गढ़मुक्तेश्वर  हिन्दी देवनागरी में पढ़ें।

gnga nadi, gadhamukteshvar

rashtriy rajadhani dilli se 100 kilomitar door 'rashtriy rajamarg 24' par 'gadhamukteshvar' namak nagar basa hai jo gaziyabad zile ka ek tahasil mukhyalay hai. gadhamukteshvar merath se 42 kilomitar door sthit hai aur gnga nadi ke dahine kinare par basa hai. vikas ki drishti se gadhamukteshvar gaziyabad ki sabase pichhadi tahasil mani jati hai, kintu sanskritik drishti se atynt mahattvapoorn hai. yahan kartik poornima ke avasar par lagane vala gnga snan parv uttar bharat ka sabase bada mela mana jata hai.

pauranik mahattv

bhagavat puran v mahabharat ke anusar yah kuru ki rajadhani hastinapur ka bhag tha. aj paryatakon ko yahan ki aitihasikata aur adhyatmikata ke sath-sath prakritik khoobasoorati bhi khoob lubhati hai. mukteshvar shiv ka ek mandir aur prachin shivaling karakhandeshvar yahin par sthit hai. kashi, prayag, ayodhya adi tirthon ki tarah 'gadhamukteshvar' bhi puran ullikhit tirth hai. shivapuran ke anusar 'gadhamukteshvar' ka prachin nam 'shivavallabh' (shiv ka priy) hai, kintu yahan bhagavan muktishvar (shiv) ke darshan karane se abhishapt shivaganon ki pishach yoni se mukti huee thi, isalie is tirth ka nam 'gadhamuktishvar' (ganon ki mukti karane vale eeshvar) vikhyat ho gaya. puran men bhi ullekh hai-

'gananan muktidanen ganamuktishvar: smrit:.'
katha

shivaganon ki shapamukti ki snkshipt katha is prakar hai- prachin samay ki bat hai krodhamoorti maharshi durvasa mndarachal parvat ki gupha men tapasya kar rahe the. bhagavan shnkar ke gan ghoomate hue vahan pahunch gaye. ganon ne tapasyarat maharshi ka kuchh upahas kar diya. usase kupit hokar durvasa ne ganon ko pishach hone ka shap de diya. kathor shap ko sunate hi shivagan vyakul hokar maharshi ke charanon par gir pade aur prarthana karane lage. unaki prarthana se prasann hokar durvasa ne unase kaha - he shivagano! tum hastinapur ke nikat khandav van men sthit 'shivavallabh' kshetr men jakar tapasya karo to tum bhagavan ashutosh ki kripa se pishach yoni se mukt ho jaoge. pishach bane shivaganon ne shivavallabh kshetr men akar kartik poornima tak tapasya ki. unaki tapasya se prasann hokar bhagavan shiv ne kartik poornima ke din unhen darshan die aur pishach yoni se mukt kar diya. tab se shivavallabh kshetr ka nam 'ganamuktishvar' pad gaya. bad men 'ganamuktishvar' ka apabhrnsh 'gadhamukteshvar' ho gaya. ganamuktishvar ka prachin aitihasik mndir aj bhi is katha ka sakshi hai.

kashi se bhi pavitr

is tirth ko kashi se bhi pavitr mana gaya hai, kyonki is tirth ki mahima ke vishay men puran men ullekh hai-

kashyan maranatmukti: mukti: muktishvar darshanath [1]

gnga mela

isi mahatv ke karan yahan pratyek varsh kartik mas ke shukl paksh men ekadashi se lekar poornima tak ek pakhavade ka vishal mela lagata hai, jisamen dilli, hariyana, rajasthan, pnjab adi rajyon se lakhon shraddhalu mele men ate hain aur patit pavani gnga men snan kar bhagavan 'ganamuktishvar' par gngajal chadhakar punyarjan karate hain.

dharmik krity

yahan 'muktishvar mahadev' ke samane pitaron ko pindadan aur tarpan (jal-dan) karane se gaya shraddh karane ki zaroorat nahin rahati. pandavon ne mahabharat ke yuddh men mare gaye asnkhy viron ki atma ki shanti ke lie pindadan yahin muktishvaranath ke mndir ke parisar men kiya tha. yahan kartik shukl chaturdashi ko pitaron ki shanti ke lie dipadan karane ki parampara bhi rahi hai so pandavon ne bhi apane pitaron ki atmashanti ke lie mndir ke samip gnga men dipadan kiya tha tatha kartik shukl paksh ki ekadashi se lekar poornima tak ygy kiya tha. tabhi se yahan kartik poornima par mela lagana prarnbh hua. kartik poornima par any nagaron men bhi mele lagate hain, kintu gadhamukteshvar ka mela uttar bharat ka sabase bada mela mana jata hai.

vyapar

yah gnga ke jal marg se vyapar ka mukhy kendr tha. un dinon yahan imarati lakadi, bans adi ka vyapar hota tha, jisaka ayat doon aur gadhaval se kiya jata tha. isake sath hi yahan gud - galle ki badi mndi thi. yahan ka moodha़ udyog bhi ati prachin hai. yahan ke bane moodhe़ kee deshon men niryat kie jate rahe hain.

kaise pahunchen

sadak marg se -

dilli se yahan ki doori lagabhag 85 kilomitar hai. uttar pradesh rodavej ki niyamit basen 'anand vihar bas adda, dilli se chalati hain.

rel marg se -

gadh mukteshvar men bhi relave steshan hai aur brijaghat relave steshan yahan se 6 kilomitar ki doori par hai. dilli se yahan ke lie niyamit relagadiyan hain.

paryatan

gadhamukteshvar men gnga kinare sthit devi gnga ko samarpit mukteshvar mahadev mndir, gnga mndir, mirabaee ki reti, gudadi़ mela, brij ghat, jharakhndeshvar mahadev, kalyaneshvar mahadev ka mndir adi darshaniy sthal hain. yahan gnga snan parv bhi hota hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. arthath kashi men to marane par mukti milati hai, kintu muktishvar men bhagavan muktishvar ke darshan matr se hi mukti mil jati hai

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah