कल्पना दत्त  हिन्दी देवनागरी में पढ़ें।

kalpana datt
kalpana datt
poora nam kalpana datt
any nam kalpana joshi
janm 27 julaee, 1913
janm bhoomi chataganv (ab bangladesh), bngal
mrityu 8 faravari, 1995
mrityu sthan kalakatta (ab kolakata), pashchim bngal
pati/patni pooran chnd joshi
nagarikata bharatiy
jel yatra faravari, 1934 ee. men 21 varsh ki kalpana datt ko ajivan karavas ki saza huee, lekin 1937 ee. men jab pahali bar pradeshon men bharatiy mntrimndal bane, tab gandhi ji, ravindranath taigor adi ke vishesh prayatnon se kalpana jel se bahar a sakin.
any janakari sitambar, 1979 ee. men kalpana datt ko pune men 'vir mahila' ki upadhi se sammanit kiya gaya.

kalpana datt (angrezi: Kalpana Dutt, janm: 27 julaee, 1913; mrityu: 8 faravari, 1995) desh ki azadi ke lie sngharsh karane vali mahila krantikariyon men se ek thin. unhonne apani krantikari gatividhiyon ko anjam dene ke lie krantikari sooryasen ke dal se nata jod liya tha. 1933 ee. men kalpana datt pulis se muthabhed hone par giraftar kar li gee thin. rashtrapita mahatma gandhi aur ravindranath taigor ke prayatnon se hi vah jel se bahar a paee thin. apane mahattvapoorn yogadan ke lie kalpana datt ko 'vir mahila' ki upadhi se sammanit kiya gaya tha.

janm tatha krantikari gatividhiyan

kalpana datt ka janm chataganv (ab bangladesh) ke shripur ganv men ek madhyam vargiy parivar men hua tha. chataganv men arambhik shiksha ke bad vah uchch shiksha ke lie kolakata aeen. prasiddh krantikariyon ki jivaniyan padhakar vah prabhavit hueen aur shighr hi svayn bhi kuchh karane ke lie atur ho uthin. 18 aprail, 1930 ee. ko 'chataganv shastragar loot' ki ghatana hote hi kalpana datt kolakata se vapas chataganv chali geen aur krantikari sooryasen ke dal se snpark kar liya. vah vesh badalakar in logon ko gola-barood adi pahunchaya karati thin. is bich unhonne nishana lagane ka bhi abhyas kiya.

karavas ki saza

kalpana aur unake sathiyon ne krantikariyon ka mukadama sunane vali adalat ke bhavan ko aur jel ki divar udane ki yojana banaee. lekin pulis ko soochana mil jane ke karan is par amal nahin ho saka. purush vesh men ghoomati kalpana datt giraphtar kar li geen, par abhiyog siddh n hone par unhen chhod diya gaya. unake ghar pulis ka pahara baitha diya gaya. lekin kalpana pulis ko chakama dekar ghar se nikalakar krantikari sooryasen se ja milin. sooryasen giraphtar kar liye ge aur mee, 1933 ee. men kuchh samay tak pulis aur krantikariyon ke bich sashastr mukabala hone ke bad kalpana datt bhi giraphtar ho geen. mukadama chala aur faravari, 1934 ee. men sooryasen tatha tarakeshvar dastikar ko phansi ki aur 21 varsh ki kalpana datt ko ajivan karavas ki saza ho gee.

rihaee tatha samman

1937 ee. men jab pahali bar pradeshon men bharatiy mntrimndal bane, tab gandhi ji, ravindranath taigor adi ke vishesh prayatnon se kalpana jel se bahar a sakin. unhonne apani padhaee poori ki. vah kamyunist parti men sammilit ho geen aur 1943 ee. men unaka kamyunist neta pooran chnd joshi se vivah ho gaya aur vah kalpana joshi ban geen. bad men kalpana bngal se dilli a geen aur 'indo soviyat sanskritik sosayati' men kam karane lagin. sitambar, 1979 ee. men kalpana joshi ko pune men 'vir mahila' ki upadhi se sammanit kiya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 141 |


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah