ओंकारनाथ ठाकुर  हिन्दी देवनागरी में पढ़ें।

onkaranath thakur
onkaranath thakur
poora nam onkaranath thakur
janm 24 joon, 1897
janm bhoomi jahaj, badauda rajy
mrityu 29 disnbar, 1967
mrityu sthan bharat
abhibhavak gaurishnkar thakur
pati/patni indira devi
karm-kshetr hindustani shastriy gayak
puraskar-upadhi sngit natak akadami puraskar, sngit martnd, sngit mahamahoday, padm shri
nagarikata bharatiy
pramukh git main nahin makhan khayo, maiya mori..., ‘vandemataramh...’
any janakari san 1934 men onkaranath thakur ne mumbee men ‘sngit niketan’ ki sthapana ki.
adyatan‎

pandit onkaranath thakur (angrezi: Pt. Omkarnath Thakur, janm: 24 joon, 1897 - mrityu: 29 disnbar, 1967) bharat ke prasiddh sngitgy evn hindustani shastriy gayak the. inaka sambandh gvaliyar gharane se tha.

jivan parichay

onkaranath ke dada mahashnkar ji aur pita gaurishnkar ji nana sahab peshava ki sena ke vir yoddha the. ek bar unake pita ka sampark alonibaba ke nam se vikhyat ek yogi se hua. in mahatma se diksha lene ke bad se gaurishnkar ke parivar ki disha hi badal gee. ve pranav-sadhana arthath onkar ke dhyan men rahane lage. tabhi 24 joon, 1897 ko unaki chauthi santan ne janm liya. onkar-bhakt pita ne putr ka nam onkaranath rakha.[1]

sngit shiksha

janm ke kuchh hi samay bad yah parivar badauda rajy ke jahaj gram se narmada tat par bhadauch namak sthan par akar bas gaya. onkaranath ji ka lalan-palan aur prathamik shiksha yahin sampann huee. inaka bachapan abhavon men bita. yahan tak ki kishoravastha men onkaranath ji ko apane pita aur parivar ke sadasyon ke bharan-poshan ke lie ek mil men naukari karani padi. onkaranath ki ayu jab 14 varsh thi, tabhi unake pita ka dehant ho gaya. unake jivan men ek nirnayak mod tab aya, jab bhadauch ke ek sngit-premi seth ne kishor onkar ki pratibha ko pahachana aur unake bade bhaee ko bula kar sngit-shiksha ke lie bambee ke vishnu digambar sngit mahavidyalay bhejane ko kaha. pandit vishnu digambar paluskar ke margadarshan men unaki sngit-shiksha arambh huee.[1]

vivah

1922 men soorat ki indira devi se unaka vivah hua. usake bad ve nepal gaye, jahan maharaj chndrashamasher jngabahadur ke samaksh unako gayan prastut karane ka avasar mila. maharaj ne unhen bharapoor samman, bhent vastuen tatha dhan to diya hi, sath hi darabar men gayak ke roop men niyukti dene ka bhi prastav rakha, parntu onkaranathaji ne darabari gayak banana svikar nahin kiya. ve us samay itali, jarmani, haaulaind, beljiyam, phrans, inglaind, svitjaralaind aur afaganistan bhi gaye. roos jate samay unhen apani patni ke achanak nidhan ka samachar mila, to ve vapas laut aye. bahut logon ke kahane ke bavajood onkaranath thakur ne patni ke nidhan ke bad punarvivah nahin kiya aur ekaki jivan bitane lage. unake shishy hi unake lie putr-putri saman ho gaye the. phir unhonne munbee men sngit niketan ki sthapana ki.[2]

guru-shishy parampara

vishnu digambar sngit mahavidyalay, mumbee men pravesh lene ke bad onkaranath ji ne vahan ke panch varsh ke pathyakram ko tin varsh men hi poora kar liya aur isake bad guru ji ke charanon men baith kar guru-shishy parampara ke antargat sngit ki gahan shiksha arjit ki. 20 varsh ki ayu men hi ve itane parngat ho ge ki unhen lahaur ke gandharv sngit vidyalay ka pradhanachary niyukt kar diya gaya. 1934 men unhonne mumbee men ‘sngit niketan’ ki sthapana ki. 1940 men mahamana madanamohan malaviy unhen kashi hindoo vishvavidyalay ke sngit snkay ke pramukh ke roop men bulana chahate the kintu arthabhav ke karan n bula sake. bad men vishvavidyalay ke ek dikshant samaroh men shamil hone jab pandit ji ae to unhen vahan ka vatavaran itana achchha laga ki ve kashi men hi bas ge. 1950 men unhonne kashi hindoo vishvavidyalay ke gandharv mahavidyalay ke pradhanachary ka pad-bhar grahan kiya aur 1957 men sevanivritt hone tak vahin rahe.[1] firoj dastoor, jiten ghosh dastidar, pi.en barve, en. rajam, rajabhaoo sonatakke, subhadra kulashreshth, atul desaee, nalini gajendr gadakar, premalata sharma, yashavnt ray purohit, balavnt ray bhatt, shivakumar shukla, kanakaray trivedi adi anek pratibhavan kalakar pn. onkaranath thakur ki chhatrachhaya men hi pragati karate gaye.[2]

prabhavashali gayan

pandit onkaranath thakur ka jitana prabhavashali vyaktitv tha utana hi asaradar unaka sngit bhi tha. ek bar mahatma gandhi ne unaka gayan sun kar tippani ki thi- “pandit ji apani matr ek rachana se jan-samooh ko itana prabhavit kar sakate hain, jitana main apane anek bhashanon se bhi nahin kar sakata.” unhonne ek bar sar jagadish chandr basu ki prayogashala men ped-paudhon par sngit ke svaron ke prabhav vishay par abhinav aur saphal prayog kiya tha. jab ve sooradas ka pad- ‘main nahin makhan khayo, maiya mori...’ gate the to poore shrota samuday ki ankhen ansuon se bhig jati thin. is pad ko gate samay pandit ji sahity ke sabhi rason se sakshatkar karate the.[1]

kalajayi rachana

pandit onkaranath thakur ki kalajayi rachanaon men ek mahattvapoorn rachana hai, ‘vandemataramh...’. bnkimachandr chattopadhyay ki yah amar rachana, svatntr bharat ke pratham sooryoday par pandit ji ke svaron se alnkrit hokar rediyo se prasarit huee thi. age chal kar ‘vandemataramh...’ git ke arambhik do antaron ko bharat ki snvidhan sabha ne rashtragit ke samakaksh manyata pradan ki thi.

'vandemataram' ka gayan

15 agast, 1947 ko pratah 6:30 baje akashavani se pandit onkaranath thakur ka rag- desh men nibaddh 'vandemataram' ke gayan ka sajiv prasaran hua tha. azadi ki suhani subah men deshavasiyon ke kanon men rashtrabhakti ka mntr phoonkane men 'vandemataram' ki bhoomika avismaraniy thi. onkaranath ji ne poora git stoodiyo men khade hokar gaya tha; arthath unhonne ise rashtragit ke taur par poora samman diya. is prasaran ka poora shrey saradar ballabh bhaee patel ko jata hai. pandit onkaranath thakur ka yah git 'di gramophon kampani aauf indiya' ke rikaaurd snkhya STC 048 7102 men maujood hai.[3]

rashh‍triy git ki manyata

samman men jari dak tikat

24 janavari, 1950 ko snvidhan sabha ne nirnay liya ki svatntrata sngram men 'vandemataram' git ki ullekhaniy bhoomika ko dekhate hue is git ke pratham do antaron ko 'jan gan man..' ke samakaksh manyata di jay. daau. rajendr prasad ne snvidhan sabha ka yah nirnay sunaya. "vandemataram' ko rashtragan ke samakaksh manyata mil jane par anek mahattvapoorn rashtriy avasaron par 'vandemataram' git ko sthan mila. aj bhi 'akashavani' ke sabhi kendron ka prasaran 'vandemataram' se hi hota hai. aj bhi kee sanskritik aur sahityik snsthaon men 'vandemataram' git ka poora-poora gayan kiya jata hai.[3]

samman aur puraskar

sngit natak akadami puraskar, sngit martnd, sngit mahamahoday aur padm shri ki upadhiyon aur anaginat puraskaron tatha sammanon se vibhooshit pn. onkaranath thakur ek abhinay kushal gayak the. ve sammohit kar lete the apane shrotaon ko. pakshaghat tatha any bimariyon se joojhate hue pn. onkaranath thakur 29 disnbar 1967 ko is nashvar snsar ko chhod ge, parntu unake gayan ke anaginat rikaaurd aur tep aj bhi lakhon sngit premiyon ke hriday men unhen jivit rakhe hue hain.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 115vin jayanti par sngit-martand onkaranath thakur ka smaran (hindi) (ech.ti.em.el) rediyo plebak indiya (blaaug). abhigaman tithi: 20 aktoobar, 2012.
  2. 2.0 2.1 2.2 sngit ki ek mahanh virasat chhod ge pn. onkaranath thakur (hindi) (ech.ti.em.el) hindi midiya in. abhigaman tithi: 20 aktoobar, 2012.
  3. 3.0 3.1 'vandemataram' git ka ek aur navin prayog (hindi) (ech.ti.em.el) avaz. abhigaman tithi: 29 disambar, 2012. 

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah