क़ब्ज़  हिन्दी देवनागरी में पढ़ें।

qabz

qabz (angrezi: Constipation) amashay ki svabhavik parivartan ki vah avastha hai, jisamen mal nishkasan ki matra kam ho jati hai ya malakriya men kathinaee hoti hai, mal kada ho jata hai, usaki avriti ghat jati hai ya mal nishkasan ke samay atyadhik bal ka prayog karana padata hai aur pet men gais banati hai. mal visarjan karm ya riphleks 24 ghante ya 48 ghanton men niyamit rup se ek bar n ho to use malavarodh kaha jata hai. samany avriti aur amashay ki gati vyakti vishesh par nirbhar karati hai. ek saptah men 3 se 12 bar mal nishkasan ki prakriya samany mani jati hai.

khan-pan men asavadhani rakhane ka parinam

qabz aj ke samay ka ek sadharan rog hai. aj bahut se log qabz rog se pareshan rahate hain. qabz rog vyakti ke svayn ke khan-pan men asavadhani rakhane ka hi parinam hai. qabz utpann hone ka mukhy karan adhik mirch-masale vala bhojan karana, qabz banane vale padarthon ka sevan karana, bhojan karane ke bad adhik der tak baithana, tel v chikanaee vale padarthon ka adhik sevan karana adi hai. sharirik shram n karane se mal ka tyag alp matra men tatha aniyamit hota hai. kabhi-kabhi atyadhik kunthan karane athava ghanton shauch ke lie baithane par thoda bahut bahar ata hai. kisi-kisi ko to kee-kee dinon tak mal visarjan hi nahin hota hai.

qabz rog hone ki asali jad bhojan ka thik prakar se n pachana hota hai. yadi pet rogon ka ghar hota hai to ant vishaile tatvon ki utpati ka sthan hota hai. yah bahut se rogon ko janm deta hai jinamen qabz pramukh rog hota hai. qabz men adhik matra men mal ka badi ant men jama ho jata hai. qabz ke karan avarohi anton men taral padartho ke avashoshan men adhik samay lagane ke karan uname shushk (thnda) v kathor mal adhik ekatrit hone lagata hai. qabz utpann hone ka ek am karan hai jivan men mal tyag ki sadharan kriya ka rukana.

qabz ek prakar ka aisa rog hai jo pachan shakti ke kary men kisi badha utpann hone ke karan hota hai. is rog ke hone par sharirik vyavastha bigad jati hai jisake karan pet ke kee rog utpann ho jate hain. is rog ke karan sharir men kary karane ki kshamata kam ho jati hai. is rog ke karan sharir ke andar zahar bhi ban jata hai jisake karan sharir men anek bimari paida ho sakati hai jaise- munh men ghav, chhale, aphara, thakan, udarashool ya pet me dard, gais banana, sir men dard, hath-pairon men dard, apach tatha bavasir adi. qabz banane par shauch khulakar nahin ati, jisase pet men dard hota rahata hai.

yadi qabz ka ilaj jaldi se n karaya jae to yah phailakar any rog utpann karane ka karan ban sakata hai. jab qabz ka rog kafi bigad jata hai to manushy ke maladvar par dararen tak pad jati hai aur ghav ban jate hai. yadi is rog ka ilaj jaldi nahin karaya gaya to yah rog age chal kar bavasir, madhumeh tatha mirgi jaise rog ko janm de sakata hai.

kabhi-kabhi chhote bachche ko hone vale mal men gend jaise gol-gol tatha chhote-chhote dhele hote hai. is avastha ko snsthambhi qabz kahate hai tatha bachchon ko is avastha men bahut tez dard hota hai jisake karan vah apane mal ko rok lete hain aur unhen qabz ki shikayat ho jati hai. kisi navajat shishu ko shayad hi kabhi qabz hoti hai parantu usake vikas ke pahale varsh men use malatyag kriya sikhaee jati hai, jisase vah malatyag kriya ko pratidin hone vali kriya ke roop men manane lagata hai.

qabz rog ka lakshan

  • rogi ko shauch saf nahin hota hai, mal sookha aur kam matra men nikalata hai. mal kunthan karane ya ghanton baithe rahane par nikalata hai.
  • qabz rog se pidit rogi ko rozana malatyag nahin hota hai. qabz rog se pidit rogi jab mal ka tyag karata hai to use bahut adhik pareshani hoti hai. kabhi-kabhi mal men ganthen banane lagati hai. jab rogi malatyag kar leta hai to use thoda halkapan mahasoos hota hai.
  • qabz rog se pidit rogi ke pet men gais adhik banati hai. pidit rogi jab gais chhodata hai to usamen bahut tez badaboo ati hai.
  • qabz rog se pidit rogi ki jibh saphed tatha matamaili ho jati hai. jibh malavrit rahati hai tatha munh ka svad kharab ho jata hai. kabhi kabhi munh se durgandh ati hai.
  • rogi vyakti ke ankhon ke niche kalapan ho jata hai tatha rogi ka ji michalata rahata hai. rogi ki bhookh mar jati hai, pet bhari rahata hai evn mitha mitha dard bana rahata hai, sharir tatha sir bhari rahata hai.
  • sir tatha kamar men dard rahata hai, sharir men alasy evn susti, chidachidapan tatha manasik tanav sambandhi lakshan bhi milate hain. bahut dinon tak malavarodh ki shikayat rahane se rogi ko bavasir ityadi rog bhi ho jata hai.
  • qabz rog se pidit rogi ko kee prakar ke aur bhi rog ho jate hain jaise - pet men soojan ho jana, munhase nikalana, munh ke chhale, amlata, gathiya, ankhon ka motiyabind tatha uchch raktachap adi.
  • in lakshanon ke atirikt malavarodh ke sambandh men kuchh prachin baten bhi prachalan men hai. jaise mastishk tatha nadi mandal men avasad rahata hai, manasik tatha sharirik kary shakti ghat jati hai arthat usamen svabhavik sphoorti nahin rahati hai. rakt par isaka dushprabhav hone se rakt dab badh jata hai. panduta namak rog hone se sharir ka rng phika pad jata hai. anton men gais banane se rogi ko anidra ki bhi shikayat ho jati hai. anton men adhik samay tak mal ruka rahane se arsh rog ho jata hai.
  • yadi koshthabaddhata kisi any rog vishesh ke karan nahin hai to jivan shaili men thoda sa parivartan karake bachav ki paddhati apanaee ja sakati hai. isake viparit yadi malavarodh ka karan koee any bimari hai to sarvapratham us mool bimari ka upachar karana chahie.

qabz hone ke karan

khan-pine men asavadhani-

qabz vyaktiyon men galat khan-pan ke karan utpann hota hai. bhojan men aise padarthon ka prayog karana jinhen pachan tntr asani se nahin pacha pata, jisase ant se mal poorn roop se saf nahin ho pata aur andar hi sadane lagata hai. adhik mirch-masaledar tatha garishth bhojan karane se bhi qabz banata hai. adhikatar vyaktiyon men qabz ke aise lakshan hote hain jisamen anton ki apane-ap kriyashilata tatha qabz ke rachanatmak asamanyataon ki kamiyon ko nazarandaj nahin kiya ja sakata. vaigyanikon dvara pratidin bhojan men prayog kiye jane vale padartho ki janch se pata chala hai ki vyakti apane bhojan men reshedar v taral padartho ka prayog nahin karate, jisase milane vali protin v vitamin logon ko nahin mil pata aur jisase qabz utpann hota hai. vaigyanikon ke anusar sabhi vyaktiyon ko pratidin 10 se 12 gram reshedar shak-sabjiyan tatha 1 se 2 gilas taral padarthon ka sevan karana chahie. sath hi khane ke bad ya kisi bhi samay mal tyag karane ka anubhav ho to alasy ke karan use talana nahin chahie, balki malatyag ki ichchha hone par mal tyag zaroor karen.

snrachanatmak asamanyataen-

anton men utpann ghav adi ke karan mal tyag ke marg men rookavat utpann hoti hai, jisase mal tyagate samay zor lagane se dard utpann hota hai. dard ke karan mal ka tyag n karane se mal anton men sadakar qabz paida karata hai.

vyavasthagrast bimari-

antrik nali ki tntrikaon ki kupranali, peshiyon ki kharabi, indokrain visngatiyon tatha vidyut apaghaty ki asamanyatayen adi utpann hokar anton men qabz banate hain.

  • manushy ki pachan kriya mand padana, kam matra men mal ana, subah ke samay men mal karane men alasy karana, kam matra men bhojan karane se mal n banana, bhookh n lagana adi karanon se yah rog manushy ko ho jata hai.
  • mal tatha peshab ke veg ko rokane, vyayam tatha sharirik shram n karane ke karan, ghar men baithe rahana, shaiyya par bahut samay tak vishram karana, sharir men khoon ki kami tatha adhik sone ke karan bhi qabz rog ho jata hai.
  • mal tyag ki prerana ki avahelana karane se malashay men mal ke a jane par bhi mal tyag ke lie nahin jana. isase dhire dhire malashay men mal ke pravesh se utpann hone vali snvedana ya bechaini ki pratit uttarottar halki padati hai jisase malashay men mal jama hokar khushk ho jata hai.
  • mahilaon men garbhavastha ke karan. chinta, bhay, shok ityadi uddipanon ke karan. yakrit ke rog, malashay ki vatik nirbalata.
  • kam reshayukt bhojan ka sevan karana, basi bhojan ka sevan karane aur samay par bhojan n karane ke karan bhi qabz rog ho sakata hai.
  • tali huee chijon ka adhik sevan karane, galat tarike se khan-pan ke karan aur maida tatha chokar ke bina bhojan khane ke karan qabz ka rog ho sakata hai. uchch prakar ki riphaind athava nimn koti ke phaivar yukt bhojan tatha drav padarthon ke adhik sevan se.
  • thndi chije jaise- aisakrim, pestri, chakalet tatha thnde pey padarth khane, kam pani pine ke karan aur taral padarthon ka sevan adhik karane ke karan bhi qabz rog ho sakata hai.
  • dard nashak davaiyon ka adhik sevan aur adhik dhoomrapan tatha nashili davaiyon ka prayog karane ke karan bhi qabz rog ho sakata hai. ratri jagaran, tez kaaufi, chay aur vibhinn nashile padarthon ka sevan karane se.
  • vitamin bi ki nyoonata se ant ki prerak shakti mand pad jati hai jisase mal bandh ho jata hai.
  • thaauyarayad ka kam banana, kailsiyam aur potaishiyam ki kam matra hona, knpavad (parkinsan bimari) hona.
  • sharir men med vriddhi ho jane par athava pandu rog hone par ya kisi tej jvar ke bad athava kshay rog men ya madhumeh men tatha vridghavastha ke karan bhi anton ka nirbal ho jana svabhavik hai jisase rogi ko mal bandh rahata hai. ise etanik ya kolonik kansatipeshan kahate hain.
  • pittashay, ependriks, guda tatha garbhashay men shoth hone par badi ant men stambh hokar malabandh ho jata hai. bavasir ke masson ke sooj jane tatha prostet granthi men shoth hone par bhi badi ant men stambh hokar mal bandh ho jata hai. badi ant men ghav ya chot ke karan yani badi ant men kainsar hona par bar-bar shauch jane ki adat pad jati hai parantu mal tyag adhoora hi rahata hai.
  • patharili chattanon athava patharili maidani bhoomi ka jisamen choone ka pani rahata hai, jal pine se anto men kailshiyam kabornet adhik matra men pahunch jata hai, jisake shoshak hone se bhi mal bandh ho jata hai. isake atirikt jis sthan ka pani bhari hota hai, vahan bhi logon men adhikanshatah malabandh ki shikayat bani rahati hai.

qabz rog ka prakritik chikitsa se upachar

qabz rog ka upachar karane ke lie kabhi bhi dast lane vali aushadhi ka sevan nahin karana chahie balki qabz rog hone ke karanon ko door karana chahie aur phir prakritik chikitsa se isaka upachar karana chahie. qabz rog se bachane ke lie jab vyakti ko bhookh lage tabhi khana khana chahie. qabz ke rog ko thik karane ke lie chokar sahit ate ki roti tatha hari pattedar sabjiyan chaba-chabakar khani chahie. reshe vali (uchch selooloj) jaise bhoosi, phal, shak ityadi ka niyamit prayog karen. pratidin kam se kam ath das gilas pani piyen. adhik se adhik bina paka hua bhojan karana chahie. ankurit ann ka adhik sevan karane se rogi vyakti ko bahut labh milata hai. gehoon ka ras adhik matra men pine se qabz se pidit rogi ka rog bahut jaldi thik ho jata hai. qabz n banane dene ke lie bhojan ko achchhi tarah se chabakar khaen tatha aisa bhojan kare, jise pachane men asani ho. rogi vyakti ko maida, besan, tali-bhuni tatha mirch masaledar chizon adi ka sevan nahin karana chahie. koshthabaddhata ke rogi ko kam chikanaee vale ahar jaise gay ka doodh, panir aur halka-phulka lena chahie.

phalon ka adhik sevan karen

rogi vyakti ko adhik se adhik phalon ka sevan karana chahie ye phal is prakar hai- papita, sntara, mosammi, khajoor, nariyal, amarood, angoor, seb, khira, gajar, chukandar, bel, akharot, anjir adi. ninboo pani, nariyal pani, phal tatha sabjiyon ka ras pine se qabz se pidit rogi ko bahut fayada milata hai. kachche palak ka ras pratidin subah tatha sham pine se qabz rog kuchh hi dinon men thik ho jata hai. ninboo ka ras garm pani men milakar rat ke samay pine se shauch saf ati hai. bhojan men dal ki apeksha sabji, bathua, palak adi shak ka adhik se adhik sevan karana chahie. ubali huee gajar tatha pake hue amarud ka sevan sarvottam hota hai. rogi vyakti ko rat ke samay men 25 gram kishamish ko pani men bhigone ke lie rakh dena chahie. rojana subah ke samay is kishamish ko khane se purane se purana qabz rog thik ho jata hai. qabz se pidit rogi ko subah tatha sham 10-12 munakka khane se bahut labh hota hai. shauch lagane par shauch n jane athava shauch ke veg ko rokane se bhi qabz banati hai. adhik kam karane tatha manasik thakan ke karan bhi qabz banata hai.

any ghareloo upay

  • aise rogi jinaka meda bahut sakht hota hai, unhen shauch bahut kathinaee se ata hai. unhen ratri men ek bada gilas garm doodh men 50-60 gram deshi gud milakar pi lene se chamatkari labh hota hai. yah koshthabaddh rogi ke lie likvid therepi ka kary karata hai.
  • qabz ka upachar karane ke lie rogi vyakti ko apane pet par 20 se 25 minat tak mitti ki ya kapade ki patti karani chahie. yah kriya pratidin karane se yah rog kuchh hi dinon men thik ho jata hai. isake bad rogi vyakti ko katisnan karana chahie tatha enima kriya karake apane pet ko saf karana chahie.
  • qabz door karane ke lie subah soory nikalane se pahale uthakar khuli hava men pratidin tahalana chahie. isase sharir sphoortidayak aur tarotaja rahata hai aur qabz adi se bhi bachata hai. qabz ko door karane ke lie rat ko sote samay ek bartan men pani rakh den aur subah soory nikalane se pahale uthakar us pani ko 2-4 gilas pi len. phir tahalane ke bad shauch jane se shauch khulakar ati hai aur qabz door hota hai.
  • qabz rog se pidit rogi ko rat ke samay men tanbe ke bartan men pani ko rakhakar subah ke samay men pine se shauch khulakar ati hai aur qabz nahin banati hai. anton men khushki n ho isake lie rogi ko ahar ke atirikt 3–4 litar jal pratidin lena chahie.
  • qabz rog se pidit rogi ko sham ke samay men hare rng ki botal ka sooryatapt pani pina chahie. isake bad eesabagol ki bhoosi li ja sakati hai. lekin isamen koee khady padarth nahin hona chahie. koshthabaddhata ke rogi ko donon samay niyamit roop se mal tyag ke lie jana chahie.
  • mal tyag ke poorv ek pyala chay ya doodh lene se suvidha hogi. mal tyag ka samay kabhi badalana nahin chahie.
  • shirshasan ya sarvagasan karane se pelvik kolan men harakat hokar mal tyag ki snvedana hoti hai. pratahkal pet tatha mooladhar ki mans peshiyon ka gati pradan karane vali vyayam karane chahie.
  • qabz rog se pidit rogi ko bhojan karane ke bad lagabhag 5 minat tak vrajasan karana chahie. yadi subah ke samay men uthate hi vrajasan kare to shauch jaldi a jati hai.
  • qabz rog ko thik karane ke lie pani pikar kee prakar ke asan karane se qabz rog thik ho jata hain- sarpasan, kati-chakrasan, urdhvahastottonasan, udarakarshasan tatha padahastasan adi.
  • yadi kisi vyakti ko bahut samay se qabz ho to use subah tatha sham ko katisnan karana chahie aur sote samay pet par garm sinkaee karani chahie aur pratidin kam se kam 6 gilas pani pina chahie. qabz rog se pidit rogi ko 1 chammach anvale ki chatani gunagune doodh men milakar lene tatha rat ko sote samay ek gilas gunaguna pani pine se bahut adhik labh milata hai.
  • qabz rog se pidit rogi ko pratidin subah ke samay men 2 seb danton se katakar chhilake samet chaba-chabakar khana chahie. isase rogi ka rog jaldi hi thik ho jata hai.
  • saptah men 1 bar garm doodh men 1 chammach erandi ka tel milakar pine se qabz ka rog kuchh hi dinon men thik ho jata hai.

qabz door karane ki chikitsa

qabz ko door karane ke lie vibhinn niyamon ka palan karana chahie tatha qabz ko door karane ke lie prakritik chikitsa dvara chikitsa karani chahie. qabz ko door karane ke lie vyakti ko sabase pahale brahmachary ka palan karana chahie. isake lie prakritik chikitsa ka prayog karana chahie. isase sharirik shakti bani rahata hai aur qabz jaldi door hota hai. sath hi prakritik chikitsa ka sharir par koee hanikarak prabhav nahin padata.
shastron men kaha gaya hai- marann bindupatenajivann bindu dharanath. arthat adhik viryaskhalan se sharir ki oorja shakti, tej, ojas dhire-dhire samapt ho jate hain. isase sabhi snayuon men kamazori aur chidachidapan utpann hota hai. viryaskhalan se pachanakriya kharab hoti hai aur jatharagni mand pad jati hai, jisase bhojan thik se pach nahin pata aur apacha hua padarth mal ke roop men aton men hi sadata rahata hai. aton men mal sadane se pet men gais paida hoti hai aur khoon dooshit hota hai. at: apane ap par snyam rakhe bina upachar se koee labh nahin ho sakata.

enima (doos) kriya

vibhinn karanon se jab mal anton men jam jata hai, to vah dhire-dhire sookhakar qabz ko paida karata hai. at: qabz ko door karane ke lie anton ko saf karana avashyak hota hai. anton ko saf karane ke lie jal chikitsa men batayi gee vidhi se thnde pani ka enima le. yadi qabz adhik ban gee ho to rogi ko halke garm pani ka enima diya ja sakata hai. yadi enima garm pani ka diya ja raha ho to garm pani ka enima dene ke bad thnde pani ka bhi enima den. isase qabz men jald labh milata hai.

pedoo par thnde pani ki patti

enima kriya karane ke bad rogi ko apane pedoo par thnde pani men bhigoya tauliya kam se kam 8 minat tak rakhana chahie jisake phalasvaroop qabz men labh milata hai aur anton ko shakti milati hai.

gili mitti ki pultish

rogi ke pedoo par nabhi ke 4 anguli niche mitti ki 1 inch moti lep karane se qabz door hota hai. isase anten shaktishali hoti hai aur qabz ke karan utpann hone vale any rog apane ap samapt ho jate hain.

vyayam dvara chikitsa

qabz door karane ke lie vyayam karana bhi labhakari hota hai. vyayam se pet ki kriya sudharati hai aur qabz door hota hai. vyayam ke lie pahale pith ke bal let jaen aur donon pairon ko uthakar sharir ke samakon tak lakar dhire-dhire pun: niche laen. is tarah pratidin vyayam karane se ant aur pet ki snayukriya thik hoti hai aur qabz adi rog door hote hain.

yaugik kriya ke dvara rog ki chikitsa

qabz ko khatm karane ke lie pratidin yogakriya ka abhyas karana chahie. isase kisi bhi karan se utpann hone vali qabz samapt ho jata hai. shatkriya (hathayog kriya) agnisar kriya ya nauli v bastikriya ka abhyas karen. pet se sambndhit sabhi karanon tatha pet ki mansapeshiyon ko shaktishali banane ke lie yaugik kriya-

  1. asan- soory namaskar, pavan muktasan, trikonasan, halasan, tadasan, kati chakrasan, matsyasan aur ardh matsyasan ka abhyas karen.
  2. pranayam- bhastrika pranayam ke sath kunbhak karen arthat sans ko rokane ka abhyas karen.
  3. bndh- is rog men udihdaya bandh v mahabndh ka abhyas karen.
  4. samay- is yogik kriyaon ka abhyas pratidin 20 minat tak karen.
  5. preksha- pranayam v bndh ke bad dirgh shvas preksha ka abhyas karen.
  6. anupreksha (man ki bhavana)- sans kriya karate hue man men vichar karen- "mere andar ka qabz rog door ho gaya hai aur main svasth ho raha hoon. mera man aur mastishk shuddh ho gaya hai." man men aisi bhavana karani chahie.
  7. bhojan- is rog men halka tatha asani se pachane vala bhojan karen. salad v sabjiyan rojana khayen. paryapt matra men pani v phalon ka ras pina chahie. adhe se zyada chokar milakar gehoon tatha jau ki roti khaen.
  8. parahej - starch yukt padartho ka sevan n karen tatha namak kam matra men upayog karen. aise padarth ka sevan n karen, jo qabz paida karen.

vishesh- sabhi yogakriyaon ka abhyas savadhanipoorvak karen. shatkriya ka abhyas yog chikitsak ke kahe anusar jaroorat padane par karen. any yogakriyaon ka abhyas pratidin karen. abhyas hamesha khali pet hi karen.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah



llpp