कनकलता बरुआ  हिन्दी देवनागरी में पढ़ें।

kanakalata barua
kanakalata barua ki pratima
poora nam kanakalata barua
janm 22 disnbar, 1924
janm bhoomi asam
mrityu 20 sitambar, 1942
abhibhavak krishnakant barua, karneshvari devi
nagarikata bharatiy
prasiddhi svatntrata senani
vishesh mee, 1931 men gameri ganv men raiyat sabha ayojit ki gee thi. us samay kanakalata keval sat varsh ki thin. phir bhi sabha men apane mama devendranath aur yaduram bos ke sath bhag liya.
any janakari shahid muknd kakoti ke shav ka tejapur nagarapalika ke karmachariyon ne gupt roop se dah snskar kar diya tha, kintu kanakalata ka shav svatntrata senani kndhon par uthakar le jane men saphal rahe.

kanakalata barua (angrezi: Kanakalata Barua; janm- 22 disnbar, 1924; shahadat- 20 sitambar, 1942) bharat ki aisi shahid putri thin, jo bharatiy viranganaon ki lnbi katar men ja milin. matr 18 varshiy kanakalata any balidani viranganaon se umr men chhoti bhale hi rahi hon, lekin tyag v balidan men unaka kad kisi se kam nahin. ek gupt sabha men 20 sitnbar, 1942 ee. ko tejapur ki kachahari par tirnga jhnda phaharane ka nirnay liya gaya tha. tirnga phaharane aee huee bhid par goliyan dagi geen aur yahin par kanakalata barua ne shahadat paee.

jivan parichay

kanakalata barua ka janm 22 disnbar, 1924 ko asam ke krishnakant barua ke ghar men hua tha. ye banragabadi ganv ke nivasi the. inaki mata ka nam karneshvari devi tha. kanakalata matr panch varsh ki huee thi ki unaki mata ki mrityu ho gee. unake pita krishnakant ne doosara vivah kiya, kintu sanh 1938 ee. men unaka bhi dehant ho gaya. kuchh din pashchath sauteli man bhi chal basi. is prakar kanakalata alpavay men hi anath ho gee. kanakalata ke palan–poshan ka dayitv usaki nani ko snbhalana pada. vah nani ke sath ghar-grihasthi ke karyon men hath bntati aur man lagakar padhaee bhi karati thi. itane visham parivarik paristhitiyon ke bavajood kanakalata ka jhukav rashtriy svadhinata andolan ki or hota gaya.

rashtr bhakti ki bhavana

jab mee 1931 ee. men gameri ganv men raiyat sabha ayojit ki gee, us samay kanakalata keval sat varsh ki thi. phir bhi sabha men apane mama devendr nath aur yaduram bos ke sath usane bhi bhag liya. ukt sabha ke ayojan ka prabndh vidyarthiyon ne kiya tha. sabha ke adhyaksh prasiddh neta jyoti prasad agraval the. unake alava asam ke any pramukh neta bhi is sabha men sammilit hue the. jyoti prasad agaravala rajasthani the. ve asam ke prasiddh kavi aur navajagaran ke agradoot the. unake dvara asamiya bhasha men likhe git ghar–ghar men lokapriy the. agaravala ke giton se kanakalata bhi prabhavit aur prerit huee. in giton ke madhyam se kanakalata ke bal–man par rashtr–bhakti ka bij ankurit hua.

svatntrata sngram men yogadan

sanh 1931 ke raiyat adhiveshan men bhag lene valon ko rashtradroh ke arop men bndi bana liya gaya. isi ghatana ke karan asam men kranti ki ag charon or phail gee. mahatma gandhi ke 'asahayog andolan' ko bhi usase bal mila. mumbee ke kangres adhiveshan men 8 agast, 1942 ko ‘angrejon bharat chhodo’ prastav parit hua. yah british ke viruddh desh ke kone-kone men phail gaya. asam ke shirsh neta munbee se lautate hi pakadakar jel men dal diye gaye. gopinath baradalai, siddhanath sharma, maulana taiyabulla, vishnuram medhi adi ko jel men bnd kar die jane par mohikant das, gahan chndr gosvami, maheshvar bara tatha any logon ne andolan ki bagador snbhali. ant men jyoti prasad agaravala ko netritv snbhalana pada. unake netritv men gupt sabha ki gee. phalatah andolan ko nee disha mili. pulis ke atyachar badh ge aur svatntrata senaniyon se jelen bhar gee. kee logon ko pulis ki goli ka shikar banana pada. shasan ke daman chakr ke sath andolan bhi badhata gaya.

thane par tirnga phaharane ka nirnay

ek gupt sabha men 20 sitnbar, 1942 ee. ko tejapur ki kachahari par tirnga jhnda phaharane ka nirnay liya gaya. us samay tak kanakalata vivah ke yogy ho chuki thin. unake abhibhavak unaka vivah karane ko utsuk the. kintu vah apane vivah ki apeksha bharat ki ajadi ko adhik mahattvapoorn man chuki thin. bharat ki ajadi ke lie vah kuchh bhi karane ko tatpar thin. 20 sitnbar, 1942 ke din tejapur se 82 mil door gahapur thane par tirnga phaharaya jana tha. subah-subah ghar ka kam samapt karane ke bad vah apane gntavy ki or chal padin. kanakalata atm balidani dal ki sadasya thin. gahapur thane ki or charon dishaon se juloos umad pada tha. us atm balidani jatthe men sabhi yuvak aur yuvatiyan thin. donon hathon men tirnga jhnda thame kanakalata us juloos ka netritv kar rahi thin. juloos ke netaon ko sndeh hua ki kanakalata aur usake sathi kahin bhag n jaen. sndeh ko bhanp kar kanakalata sherani ke saman garaj uthi- "ham yuvatiyon ko abala samajhane ki bhool mat kijie. atma amar hai, nashavan hai to matr sharir. atah ham kisi se kyon daren ?" ‘karenge ya marenge’ ‘svatntrata hamara janmasiddh adhikar hai’, jaise nare se akash ko gunjati huee thane ki or badh chalin. atm balidani jattha thane ke qarib ja pahuncha. pichhe se juloos ke gaganabhedi naron se akash goonjane laga. us jatthe ke sadasyon men thane par jhnda phaharane ki hod-si mach gee. har ek vyakti sabase pahale jhnda phaharane ko bechain tha. thane ka prabhari pi. em. som juloos ko rokane ke lie samane a khada hua. kanakalata ne usase kaha- "hamara rasta mat rokie. ham apase sngharsh karane nahin ae hain. ham to thane par tirnga phaharakar svatntrata ki jyoti jalane ae hain. usake bad ham laut jayenge."

shahadat

thane ke prabhari ne kanakalata ko dantate hue kaha ki yadi tum log ek inch bhi age badhe to goliyon se uda die jaoge. isake bavajood bhi kanakalata age badhin aur kaha- "hamari svatntrata ki jyoti bujh nahin sakati. tum goliyan chala sakate ho, par hamen kartavy vimukh nahin kar sakate." itana kah kar vah jyon hi age badhi, pulis ne juloos par goliyon ki bauchhar kar di. pahali goli kanakalata ne apani chhati par jheli. goli bogi kachhari namak sipahi ne chalaee thi. doosari goli mukund kakoti ko lagi, jisase usaki tatkal mrityu ho gee. in donon ki mrityu ke bad bhi goliyan chalati rahin. parinamatah hemakant barua, khargeshvar barua, sunishvar rajakhova aur bhola baradalai gnbhir roop se ghayal ho ge. un yuvakon ke man men svatntrata ki akhnd jyoti prajvalit thi, jisake karan goliyon ki paravah n karate hue ve log age badhate ge. kanakalata goli lagane par gir padi, kintu usake hathon ka tirnga jhuka nahin. usaki sahas v balidan dekhakar yuvakon ka josh aur bhi badh gaya. kanakalata ke hath se tirnga lekar goliyon ke samane sina tanakar vir balidani yuvak age badhate gaye. ek ke bad ek girate ge, kintu jhnde ko n to jhukane diya n hi girane diya. use ek ke bad doosare hath men thamate ge aur ant men ramapati rajakhova ne thane par jhnda phahara diya gaya.

antim snskar

shahid muknd kakoti ke shav ko tejapur nagarapalika ke karmachariyon ne gupt roop se dah–snskar kar diya, kintu kanakalata ka shav svatntrata senani apane kndhon par uthakar usake ghar tak le jane men saphal ho ge. usaka antim snskar banragabadi men hi kiya gaya. apane pranon ki ahuti dekar usane svatntrata sngram men aur adhik majabooti laee. svatntrata senaniyon men usake balidan se naya josh utpann hua. is tarah anek balidaniyon ka balidan hamari svatntrata ki ninv ke patthar hain. unake tyag aur balidan ki buniyad par hi svatntrata roopi bhavan khada hai. banragabadi men sthapit kanakalata maaudal garls haeeskool jo kanakalata ke atm–balidan ki smriti men banaya gaya hai, aj bhi yah bhavan svatntrata ki raksha karane ki prerana de raha hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh