कीचक वध  हिन्दी देवनागरी में पढ़ें।

kichak ka vadh karate bhim

pandavon ko matsy naresh virat ki rajadhani men nivas karate hue das mah vyatit ho gaye. sahasa ek din raja virat ka sala kichak apani bahan sudeshna se bhent karane aya. jab usaki d‍rishti sairandhri (draupadi) par padi to vah kam-pidit ho utha tatha sairandhri se ekant men milane ke avasar ki tak men rahane laga. draupadi bhi kichak ki kamuk d‍rishti ko bhanp gee. usane maharaj virat evn maharani sudeshna se kaha bhi ki kichak mujh par kud‍rishti rakhata hai. mere panch gandharv pati hain. ek n ek din ve kichak ka vadh avashy kar denge, kintu un donon ne draupadi ki bat ki koee paravah n ki. lachar hokar ek din draupadi ne bhimasen ko kichak ki kud‍rishti tatha kuvichar ke vishay men bata diya. draupadi ke vachan sunakar bhimasen bole- "he draupadi! tum us dusht kichak ko arddharatri men nrityashala men milane ka sndesh de do. nrityashala men tumhare sthan par main jakar usaka vadh kar doonga.”[1]

sairandhri ne ballav (bhimasen) ki yojana ke anusar kichak ko ratri men nrityashala men milane ka snket de diya. draupadi ke is snket se prasann kichak jab ratri ko nrityashala men pahuncha to vahan par bhimasen draupadi ki ek sadi se apana sharir aur munh dhnk kar vahan lete hue the. unhen sairandhri samajhakar kamottejit kichak bola- “he priyatame! mera sarvasv tum par nyauchhavar hai. ab tum utho aur mere sath raman karo.” kichak ke vachan sunate hi bhimasen uchhal kar uth khade hue aur bole- “re papi! too sairandhri nahin apani mrityu ke samaksh khada hai. le ab parastri par kud‍rishti dalane ka phal chakh.” itana kahakar bhimasen ne kichak ko lat aur ghoonson se marana arambh kar diya. jis prakar prachand andhi vrikshon ko jhakajhor dalati hai, usi prakar bhimasen kichak ko dhakke mar-mar kar sari nrityashala men ghumane lage. anek bar use ghuma-ghuma kar prithvi par patakane ke bad apani bhujaon se usaki garadan ko marodakar use pashu ki maut mar dala.

is prakar kichak ka vadh kar dene ke bad bhimasen ne usake sabhi angon ko tod-marod kar use mans ka ek londa bana diya aur draupadi se bole- “panchali! akar dekho, mainne is kam ke kide ki kya durgati kar di hai.” usaki us durgati ko dekhakar draupadi ko atyant santosh prapt hua. phir ballav aur sairandhri chupachap apane-apane sthanon men jakar so gaye. pratahkal jab kichak ke vadh ka samachar sabako mila to maharani sudeshna, raja virat tatha kichak ke any bhaee adi vilap karane lage. jab kichak ke shav ko antyeshti ke lie le jaya jane laga to draupadi ne raja virat se kaha- “ise mujh par kud‍rishti rakhane ka phal mil gaya, avashy hi mere gandharv patiyon ne isaki yah durdasha ki hai.” draupadi ke vachan sunakar kichak ke bhaiyon ne krodhit hokar kaha- “hamare atyant balavan bhaee ki mrityu isi sairandhri ke karan huee hai. atah ise bhi kichak ki chita ke sath jala dena chahie.” itana kahakar unhonne draupadi ko jabaradasti kichak ki arthi ke sath bandh liya aur shmashan ki or le jane lage.[1]

knk, ballav, vrihannala, tantipal tatha granthik ke roop men vahan upasthit pandavon se draupadi ki yah durdasha dekhi nahin ja rahi thi, kintu agyatavas ke karan ve svayn ko prakat bhi nahin kar sakate the. isalie bhimasen chupake se parakote ko langhakar shmashan ki or daud pade aur raste men kichad tatha mitti ka sare angon par lep kar liya. phir ek vishal vriksh ko ukhadakar kichak ke bhaiyon par toot pade aur unamen se kitanon ko hi bhimasen ne mar dala, jo shesh bache ve apana pran bachakar bhag nikale. isake bad bhimasen ne draupadi ko santvana dekar mahal men bhej diya aur svayn naha-dhokar doosare raste se apane sthan men laut aye. kichak tatha usake bhaiyon ka vadh hote dekhakar raja virat sahit sabhi log draupadi se bhayabhit rahane lage.


pichhe jaen
kichak vadh
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 7 (hindi) freegita. abhigaman tithi: 24 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah