कृष्ण जन्मभूमि  हिन्दी देवनागरी में पढ़ें।

krishn janmabhoomi
shri krishn janm sthan, mathura
vivaran bhagavan shri krishn ki janmabhoomi ka na keval rashdriy star par mahattv hai, balki vaishvik star par janapad mathura bhagavan shri krishn ke janmasthan se hi jana jata hai. paryatan ki drishti se videshon se bhi bhagavan shrikrishn ke darshan ke lie yahan pratidin darshanarthi ate hain.
rajy uttar pradesh
zila mathura
prabndhak shrikrishn janmabhoomi trasht
kaise pahunchen mathura jnkshan relave steshan par adhikansh rel rukati hain. dilli, agara, aligadh, gvaliyar se mathura ke lie bas seva bhi upalabdh hai.
relave steshan mathura jnkshan, mathura chhavani
yatayat saeekil riksha, aauto riksha, taiksi, lokal rel, bas
kya dekhen dvarikadhish mandir, banke bihari mandir, rngaji mandir, madan mohan mandir adi.
kahan thaharen hotal, dharmashala, atithi grah
es.ti.di. kod 0565
e.ti.em lagabhag sabhi
savadhani atnkavadi gatividhiyon se savadhan, lavaris vastuon ko na chhuen, shit ritu men kohare se aur grishm ritu men loo se bachav karen.
snbndhit lekh mathura, mathura rifainari, rajakiy sngrahalay mathura, mathura holi chitr vithika
adyatan‎ 6:00, 11 julaee, 2011 (IST)

bhagavan shri krishn ki janmabhoomi ka na keval rashdriy star par mahattv hai balki vaishvik star par janapad mathura bhagavan shrikrishn ke janmasthan se hi jana jata hai. aj vartaman men mahamana pndit madanamohan malaviy ji ki prerana se yah ek bhavy akarshan mandir ke roop men sthapit hai. paryatan ki drishti se videshon se bhi bhagavan shrikrishn ke darshan ke lie yahan pratidin ate hain. bhagavan shrikrishn ko vishv men bahut badi snkhya men nagarik aradhy ke roop men manate hue darshanarth ate hain.

bhagavan keshavadev ka mandir

bhagavan shrikrishn ne apani ihalaukik lila snvaran ki. udhar yudhishthar maharaj ne parikshit ko hastinapur ka rajy saunpakar shrikrishn ke prapautr vajranabh ko mathura mndal ke rajy sinhasan par pratishthit kiya. charon bhaiyon sahit yudhishthir svayn mahaprasthan kar gaye. maharaj vajranabh ne maharaj parikshit aur maharshi shandily ke sahayog se mathura mndal ki pun: sthapana karake usaki sanskritik chhavi ka punaroodvar kiya. vajranabh dvara jahan anek mandiron ka nirman karaya gaya, vahin bhagavan shrikrishnachandr ki janmasthali ka bhi mahattv sthapit kiya. yah kns ka karagar tha, jahan vasudev ne bhadrapad krishn ashtami ki adhi rat avatar grahan kiya tha. aj yah katara keshavadev nam se prasidv hai. yah karagar keshavadev ke mandir ke roop men parinat hua. isi ke asapas mathura puri sushobhit huee. yahan kalakram men anekanek gaganachumbi bhavy mandiron ka nirman hua. inamen se kuchh to samay ke sath nasht ho gaye aur kuchh ko vidharmiyon ne nasht kar diya.

krishn janmabhoomi, mathura

pratham mandir

eesavi sanh se poorvavarti 80-57 ke mahakshatrap saudas ke samay ke ek shila lekh se gyat hota hai ki kisi vasu namak vyakti ne shrikrishn janmasthan par ek mndir toran dvar aur vedika ka nirman karaya tha. yah shilalekh brahmi lipi men hai.

dvitiy mandir

doosara mandir vikramadity ke kal men sanh 800 ee॰ ke lagabhag banavaya gaya tha. snskriti aur kala ki drishti se us samay mathura nagari bade utkarsh par thi. hindoo dharm ke sath bauddh aur jain dharm bhi unnati par the. shrikrishn janmasthan ke snmip hi jainiyon aur bauddhon ke vihar aur mandir bane the. yah mandir sanh 1017-18 ee॰ men mahamood gazanavi ke kop ka bhajan bana. is bhavy sanskritik nagari ki suraksha ki koee uchit vyavastha n hone se mahamood ne ise khoob loota. bhagavan keshavadev ka mandir bhi tod dala gaya.

krishn janmabhoomi, mathura
Shri Krishna's Janm Bhumi, Mathura

tritiy mandir

snskrit ke ek shila lekh se gyat hota hai ki maharaja vijayapal dev jab mathura ke shasak the, tab sanh 1150 ee॰ men jajj namak kisi vyakti ne shrikrishn janmasthan par ek naya mandir banavaya tha. yah vishal evn bhavy bataya jata hain. ise bhi 16 vin shatabdi ke arambh men sikandar lodi ke shasan kal men nasht kar dala gaya tha.

chaturth mandir

jahangir ke shasan kal men shrikrishn janmasthan par pun: ek naya vishal mandir nirman karaya orachha ke shasak raja virasinh joo dev bundela ne isaki oonchaee 250 phit rakhi gee thi. yah agara se dikhaee deta bataya jata hai. us samay is nirman ki lagat 33 lakh rupaye aee thi. is mandir ke charon or ek oonchi divar ka parakota banavaya gaya tha, jisake avashesh ab tak vidyaman hain. dakshin pashchim ke ek kone men kua bhi banavaya gaya tha is ka pani 60 phit ooncha uthakar mandir ke pragan men favvare chalane ke kam ata tha. yah kuan aur usaka burj aj tak vidyaman hai. sanh 1669 ee॰ men pun: yah mandir nasht kar diya gaya aur isaki bhavan samagri se eedagah banava di gee jo aj vidyaman hai. janmasthan ki aitihasik jhanki pichhale prishthon men di ja chuki hai. yahan vartaman mandir ke nirman ka itihas dena avashyak hai.

janmasthan ka punarudvar

krishn janmabhoomi, mathura
Krishna's Janm Bhumi, Mathura

san 1940 ke asapas ki bat hai ki mahamana pandit madanamohan ji ka bhakti-vibhor hriday upekshit shrikrishn janmasthan ke khandaharon ko dekhakar dravit ho utha. unhonne isake punaroodvar ka snkalp liya. usi samay sanh 1943 ke lagabhag hi svargiy shri jugalakishor ji bidala mathura padhare aur shrikrishn janm sthan ki aitihasik vandaniy bhoomi ke darshanarth gaye. vahan pahunchakar unhonne jo drishy dekha usase unaka hriday utyant du:khit hua. mahamana pandit madanamohan ji malaviy ne idhar shri jugalakishor ji bidala ko shrikrishn-janmasthan ki durdasha ke sambandh men patr likha aur udhar shribidala ji ne unako apane hriday ki vyatha likh bheji. usi ke phalasvaroop shri krishn janmasthan ke punaroodvar ke manorath ka uday hua. isake phalasvaroop dharmapran shri jugal kishor ji bidala ne 07 faravari 1944 ko katara keshav dev ko raja patanimal ke tatkalin uttaradhikariyon se khadid liya, parantu malaviy ji ne punarooddhar ki yojana banaee thi vah unake jivanakal men poori n ho saki. unaki antim ichchha ke anusar shri bidala ji ne 21 faravari 1951 ko shrikrishn janmabhoomi trasht ke nam se ek trasht sthapit kiya.

holi, krishn janmabhoomi, mathura
Holi, Krishna Janm Bhumi, Mathura

janmabhoomi trast ki sthapana 1951 men huee thi parantu us samay musalamanon ki or se 1945 men kiya hua ek muqadama ilahabad haeekort men nirnayadhin tha isalie trast dvara janmasthan par koee kary 7 janavari 1953 se pahale-jab mukdaqama kharij ho gaya-n kiya ja saka.

upekshit avastha men pade rahane ke karan usaki dasha atyant dayaniy thi. katara ke poorab ki or ka bhag sanh 1885 ke lagabhag todakar brindavan relave lain nikali ja chuki thi. baqi tin or ke parakota ki divaren aur usase lagi huee kothariyan jagah-jagah gir gayi thin aur unaka malaba sab or phaila pada tha. krishn chabootara ka khandahar bhi vidhvns kiye hue mandir ki mahanata ke dyotak ke roop men khada tha. chabootara poorab-pashchim lambaee men 170 phit aur uttar-dakkhin chaudaee men 66 phit hai. isake tinon or 16-16 phit chauda pushta tha jise sikandar lodi se pahale kursi ki sidh men raja virasinh dev ne badhakar parikrama path ka kam dene ke liye banavaya tha. yah pushta bhi khandahar ho chuka tha. isase qarib das phit nichi gupt kalin mandir ki kursi hai jisake kinaron par pani se ankit patthar lage hue hain.

krishn janmabhoomi, mathura
Krishna Janm Bhumi, Mathura

uttar ki or ek bahut bada gadhda tha jo pokhar ke roop men tha. samast bhoomi ka durupayog hota tha, masjid ke as-pas ghosiyon ki basavat thi jo ki arambh se hi virodh karate rahe hain. adalat divani, faujadari, mal, kastodiyan v haeekort sabhi nyayalayon men evn nagarapalika men unake chalayen hue muqadamon men apane satv evn adhikaron ki pushti v raksha ke lie bahut kuchh vyay v parishram karana pada. sabhi muqadamon ke nirnay janmabhoomi-trast ke paksh men hue.

radha-krishn, krishn janmabhoomi, mathura
Radha - Krishna, Krishna's Birth Place, Mathura

mathura ke prasiddh vedapathi brahmanon dvara havan-poojan ke pashchath shri svami akhndanand ji maharaj ne sarvapratham shramadan ka shriganesh kiya aur bhoomi ki svachchhata ka punit kary arambh hua. do varsh tak nagar ke kuchh sthaniy yuvakon ne atyant prem aur utsah se shramadan dvara uttar or ke oonche-oonche tilon ko khodakar bade gadde ko bhar diya aur bahut si bhoomi samatal kar di. kuchh vidyalayon ke chhatro ne bhi sahayog diya. inhin dinon uttar or ki prachir ki tooti huee divar bhi shri dalamiyan ji ke das hazar rupaye ke sahayog se banava di gayi.

bhoomi ke kuchh bhag ke svachchh aur samatal ho jane par bhagavan krishn ke darshan evn poojan-archan ke lie ek sundar mandir ka nirman dalamiya-jain trast ke dan se seth shriramakrishn ji dalamiya ki svargiya poojya mataji ki punyasmriti men kiya gaya.

mandir men bhagavan ke bal-vigrah ki sthapana, jisako shri jugal kishor bidala ji ne bhent kiya tha, ashadh shukla dvitiy samvath 2014 dinank 29 joon sanh 1957 ko huee, aur isaka udh-ghatan bhadrapad krishn 8 samvath 2015 dinank 6 sitnbar sanh 1958 ko 'kalyan' (gita pres) ke yashasvi sampadak sntapravar shrihanuman prasad poddar ke kar-kamalon dvara hua. yah mandir shrikeshav dev mandir ke nam se prakhyat hai.

shrikrishn-chabootare ka jirnoddhar

katara keshavadev-sthit shrikrishn-chabootara hi bhagavan shrikrishn ki divy prakty-sthali kaha jata hai. mathura-myoojiyam ke kyooretar da॰ vasudevasharan ji agraval ne apane lekh men aitihasik tathy dekar is abhimat ko siddh kiya hai. isase siddh hota hai ki mathura ke raja kns ke jis karagar men vasudev-devakinandan shrikrishn ne janm-grahan kiya tha, vah karagar aj katara keshavadev ke nam se hi vikhyat hai aur 'is katara keshavadev ke madhy men sthit chabootare ke sthan par hi kns ka vah bandigrih tha, jahan apani bahan devaki aur apane bahanoee vasudev ko kns ne kaid kar rakha tha.' shrimadbhagavat men is sthal par shrikrishn-janm ke samay ka varnan is prakar hai-

krishn janmashtami ke avasar par shraddhaluon ki bhid, krishn janmabhoomi, mathura

pitro: sampashyato sadyo babhoov prakrit: shishu:॥

tatashch shaurirbhagavatprachodit: sutn samaday s sootakagrihath.

yada bahirgantumiyesh tarhy ja ya yogamayajani nand jayaya॥

taya hritapratyayasarvavrittishu dva:stheshu paureshvapi shayiteshvath.

dvarastu sarva: pihita duratyaya brihatkapatayasakilashrrinkhalai: ॥

ta: krishnavahe vasudev agate svayn vyavaryant yatha tamo rave:

(10.3.46-49)

holi, krishn janmabhoomi, mathura
Holi, Krishna Janm Bhumi, Mathura

arthath 'pita-mata' ke dekhate-dekhate unhonne turant ek sadharan shishu ka roop dharan kar liya. tab vasudev ji ne bhagavan ki prerana se apane putr ko lekar sootika-grih se bahar nikalane ki ichchha ki. usi samay nand-patni yashoda ke garbh se us yogamaya ka janm hua, jo bhagavan ki shakti hone ke karan unake saman hi janmarahit hai. usi yogamaya ne dvarapal aur puravasiyon ki samast indriyavrittiyon ki chetana har li. ve sabake sab achet hokar so gaye. bndigrih ke sabhi daravaze band the. unamen bade-bade kivad, lohe ki jnjiren aur tole jade huye the. unake bahar jana bahut kathin tha; parantu vasudev ji bhagavan shrikrishn ko god men lekar jyon-hi unake nikat pahunche, tyon-hi ve sabhi daravaze apase-ap khul gaye. thik vaise hi, jaise sooryoday hote hi andhakar door ho jata hai.

shrivajranabh ne apane prapitamah ki isi janmasthali par unaka pratham smriti-mandir banavaya tha aur isi sthal par usake pashchath ke mandiron ke garbh-grih (jahan bhagavanh ka archavigrah virajaman kiya jata hai, usakon 'garbh-grih kahate hain.) bhi nirmit hote rahe. puratan kala-kritiyon men mukhy mandir ki padapithika (plinth) ashthaprahari (athapahaloo) hua karati thi, jise oonchi kursi dekar banaya jata tha. isiliye anek mandiron ke dhvnsavashesh aur nirman ke karan yah sthan 'shrikrishn-chatvar' (chabootara) nam le prakhyat hua. is sthan par hi shri orachha-naresh dvara nirmit mandir ka garbh-grih raha, jo aurngazeb dvara dhvast mandir ke malave men dab gaya. us mandir ke poorv dishavale vishal jagamohan (darshak-grih) ke sthan par to aunragajeb ne ek eedagah khadi kar di aur pashchim men garbh-grih arthath sampoorn shrikrishn-chabootara bacha raha.

shri keshavadev ji ka prachin vigrah braj ke any vigrahon ki bhanti aj bhi surakshit aur poojit hai. aunragajeb ke shasanakal men musalamani faujen mandiron ko dhvast karane ke lie jab koonch kiya karati thin, tab gupt roop se hinduon ko yah soochana mil jati thi ki mandir todane ke lie sena a rahi hai. yah soochana milate hi nishthavan bhaktajan mandir-sthit vigrahon ko hindoo rajy evn rajavado men le jate the. isi karan shri govindadev ji ka shri vigrah jayapur men, shri nath ji ka shri vigrah nathadvara (udayapur) men evn ri madanamohan ji ka shri vigrah karauli men aj bhi virajaman hai. shrikrishn-chabootare par orachha naresh vale shri vigrah ke sambandh men svargiy baba krishnadas dvara prakashit 'brajamandal-darshan' men ullekh hai ki— 'jahangir badashah ke samay 1610 sal men orachha ke raja virasinhadev ne 33 lakh rupaya lagakar adikeshav ka mandir banavaya tha, jo ki 1669 sal men aunragajeb ke dvara dhvast hokar masajid ke roop men ban gaya.'

krishn janmabhoomi, mathura
Shri Krishna's Janm Bhumi, Mathura

jis mandir men adikeshav virajaman hain, vah mandir 1850 ee॰ men gvaliyar ke kamadar ke dvara nirmit hua hai. prachin vigrah adyapi rajadhan gram (zila kanapur men auraiya, itava se 17 mil) par sthit hai. vahin pas men 2 mil par budhauli gram men shri haridev ji virajate hain.

krishn janmabhoomi, mathura
Krishna Janm Bhumi, Mathura

prachin keshav-mandir ke sthan ko 'keshav katara' kahate hain. eedagah ke tin or ki vishal divaren dhvast mandir ke pashan-khandon se bani huee hain, jo dhvns kiye gaye prachin mandir ki vishalata ka mook sndesh de rahi hain. upekshit rahane ke karan tin shatabdiyon se bhi adhik samay tak yah sthan mitti-malave ke tilon men dab gaya. usi malave ke niche se, jahan bhagavan ka archa-vigrah virajaman kiya jata tha, vah garbh-grih prapt hua.

uttarottar shrikrishn-chabootare ka vikas hota chala a raha hai. shri keshavadev-mandir ke uparant shrikrishn-chabootare ke jirnoddhar ka kary suprasiddh indiyan eksaprais samachar-patr-samooh-snchalak shri ramanath ji goyanaka ke udar dan se unaki dharmapatni svargiy shrimati moongibaee goyanaka ki smriti men snvat 2019 men kiya gaya. garbh-grih ki chhat ke oopar sngamaramar ki ek chhatri aur ek baramada banavaya gaya. garbh-grih ki chhat ke pharsh par bhi sampoorn sngamaramar jadavaya gaya.

bade chamatkar ki bat hai ki chabootare ke oopar baramade ki divar men lagi sngamaramar ki shilaon par shrikrishn ki vibhinn mudraon men akritiyan ubhar ayi hain, jinhen dekhakar darshakagan vibhor ho jate hain. sharad poornima ki poorn chandr-nisha men is chabootare ka doodh-jaisa dhaval-saundary dekhate hi banata hai.

holi, krishn janmabhoomi, mathura
Holi, Krishna Janm Bhumi, Mathura

prachin garbh-grah ki prapti

jis samay chabootare par nirmit baramade ki ninv ki khudaee ho rahi thi, us samay shramikon ko hathaude se chot marane par niche kuchh poli jagah dikhaee di. use jab toda gaya to sidhiyan aur niche kafi bada kamara-sa mila, jo orachha-naresh-nirmit mandir ka garbh-grih tha. usamen jis sthan par moorti virajati thi, vah lal patthar ka sinhasan jyon-ka-tyon mila. use yathavath rakha gaya hai tatha garbh-grih ki jarjarit divaron ki keval marammat kar di gayi hain. oopar chabootare par se niche garbh-grih men darshanarthiyon ke ane ke liye sidhiyan bana di gayi hain. garbh-grih ke sinhasan ke oopar darshakon ke liye vasudev-devaki sahit shrikrishn-janm ki jhankiyan chitrit ki gayi hain.

niche lal patthar ke purane sinhasan par jahan pahale koee pratima rahi hogi, shrikrishn ki ek pratima bhakton ne virajaman kar di hai. poorv ki divar men ek daravaze ka chihn tha, jo eedagah ke niche ko jata tha. age kafi andhera tha. usake mukh ko patthar se band karava diya gaya. kaksh ke pharsh par bhi patthar lage hue hain. uttar ki or sidhiyan hain yah sthan ati prachin hai. vedi par bhaktajan shraddha poorvak matha tekakar dhany hote hain. dakshin ki or bahar nikalane ke liye ek daravaza nikal diya gaya.

holi, krishn janmabhoomi, mathura
Holi, Krishna Janm Bhumi, Mathura

chabootare ke tinon or jo pushta ke khndahar the, badi kathinaiyon se tode gaye. unako todakar niche ki kursi svachchh bana di gayi aur us par mabaral chips pharsh bana diya gaya hai. is kursi se do phit nichaee par dhaloo aur oonchi-nichi donon or ki jo bhoomi thi, usako samatal karake usamen batika laga di gayi. is bhoomi ki khudair men anek avashesh nikale hain, jo vidhvns kiye hue mandiron ke hain aur puratattv ki drishti se bade mahattv ke hain. in sabako suraksha ki drishti se mathura rajakiy sngrahalay ko de diya gaya hai.

bhagavat-bhavan

san 1965 men shilanyas hone ke uparant-bhavan ki ninv ki khudaee ka kary prarambh ho gaya tha. arambh men varanasi ke shriramacharitamanas-mandir ke anusar bhagavat-bhavan-nirman ki yojana bhi 14-15 lakh rupayon ki thi, lekin bad men purana mandir jo agara se bhi dikhalaee padata tha, usaki oonchaee ke anusar shikhar ki oonchaee 250 phit rakhi gayi, jisake lie sab milakar 24-25 lakh rupaye ke kharch ka anuman lagaya gaya. anek karanon se, jinamen yojana ki vishalata evn bich-bich men ane vali kathinaiyan shamil hain, 1981 ka varsh bitate-bitate shrikrishn-janmasthan par akele dalamiya-parivar evn unase sambandhit traston, vyaparik snsthanon tatha anyay premiyon ki seva rashi bhagavat-bhavan aur janmasthan ke any vikas-karyon par sab milakar ek karod rupayon se oopar pahunch gayi. shrikrishn–janmasthan ke vikas ke liye udaramana mahanubhavon ki ek hazar rupaye ya isase adhik ki seva-rashiyon ka vivaran bhi bhagavat-bhavan ke vivaran ke ant men janmabhoomi smarika men diya gaya.

holi, krishn janmabhoomi, mathura
Holi, Krishna Janm Bhumi, Mathura

jaisa ki oopar ullekh kiya ja chuka hai, is bhavan ki ninv varanasi ke ramacharitamanas-mandir ke anusar ban chuki thi. jab ninv ke oopar divaron ka bhoomi ki satah se 7-8 phit oonchaee tak nirman ho gaya, us samay 250 phut oonchaee tak shikhar le jane ka nirnay hua. oonche shikhar ke nirnay ke sath bhagavat-bhavan ki jo kursi 7-8 phit oonchi rakhani thi, usako 30-35 phit oonche le jane ka nirman chalata raha. us samay kisi ko bhi yah khayal nahin aya ki isake oopar banane bale 250 phut oonche shikhar ka bhar vahan karane yogy ninv hai ya nahin. lagabhag 30 phit ki oonchaee tak nirman ka kary pahunchane par vishal divaron men jab kuchh dararen padane lagin, us samay nirmanakarttaon ko chinta huee. tab tak nirman-kary 36 phit se bhi oopar pahunch chuka tha. nivn ki is kamachori or sabase pahale sivil ijiniyar ne dhyan akarshit karavaya, jo chandigadh men praiktis karate the tatha jinhonne karanchi evn savaee madhopur ke dalamiya ji ke siment karakhanon ka nirman karavaya tha. tatpashchath is sndeh ki pushti udisa siment ke shri pi0si0 chatarji ne bhi ki. usake bad roodaki injiniyaring yoonivarsiti ke shri shamasheraprakash evn shri gopalarnjan dvara isaki janch karavayi gayi, jisaki riport unhonne faravari, 1974 men di. isaken bad is par joon-julaee, sanh 1974 men madras ke prasiddh shri ji0es0 ramasvami se jab salah li gayi, tab yahi nirnay hua ki ninv ke oopar vazan ghatana chahiye aur usake lie shikhar ko halka banaya gaya evn oonchaee bhi ghatakar lagabhag 130 phit kar di gayi. tab se dijaining ka sara kam shri pi0si0 chatarji ko saunpa gaya, jinhonne badi lagan ke sath kam kiya aur ve nakshe itane saf aur vivaran ke sath bhejate the ki kam karane vale ko saralata rahe. is prakar ke spasht nakshe koee bhi arkitaikt athava sivil injiniyar nahin dete. avashyakatanusar ve kee bar mathura akar bhi kam ki pragati dekhate rahe. janmasthan ki seva men unhonne mandir nirman ki evn bhagavan ke prati apani shraddha ke karan hi itana parishram kiya. inaki dharmapatni bahut bimar ho gayi, tab bhi bina vishram ke ye kam karate rahe.

nirman ke samay ayi in sab rookavaton ke karan 2-3 varsh nirman sthagit raha. bich-bich men siment ke abhav se bhi kam rookata raha. is prakar bhagavat-bhavan ke nirman men shilanyas se lekar moorti-pratishtha tak lagabhag 17 varsh lag gaye.

shrimadbhagavat ka tamrapatnikaran

dugdhabhishek,krishn janmabhoomi, mathura

poorv yojana thi ki bhagavat-bhavan ki divaron par shrimadbhagavat ke sampoorn shloko ko sngamaramar ki shilaon par utkirn karavakar jadavaya jay. isake lie mandir ke samane ke jagamohan ko paryapt bada banavaya gaya, parantu prakash ke lie khidakiyan adi chhodane ke karan jagah kam padane lagi at: yah nirnay hua ki shrimadbhagavat ke sampoorn shlokon ko tamr-patron par utkirn karavakar lagavaya jay, jisase ki unaki ayu adhik rahe. kadachit kisi bhi karan se vidhvas ho to makarane ke patthar ke lekhon se tamr patr ke lekh kahin adhik tikaoo hogen aur kagazon ke granth bhi nasht ho jayen to bhi tamr patr par likhe granth se shrimadbhagavat granth ka punarooddhar saralata se ho sakata hai. tajamahal ke sngamaramar men bhi dane (grens) ubharane lage hain-aisa visheshgyon ka mat hai mathura men bani riphainari ki gais se tajamahal ki kalakriti ke nasht hone ki sambhavana par bhi samachar-patron men anek logon ne sarakar ka dhyan akarshit kiya tha. tamrapatr par mausam ka keval itana hi prabhav padata hai ki oopar parat maili ho jati hai, jo samay-samay par chamakayi ja sakati hai. atev tamrapatron par shrimadbhagavat ka mool-path adhik kal tak surakshit rah pane ke karan shrimadbhagavat ko tamrapatron par utkirn karavakar bhagavat bhavan men lagavaya gaya. kalantar men bhookamp ityadi athava jirn-shirnata ki avastha men imarat ke dhah jane se malabe men dabe rahane par bhi in tamrapatron par utkirn shrimadbhagavat ka mool-path hazaron varshon tak surakshit rah payega, jabaki makarane ke sngamaramar par shrimadbhagavat ko khudavane se aisa sambhav nahin tha. shrimadbhagavat ka tamrapatron par utkhanan kary shri vyas nandan sharma ki dekharekh men gandhinagar, dilli sthiti radha pres men hua. shrimadbhagavat ke kul chh:sau paitis tamrapatr bane hain, jo bhagavat bhavan ke mukhy mandir ka parikrama ki divaron par lagavaye gaye hain.

bhagavat-bhavan evn unake mukhy mndir

krishn janmabhoomi, mathura

bhagavat-bhavan ki kursi ko ooncha rakhane ke karan niche ke sthan men vishal kaksh (hal) nikal diye gaye hain. is oonchaee ko do majilon men bant diya gaya hai. jinamen se pashchim ke niche ke talle ka upayog balagopal shiksha-sadan namak ek shishu-vidyalay ke snchalanarth kiya ja raha hai. oopar ki mnzil men pashchim ki or shrikrishn-shodhapith-pustakalay sthapit kiya gaya hain, dakshin ki or darshakon ke lie shrikrishn ki evn shriram ki lilaon se sambandhit yantr-chalit jhakiyan sthapit ki gayi hai. mukhy bhagavat bhavan tak pahunchane ke liye pashchimi disha men 100 phit lambi vishal sidhiyan banavayi gayi hain, jasase bhid ke samay yatriyon ke chadhane evn utarane ke lie asuvidha n ho. ashakt, ativriddh evn vishishha darshak ganon ko mukhy mandir ke dharatal tak le jane ke liye bhagavat-bhavan ke pichhe ki or uttar disha men e lipht lag chuki hai, jo yatriyon ko parikrama ki chhat tak le jayegi. vahan se lagabhag 10 phit oonchaee tak sidhi se chadhakar jane par sabha-mandap ki chhat par pahuncha ja sakata hai. shikhar men oopar jane ko sidhiyan bani hain. shikhar ke madhy men bahar charon or char chhajje hain. sabase oopar ki oonchaee par uttar taraph chhajja hai. in chhajjon se samast mathura nagari evn sudoor gokul, vrindavan adi brajasth tirthon ka manoram prakritik drishy dikhayi padata hai. bhagavat-bhavan ke mukhy sabha-mandap ke chhat ki oonchaee lagabhag 60 phit hai. sabha-mandap ke uttar ki or madhy men mukhy mandir hain, jisamen shriradha-krishn ke 6 phit sngamaramar ke vishal vigrah sthapit kiye gaye hain aur us mandir ke dvar ke thik samane vali divar par ek nirdisht sthan par hath jodi mudra men pavanaputr shri hanuman ji ka shrivigrah sthapit kiya gaya hai. mukhy mandir ke pashchim ki or sthit chhate mandir men shri jagannathapuri se laye gaye shrijagannath ji, shribalabhadr ji evn shrisubhadraji ke vigrah sthapit hain. sabhamandap ke madhy bhag men do chhote mandir poorvi aur disha ki or vale mandir men shiv-parivar ki moortiyan evn paradaling virajaman kiye gaye hain. shriradhakrishn ke mandir ke samane dakshin sire ke pas shri malaviy ji maharaj ki unake dahini or shrijugalakishor ji virala ki evn banyi or shri hanumanaprasad ji poddar ki hath jode moortiyan hain, jinako bhagavan shri radha-krishn-vigrah ke darshan bina badha ke hote rahenge. sabha-mandap ke poorv, pashchim aur dakshin men tin vishal dvar hai. in dvaron ke oopar ki sajavat bharatiy shilp-shaili ke adhar par ki gayi hai. sabha-mandap ke stambhon ke charon or shriradhakrishn ke sakhaon, sakhiyon evn snt-mahatmaon ke chitr sngamaramar par utkirn kiye ja rahe hain. sabha mandap ke bahar ki chhat par se bhi mathura-nagari ki vihngam drishy bada suhavana lagata hai. sabha-mandap ki divaron par khidakiyon ke bich ki jagah men bhi chitrakari hoti. sabha mandap ki chhat par vrindavan ke suprasiddh chitrakar shri dampatti kishor ji gosvami se sundar chitrakari karavayi gayi hai.

holi, krishn janmabhoomi, mathura
Holi, Krishna Janm Bhumi, Mathura

bhagavat-bhavan ke attugdn shikhar vaise to yatri ko door se hi akarshit karate hain, parantu ve jaise hi sidhiyon se chadhakar mukhy sabha mandap ke niche vale pletapharm par pahunchate hain to vahan se bhagavat bhavan ka bahari drishy unhen aur bhi akarshit karane lagata hai. sabhi dvaron, gavakshon, chhajjon, dvar shakhaon ev shikharasth sajavat ka bharatiy snskriti evn prachin sanskritik shilp-shaili se shilpakaron ne aisa sajaya he ki ve ati manoram lagati hai. mukhy mandir ka shikhar janmabhoomi ki satah se lagabhag 130 phit ooncha hai aur chhote mandiron ka shikhar lagabhag 84 phit oonche janmabhoomi ki satah sadak se lagabhag 20 phit oonchi hai. at: in sabaki oonchaee se sadak ki satah gini jay to lagabhag 20 phit aur badh jati hai. mukhy mandir ke shikhar par chakr sahit chhah phit oonche aur mandiron par lagabhag dhaee phit oonche svarn mandit kalash hai.

vigrah-pratishtha
potara kund, mathura
Potra Kund, Mathura

jis bhagavat-bhavan ko adhar-shila nityalila lin bhaee ji shri hanumanaprasadaji poddar ke kar kamalon dvara huee thi, usaka vigrah-pratishtha-mahotsav phalgun krishn chaturthi, vi0s0 2038 shukravar, dinank 12 faravari, 1982 ko sampann hua. pran-pratishtha mahotsav men achary the varanasi ke pandit shri ramajilal ji shastri evn unake any sahayogigan. pandit shriramajilal shastri ke acharyatattv men hi is bhagavat-bhavan ka shilanyas nityalila jin poojy bhaee jo shrihanuman prasad ji poddar dvara sampann kiya gaya tha.

holi, krishn janmabhoomi, mathura
Holi, Krishna Janm Bhumi, Mathura

panchon mandiron ke jo vigrah hain, unamen se mukhy mandir ke shriradha-krishnaji ke vigrah shriram, lakshman, sita aur hanuman ji shrivigrah evn shridurgaji ka shrivigrah jayapur men pandey moorti myoojiyam se malik shri jagadishanarayan ji pandey ke dvara nirmit hue shri jagannathaji ke shrivigrah ri jagannathapuri se vahan ke pandit pravar shri sadashivarath sharma ne shastriy vidhi se nirmit karavakar bheje. parad ke shnkar shri paradeshvaraji ke ling ka nirman bambee ke shri bhaoo saheb kulakarni se karavaya gaya. ve vartaman men bharat ke ekamatr parad-ling-nirmata batalaye jate hain. shri malaviyaji, shri biralaji evn poddaraji ki moortiyon ka nirman rajasthan moortakila ke shrirameshvaralalaji pandey dvara hua hai.

pratishtha-mahotsav budhavar, 3 faravari 1982 ko ganesh-poojan aur nandimukh-shraddh dvara hua. magh shookl 13 shanivar, 6 faravari 82 se lekar magh krishn tritiy brihaspativar 11 faravari 1982 tak pandit shri ramajilalaji shastri ke acharyatv men pratishthit kiye jane vale sabhi vigrahon ka adhivas kary hua phalgun krishn chaturthi, shukravar, 12 faravari 1982 ko prat: 1030 baje ke uparant vigrahon ki pran-pratishtha huee.

is prakar anekanek shatabdiyan biti aur raj tatha taj yatha itihas badalate rahe, ritu chakron ka silasila chalata-badalata raha kintu bhagavan keshavadev ki manyata aur bhakti garima men koee thes nahin pahunch saki. aj yah sthal antarrashtriy mahattv ka darshaniy aur ramaniy sanskritik tirth hai. samay ki khoobi hai ki katara keshavadev ki tin or ab sundar-sundar kaloniyan-jagannathapuri, mahavidya kaauloni, govind nagar bas chuki hai. sadaken hain, bazar hai aur antarrashtriy atithi grah ka nirman bhi ho chuka hai. prati varsh lakhon darshanarthi yahan ate hain. janmabhoomi ka apana vishal pustakalay hai, apana prakashan vibhag hai. isaki apani ek prabandh samiti hai. janmashtami par yahan vishesh karyakram hote hain. door-darshan aur akashavani se inaka sidha prasaran hota hai.



panne ki pragati avastha
adhar
prarambhik
madhyamik
poornata
shodh

vithika

bahari kadiyan

braj diskavari

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah