कंचनजंघा  हिन्दी देवनागरी में पढ़ें।

knchanajngha

knchanajnga sikkim-nepal sima par 28,146 phut ooncha, gaurishnkar (evarest) parvat ke bad vishv ka doosara sarvochch parvat shikhar hai. is parvat ki bhoogarbhiy sthiti himalay ki mukhy shreni ke sadrish hai. yah tibbat evn bharat ki jal vibhajak rekha ke dakshin men sthit hai. isilie isaki uttari dhal ki nadiyan bhi bharatiy maidan men girati hain. knchanajnga tibbati shabd hai, jisaka shabdik arth 'mahan himaniyon ke panch atikraman' hai, jo isaki panch chotiyon se snbndhit hai. isaka doosara nam 'kongalochu' hai, jisaka shabdik arth 'barf ka sarvochch parda' hai.[1]

namakaran

'knchanajngha' nam ki utpatti tibbati mool ke char shabdon se huee hai, jinhen amataur par 'kang-chhenh-djo-nga' ya 'yang-chhen-djo-nga' likha jata hai. sikkim men isaka arth 'vishal him ki panch nidhiyan' lagaya jata hai. knchanajngha nepali men 'kunbhakaran lngoor' kahalata hai. yah vishv ka doosara sabase ooncha pahad (8,586 mitar) hai.

sthiti

yah parvat darjiling se 74 kilomitar uttar-pashchimottar men sthit hai. knchanajngha sikkim v nepal ki sima ko chhoone vale bharatiy pradesh men himalay parvatashreni ka ek hissa hai. isaka akar ek vishalakay salib ke roop men hai, jisaki bhujaen uttar, dakshin, poorv aur pashchim men sthit hain. alag-alag khade shikhar apane nikatavarti shikhar se char mukhy parvatiy katakon ke dvara jude hue hain, jinase hokar char himanad bahate hain-

  1. jemu (poorvottar)
  2. talung (dakshin-poorv)
  3. yalung (dakshin-pashchim)
  4. knchanajngha (pashchimottar)

pauranik kathaon aur sthaniy nivasiyon ke dharmik anushthanon men is parvat ka mahattvapoorn sthan hai aur isaki dhalan kisi prathamik sarvekshan se sadiyon pahale charavahon aur vyapariyon ke lie jani-pahachani thi.

manachitr

knchanajngha ka pahala paripathatmak manachitr 19vin shatabdi ke madhy men ek vidvanh anveshanakarta rinazin namagyal ne taiyar kiya tha. 1848 v 1849 men ek vanaspatishastri sar jozef hukar is kshetr men ane vale aur isaka varnan karane vale pahale yooropiy the. 1899 men anveshanakarta-parvatarohi dagalas freshafild ne is parvat ki parikrama ki thi. 1905 men ek englo-svis dal ne prastavit yalung ghati marg se jane ka prayas kiya aur is abhiyan men himaskhalan hone se dal ke char sadasyon ki mrityu ho gee.

knchanajngha

any hisson ki khoj

bad men parvatarohiyon ne is parvat samooh ke any hisson ki khoj ki. 1929 aur 1931 men paaul boer ke netritv men ek baveriyaee abhiyan dal ne zemoo ki or se is par chadhaee ka asaphal prayas kiya. in anveshanon ke dauran 1931 men us samay tak hasil ki gee sarvadhik oonchaee 7,700 mitar thi. in abhiyanon men se do ke dauran ghatak durghatanaon ne is parvat ko asamany roop se khataranak aur kathin parvat ka nam de diya. isake bad 1954 tak is par chadhane ka koee prayas nahin kiya gaya, phir nepal sthit yalung ki or se is par dhyan kendrit kiya gaya. 1951, 1953 aur 1954 men gilamor levis ki yalung yatraon ke phalasvaroop 1955 men raauyal jiograifikal sosaiti aur elpain klab (landan) ke tatvadhan men charls ivan ke netritv men british abhiyan dal ne is par chadhane ka prayas kiya aur ve sikkim ke logon ke dharmik vishvason evn ichchhaon ka adar karate hue mukhy shikhar se kuchh qadam ki doori par hi ruk ge.

Kanchenjunga-1.jpg


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. knchanajnga (hindi) bharatakhoj. abhigaman tithi: 25 march, 2014.

snbndhit lekh