के. केलप्पन  हिन्दी देवनागरी में पढ़ें।

ke. kelappan
ke. kelappan
poora nam ke. kelappan
janm 24 agast, 1889
janm bhoomi kalikat, keral
mrityu 7 aktoobar, 1971
nagarikata bharatiy
prasiddhi svatantrata senani, samaj sudharak
dharm hindoo
jel yatra 1942 ke 'bharat chhodo andolan' ke dauran ke. kelappan giraftar kiye ge aur tin varsh tak jel men bnd rahe.
vidyalay 'madras vishvavidyalay', 'mumbee vishvavidyalay'
parti 'kisan mazadoor praja parti'
any janakari jab achary je. bi. kripalani ne 'kisan mazadoor praja parti' banaee to ke. kelappan usamen sammilit ho ge. isake bad ve 1952 men pratham lokasabha ke sadasy chune ge.

ke. kelappan (angrezi: K. Kelappan ; janm- 24 agast, 1889, kalikat, keral; mrityu- 7 aktoobar, 1971) keral ke prasiddh rashtravadi neta, svatantrata senani aur samaj sudharak the. ye mahatma gandhi se bahut prabhavit the. jab gandhi ji ne 'asahayog andolan' prarambh kiya to ke. kelappan ne apani kaaulej ki padhaee chhod di aur andolan men kood pade. varsh 1930 men 'vyaktigat satyagrah' ke samay gandhi ji ne unhen pratham satyagrahi namajad kiya tha. azadi ke bad jab je. bi. kripalani ne 'kisan mazadoor praja parti' banaee, tab ke. kelappan parti men sammilit ho ge aur phir bad men lokasabha ke sadasy chune ge.

janm tatha shiksha

ke. kelappan ka janm 24 agast, 1889 ee. men keral ke kalikat athava kojhikod zile men hua tha. apani snatak ki shiksha unhonne 'madras vishvavidyalay' se poori ki. phir varsh 1920 men ke. kelappan qanoon ki shiksha grahan karane ke lie 'mumbee vishvavidyalay' a ge.

asahayog andolan men sammilit

ke. kelappan 'mumbee vishvavidyalay men qanoon ki padhaee kar hi rahe the ki isi samay mahatma gandhi ne asahayog andolan arnbh kar diya. desh bhakt aur matribhoomi se prem karane vale ke. kelappan ne bhi vishvavidyalay chhod diya aur andolan men yogadan dene ke lie usamen sammilit ho ge. isake bad unaka poora jivan rashtr aur samaj ki seva men hi bita.[1]

giraftari

bad ke dinon men ke. kelappan mumbee se malabar chale ge. us samay 'asahayog andolan' aur khilafat andolan' bade jor-shor se sath-sath chal rahe the. andolan men bhag lene ke karan giraftar hone vale ke. kelappan keral ke pahale vyakti the. 1930 ee. ke 'vyaktigat satyagrah' men rashtrapita mahatma gandhi ne unhen keral se pratham satyagrahi namajad kiya tha. isake bad 1942 ke 'bharat chhodo andolan' ke dauran ke. kelappan giraftar kiye ge aur tin varsh tak jel men bnd rahe.

vayakom satyagrah

samaj sudhar aur chhooachhoot nivaran ke kshetr men bhi ke. kelappan agrani vyakti the. mndir pravesh ke 'vayakom satyagrah' men unake oopar pulis ki mar bhi padi. guruvayur ke prasiddh krishn mndir men harijanon ke pravesh par rok lagi huee thi, isake lie unhonne 10 mahine tak satyagrah ka netritv kiya aur ant men bhookh hadatal par baithe ge. mahatma gandhi ke kahane par ke. kalappan ne bhookh hadatal tod di. isake bad hi madras ki sarakar ne mndir pravesh ka qanoon bana diya.[1]

lokasabha sadasy

varsh 1951 men jab achary je. bi. kripalani ne 'kisan mazadoor praja parti' banaee to ke. kelappan bhi usamen sammilit ho ge aur phir ve 1952 men pratham lokasabha ke sadasy chune ge. 1957 ke bad unhonne apana sara jivan sarvoday ke kam men lagaya.

nidhan

rashtrabhakt ke. kelappan ka nidhan 7 aktoobar, 1971 men hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |link:- [188]

snbndhit lekh