एम. एस. स्वामीनाथन  हिन्दी देवनागरी में पढ़ें।

em. es. svaminathan
em. es. svaminathan
poora nam mnkombo sambasivan svaminathan
janm 7 agast, 1925
janm bhoomi kunbhakonam, tamilanadu
karm bhoomi bharat
karm-kshetr vaigyanik
puraskar-upadhi 'padm shri', 'padm bhooshan', 'padm vibhooshan', 'reman maigasese puraskar', vishv khady puraskar adi.
prasiddhi krishi vaigyanik
vishesh yogadan svaminathan ko "bharat men harit kranti ka agua" mana jata hai. unake prayatnon ka parinam yah hai ki bharat ki abadi men prativarsh poora ek aaustreliya sama jane ke bad bhi khadyannon ke mamale men vah atmanirbhar ban chuka hai.
nagarikata bharatiy
snbndhit lekh harit kranti, pnchavarshiy yojana
any janakari lndan ki raauyal sosayati sahit vishv ki 14 pramukh vigyan parishadon ne em. es. svaminathan ko apana manad sadasy chuna hai. anek vishvavidyalayon ne daauktaret ki upadhiyon se unhen sammanit kiya hai.
adyatan‎

em. es. svaminathan (angrezi: M. S. Swaminathan, janm: 7 agast, 1925, kumbhakonam, tamilanadu) anuvanshiki visheshgy aur antarrashtriy prashasak, jo bharat ki 'harit kranti' men apani mahattvapoorn bhoomika ke lie vikhyat hain. inhonne 1966 men maiksiko ke bijon ko pnjab ki ghareloo kismon ke sath mishrit karake uchch utpadakata vale gehoon ke snkar bij vikasit kie the. 'harit kranti' karyakram ke tahat zyada upaj dene vale gehoon aur chaval ke bij garib kisanon ke kheton men lagae ge the. is kranti ne bharat ko duniya men khadyann ki sarvadhik kami vale desh ke kalnk se ubarakar 25 varsh se kam samay men atmanirbhar bana diya tha. us samay se bharat ke krishi punarjagaran ne svaminathan ko 'krishi kranti andolan' ke vaigyanik neta ke roop men khyati dilaee. unake dvara sadabahar kranti ki or unmukh avalnbaniy krishi ki vakalat ne unhen avalnbaniy khady suraksha ke kshetr men vishv neta ka darja dilaya. em. es. svaminathan ko 'vigyan evn abhiyantriki' ke kshetr men 'bharat sarakar' dvara san 1967 men 'padm shri', 1972 men 'padm bhooshan' aur 1989 men 'padm vibhooshan' se sammanit kiya gaya tha.

harit kranti ke agua

bharat lakhon ganvon ka desh hai aur yahan ki adhikansh janata krishi ke sath judi huee hai. isake bavajood anek varshon tak yahan krishi se sambndhit janata bhi bhukhamari ke kagar par apana jivan bitati rahi. isaka karan kuchh bhi ho, par yah bhi saty hai ki british shasanakal men bhi kheti athava mazadoori se jude hue anek logon ko badi kathinaee se khana prapt hota tha. kee akal bhi pad chuke the. bharat ke sambndh men yah bhavana ban chuki thi ki krishi se jude hone ke bavajood bharat ke lie bhukhamari se nijat pana kathin hai. isaka karan yahi tha ki bharat men krishi ke sadiyon se chale a rahe upakaran aur bijon ka prayog hota raha tha. phasalon ki unnati ke lie bijon men sudhar ki or kisi ka dhyan hi nahin gaya tha.

em. es. svaminathan hi ve pahale vyakti the, jinhonne sabase pahale gehoon ki ek behatarin kism ko pahachana aur svikar kiya. is kary ke dvara bharat ko ann ke mamale men atmanirbhar banaya ja sakata tha. yah maiksikan gehoon ki ek kism thi, jise svaminathan ne bharatiy khadyann ki kami door karane ke lie sabase pahale apanane ke lie svikar kiya. isake karan bharat ke gehoon utpadan men bhari vriddhi huee. isalie svaminathan ko "bharat men harit kranti ka agua" mana jata hai. svaminathan ke prayatnon ka parinam yah hai ki bharat ki abadi men prativarsh poora ek aaustreliya sama jane ke bad bhi khadyannon ke mamale men vah atmanirbhar ban chuka hai. bharat ke khadyannon ka niryat bhi kiya hai aur nirntar usake utpadan men vriddhi hoti rahi hai.

samman aur puraskar

lndan ki raauyal sosayati sahit vishv ki 14 pramukh vigyan parishadon ne em. es. svaminathan ko apana manad sadasy chuna hai. anek vishvavidyalayon ne daauktaret ki upadhiyon se unhen sammanit kiya hai. svaminathan dvara prapt kie ge samman v puraskar is prakar hain[1]-

  1. 1971 men samudayik netritv ke lie 'maigsese puraskar'
  2. 1986 men 'albart ainstin varld sains puraskar'
  3. 1987 men pahala 'vishv khady puraskar'
  4. 1991 men amerika men 'tailar puraskar'
  5. 1994 men paryavaran takanik ke lie japan ka 'honda puraskar'
  6. 1997 men frans ka 'aaurdar du merit egrikol' (krishi men yogyatakram)
  7. 1998 men misoori baautenikal gardan (amarika) ka 'henari shaau padak'
  8. 1999 men 'vaaulvo intaraneshanal envayarament puraskar'
  9. 1999 men hi 'yoonesko gandhi svarg padak' se sammanit
  10. 'bharat sarakar ne em. es. svaminathan ko 'padmashri' (1967), 'padmabhooshan' (1972) aur 'padmavibhooshan' (1989) se sammanit kiya tha.

shodh kendr ki sthapana

vibhinn puraskaron aur sammanon ke sath prapt dhanarashi se em. es. svaminathan ne varsh 1990 ke dashak ke arnbhik varshon men 'avalnbaniy krishi tatha gramin vikas' ke lie chennee men ek shodh kendr ki sthapana ki. 'em. es. svaminathan risarch phaundeshan' ka mukhy udeshy bharatiy ganvon men prakriti tatha mahilaon ke anukool praudyogiki ke vikas aur prasar par adharit rojagar upalabdh karane vali arthik vikas ki rananiti ko badhava dena hai.

prabhavashali vyakti

faundeshan men svaminathan aur unake sahayogiyon dvara paryavaran praudyaugiki ke kshetr men kie ja rahe kary ko antarrashtriy manyata mili hai. svaminathan dakshin eshiya ke uttaradayitv ke sath paryavaran praudyogiki ke kshetr men yoonesko men bhi padasin rahe hain. unaki mahanh vidvatta ko svikarate hue inglaind ki raauyal sosaiti aur bangladesh, chin, itali, svidan, amarika tatha soviyat sngh ki rashtriy vigyan akadamiyon men unhen shamil kiya gaya hai. vah 'varld ekedami aauph sainsez' ke snsthapak sadasyon men se ek hain. 1999 men taim patrika ne svaminathan ko 20vin sadi ke 20 sabase prabhavashali eshiyaee vyaktiyon men se ek bataya tha.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 bharat gyanakosh, khand-6 |lekhak: indu ramachndani |prakashak: ensaiklopidiya britainika praivet limited, nee dilli aur paaupyular prakashan, mumbee |snkalan: bharatakosh pustakalay |prishth snkhya: 132 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah