bhay se snyukt morcha sarakar ne netritv parivartan ki usaki mang svikar kar li. tab ech. di. devagauda ko 10 mah ke pashchath pradhanamntri ka pad chhodana pada. unhonne 21 aprail, 1997 ko apane pad se tyagapatr de diya aur isi din indr kumar gujaral pradhanamntri ke pad par niyukt ho ge. lekin yah bhi zyada samay tak pradhanamntri ke pad ko sushobhit nahin kar sake. 19 march, 1998 ko kangres dvara samarthan vapas lie jane ke bad unhen bhi pad chhodana pada. is prakar indr kumar gujaral lagabhag ek varsh tak bharat ke pradhanamntri rahe.

janm evn parivar

indr kumar ka janm 4 disambar, 1919 ko jhelam men hua tha, jo us samay pnjab prant ka avibhajit hissa tha. inake pita ka nam avatar narayan gujaral tatha mata ka nam shrimati pushpa gujaral tha. indr kumar gujaral ka vivah 26 mee, 1946 ko shila devi ke sath sampann hua. inake pita avatar narayan gujaral ne bharat ke svadhinata sngram men hissa liya tha. shri indr kumar gujaral svayn 12 varsh ki umr men hi svatntrata sngram men bhag lene lage the. 1931 men inhen british pulis ne giraphtar kar liya. yuva bachchon ko shasan ke viruddh bhadakane ke arop men pulis ne unhen buri tarah se pita. yah sab jhelam men hi hua tha. phir 1942 men bharat chhodo andolan ke samay 23 varsh ki umr men inhen jel bhi jana pada. gujaral ne bi. kaaum., em. e., pi. ech. di. evn di. lith. ki upadhiyan prapt ki hain. vah dhara pravah urdoo bolate hain aur urdoo kavy men bhi unaka yogadan raha. inake bhaee satish gujaral vikhyat pentar aur shilpakar hain. inaki patni shila devi kavayitri evn lekhika hain. inake do putr naresh evn vishal hain. inaki do pautriyan diksha aur divya tatha ek pautr anidhy gujaral hain.

rajanitik jivan

pradhanamntri pad par pahunchane se poorv shri gujaral ko kendr men rajyamntri ke taur par vibhinn mntralayon ko sambhalane ka mauqa bhi prapt hua. inhonne snchar evn snsadiy kary mntralay, soochana evn prasaran mntralay, sadak evn bhavan mntralay tatha yojana evn videsh mntralay ke kary bhi sambhale the. bad men inhonne rajanayik roop men indira gandhi ko apani sevaen pradan kin. indr kumar gujaral kangres parti ke sath lambe samay tak jude rahe. inhen inaki yogyata ke anuroop kangres men samman bhi prapt hua. lekin shrimati indira gandhi ke jivit rahate hi inhen kangres parti ki upeksha ka shikar bhi hona pada. lekin jab 1984 men shrimati indira gandhi ki hatya huee aur rajiv gandhi pradhanamntri to sthitiyan inake pratikool ho geen. rajiv gandhi ka jhukav yuvaon ki or zyada tha. jab shri gujaral ko laga ki kangres parti men unake lie koee sthan nahin rah gaya hai to unhonne kangres parti ka tyag karake janata dal men sthan grahan kar liya.

pradhanamntri pad par

samajavadi vicharadhara se poshit janata dal men ane ke bad indr kumar gujaral ka prabal bhagyoday hua. inhonne ech di devagauda ke mntrimndal men videsh mntralay ka karyabhar dekha. jab kangres in ne spasht kar diya ki vah devagauda ke pradhanamntri rahate hue snyukt morche ko samarthan jari nahin rakhegi, to indr kumar gujaral ke nam par sahamati bani aur vah pradhanamntri ban ge. devagauda ke vyaktitv men qarishmaee tevar nahin the aur n hi unake pas paryapt anubhav tha. lekin indr kumar gujaral ke pas prashasanik karyon ke alava shasan ka poorv anubhav bhi tha. vah vichar sampreshan kala men bhi mahir the. isake alava rajaniti men inaka pahala ghar kangres hi tha, jahan inhonne svayn ko sabit bhi kiya tha. klant abha vale devagauda ki tulana men gujaral ka vyaktitv nishchay hi akarshak kaha jana chahie.

vibhinn upalabdhiyan

rajanitik samikshakon ki ray thi ki indr kumar gujaral ek yogy, saksham aur anubhavi rajanitigy hain. tatkalin pradhanamntri shrimati indira gandhi bhi inake sath rajanayik charchaen karati thin. yah masko men bharat ke rajadoot bhi rah chuke hain. kangres men inaki chhavi yogy aur eemanadar vyakti ki thi. lekin rajanitigyon ne inake pradhanamntri banate hi yah kahana arambh kar diya ki gujaral bhi zyada samay tak pradhanamntri ke pad par nahin rahenge, kyonki kangres lambe samay tak filding nahin karana chahegi. indr kumar gujaral 21 aprail, 1997 se 19 march, 1998 tak bharat ke pradhanamntri pad par rahe, kyonki kangres ne en. di. e. se apana samarthan vapas le liya tha. lekin gujaral pradhanamntri ke roop men adhik sakriy rahe. inake pradhanamntri kal ki kuchh visheshataen nimnalikhit hain-

  • padosi desh pakistan ke sath lambe samay se sambandhon men tanav tha. gujaral videsh niti ke visheshgy the, is karan inhonne pakistan se sambandh sudharane ke kootanitik prayas kie.
  • gujaral ke karyakal men vittiy snkat tha. arthik vikas dar giravat ki or agrasar thi. inhonne arthik vikas ke lie sakaratmak yojanaen banaeen. lekin desh men pade akal ne arthavyavastha ka ganit adhik bigad diya. phir yah zyada samay tak pradhanamntri nahin rahe. lekin inake prayas asaradar hone ke atirikt eemanadarana bhi the.
  • kendriy sarakar ke asthir hone ke karan naukarashahi ka bhrashtachar apane charam par pahunch gaya tha. adhikarigan nirakunsh ho ge the aur sarakari kamakaz buri tarah prabhavit ho raha tha. gujaral ne prashasanik roop se naukarashahi par ankush lagane ka kary kiya.

nidhan

poorv pradhanamntri indr kumar gujaral ka 92 sal ki umr men 30 navambar 2012 ko nidhan ho gaya. gudaganv ke medanta aspatal men bharti rahe gujaral ki phephade men snkraman ki vajah se maut huee.



bharat ke pradhanamntri
Arrow-left.png poorvadhikari
devagauda ech. di.
indr kumar gujaral uttaradhikari
atal bihari vajapeyi
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh