कुंवर नारायण  हिन्दी देवनागरी में पढ़ें।

kunvar narayan
kunvar narayan
poora nam kunvar narayan
janm 19 sitambar, 1927
janm bhoomi faizabad, uttar pradesh
mrityu 15 navambar, 2017
mrityu sthan dilli
karm bhoomi bharat
karm-kshetr kavi, lekhak
mukhy rachanaen 'chakravyooh', 'tisara saptak', 'parivesh : ham-tum', 'atmajayi', 'akaron ke asapas', 'apane samane', 'vajashrava ke bahane', 'koee doosara nahin' aur 'in dinon' adi.
bhasha hindi, angrezi
vidyalay lakhanoo vishvavidyalay
shiksha em.e. (angrezi sahity)
puraskar-upadhi 'gyanapith puraskar', 'sahity akadami puraskar', 'vyas samman', 'kumar ashan puraskar', 'premachnd puraskar', 'tulasi puraskar', 'uttar pradesh hindi snsthan puraskar', 'rashtriy kabir samman', 'shalaka samman', 'antarrashtriy primiyo fereniya samman', 'padmabhooshan' adi.
vishesh yogadan 'yugachetana' aur 'naya pratik' tatha 'chhayanat' ke snpadak-mandal men bhi kunvar narayan rahe hain.
nagarikata bharatiy
any janakari sahity akadami dvara kunvar narayan ko mahattar sadasyata 20 disnbar 2010 ko nee dilli men pradan ki gayi.
inhen bhi dekhen kavi soochi, sahityakar soochi

kunvar narayan (angrezi: Kunwar Narayan, janm- 19 sitambar, 1927, faizabad, uttar pradesh; mrityu- 15 navambar, 2017 dilli) hindi ke sammanit kaviyon men gine jate the. kunvar ji ki pratishtha aur adar hindi sahity ki bhayanak gutabaji ke pare sarvamany hai. unaki khyati sirf ek lekhak ki tarah hi nahin, balki kala ki anek vidhaon men gahari ruchi rakhane vale rasik vicharak ke saman bhi hai. kunvar narayan ko apani rachanashilata men itihas aur mithak ke madhyam se vartaman ko dekhane ke lie jana jata hai. unaka rachana snsar itana vyapak evn jatil hai ki usako koee ek nam dena sambhav nahin hai. film samiksha tatha any kalaon par bhi unake lekh niyamit roop se patr-patrikaon men chhapate rahe hain. apane anek any bhashaon ke kaviyon ka hindi men anuvad kiya hai aur unaki svayn ki kavitaon aur kahaniyon ke kee anuvad vibhinn bharatiy aur videshi bhashaon men chhape hain. 'atmajayi' ka 1989 men italavi anuvad rom se prakashit ho chuka hai. 'yugachetana' aur 'naya pratik' tatha 'chhayanat' ke snpadak-mandal men bhi kunvar narayan rahe hain.

jivan parichay

19 sitambar, 1927 ee. ko kunvar narayan ka janm uttar pradesh ke faizabad zile men hua tha. kunvar ji ne apani intar tak ki shiksha vigyan varg ke abhyarthi ke roop men prapt ki thi, kintu sahity men ruchi hone ke karan ve age sahity ke vidyarthi ban gaye the. unhonne 'lakhanoo vishvavidyalay' se 1951 men angrezi sahity men em.e. kiya. 1973 se 1979 tak ve 'sngit natak akadami' ke up-pithadhyaksh bhi rahe. kunvar ji ne 1975 se 1978 tak agyey dvara sampadit masik patrika men sampadak mndal ke sadasy ke roop men bhi kary kiya. kunvar narayan ki mata, chacha aur phir bahan ki asamay hi ti.bi. ki bimari se mrityu ho gee thi. bimari se unaki bahan brijarani ki matr 19 varsh ki avastha men hi mrityu huee thi. isase unhen bada kasht aur du:kh pahuncha tha. kunvar narayan ke anusar -

mrityu ka yah sakshatkar vyaktigat star par to tha hi samoohik star par bhi tha. dvitiy vishv yuddh khatm hone ke bad sanh pachapan men main paulend gaya tha. vishvanath pratap sinh bhi ge the mere sath. vahan mainne yuddh ke vidhvns ko dekha. tab main sattais sal ka tha. isilie main apane lekhan men jijivisha ki talash karata hoon. manushy ki jo jijivisha hai, jo jivan hai, vah bahut bada yatharth hai.[1]
lakhanoo vishvavidyalay se angrezi sahity men parasnatak karane ke bad kunvar narayan ne pushtaini aautomobail bijanes men kam karana shuroo kar diya tha lekin bad men achary je. bi. kripalani, achary narendr dev aur satyajit re se prabhavit hokar unaki roochi sahity men badhati gee.

lekhan kary

kunvar narayan is daur ke sarvashreshth sahityakar hain. unaki kavyayatra 'chakravyooh' se shuroo huee thi. isake sath hi unhonne hindi ke kavy pathakon men ek nee tarah ki samajh paida ki. yadyapi kunvar narayan ki mool vidha kavita hi rahi hai, kintu isake alava unhonne kahani, lekh v samikshaon ke sath-sath sinema, rngamnch evn any kalaon par bhi bakhoobi apani lekhani chalayi. isake chalate jahan unake lekhan men sahaj hi snpreshaniyata aee, vahin ve prayogadharmi bhi bane rahe. unaki kavitaon aur kahaniyon ka kee bharatiy tatha videshi bhashaon men anuvad bhi ho chuka hai. 'tanav' patrika ke lie unhonne kavafi tatha brorkhes ki kavitaon ka bhi anuvad kiya.

chakravyooh

kunvar narayan hamare daur ke sarvashreshth sahityakar hain. unaki kavyayatra 'chakravyooh' se shuroo huee. isake sath hi unhonne hindi ke kavy pathakon men ek nee tarah ki samajh paida ki.

parivesh ham tum

unake sngrah 'parivesh ham tum' ke madhyam se manaviy snbndhon ki ek viral vyakhya ham sabake samane aee.

atmajayi

unhonne apane prabndh 'atmajayi' men mrityu snbndhi shashvat samasya ko kathopanishad ka madhyam banakar adbhut vyakhya ke sath hamare samane rakha. isamen nachiketa apane pita ki agya, 'mrity ve tva dadamiti' arthath main tumhen mrityu ko deta hoon, ko shirodhary karake yam ke dvar par chala jata hai, jahan vah tin din tak bhookha-pyasa rahakar yamaraj ke ghar lautane ki pratiksha karata hai. usaki is sadhana se prasann hokar yamaraj use tin varadan mangane ki anumati dete hain. nachiketa inamen se pahala varadan yah mangata hai ki usake pita vajashrava ka krodh samapt ho jae.

vajashrava ke bahane

kunvar narayan ne hindi ke kavy pathakon men ek nee tarah ki samajh paida ki. nachiketa ke isi kathan ko adhar banakar kunvar narayan ki jo kriti 2008 men aee, 'vajashrava ke bahane', usamen unhonne pita vajashrava ke man men jo udvelan chalata raha use atyadhik satvik shabdavali men kavyabaddh kiya hai. is kriti ki viral visheshata yah hai ki 'amoort' ko ek atyadhik sookshm snvedanatmak shabdavali dekar nee utsah parakh jijivisha ko vani di hai. jahan ek or atmajayi men kunvar narayan ne mrityu jaise vishay ka nirvachan kiya hai, vahin isake thik viparit 'vajashrava ke bahane' kriti men apani vidhayak snvedana ke sath jivan ke alok ko rekhankit kiya hai.

sngit natak akadami

kunvar narayan ke anusar- 'main jab uttar pradesh sngit natak akadami ka upadhyaksh bana to mujhe sngitakaron ke snpark men aur nikat ane ka avasar mila. sngit se purana nata raha hai mera. main faiyaz khan, onkaranath thakur, achchhan maharaj, shnbhoo maharaj adi se aksar milata-julata tha. unake sannidhy ne mere sahityik snskriti ko kee staron par prabhavit kiya. film phestival par bhi likhata raha hoon. vishnu khare, vinod bharadvaj aur prayag shukl ke sath milakar hamane socha ki hindi men film samiksha upekshit hai. darasal bachapan se hi mujhe sinema dekhane ka shauq tha. hajaratagnj (lakhanoo) men tin sinema haaul the jinamen roz sham ko sinema dekhata tha. ye sanh 40, 50 aur 60 ki bat hai.'[1]

sahity akadami dvara mahattar sadasyata

sahity akadami dvara hindi kavi kunvar narayan ko mahattar sadasyata 20 disnbar 2010 ko nee dilli men pradan ki gayi. nee kavita andolan ke sashakt hastakshar aur varsh 2009 men 2005 ke gyanapith puraskar se sammanit kunvar narayan agyey dvara snpadit 'tisara saptak' ke pramukh kaviyon men rahe hain. kunvar narayan ko apani rachanashilata men itihas aur mithak ke jarie vartaman ko dekhane ke lie jana jata hai. yadyapi kunvar narayan ki mool vidha kavita rahi hai par isake alava unhonne kahani, lekh v samikshaon ke sath-sath sinema, rngamnch evn any kalaon par bhi bakhoobi lekhani chalayi hai.[2]

sinema men ruchi

filmon men kunvar ji ki dilachaspi ki ek khas vajah hai. darasal kunvar narayan ko film madhyam aur kavita men kafi samanata dikhati hai. vah kahate hain,- 'jis tarah filmon men rashej ikattha kie jate hain aur bad men unhen snpadit kiya jata hai usi tarah kavita rachi jati hai. film ki rachana-prakriya aur kavita ki rachana-prakriya men samy hai. arsan vels ne bhi kaha hai ki kavita film ki tarah hai. main kavita kabhi bhi ek nairetiv ki tarah nahin balki tukadon men likhata hoon. gris ke mashahoor filmakar luee mal sadak par ghoomakar pahale shooting karate the aur usake bad kathanak banate the. kristaauph klisvovski, igmar bargamain, tarakovski, andreee vazda adi mere priy filmakar hain. inamen se tarakovski ko main bahut jyada pasnd karata hoon. usako main filmon ka kavi manata hoon. ham shabd istemal karate hain, vo bimb istemal karate hain, lekin donon rachana karate hain. kala, film, sngit ye sabhi milakar ek snskriti, manav snskriti ki rachana karati hai lekin harek ki apani jagah hai, jahan se vah doosari kalaon se snvad sthapit kare. sahity ka bhi apana ek kona hai, jahan usaki pahachan sudridh rahani chahie. use jab doosari kalaon ya rajaniti men ham mila dete hain to ham usake sath nyay nahin karate. ap samajh rahe hain n meri bat?[1]

prakashit kritiyan

kavita sngrah - chakravyooh (1956), tisara saptak (1959),parivesh : ham-tum (1961), apane samane (1979), koee doosara nahin (1993), in dinon (2002)
khnd kavy - atmajayi (1965) aur vajashrava ke bahane (2008)
kahani sngrah - akaron ke asapas (1973)
samiksha vichar - aj aur aj se pahale (1998), mere sakshatkar (1999), sahity ke kuchh antarvishayak sndarbh (2003)
snkalan - kunvar narayan-snsar (chune hue lekhon ka sngrah) 2002, kunvar narayan upasthiti (chune hue lekhon ka sngrah, 2002), kunvar narayan chuni huee kavitaen (2007), kunvar narayan- pratinidhi kavitaen (2008)

samalochana

inake sngrah 'parivesh ham tum' ke madhyam se manaviy snbndhon ki ek viral vyakhya sabake samane aee. unhonne apane prabndh 'atmajayi' men mrityu snbndhi shashvat samasya ko kathopanishad ka madhyam banakar adbhut vyakhya ke sath prastut kiya. is kriti ki viral visheshata yah hai ki 'amoort' ko ek atyadhik sookshm snvedanatmak shabdavali dekar nee utsah parakh jijivisha ko vani di hai. jahan ek or 'atmajayi' men kunvar narayan ne mrityu jaise vishay ka nirvachan kiya hai, vahin isake thik viparit 'vajashrava ke bahane' kriti men apani vidhayak snvedana ke sath jivan ke alok ko rekhankit kiya hai. yah kriti aj ke is barbar samay men bhatakati huee manasikata ko n keval rahat deti hai, balki yah prerana bhi deti hai ki do pidhiyon ke bich samanvay banae rakhane ka samajhadar dhng kya ho sakata hai. unhen padhate hue, ye lagata hai ki kunvar narayan hindi ki kavita ke pichhale 55 varsh ke itihas ke snbhavatah shreshthatam kavi hain.

puraskar v samman

kunvar narayan ko 2009 men varsh 2005 ke 'gyanapith puraskar' se sammanit kiya gaya.[3] 6 aktoobar ko rashtrapati pratibha patil ne unhen desh ke sabase bade sahityik samman se sammanit kiya. kunvar ji ko 'sahity akadami puraskar', 'vyas samman', keral ka 'kumar ashan puraskar', 'premachnd puraskar', 'tulasi puraskar', 'uttar pradesh hindi snsthan puraskar', 'rashtriy kabir samman', 'shalaka samman', 'medal aauf vaaurasa yoonivarsiti', polaind aur rom ke 'antarrashtriy primiyo fereniya samman' aur 2009 men 'padmabhooshan' se bhi sammanit kiya ja chuka hai.

nidhan

hindi ke prasiddh kavi kunvar narayan ka 15 navambar, 2017 ko nidhan ho gaya. vah 90 varsh ke the. moolaroop se phaijabad ke rahane vale kunvar pichhale 51 sal se sahity se jude the. unhonne dilli ke siar park sthit apane ghar men budhavar ko antim sanse lin. vah siar park men apani patni aur bete ke sath rahate the. uttar pradesh ke mukhyamntri yogi adityanath ne kavi kuvnr narayan ki mrityu par shok vyakt kiya. unhonne tvit kiya ki uttar pradesh ke faizabad men janme sahity akadami v gyanapith puraskar se sammanit kavi v sahityakar kunvar narayan ji ke nidhan par shok vyakt karate hain. unaka sahity men diya gaya yogadan avismaraniy rahega. kavi ashok vajapeyi ne likha ki sngit, sinema, kavita aur darshan par pakad rakhane vale sahityakar kunvar narayan hamesha yad aenge.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 adamy jijivisha ka vinamr kavi kunvar narayan (hindi). . abhigaman tithi: 19 sitambar, 2012.
  2. kunvar narayan ko mili sahity akadami ki mahattar sadasyata (hindi). . abhigaman tithi: 19 sitambar, 2012.
  3. kunvar narayan ko gyanapith puraskar (hindi). . abhigaman tithi: 19 sitambar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah