कलि युग  हिन्दी देवनागरी में पढ़ें।

vishv ki ayu ke sambandh men hindoo siddhant tin prakar ke samayavibhag upasthit karata hai. ve hain-yug, manvantar evn kalp. yug char hain-krit, treta, dvapar evn kali. ye prachinokt svarn, roopa, pital evn lauh yug ke samanarthak hain. uparyukt nam jue ke pase ke pakshon ke adhar par rakhe ge hain. krit sabase bhagyavanh mana jata hai, jisake pakshon par char bindu hain, treta par tin, dvapar par do ek kali par matr ek bindu hai. ye hi sab siddhant yugon ke gun evn ayu par bhi ghatate hain.

yug ayu

yugon men manushy ke achchhe gunon ka hras hota hai tatha yugon ki ayu bhi kramash: 4800 varsh, 3600 varsh, 2400 varsh v 1200 varsh hai. sabhi ke yog ko 'mahayug' kahate hain, jo 12000 varsh ka hai. kintu ye varsh daivi hain aur ek daivi varsh 360 manaviy varsh ke tuly hota hai, atev ek mahayug 43,20,000 varsh ka hota hai. kali ka manaviy yugaman 4,32,000 varsh hai.

manyataen

  • aryabhat ke anusar mahabharat ka yuddh 3109 ee. poo. men hua tha aur usake ant ke sath hi kaliyug ka arnbh ho gaya.
  • kuchh vidvanh kaliyug ka arnbh mahabharat yudv ke 625 varsh pahale se manate hain. phir bhi samanyat: yahi vishvas kiya jata hai ki mahabharat yuddh ke ant, shri krishn ke svargarohan aur pandavon ke himalay men galane ke lie jane ke sath hi kali yug ka arnbh ho gaya.
  • is yug ke pratham raja parikshit hue.
  • aryabhat ke anusar mahabharat ka yuddh 3109 ee. poo. men hua tha aur usake ant ke sath hi kali yug ka arnbh ho gaya.

kaliyug ka prabhav

kali (tishy) yug men krit (satyayug) ke thik viparit gun a jate hain. varn evn ashram ka sankary, ved evn achchhe charitr ka hras, sarvaprakar ke papon ka uday, manushyon men nanavyadhiyon ki vyapti, ayuka kramash: kshin evn anishchit hona, barbaron dvara prithvi par adhikar, manushyon evn jatiyon ka ek-doosare se sngharsh adi isake gun hain. is yug men dharm ekapad, adharm chatushpad hota hai, ayu sau varsh ki. yug ke ant men papiyon ke nash ke lie bhagavan kalki-avatar dharan karenge.

yugon ki is kalik kalpana ke sath ek naitik kalpana bhi hai, jo aitarey brahman tatha mahabharat men payi jati hai-

kali: shayano bhavati snjihanastu dvapar:.
uttishthnstreta bhavati krit: sampadyate charanh..

(sone vale ke lie kali, angadaee lene vale ke lie dvapar, uthane vale ke lie treta aur chalane vale ke lie krit (satyayug) hota hai.)

kaliyug ki utpatti

kalkipuran (pratham adhyay) men kaliyug ki utpatti ka varnan nimnankit hai-

snsar ke banane vale lokapitamah brahma ne pralay ke ant men ghor malin papayukt ek vyakti ko apane prishth bhag se prakat kiya. vah adharm nam se prasiddh hua, usake vnshanukirtan, shravan aur smaran se manushy sab papon se mukt ho jata hai. adharm ki sundar vidalakshi (billi ke jaisi ankhavali) bharya mithya nam ki thi. usaka paramakopan putr dambh namak hua. usane apani bahin maya se lobh namak putr aur nikriti namak putri ko utpann kiya. un donon se krodh namak putr utpann hua. usane apani hinsa namak bahin se kali maharaj ko utpann kiya. vah dahine hath se jihva aur vam hast se upasth (shishn) pakade hue, anjan ke saman varnavala, kakodar, karal mukhavala aur bhayanak tha. usase sadi durgandh ati thi aur vah dyoot, mady, stri tatha suvarn ka sevan karane vala tha. usane apani durukti namak bahin se bhay namak putr aur mrityu namak putri utpann kie. un donon ka putr niray hua. usane apani yatana namak bahin se sahasron roopon vala lobh namak putr utpann kiya. is prakar kali ke vnsh men asnkhy dharmanindak santan utpann hoti geen.

kalidharm varnan-1

garudapuran[1] men kalidharm ka varnan is prakar hai-

jisamen sada anrit, tandra, nindra, hinsa, vivad, shok, moh, bhay aur dainy bane rahate hain, use kali kaha gaya hai. usamen log kami aur sada katu bolane vale honge. janapad dasyuon se akrant aur ved pakhand se dooshit hoga. raja log praja ka bhakshan karenge. brahman shishnodaraparayan honge. vidyarthi vratahin aur apavitr honge. grihasth bhiksha mangenge. tapasvi gram men nivas karane vale, dhan jodane vale, shauryahin, mayavi, du:sahasi bhrity (naukar) apane svami ko chhod denge. tapas sampoorn vraton ko chhod denge. shoodr dan grahan karenge aur tapasvi vesh se jivika chalayenge. praja udvign, shobhahin aur pishach sadrish hogi. bina snan kie log bhojan, agni, devata tatha atithi ka poojan karenge. kali ke prapt hone par pitaron ke lie pindodak adi ki kriya n hogi. sampoorn praja striyon men asakt aur shoodrapray hogi. striyan bhi adhik santanon vali aur alp bhagy vali hongi. khule sir vali (svachchhand) aur apane satpati ki agya ka ullaghnn karane vali hongi. pakhand se ahat log vishnu ki pooja nahin karenge, kintu dosh se paripoorn kali men ek gun hoga-krishn ke kirtan matr se manushy bandhanamukt ho param gati ko prapt karenge. jo phal kritayug men dhyan se, treta men ygy se aur dvapar men pnchacharya se prapt hota hai, vah kaliyug men hari-kirtan se sulabh hai. isilie hari nity dhyey aur poojy hain.

kalidharm varnan-2

bhagavatapuran[2] men kalidharm ka varnan nimnalikhit prakar hai-

kaliyug men dharm ke tap, shauch, daya, saty in char panvon men keval chautha panv (saty) shesh rahega. vah bhi adharmikon ke prayas se kshin hota hua, ant men nasht ho jayega. usamen praja lobhi, durachari, nirday, vyarth vair karane vali, durbhaga, bhooritarsh (atyant trishit) tatha shoodr-dasapradhan hogi. jisamen maya, anrit, tandra, nindra, hinsa, vishad, shok, moh, bhay, dainy adhik hoga, vah tamasapradhan kaliyug kahalayega. usamen manushy kshudrabhagy, adhik khane vale, kami, vittahin aur striyan svairini aur asati hongi. janapad dasyuon se pidit, ved pakhandon se dooshit, raja prajabhakshi, dvij shishnodaraparayan, vidyarthi avrat aur apavitr, kutumbi vibhajivi, tapasvi gramavasi aur snnyasi arthalolup honge. striyan hrasvakava, atibhoji, bahut santan vali, nirlajj, sada katu bolane vali, chaury, maya aur atisahas se paripoorn hongi. kshudr, kirat aur kootakari vyapar karenge. log bina apada ke bhi sadhu purushon se nindit vyavasay karenge.

samaj men mlechchhata

bhrity dravyarahit uttam svami ko bhi chhod denge. log doodh n dene vali gay ko chhod denge. kali men manushy mata-pita, bhaee, mitr, jati ko chhodakar keval stri se hi prem karenge, sale ke sath snvad men anand lenge, din aur strain honge. shoodr dan lenge aur tapasvi vesh se jivika chalayenge. adharmik log uchch asan par baithakar dharm ka upadesh karenge. kali men praja nity udvign manavali, durbhiksh aur kar se pidit, ann rahit bhootal men anavrishti ke bhay se atur, vastr, ann, pan, shayan, vyavasay, snan, bhooshan se hin; pishach ke saman dikhaee padane vali hogi. log kali men adhi kodi ke lie bhi vigrah karake mitron ko chhod denge, priyon ka tyag karenge aur apane pranon ka bhi hanan karenge. manushy apanon se badon aur mata-pita, putr aur kulin bharya ki raksha nahin karenge. log kshudr aur shishnodar parayan honge. pakhand se chhinn-bhinn buddhi vale log jagath ke param guru, jinake charanon par tinon lok ke svami anat hain, un bhagavan achyut ki pooja pray: nahin karenge.

dvij (brahman, kshatriy aur vaishy) vraty (savitri patit) aur raja log shoodrapray honge. sindhu nadi ke tat, chandrabhaga (chinab nadi) ki ghati kanchi aur kashmir mandal men shoodr, vraty, mlechchh tatha brahmachary se rahit log shasan karenge. ye sabhi raja samasamayik aur mlechchhapray honge. ye bahut kam dan dene vale aur tivr krodh vale, stri, balak, gau, brahman ko marane vale aur doosare ki stri tatha dhan ka aparaharan karenge. ye udit hote hi ast tatha alp shakti aur alpayu honge. asnskrit, kriyahin, rajastamogun se ghire, raja roopi ye mlechchh praja ko kha jayenge. inake adhin janapad bhi inhin ke saman achar vale honge aur ve rajaon dvara tatha svayn paraspar pidit hokar kshay ko prapt honge.

dharm ki kshinata

kalidharm ke prabhav se pratidin dharm, saty, shauch, kshama, daya, ayu, bal aur smriti kalikal ke dvara kshin honge. kali men manushy dhan ke karan hi janm se guni mana jayega. dharm-nyay-vyavastha men bal hi karan hoga. dampaty sambangh men keval abhiruchi hogi aur vyavahar men maya. stritv aur punstv men rati aur vipratv men sootr karan hoga. ashram keval chihn se jane jayenge aur ve paraspar apatti karane vale honge. avritti men nyay-daurbaly aur pandity men vachan ki chapalata hogi. asadhutv men daridrata aur sadhutv men dambh pradhan hoga. vivah men keval svikriti aur alnkar men keval snan shesh rahega. door ghoomana hi tirth aur kesh dharan karana hi saundary samajha jayega. svarth men keval udar bharana, dakshata men kutumb palan, yash men arthasngrah hoga. is prakar dusht praja dvara prithvi ke akrant hone par brahman, kshatriy, vaishy aur shoodr men jo bali hoga, vahi raja banega.

pakritik apada v alpayu

lobhi, nirghrin, dakoo, adharmi rajaon dvara dhan aur stri se rahit hokar praja pahadon aur jngalon men chali jayegi. durbhiksh aur kar se pidit, shak, mool, amish, kshaudr, phal, pushp bhojan karane vali praja vrishti ke abhav men nasht ho jayegi. bat, tap, pravrit, him, kshudha, pyas, vyadhi, chinta adi se praja santapt hogi. kali men paramayu tis bis varsh ki hogi. kali ke dosh se manushyon ka sharir kshin hoga. manushyon ka varnashram aur vedapath nasht hoga. dharm men pakhand ki prachurata hogi aur rajaon men dasyuon ki, varnon men shoodron ki, gauon men bakariyon ki, ashramon men garhasthy ki, bandhuon men yaun sambandh ki, oshadhiyon men anupay ki, vrikshon men shami ki, meghon men vidyut ki, gharon men shoonyata ki pradhanata hogi. is prakar kharadharmi manushyon ke bich gatapray kaliyug men dharm ki raksha karane ke lie apane sattv se bhagavan avatar lenge."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. yugadharm, 117 adhyay
  2. dvadash skandh, tin adhyay

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah