कमला नेहरू  हिन्दी देवनागरी में पढ़ें।

kamala neharoo
kamala neharoo
poora nam kamala kaul neharoo
janm 1 agast, 1899
janm bhoomi dilli
mrityu 28 faravari, 1936
mrityu sthan svitzaralaind
abhibhavak javaharamal kaul, rajapati kaul
pati/patni javahar lal neharoo
sntan indira gandhi
karm bhoomi bharat
nagarikata bharatiy
andolan asahayog andolan (1921)
any janakari kamala neharoo ne mahatma gandhi ki aitihasik dandi yatra men bhi bhag liya. 1921 ke asahayog andolan men unhonne videshi vastr tatha sharab ki bikri karane vali dukanon ka gherav kiya.

kamala kaul neharoo (angrezi: Kamala Kaul Nehru, janm- 1 agast, 1899, dilli; mrityu- 28 faravari, 1936, svitzaralaind) bharatiy rashtriy kangres ke shirsh netaon men se ek aur desh ke pratham pradhanamntri rahe pandit javaharalal neharoo ki patni thin. kamala neharoo ko aj bhi saumyata aur vinamrata ki pratimoorti ke roop men yad kiya jata hai, kintu desh ke ek samriddh aur sammanit parivar ki bahoo hone par bhi kamala neharoo parivar men svayn ko ajanabi mahasoos karati rahin. british prashasan ne unhen do bar giraftar bhi kiya. unhonne mahatma gandhi ki aitihasik dandi yatra men bhi bhag liya tha.

kamala neharoo

parichay

kamala neharoo dilli ke pramukh vyapari pndit 'javaharalalamal' aur rajapati kaul ki beti thin. ek bharatiy parnparagat kashmiri brahman parivar men kamala ka janm 1 agast, 1899 ko dilli men hua tha. kamala kaul ke do chhote bhaee aur ek chhoti bahan thi jinake nam kramash:- chndabahadur kaul, kailashanath kaul aur svaroop katjoo thi. kamala kaul ka satrah sal ki chhoti si umr men hi vivah 8 pharavari 1916 ko javaharalal neharoo se ho gaya tha. unaka poora nam kamala kaul neharoo tha. british lekhika kaitharin prainsak ne apani pustak 'indira: d laiph aauph indira neharoo gandhi' men likha hai ki dilli ke parnparavadi hindoo brahman parivar se sambndh rakhane ke karan hindoo snskar kamala neharoo ke charitr ka ek pramukh hissa the lekin pashchimi parivesh vale neharoo khanadan men unhen ekadam viparit mahaul mila jisamen vah khud ko alag thalag mahasoos karati rahin. unaki beti tatha desh ki pahali mahila pradhanamntri indira gandhi ke jivan par pustaken likhane vale lekhakon ne apani pustakon men is bat ka pramukhata se ullekh kiya hai ki kamala neharoo ki dharmik bhavanaon ko neharoo khanadan men samajha nahin gaya aur vah sadaiv us parivar men khud ko ajanabi mahasoos karati rahin. itana sab hone par bhi kamala neharoo ne svatntrata sngram men apane pati javaharalal neharoo ka kndhe se kndha milakar sath diya. neharoo ke rashtriy andolan men koodane par kamala neharoo ko bhi apani kshamata dikhane ka avasar mila.

andolanon men bhag

1921 ke asahayog andolan men unhonne ilahabad men mahilaon ka ek samooh gathit kiya aur videshi vastr tatha sharab ki bikri karane vali dukanon ka gherav kiya. itihasakaron ka kahana hai ki kamala neharoo men gazab ka atmavishvas aur netritv kshamata thi. jab unake pati ko ek bar rashtradrohi bhashan dene ke arop men giraftar kar liya gaya to vah unaki jagah gayin aur kamala ji ne neharoo ji ka bhashan padha.

giraftari

motilal neharoo (daen khade) apane bete javaharalal, bahoo kamala neharoo (bich men) aur parivar ke any sadasyon ke sath

british prashasan ne unhen do bar giraftar bhi kiya. unhonne mahatma gandhi ki aitihasik dandi yatra men bhi bhag liya. saumy, chharahari tatha vinamrata ki moorti kamala neharoo ne 19 navambar 1917 men beti indira priyadarshani ko janm diya jinhonne apane pita ki tarah hi bharat ka netritv kiya aur kangres parti ki adhyaksh bhi rahin. kamala ne navnbar 1924 men ek ladake ko bhi janm diya tha, kintu vah samay se pahale paida ho gaya aur 2 din bad hi usaka nidhan ho gaya.

mahatma gandhi ke ashram men

kamala neharoo ne kuchh samay kastooraba gandhi ke sath mahatma gandhi ke ashram men bhi vyatit kiya, jahan unaki jayaprakash narayan ki patni prabhavati devi se gahari mitrata ho gayi thi.

nidhan

28 pharavari, 1936 ko svitazaralaind men kamala neharoo ki behad kam umr men tibi se mrityu ho gayi. ti. bi. us samay bhaynkar bimari mani jati thi. unake pati shri javaharalal neharoo us samay jel men the.

neharooji ji ka patni prem

lekhak ke nate pahali chij jise neharooji moolyavan manate hain vah hai insani rishta. insani rishte ko rajaniti aur arthashastr ki bahason ke bahane nazarandaz nahin karana chahie. khasakar pati-patni ke snbndhon ke bich insani rishton ka ehasas rahana chahie. neharooji ne rekhankit kiya hai ki bharat aur chin men insani rishton ke ehasas ko nazar-andaz nahin kiya gaya. yah hamari purani aklamnd tahazib ki den hai. insani ehasas vyakti men sntulan aur ham-vazanipan paida karata hai. neharooji likh rahe hain ki in dinon yah ehasas kam ho gaya hai. isi kram men neharooji ne likha "yaqini taur par ise mumakin hona chahie ki bhitari sntulan ka bahari tarakki se, purane zamane ke gyan ka naye jamane ki shakti aur vigyan se mel qayam ho. sach dekha jay, to ham log duniya ke itihas ki ek si mnzil par pahunch ge hain ki agar yah mel n qayam ho saka, to donon ka hi ant aur nash rakha hua hai." neharooji chahate the ham manav-sabhyata ki ab tak ki sabhi mahanh upalabdhiyon ko atmasat karake vikas karen. kamala ke bare men unaka lekhan isalie bhi mahatvapoorn hai kyonki ve use apani patni ke rup men nahin dekhate the, ve use bharat ki auraton ka pratik manate the.

javaharalal neharoo apani patni kamala neharoo aur beti indira gandhi ke sath

neharooji ne apani patni kamala neharoo ke lie likha "mere lie vah hindustan ki mahilaon, balki stri-matr, ki pratik ban gee. kabhi-kabhi hindustan ke bare men meri kalpana men vah ek azib tarah se mil-jul jati, us hindustan ki kalpana men, jo apani sab kamazoriyon ke bavajood hamara pyara desh hai, aur jo itana rahasyamay aur bhed-bhara hai. kamala kya thi ? kya main use jan saka tha, usaki asali atma ko pahachan saka tha? kya usane mujhe pahachana aur samajha tha ? kyonki main bhi anokha adami raha hoon aur mujhamen bhi aisa rahasy raha hai, aisi gaharaeeyan rahi hain, jinaki thah main khud nahin laga saka hoon. kabhi-kabhi mainne khayal kiya hai ki vah mujhase isi vajah se zara sahami rahati thi. shadi ke mamale men main khatir-khah adami n raha hoon, n us vakt tha. kamala aur main, ek-doosare se kuchh baton men bilakul zuda the, aur phir bhi kuchh baton men ham ek-jaise the. ham ek-doosare ki kamiyon ko poora nahin karate the. hamari juda-juda takat hi apas ke vyavahar men kamazori ban gee. ya to apas men poora samajhauta ho, vicharon ka mel ho, nahin to kathinaeeyan to hongi hi. ham men koee bhi sadharan grihasthi ki zindagi gujare, use kubool karate hue, nahin bita sakate the."
kamala neharoo ki bimari ke samay pndit neharoo unake sath rahe aur unaki dekhabhal bhi ki, yah ekamatr unake karib rahane aur ek-doosare se sheyar karane ka sabase behatarin samay tha. kamala ki khoobi thi ki vah nidar aur nishkapat thin. ve neharooji ke rajanitik lakshyon ko janati, manati aur usamen yathashakti madad bhi karati thi. sanh 1930 men jab kangres ke sabhi neta jelon men bnd the unhonne rajaniti men jamakar ruchi dikhaee. majedar bat yah thi us samay sare desh men auraten sadakon par sngharsh ke maidan men utar padin, in auraton men kamala bhi thin. maidan men utarane vali auraton men sabhi vargon aur samudayon ki auraten thin. neharooji ne 'hindustan ki kahani' men isaka jikr kiya hai. us samay motilal neharoo ne bimari ki halat men kangres ke andolan ka netritv kiya aur badi snkhya men auraton ne us andolan men hissa liya. yah ghatana 26 janavari 1931 ki hai. is din sare desh men azadi ki salagirah manane ka phaisala liya gaya. desh men hajaron jalase hue unamen ek yadagar prastav pas kiya gaya. yah prastav har soobe ki bhasha men tha. kamala ne isake pahale 1921 ke asahayog andolan men bhag liya. kamala dikhane men samany thin, lekin karmathata ke mamale men asadharan thi. unaki kshayarog ke karan 28 faravari 1936 men svitajaralaind men mrityu huee. neharooji ne antim samay ka varnan karate hue likha hai, "jyon-jyon akhiri din bitane lage, kamala men achanak tabadili ati jan padi. usake jism ki halat, jahan tak ham dekh sakate the, vaisi hi thi, lekin usaka dimag apane ird-gird ki chizon par kam thaharata. vah mujhase kahatin ki koee use bula raha hai ya ki usane kisi shaql ya adami ko kamare men ate dekha, jabaki main kuchh n dekh pata tha. 28 faravari ko, bahut sabere usane apani akhiri sans li. indira vahan maujood thi, aur hamare sachche dost aur in mahinon ke nirntar sathi daktar atal bhi maujood the. kuchh aur mitr svitajaralaind ke pas ke shaharon se a ge aur ham use lozan ke dahaghar men le ge. chnd minaton men vah sundar sharir aur pyara mukhada, jis par akasar muskarahat chhaee rahati thi, jalakar khak ho gaya. aur ab hamare pas sirf ek baratan raha, jisamen us satej, abadar aur jivan se lahalahate pranon ki asthiyan hamane bhar li thin."
neharoo jab kamala ki asthiyan lekar laut rahe the to unaka man ekadam khinn aur udas tha, us kshan ko yad karate hue likha hai, "mainne aisa mahasoos kiya ki mujhamen kuchh nahin rah gaya hai aur main bina kisi makasad ka ho gaya hoon. main apane ghar ki taraf akela laut raha tha, us ghar ki taraf jo ab ghar nahin rah gaya tha, aur mere sath ek tokari thi, jisamen rakh ka ek baratan tha. kamala ka jo kuchh bach raha tha, yahi tha. aur hamare sab sukh sapane mar chuke the aur rakh ho chuke the. vah ab nahin rahi, kamala ab nahin rahi- mera dimag yahi duharata raha." neharooji ne apani atmakatha kamala ko samarpit karake behatarin shraddhanjali di.[1]

inhen bhi dekhen: neharoo-gandhi parivar vriksh


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. svadhinata senani kamala neharu (hindi) jagadishvar chaturvedi ki fesabuk vaaul. abhigaman tithi: 2 faravari, 2015.

bahari kadiyan

snbndhit lekh