खजुराहो  हिन्दी देवनागरी में पढ़ें।

khajuraho
khajuraho mandir, madhy pradesh
vivaran 'khajuraho' bharat ke madhy pradesh prant men, chhattarapur zile men sthit ek pramukh shahar hai, jo apane prachin evn madhyakalin mndiron ke liye vishvavikhyat hai.
rajy madhy pradesh
zila chhattarapur
bhaugolik sthiti uttar- 24°51, poorv- 79°56
marg sthiti khajuraho mahoba se 54 kilomitar dakshin men, chhatarapur se 45 kilomitar poorv aur satana se 105 kilomitar pashh‍chim men sh‍thit hai.
prasiddhi madhyakalin mndiron ke liye.
kab jaen aktoobar se march
kaise pahunchen havaee jahaz, rel, bas adi se pahuncha ja sakata hai.
havaee adda khajuraho havaee adda
relave steshan khajuraho relave steshan
bas adda bas adda
yatayat bas, riksha, aauto riksha
kya dekhen mndir
kahan thaharen hotal, dharmashala, atithi grah.
kya khayen namakin, jalebi, moong ki dal ka halava.
kya khariden airan, pital aur patthar ki moortiyan.
es.ti.di. kod 07686
e.ti.em lagabhag sabhi
Map-icon.gif googal manachitr, havaee adda (googal manachitr)
Tourism icon.gif madhyapradesh paryatan
adyatan‎

khajuraho vaise to bharat ke madhy pradesh prant, chhattarapur zile men sthit ek chhota-sa qasba hai, lekin phir bhi bharat men tajamahal ke bad, sabase zyada dekhe aur ghoome jane vale paryatan sthalon men agar koee doosara nam ata hai to vah hai, khajuraho. khajuraho, bharatiy ary sthapaty aur vastukala ki ek nayab misal hai. khajuraho ko isake alnkrit mndiron ki vajah se jana jata hai jo ki desh ke sarvotkrishth madhyakalin smarak hain. chndel shasakon ne in mndiron ki tamir san 900 se 1130 eesavi ke bich karavaee thi. itihas men in mndiron ka sabase pahala jo ullekh milata hai, vah aboo rihan al barooni (1022 eesavi) tatha arab musafir ibn batoota ka hai.

khajuraho mandir, madhy pradesh

darasal yah kshetr prachin kal men vats ke nam se, madhy kal men jaijakbhukti nam se tatha chaudahavin sadi ke bad bundelakhand ke nam se jana gaya. khajuraho ke chandel vnsh ka utthan dasavin sadi ke shuroo se mana jata hai. inaki rajadhani prasadon, talabon tatha mndiron se paripoorn thi. sthaniy dharanaaaun ke anusar taqariban ek hazar sal pahale yahan ke dariyadil v kala parakhi chndel rajaon ne qarib 84 bejod v lajavab mndiron ki tamir karavaee thi, lekin unamen se abhi tak sirf 22 mndiron ki hi khoj ho paee hai, yadyapi doosare puravasheshon ke praman prachin tilon tatha bikhare vastukhndon ke roop men aj bhi khajuraho tatha isake asapas dekhe ja sakate hain. pndrahavin sadi ke bad is ilaqe ki ahamiyat khatm hoti gee.

mndir sthapaty

samany roop se yahan ke mndir balua patthar se nirmit kie ge hain, lekin chaunsath yogini, brahma tatha lalaguan mahadev mndir grenait (kanashm) se nirmit hain. ye mndir shaiv, vaishnav tatha jain snpradayon se sambndhit hain. khajuraho ke mndiron ka bhoovinyas tatha oordhvavinyas vishesh ullekhaniy hai, jo madhy bharat ki sthapaty kala ka behatarin v vikasit namoona pesh karate hain. yahan mndir bina kisi parakote ke oonche chabootare par nirmit kie ge hain. amataur par in mndiron men garbhagrih, antaral, mndap tatha ardhamndap dekhe ja sakate hain. khajuraho ke mndir bharatiy sthapaty kala ke utkrisht v vikasit namoone hain, yahan ki pratimaain vibhinn bhagon men vibhajit ki gee hain. jinamen pramukh pratima parivar, devata evn devi-devata, apsara, vividh pratimaain, jinamen mithun (sambhogarat) pratimaain bhi shamil hain tatha pashu v vyal pratimaain hain, jinaka vikasit roop kndariya mahadev mndir men dekha ja sakata hai. sabhi prakar ki pratimaon ka parimarjit roop yahan sthit mndiron men dekha ja sakata hai.

yahan mndiron men jadi huee mithun pratimaain sarvottam shilp ki parichayak hain, jo ki darshakon ki bhavanaon ko atynt udvelit v akarshit karati hain aur apani moortikala ke lie vishesh ullekhaniy hain. khajuraho ki moortiyon ki sabase aham aur mahattvapoorn khoobi yah hai ki inamen gati hai, dekhate rahie to lagata hai ki shayad chal rahi hai ya bas hilane hi vali hai, ya phir lagata hai ki shayad abhi kuchh bolegi, maskuraegi, sharmaegi ya rooth jaegi. aur kamal ki bat to yah hai ki ye chehare ke bhav aur sharir ki bhngimaain keval stri-purushon men hi nahin balki janavaron men bhi dikhaee dete hain. kul milakar kaha jay to har moorti men ek ajib si halachal hai. khajuraho ke pramukh mndiron men lakshman, vishvanath, kndariya mahadev, jagadambi, chitragupt, doolhadev, parshvanath, adinath, vaman, javari, tatha chaturbhuj ityadi hain.

parichay

agar bharat men kahin bhi mndir sthapaty v vastukala ka rachanatmak, advitiy, vilakshan, bhavy, rajasi, bejod, lajavab, shanadar aur shahi srijan hai... to vah hai keval aur keval khajuraho men. khajuraho chndel shasakon ke pradhikar ka pramukh sh‍than tha, jinh‍honne yahan anekon talabon, shilh‍pakala ki bhavh‍yata aur vash‍tukalath‍mak sundarata se saje vishalakay mndir banavae. yashovarman[1] ne vishnu ka mndir banavaya jo ab lakshh‍man mndir ke nam se prasiddh hai aur yah chndel rajaon ki pratishh‍tha ka dava karane vale isake samay ke ek udaharan ke roop men sthit hai.

khajuraho mandir, madhy pradesh

vishvanath, parshvanath aur vaidyanath ke mndir raja danga ke samay se hain jo yashovarman ke uttaravarti the. khajuraho ka sabase bada aur mahanh mndir anashh‍var kndariya mahadev ka hai jise raja gnda[2] ne banavaya hai. isake alava kuchh anh‍y udaharan hain jaise ki vaman, adi nath, javari, chaturbhuj aur dulh‍hadev kuchh chhote kinh‍tu vish‍trit roop se snkalpit mndir hain. khajuraho ka mndir samooh apani bhavh‍y chhaton (jagati) aur karyath‍mak roop se prabhavi yojanaon ke lie bhi ulh‍lekhaniy hai. yahan ki shilh‍pakalaon men dharmik chhaviyon ke alava parivar, parshh‍v, avarana devata, dikapal aur aph‍saraen tatha soor sundariyan bhi hain. yahan veshabhoosha aur abhooshan bhavh‍yata manamohak hain.[3]

itihas

khajuraho ka prachin nam 'kharjuravahak' hai. 900 se 1150 ee. ke bich yah chandel rajapooton ke rajagharanon ke snrakshan men rajadhani aur nagar tha, jo ek vistrit kshetr 'jejakabhukti' (ab madhy pradesh ka bundelakhnd kshetr) ke shasak the. chandelon ke rajy ki ninv athavin shati ee. men mahoba ke chandel naresh chndravarma ne dali thi. tab se lagabhag panch shatiyon tak chandelon ki rajyasatta jujhauti men sthapit rahi. inaka mukhy durg kalinjar tatha mukhy adhishthan mahoba men tha. 11vin shati ke uttarardh men chandelon ne pahadi qilon ko apani gatividhiyon ka kendr bana liya. lekin khajuraho ka dharmik mahattv 14vin shatabdi tak bana raha. isi kal men arabi yatri ibn batoota yahan par yogiyon se milane aya tha. khajuraho dhire-dhire nagar se ganv men parivartit ho gaya aur phir yah lagabhag vismriti men kho gaya.

yatayat

khajuraho, mahoba se 54 kilomitar dakshin men, chhatarapur se 45 kilomitar poorv aur satana zile se 105 kilomitar pashh‍chim men sh‍thit hai tatha nikatatam relave sh‍teshanon arthath mahoba, satana aur jhansi se pakh‍ki sadakon se khajuraho achh‍chhi tarah juda hua hai.[4]

havaee marg khajuraho ke lie dilli, banaras aur agara se pratidin viman–seva upalabdh rahati hai.

khajuraho mandir, madhy pradesh

rel marg dilli se khajuraho manikapur hote hue uttar pradesh snpark kranti tren se juda hua hai. isake alava, dilli-chennee rel marg par padane vale steshanon mahoba (61 kimi), harapalapur (94 kimi) aur jhansi (172 kimi) se bhi tren badalakar khajuraho jaya ja sakata hai.

bas marg khajuraho satana, harapalapur, jhansi aur mahoba se bas seva dvara juda hua hai.

mandiron ki khoj

1838 men ek british injiniyar kaiptan ti.es. bart ko apani yatra ke dauran apane kaharon se isaki janakari mili. unhonne jngalon men lupt in mandiron ki khoj ki aur unaka alnkarik vivaran bngal ki eshiyatik sosaiti ke samaksh prastut kiya. 1843 se 1847 ke bich chhatarapur ke sthaniy maharaja ne in mandiron ki marammat karaee. janaral alekzendar kaningham ne is sthan ki 1852 ke bad kee yatraen kin aur in mandiron ka vyavasthabaddh varnan apani 'bharatiy puratattv sarvekshan' ki riport (arkiyolajikal sarve aauf indiya riports) men kiya. khajurahon ke smarak ab bharat ke puratatvik sarvekshan vibhag ki dekhabhal aur nirikshan men hain. jisane anek tilon ki khudaee ka kary karavaya hai. inamen lagabhag 18 sthanon ki pahachan kar li gee hai. sanh 1950-1951 men bharat ke pahale rashtrapati daau. rajendr prasad khajuraho ae. is dauran yahan ke nivasiyon ne khajuraho ke vikas ki rooparekha unake samaksh rakhi, usake bad varsh 1955 men pndit javahar lal neharoo ka bhi khajuraho agaman hua. unhonne khajuraho ke mndiron ki sarahana karate hue isake vikas ki disha men qadam uthane ka ashvasan diya. inhin mndiron ki vajah se khajuraho paryatan sthal ke roop men shighr vikasit hua. aj vishv paryatan ke manachitr par khajuraho ka vishisht sthan hai. khajuraho ko yoonesko se 1986 ee. men vishv dharohar sthal ka darja bhi mila. adhunik khajuraho ek chhota-sa ganv hai, jo hotalon aur havaee adde ke sath paryatan vyapar ki suvidha upalabdh karata hai.

kalatmakata

khajuraho ke mndir bharatiy sthapaty kala ka adbhut namoona hain. khajuraho men chndel rajaon dvara banavae ge khoobasoorat mndiro men ki gee kalakari itani sajiv hai ki kee bar moortiyan khud bolati huee maloom deti hain.

duniya ko bharat ka khajuraho ke kalatmak mndir ek anamol tohafa hain. us samay ki bharatiy kala ka parichay iname patthar ki sahayata se ukeri gee kalatmakata deti hai. khajuraho ke mndiron ko dekhane ke bad koee bhi inhen banane vale hathon ki tarif kie bina nahin rah sakata.

nirman ke pichhe katha

khajuraho ke mndiron ke nirman ke pichhe ek behad rochak katha hai. kaha jata hai ki hemavati ek brahman pujari ki beti thi. ek bar jab jngal ke talab men naha rahi thi, to chndr dev yani ki chndrama us par mohit ho ge aur donon ke ek beta hua.
khajuraho mandir, madhy pradesh
hemavati ne apane bete ka nam chndravarman rakha. isi chndravarman ne bad men chndel vnsh ki sthapana ki. chndravarman ka lalan-palan usaki man ne jngal men kiya tha. raja banane ke bad usane man ka sapana poora karane ki thani. usaki man chahati thi ki manushy ki tamam mudraon ko patthar par ukera jae. is tarah chndravarman ki man hemavati ki ichchha svaroop in khoobasoorat mndiron ka nirman hua. khajuraho ke ye mndir poori duniya ke lie ek dharohar hain.

sarvotkrisht kalakritiyan

vastukala aur moortikala ki drishti se khajuraho ke mandiron ko bharat ki sarvotkrisht kalakritiyon men sthan diya jata hai. yahan ki shrringarik mudraon men ankit mithun-moortiyon ki kala par sambhavatah tantrik prabhav hai, kintu kala ka jo niravrit aur achhoota saudarny inake ankan men nihit hai, usaki upama nahin milati. in mandiron ke alnkaran aur manohar akar-prakar ki tulana men keval bhuvaneshvar ke mandir ki kala tik sakati hai. mukhy mandir tatha mandapon ke shikharon par amalak sthit hai. ye shikhar uttarottar oonche hote ge hain, aur isalie bade prabhavotpadak tatha akarshak dikhaee dete hain. mandiron ki moortikala ki sarahana sabhi paryavekshakon ne ki hai. mandir ka apoorv saundary, kafi vistar aur chitrakar ki koochi ko lajjit karane vala barik naqqashi ka kam dekhakar chakit hona padata hai.

khajuraho ki mithun pratimaain

in moortiyon ke bare men bhinn bhinn vyakhyaain v vichar hain. kuchh ki manyata hai ki ye pratimaain samakalin samaj ki jarjar v kamazor naitikata ka pratinidhitv karati hain. kuchh ki dharana hai ki yah kamashastr ke pauranik grnthon ke ratyatmak asanon ka nidarshan hai. yah bhi mana jata hai ki ye pratimaain, kuchh vishesh madhyakalin bharatiy pnth jo ki kamuk krity ko dharmik pratikavad manate the, ka pratinidhitv karati hain. ye log moksh pane ke lie yog tatha bhog donon hi margon ka anusaran karate rahe honge.

lakshman mandir, khajuraho

yahan hamen yah bhi dhyan rakhana padega ki prarambhik kal se hi bharatiy kala, sahity tatha lok parampara men sada hi ek kamuk tattv ki upasthiti rahi hai. mithun (premi yugal) pratimaain to shung kal ki moortikala tatha mrinmoortiyon men bhi maujood thin. is kala ne amaravati aur mathura se shuroo hokar bad ki sabhi kala shailiyon ko anupranit kiya.

bauddh dharm

khajuraho men virajaman buddh ki ek vishal pratima ke prapt hone se yah snket milata hai ki is kshetr men bauddh dharm ka bhi prachalan tha, bhale hi vah simit paimane par hi kyon n raha ho. kaningham ke mat men gnthaee namak mandir bauddh dharm se sambandhit hai, kintu yah tathy saty jan nahin padata.

hindoo dharmik pranali

khajuraho ki hindoo dharmik pranali tntr par adharit thi, lekin kapalik sampraday ke khopadi dhariyon (shiv ke kapali svaroop ke poojak) se prithakh thi. ye log ugr tantrik nahin the, ye paramparagat roodhivadi aur brahmanavadi dhara ke the, jo vaidik punarutthan aur pauranik tatvon se prabhavit the, jaisa ki mandiron ke shilalekhon se praman milata hai.

paryatan sthal

khajuraho prasiddh paryatan aur puratatvik sthal hai. jisamen hindoo v jain moortikala se susajjit 25 mandir aur tin sngrahalay hain. 25 mandiron men se 10 mndir vishnu ko samarpit hain, jisamen unaka ek sashakt mishrit svaroop vaikunth shamil hai. nau mandir shiv ke, ek soory devata ka, ek rahasyamay yoginiyon (deviyon) ka aur panch mandir digambar jain sampraday ke tirthakaron ke hain. khajuraho ke mandir men tin bade shilalekh hain, jo chandel naresh gand aur yashovarman ke samay ke hain. 7vin shati men chini yatri yuvanachvang ne khajuraho ki yatra ki thi. usane us samay bhi anek mandiron ko vahan par dekha tha. pichhali shati tak khajuraho men sabase adhik snkhya men mandir sthit the, kintu is bich ve nasht ho ge hain.

pashchimi samooh ke mndir

khajuraho ke pashchimi samooh men lakshman, kndariya mahadev, matngeshvar, vishvanath, lakshmi, jagadambi, chitragupt, parvati tatha ganesh mndir ate hain. yahin par varah v nandi ke mndap bhi hain.

lakshman mndir

lakshman mandir, khajuraho

yah vaishnav mndir, pnchayatan shaili ka sndhar mndir hai. is mndir ko 930 se 950 eesavi ke bich, chndel shasak yashovarman ne banavaya tha. is mndir ki lambaee 29 mitar tatha chaudaee 13 mitar hai. sthapaty tatha vastu kala ke adhar par, balua pattharon se bane mndiron men lakshman mndir sarvottam hai. oonchi jagath par sthit is mndir ke garbhagrih men 1.3 mitar oonchi vishnu ki moorti alnkrit toran ke bich sthit hai. poora mndir ek oonchi jagath par sthit hone ke karan mndir men vikasit isake sabhi bhag dekhe ja sakate hain. jinake ardhamndap, mndap, mahamndap, antaral tatha garbhagrih men, mndir ki bahari divaron par pratimaon ki do pnktiyan jinamen devi devatagan, yugm aur mithun vagairah hain. mndir ke bahari hisse ki divaron tatha chabootare par yuddh, shikar, hathi, ghodon, sainik, apsaraaaun aur mithunakritiyon ke drishy ankit hain. saradal ke madhy men lakshmi hai, jisake donon or brahma evn vishnu hain.

vishvanath mndir

aj se lagabhag 1000 varsh poorv pnchayatan shaili men maharaja dhngadev varman dvara banavae ge vishvanath[5] mndir men tin sir vale brahmaji ki moorti sthapit hai. ab isaka kuchh bhag khndit ho chuka hai. bharat desh men bhagavan vishnu aur shiv shnkar ke mndir to bahut jagah hain, lekin brahma ji ke mndir desh men dhoondhane se bhi nahin milate hain. mndir ki uttari disha men sthit sher aur dakshini disha men sthit hathi ki pratimaen kafi sajiv lagati hain. inake alava ek nndi ki pratima bhagavan ki or munh kie hue bhi maujood hai.

khajuraho mandir, madhy pradesh

kndariya mahadev

kndariya mahadev mndir[6] khajuraho ke mndiron men sabase bada, ooncha aur kalatmak yahi mndir hai. yah mndir 109 phut lamba, 60 phut chauda aur 116 phut ooncha hai. is mandir ke sabhi bhag- arddhamandap, mandap, mahamandap, antaral tatha garbhagrih adi, vastukala ke bejod namoone hain. garbhagrih charon or se pradakshinapath yukt hai. yah mndir shiv ko samarpit hai tatha is mndir men shivaling ke alava tamam devi-devataon ki kalatmak moortiyan man moh leti hain.

mandir ke pratyek bhag men keval do aur tin phut oonchi moortiyon ki snkhya hi 872 hai. chhoti moortiyan to asnkhy hain. poori samanupatik yojana, akar, khoobasoorat moortikala evn bhavy vastukala ki vajah se yah mndir madhy bharat men apani tarah ka shanadar mndir hai.

mndir men sopan dvara alnkrit kirtimukh, nrity drishy yukt toran dvar se pravesh kiya ja sakata hai. bahar se dekhane par isaka mukhy dvar ek gufa yani ki kndara jaisa nazar ata hai, shayad isilie is mndir ka nam kndariya mahadev pada hai. garbhagrih ke saradal par vishnu, unake daen brahma evn baen shiv dikhae ge hain.

kuchh any mndiron ki tarah is mndir ki bhi yah visheshata hai ki agar kuchh door se ap ise dekhen to apako lagega ki ap saind ston se bane mndir ko nahin balki chndan ki lakadi par tarashi gee koee bhavy kriti dekh rahe hain. ab saval uthata hai ki agar yah mndir balua patthar se bana hai to phir moortiyon, divaron aur stambhon men itani chamak kaise, darasal yah chamak aee hai chamade se zabaradast ghisaee karane ke karan. apani tarah ke is anokhe mndir ki divaren aur stambh itane khoobasoorat bane hue hain ki paryatak unhen dekhakar hairan rah jate hain.

chitragupt mndir

chitragupt mandir poorv ki or mukh vala mndir hai. yah mndir bhagavan soory ko samarpit hai. is mndir ke andar 5 phut oonche sat ghodon ke rath par savar bhagavan soory ki pratima manamohak hai. is mndir ki divaron par rajaon ke shikar aur unaki sabhaon men samooh nrity ke drishy kafi khoobasoorati ke sath ukere ge hain. isase chndel rajaon ki snpannata ka pata lagata hai.

khajuraho mandir, madhy pradesh

jagadnbi mndir

raja gndadev varman dvara nirmit yah mndir chitragupt mndir ke hi samip sthit hai. vishnu bhagavan ke is mndir men saikadon varsh bad chhatarapur ke maharaja ne yahan par parvati ki pratima sthapit karavaee thi, isilie ise ‘jagadnbi mndir’ kaha jata hai.

matngeshvar mndir

raja harshavarman dvara sanh 920 eesavi men banavaya gaya yah mndir khajuraho men chndel rajaon dvara banavae ge sabhi mndiron men sabase purana mana jata hai. yahan ke sabhi purane mndiron men yahi ekamatr aisa mndir hai, jahan abhi bhi pooja–archana ki jati hai.[7]

chaunsath yogini mandir

khajuraho men 64 yoginiyon ka khula mandir[8] khuradure grenait patthar ka bana hua hai. uttaramukhi is mandir ka nirman 900 eesavi men mana jata hai. jabaki 10vin shatabdi ke madhy men bane nagar shaili ke utkrisht mandir, chikane balua patthar se nirmit hain. yahan se brahmani, indrani v mahishasur mardini ki pratimaain prapt huee hain.

poorvi samooh ke mandir

poorvi samooh ke mndiron men hain - brahma, vaman, javari v hanuman mandir ... aur jain mndiron men hain - parshvanath, adinath v ghntaee mndir.

vaman mandir

khajuraho, madhy pradesh

yah mndir vishnu ke vaman avatar ko samarpit hai. isake bhoo-vinyas men saptarath, garbhagrih, antaral, mahamnndap tatha mukhamndap hain. isaka garbhagrih nirndhar hai tatha chaturbhuj vaman ki pratima sthapit ki huee hai. jinake dono or kramashah chakrapurush v shnkhapurush hain. is mndir ke mahamandap ki chhat pashchimi bharat ke madhyakalin mndiron ke saman snvarn shaili ke anuroop hain. mndir ke garbhagrih ke pravesh dvar sapt shakhaaun se alnkrit hain. jo lata, pushp, nrityarat gan, mithun, kamala purush, kundaliyukt nari ki akriti se susajjit hain.

pravesh dvar ke nichale hisse men stri parichar v dvarapal sahit gnga aur yamuna ko tribhng men bataya gaya hai, jo hathon men kalash tatha malaain lie hue hain.

saradal ke madhy bhag men chaturbhuj vishnu tatha donon or aliyon men brahma aur vishnu kie ge hain. mndir ke madhy bhag men pratimaon ki do pnktiyan hain,jinaka akarshan sur-sundariyon ki pratimaen hain. sath hi garbhagrih ke bahari bhag par pramukh aliyon men varah v nrisinh vaman ki pratimaain lagi huee hain.

javari mandir

san 1075 se 1100 eesavi ke bich nirmit is mndir ki sanupatik snrachana ke pradakshinapathavihin, garbhagrih, antaral tatha mndap vidyaman hai. yah utkrisht makaratoran tatha sundar shikhar se alnkrit hai tatha bahy divaren sundar pratimaon se susajjit hain jo ki tin pnktiyon men utkirn hain. yah mndir khajuraho ke chaturbhuj mndir se nikat samy rakhata hai. isake alava any visheshataain madhy bharat ki madhy yugin mndir snrachana se samanata rakhati hain.

hanuman mndir

khajuraho ek aisa dharmik kendr tha, jahan kee sampraday phale-phoole the. khajuraho ki taraf jane vale raste par hanuman ki 3 mitar oonchi pratima ek chabootare par sthit hai. is moorti ka mahattv isalie bhi hai kyon ki yahan jo shila lekh utkirn hai vah 922 eesavi ka hai. is hisab se khajuraho ka yah sabase purana mndir hai.

khajuraho, madhy pradesh

pratibha v sthapaty shaili ke adhar par is mndir ka nirman kal taqariban 1050 se 1075 eesavi ke bich nirdharit kiya gaya hai.

jain mandir

khajuraho men jo mandir banavae ge unamen se tis aj bhi sthit hain. in mndiron men ath jain mandir hain. jain mandiron ki vastukala any mandiron ke shilp se milati-julati hai. sabase bada mandir parshvanath ka hai, jisaka nirman kal 950-1050 ee. hai. yah 62 phut lamba aur 31 phut chauda hai. isaki bahari bhittiyon par tin pnktiyon men jain moortiyan utkirn hain.

parshvanath mndir

Blockquote-open.gif khajuraho ki moortiyon ki sabase aham aur mahattvapoorn khoobi yah hai ki inamen gati hai, dekhate rahie to lagata hai ki shayad chal rahi hai ya bas hilane hi vali hai, ya phir lagata hai ki shayad abhi kuchh bolegi, maskuraegi, sharmaegi ya rooth jaegi. aur kamal ki bat to yah hai ki ye chehare ke bhav aur sharir ki bhngimaain keval stri purushon men hi nahin balki janavaron men bhi dikhaee dete hain. kul milake kaha jay to har moorti men ek ajib si junbish nazar ati hai. Blockquote-close.gif

khajuraho men jitane bhi prachin jain mndir hain, unamen se yah sabase sundar, vishal v bhavy hai. yah apane bhoo vinyas men vishisht hai. han ...yah mndir sadharan hai, lekin phir bhi isamen kisi bhi prakar ka vatayan nahin hai. isaki any visheshata yah hai ki isake garbhagrih ke pichhe ek aur chhota mndir bhi juda hai. doosare arthon men yah kaha ja sakata hai ki yah vikasit khajuraho (chndel) shaili ka ek mndir hai jisamen adbhut alnkaran tatha pratimaaaun ki saumyata drishtvy hoti hai. is mndir ka nirman dasavin shatabdi ke madhy hua tha. moolaroop se yah mndir pratham tirthnkar ko samarpit kiya gaya tha.

adinath mndir

is mndir ke garbhagrih men adinath pratima sthapit hone ke karan yah jain mndir ke nam se jana jata hai. yah nirndhar shaili ka mndir hai jisamen mndap tatha ardhamndap raha hoga jo ki vartaman men poorn roop se nasht ho chuka hai. ajakal is men garbhagrih tatha antaral hain. isake sath hi vartaman samay men nirmit meharabadar nirman dekha ja sakata hai. jisake andar gumbadanuma chhat hai jo ki prachin nirman se judi hai. yah mndir saptarath hai evn isaka bhoovinyas vaman mndir jaisa hai, phir bhi yah mndir atyadhik vikasit shaili ka hai. isaka shikhar tatha jngha bhag vaman mndir ke saman hi alnkrit hai. shaili ke adhar par yah mndir gyarahavin shatabdi ke uttarardh men nirmit hua tha.

dakshini samooh ke mndir

khajuraho ke dakshini samooh ke mndiron men ate hain chaturbhuj aur doolhadev mndir.

chaturbhuj mndir

khajuraho mandir, madhy pradesh

is mndir men pradakshina path rahit garbhagrih, antaral, mndap tatha mukhamndap hai. yah mndir ek sadharan chabootare par sthit hai. khajuraho men yah ek aisa mndir hai, jisamen mithun moortiyon ka abhav hai. divar ke charon taraf moortiyon ki tin shrinkhalaain hain, jinamen se oopari pnkti men ankit vidyadharon ki pratimaon ke alava any sabhi pratimaain ek jaisi hain, jo ki shilpakala men hue patan ka dyotak hai. divaron men jadi pratimaaaun ke antargat pratham pnkti men dikpal ki pratimaain madhy bhag men asht basu tatha shesh pnktiyon men apsaraaun ka ankan hai. aliyon men vyal vishesh ullekhaniy hain. garbhagrih ke pravesh dvar ke nichale bhag men tribhng mudra men gnga, yamuna v dvarapalon ko pradarshit kiya gaya hai. is mandir ke garbhagrih men shiv ki dakshina moorti sthapit hai, jinaki mukhakriti shantabhav parilakshit karati hai.

is mndir ka nirman kal sanh 1100 eesavi mana jata hai.

lait end saund sho

khajuraho jaisi aitihasik jagah par ghoomane ke bad bhi paryatakon ke man men isake itihas se jude kee saval adhoore rah jate hain. paryatakon ki tamam shnkaon ke samadhan ke lie khajuraho men lait end saund sho ka ayojan kiya jata hai. is sho men chndel rajaon ke vaibhavashali itihas se lekar in apratim mndiron ke nirman ki kahani bataee jati hai. vestarn grup ke mndiron ke pas hi bane ek kaaumpaleks men 50 minat tak chalane vale ek sho men supar star amitabh bachchan apani avaz men darshakon ko khajuraho ke gauravashali itihas se roobaroo karate hain. ye sho rojana sham ko hindi aur angrezi men chalae jate hain.

khajuraho mandir, madhy pradesh

stet myooziyam aur traibal end fok arts

yah sngrahalay 'chndel kalcharal kaaumpaleks' men sthit hai. is sngrahalay men poore madhy pradesh ki adivasi janajatiyon ki lok kala ke namoone rakhe ge hain. madhy pradesh sarakar ke is sngrahalay men terakota, dhatu shilp, kashth shilp, adivasi aur lok chitrakari, taitoo, zevar aur mukhauton ke 500 se zyada namoone maujood hain. yah sngrahalay somavar aur sarakari chhuttiyon ke alava rojana 12 baje se 8 baje tak khulata hai.

khajuraho nrity samaroh

har sal faravari - march men khajuraho men ek nrity samaroh ka ayojan kiya jata hai. ek saptah tak chalane vale is saskritik karyakram ke lie khajuraho ke mndiron ke pashchimi samooh ko ek prishthapat ki tarah istaimal kiya jata hai. bharat ka har shastriy nartak is bhavy samaroh men hissa lena apana saubhagy samajhata hai.

raneh jal prapat (raneh faauls) tatha ken ghadiyal abhayarany

khajuraho mandir, madhy pradesh

raneh (kripaya ise "sneh" n samajhen) prapat khajuraho se keval 19 kilo mitar door hai aur yah vahin sthit hai jahan se ken ghadiyal abhayarany shuroo hota hai. darasal ken ghadiyal abhayarany men ghadiyal sthaniy nahin hain balki lakhanoo se lakar dale ge hain.

jin chattanon par raneh jal prapat girata aur bahata hai, ve rng birnge grenaiton se bani hain. yah chattanen lal, nile, firozi aur kale rng men itani adbhut lagati hain ki bina inhen dekhe inaki bhavyata ki kalpana nahin ki ja sakati. isake alava vahin ek jvalamukh (kretar) bhi hai, raneh jal prapat jab rngin chattanon se girata hua is jvalamukh se guzarata hai to bas vah nazara dekhate hi banata hai.

bartan banane vala, khajuraho, madhy pradesh

panna neshanal park

panna rashtriy udyan khajuraho se matr 32 kilomitar ki doori par sthit hai. ken nadi ke kinare sthit yah neshanal park khajuraho se sirf adha ghnte ki doori par hai. panna neshanal park men ap sher ke alava, chita, bhediya aur ghadiyal dekh sakate hain. isake alava, yahan nilagay, sanbhar aur chinkara ke jhund aksar ghoomate nazar a jate hain. yahin ek bhavy jalaprapat tatha kuchh gufaen hain jinhen pandav jal prapat (pandav faauls) tatha pandav gufaaaun ke nam se jana jata hai. [9]

pandav (faauls) jal prapat

panna rashtriy udyan men sthit pandav faauls ghane jngalon se ghira hai tatha khajuraho se yah lagabhag 34 kilomitar door hai. 98 fut se bhi adhik oonchaee se anavarat girati ek moti jaladhara,pandav guphaon ki shobha ko aur bhi badha deti hai. mana jata hai ki yahan pandav akar thahare the. pauranik ke sath sath is sthan ka mahattv aitihasik bhi hai kyon ki svatntrata sainani chndrashekhar azad ne yahan ek gupt goshthi ki thi.

khajuraho men nee khojen

isase to ham vakif hain hi ki khajuraho ke drishyapatal par 22 mndir dikhaee dete hain lekin sachchaee aur yathatathyata un mndiron ki abhinishchit karani thi jinaki snkhya anushruti ke anusar 84 bataee jati hai aur jo dikhaee nahin dete. to is kary ko sampann karane ka bida 1980 men bharatiy puratattv sarvekshan ne uthaya aur mndiron ki khoj arambh karadi. ab tak ve 18 prachin tilon ko khoj nikalane men kamayab rahe hain. march 1999 men bharatiy puratattv sarvekshan ek aise tile ko khojane men saphal hua jo ki a‍gar dhvast n hua hota to vah khajuraho ka sabase bada mndir hota. is ka nam hai bijamndal aur ashcharyajanak bat yah hai ki yah kndariya mahadev mndir se char mitar bada hai.

khajuraho chitr vithika

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 954 eesavi
  2. 1017-29 eesavi
  3. khajuraho (hindi) bharat ki adhikarik vebasait. abhigaman tithi: 13 aktoobar, 2010.
  4. khajuraho (hindi) bharatiy puratattv sarvekshan. abhigaman tithi: 14 aktoobar, 2010.
  5. ankit tithi 999 eesavi
  6. nirman 1025 - 1050 ee.
  7. khajuraho (hindi) ghamasan daaut kaaum. abhigaman tithi: 14 aktoobar, 2010.
  8. nirman 900 eesavi
  9. khajuraho (hindi) navabharat taims. abhigaman tithi: 14 aktoobar, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah