करतार सिंह सराभा  हिन्दी देवनागरी में पढ़ें।

karatar sinh sarabha
karatar sinh sarabha
janm 24 mee, 1896
janm bhoomi ludhiyana, pnjab
mrityu 16 navambar, 1915
mrityu karan phansi
abhibhavak mngal sinh (pita), mata sahib kaur (mata)
nagarikata bharatiy
prasiddhi svatntrata senani
shiksha haee skool
bhasha hindi, angrezi, pnjabi
vishesh yogadan sarabha ne lahaur, firojapur, layalapur evn amritasar adi chhavaniyon men ghoom-ghoomakar pnjabi sainikon ko sngathit karake unhen viplav karane hetu prerit kiya.
any janakari bhaee paramanand ji ne sarabha ke jel ke jivan ka varnan karate hue likha hai, "sarabha ko kothari men bhi hathakadiyon aur bediyon se yukt rakha jata tha. unase sipahi bahut darate the.

karatar sinh sarabha (angrezi: Kartar Singh Sarabha, janm- 24 mee, 1896, ludhiyana; mrityu- 16 navambar, 1915) bharat ke prasiddh krantikariyon men se ek the. unhen apane shaury, sahas, tyag evn balidan ke lie hamesha yad kiya jata rahega. mahabharat ke yuddh men jis prakar vir abhimanyu ne kishoravastha men hi kartavy ka palan karate hue mrityu ka alingan kiya tha, usi prakar sarabha ne bhi abhimanyu ki bhanti keval unnis varsh ki ayu men hi hnsate-hnsate desh ke lie apane jivan ka balidan kar diya. unake shaury evn balidan ki marmik gatha aj bhi bharatiyon ko prerana deti hai aur deti rahegi. yadi aj ke yuvak sarabha ke bataye hue marg par chalen, to n keval apana, apitu desh ka mastak bhi ooncha kar sakate hain.

janm tatha shiksha

karatar sinh sarabha ka janm pnjab ke ludhiyana zile ke 'saraba' namak gram men 'mata sahib kaur' ke garbh se hua tha. unake pita ka nam mngal sinh tha, jinake do bhaee the- unamen se ek uttar pradesh men inspektar ke pad par pratishthit tha tatha doosara bhaee udisa men van vibhag ke adhikari ke pad par karyarat tha. sarabha ki ek chhoti bahan bhi thi, jisaka nam dhann kaur tha. us samay udisa, bngal rajy ke antargat ata tha. balyavastha men hi sarabha ke pita ka svargavas ho gaya tha. unake dada badan sinh ne unaka tatha chhoti bahan ka lalan-palan kiya tha. sarabha ne apani prarambhik shiksha ludhiyana men hi prapt ki thi. navin kaksha pas karane ke pashchath ve apane chacha ke pas udisa chale gaye aur vahin se haee skool ki pariksha pas ki.

kranti ka prabhav

1905 ee. ke 'bngal vibhajan' ke viruddh krantikari andolan prarambh ho chuka tha, jisase prabhavit hokar karatar sinh sarabha krantikariyon men sammilit ho gaye. yadyapi unhen bandi nahin banaya gaya, tathapi krantikari vichar ki jaden unake hriday men gaharaee tak pahunch chuki thin.

lala haradayal ka sath

1911 ee. men sarabha apane kuchh sambandhiyon ke sath amerika chale gaye. ve 1912 men sen fransisko pahunche. vahan par ek amerikan adhikari ne unase poochha "tum yahan kyon aye ho?" sarabha ne uttar dete hue kaha, "main uchch shiksha prapt karane ke uddeshy se aya hoon." kintu sarabha uchch shiksha prapt nahin kar sake. ve havaee jahaj banana evn chalana sikhana chahate the. at: is uddeshy ki poorti hetu ek karakhane men bharati ho gaye. isi samay unaka sampark lala haradayal se hua, jo amerika men rahate hue bhi bharat ki svatntrata ke lie prayatnashil dikhe. unhonne sen fransisko men rahakar kee sthanon ka daura kiya aur bhashan diye. sarabha hamesha unake sath rahate the aur pratyek kary men unhen sahayog dete the.

sahas ki pratimoorti

karatar sinh sarabha sahas ki pratimoorti the. desh ki azadi se sambandhit kisi bhi kary men ve hamesha age rahate the. 25 march, 1913 ee. men oregan prant men bharatiyon ki ek bahut badi sabha huee, jisake mukhy vakta lala haradayal the. unhonne sabha men bhashan dete hue kaha tha, "mujhe aise yuvakon ki avashyakata hai, jo bharat ki svatntrata ke lie apane pran de saken." is par sarvapratham karatar sinh sarabha ne uthakar apane apako prastut kiya. taliyon ki gadagadahat ke bich lala haradayal ne sarabha ko apane gale se laga liya.

sampadan kary

isi sabha men 'gadar' nam se ek samachar patr nikalane ka nishchay kiya gaya, jo bharat ki svatntrata ka prachar kare. ise kee bhashaon men prakashit kiya jaye aur jin-jin deshon men bharatavasi rahate hain, un sabhi men ise bheja jaye. phalat: 1913 ee. men 'gadar' prakashit hua. isake pnjabi snskaran ke sampadak ka kary sarabha hi karate the.

yojana ki asaphalata

1914 ee. men jab 'pratham vishv yuddh' prarambh hua, to angrez yuddh men buri tarah phns gaye. aisi sthiti men 'gadar parti' ke karyakartaon ne socha aur yojana banaee ki yadi is samay bharat men vidroh ho jaye, to bharat ko azadi mil sakati hai. at: amerika men rahane vale char hazar bharatiy isake lie taiyar ho gaye. unhonne apana sab kuchh bechakar gola-barood aur pistolen kharidin aur jahaj men baithakar bharat ke lie ravana ho gaye. un logon men se ek sarabha bhi the. lekin kary poorn hone se poorv hi bhed khul jane ke karan bahut se logon ko gola-barood sahit marg men evn kuchh ko bharat ke samudri tat ke kinare par pahunchane se poorv hi bandi bana liya gaya. sarabha apane sathiyon ke sath kisi prakar se bach nikalane men saphal rahe. ab pnjab pahunchakar unhonne gupt roop se vidroh ke lie taiyariyan arambh kar din.

krantikariyon se bhent

sarabha ne gupt roop se krantikariyon se milane ka nishchay kiya, taki bharat men viplav ki ag jalaee ja sake. isi uddeshy ki poorti hetu unhonne surendranath banarji, rasabihari bos, shachindranath sanyal adi krantikariyon se bhent ki. unake prayatnon se jalndhar ki ek bagichi men ek goshthi ayojit ki gee, jisamen pnjab ke sabhi krantikariyon ne bhag liya. is samay sarabha ki ayu matr 19 varsh ki thi. is goshthi men pnjab ke krantikariyon ne yah sujhav diya ki rasabihari bos ko pnjab men akar krantikariyon ka sngathan banana chahie. phalat: rasabihari bos ne pnjab akar sainikon ka sngathan banaya. isi samay unhonne vidroh ke lie ek yojana bhi banaee. is yojana ke anusar samast bharat men phauji chhavaniyan ek hi din aur ek hi samay men angrez sarakar ke viruddh vidroh karengi.

sarabha ne lahaur, firojapur, layalapur evn amritasar adi chhavaniyon men ghoom-ghoomakar pnjabi sainikon ko sngathit karake unhen viplav karane hetu prerit kiya. vastut: sarabha ne pnjab ki samast phauji chhavaniyon men viplav ki agni prajjvalit kar di thi.

pun: asaphalata

rasabihari bos chhadm vesh men lahaur men ek makan men rahate the. sarabha unake pas milane ke lie ate-jate rahate the. yojana ke anusar 21 faravari, 1915 ee. ka din samast bharat men kranti ke lie nishchit kiya gaya tha. par 15 faravari ko hi bhed khul gaya. hua yah ki ek guptachar krantikari dal men sammilit ho gaya tha. use jab 21 faravari ko samast bharat men kranti hone ke bare men janakari mili, to usane 16 faravari ko us bhed ko british sarakar ke samaksh prakat kar diya. phalat: charon or joron se giraphtariyan hone lagin. bngal tatha pnjab men to giraphtariyon ka tanta lag gaya. rasabihari bos kisi prakar lahaur se varanasi hote hue kalakatta (vartaman kolakata) chale gaye aur vahan se chhadm nam se pasaport banavakar japan chale gaye.

giraphtari

rasabihari bos ne lahaur chhodane se poorv sarabha ko qabul chale jane ka paramarsh diya tha. at: unhonne qabul ke lie prasthan kar diya. jab ve vajirabad pahunche, to unake man men yah vichar aya ki is tarah chhipakar bhagane se achchha hai ki ve desh ke lie phansi ke phnde par chadhakar apane pran nichhavar kar den. kisi ne thik hi likha hai-

vir mrityu se kabhi n darate,
hns kar gale lagate hain,
phoolon ki komal shaiya samajh,
sooli par so jate hain.

  sarabha ke man men aisa vichar ate hi ve vajirabad ki phauji chhavani men chale gaye aur vahan unhonne phaujiyon ke samaksh bhashan dete hue kaha, "bhaiyon, angrez videshi hain. hamen unaki bat nahin manani chahie. hamen apas men milakar angrezi shasan ko samapt kar dena chahie." sarabha ne giraphtar hone ke lie hi aisa bhashan diya tha. phalat: unhen giraphtar kar liya gaya. is avasar par unhonne bade garv ke sath svikar kiya ki ve angrezi shasan ko samapt karane ke lie sainik vidroh karana chahate the.

mukadama

karatar sinh sarabha par hatya, daka, shasan ko ulatane ka abhiyog lagakar 'lahaur shadayantr' ke nam se mukadama chalaya gaya. unake sath 63 doosare adamiyon par bhi mukadama chalaya gaya tha. sarabha ne adalat men apane aparadh ko svikar karate hue ye shabd kahe, "main bharat men kranti lane ka samarthak hoon aur is uddeshy ki poorti ke lie amerika se yahan aya hoon. yadi mujhe mrityudnd diya jayega, to main apane apako saubhagyashali samajhoonga, kyonki punarjanm ke siddhant ke anusar mera janm phir se bharat men hoga aur main matribhoomi ki svatntrata ke lie kam kar sakoonga." jaj ne un 63 vyaktiyon men se 24 ko phansi ki saza sunaee. jab isake viruddh apil ki gee, to sat vyaktiyon ki phansi ki saza poorvavath rakhi gee thi. un sat vyaktiyon ke nam the- karatar sinh sarabha, vishnu pingale, kashiram, jagatasinh, harinam sinh, sajjan sinh evn bakhshish sinh. phansi par jhoolane se poorv sarabha ne yah shabd kahe-

he bhagavan meri yah prarthana hai ki main bharat men us samay tak janm leta rahoon, jab tak ki mera desh svatntr n ho jaye.

phansi

16 navambar, 1915 ee. ko sarabha hnsate-hnsate phansi ke phnde par jhool gaye. jaj ne unake mukadame ka nirnay sunate hue kaha tha, "is yuvak ne amerika se lekar hindustan tak angrez shasan ko ulatane ka prayas kiya. ise jab aur jahan bhi avasar mila, angrezon ko hani pahunchane ka prayatn kiya. isaki avastha bahut kam hai, kintu angrezi shasan ke lie bada bhayanak hai."

bhaee paramanand ka varnan

bhaee paramanand ji ne sarabha ke jel ke jivan ka varnan karate hue likha hai, "sarabha ko kothari men bhi hathakadiyon aur bediyon se yukt rakha jata tha. unase sipahi bahut darate the. unhen jab bahar nikala jata tha, to sipahiyon ki badi tukadi unake age-pichhe chalati thi. unake sir par mrityu savar thi, kintu ve hnsate-muskarate rahate the." bhaee paramanand ji ne sarabha ke sambandh men age aur likha hai, "mainne sarabha ko amerika men dekha tha. ve gadar parti ke karyakartaon men mukhy the. ve bade sahasi aur vir the. jis kam ko koee bhi nahin kar sakata tha, use karane ke lie sarabha sada taiyar rahate the. unhen kanton ki rah par chalane men sukh maloom hota tha, mrityu ko gale lagane men anand prapt hota tha."

sarabha jab amerika se jahaj men baithakar bharat a rahe the, tab raste men hi unake bahut se sathi giraphtar kar liye gaye the, par ve kisi bhi tarah bachakar pnjab a gaye aur kuchh hi samay men apani deshabhakti evn virata ke karan prasiddhi prapt kar li. unhonne pnjab ke krantikariyon ko sngathit kiya aur charon or ghoom-ghoomakar phaujiyon ko vidroh karane hetu prerit kiya. yadi bhed n khulata, to sare bharat men ek sath kranti ki agni ki lapaton men british shasan jal kar rakh ho jata. sarabha bhi bharat man ke ek aise lal the, jinhonne desh ki svatntrata ke lie asnkhy kasht sahe aur yahan tak ki apane pranon ka utsarg kar diya. aise vir sapoot ka nam bharatiy svatntrata andolan ke itihas men hamesha svarn aksharon men likha jayega.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh