गणेशशंकर विद्यार्थी  हिन्दी देवनागरी में पढ़ें।

ganeshashnkar vidyarthi
ganeshashnkar vidyarthi
poora nam ganeshashnkar vidyarthi
janm 26 aktoobar, 1890[1]
janm bhoomi prayag, uttar pradesh
mrityu 25 march, 1931
mrityu sthan kanapur, uttar pradesh
abhibhavak pita- jayanarayan
pati/patni chndraprakashavati
karm bhoomi bharat
karm-kshetr patrakar, samaj-sevi, svatntrata senani, rajanitigy
mukhy rachanaen 'shekhachilli ki kahaniyan'
prasiddhi patrakar, samajasevi, svatntrata senani
nagarikata bharatiy
any janakari ganeshashnkar vidyarthi ne matr 16 varsh ki alpayu men ‘hamari atmosargata’ namak ek kitab likh dali thi. varsh 1911 men bharat ke charchit samachar patr 'sarasvati' men unaka pahala lekh 'atmosarg' shirshak se prakashit hua tha.

ganeshashnkar vidyarthi (angrezi: Ganesh shankar Vidyarthi; janm- 26 aktoobar, 1890, prayag; mrityu- 25 march, 1931)[1] ek nidar aur nishpaksh patrakar to the hi, isake sath hi ve ek samaj-sevi, svatntrata senani aur kushal rajanitigy bhi the. bharat ke 'svadhinata sngram' men unaka mahattvapoorn yogadan raha tha. apani bebaki aur alag andaj se doosaron ke munh par tala lagana ek behad mushkil kam hota hai. kalam ki takat hamesha se hi talavar se adhik rahi hai aur aise kee patrakar hain, jinhonne apani kalam se satta tak ki rah badal di. ganeshashnkar vidyarthi bhi aise hi patrakar the, jinhonne apani kalam ki takat se angrezi shasan ki ninv hila di thi. ganeshashnkar vidyarthi ek aise svatntrata sngram senani the, jo kalam aur vani ke sath-sath mahatma gandhi ke ahinsak samarthakon aur krantikariyon ko saman roop se desh ki azadi men sakriy sahayog pradan karate rahe.

jivan parichay

ganeshashnkar vidyarthi ka janm 26 aktoobar, 1890[1] men apane nanihal prayag (adhunik ilahabad) men hua tha. inake pita ka nam shri jayanarayan tha. pita ek skool men adhyapak ke pad par niyukt the aur urdoo tatha farasi khoob janate the. ganeshashnkar vidyarthi ki shiksha-diksha mungavali (gvaliyar) men huee thi. pita ke saman hi inhonne bhi urdoo-farasi ka adhyayan kiya.

vyavasayik shuruat

ganeshashnkar vidyarthi apani arthik kathinaiyon ke karan entrens tak hi padh sake. kintu unaka svatntr adhyayan anavarat chalata hi raha. apani mehanat aur lagan ke bal par unhonne patrakarita ke gunon ko khud men bhali prakar se sahej liya tha. shuru men ganesh shnkar ji ko saphalata ke anusar hi ek naukari bhi mili thi, lekin unaki angrez adhikariyon se nahin pati, jis karan unhonne vah naukari chhod di.[2]

sampadan kary

isake bad kanapur men ganesh ji ne karensi aaufis men naukari ki, kintu yahan bhi angrez adhikariyon se inaki nahin pati. at: yah naukari chhodakar adhyapak ho ge. mahavir prasad dvivedi inaki yogyata par rijhe hue the. unhonne vidyarthi ji ko apane pas 'sarasvati' ke lie bula liya. vidyarthi ji ki ruchi rajaniti ki or pahale se hi thi. yah ek hi varsh ke bad 'abhyuday' namak patr men chale gaye aur phir kuchh dinon tak vahin par rahe. isake bad san 1907 se 1912 tak ka inaka jivan atyant snkatapann raha. inhonne kuchh dinon tak 'prabha' ka bhi sampadan kiya tha. 1913, aktoobar mas men 'pratap' (saptahik) ke sampadak hue. inhonne apane patr men kisanon ki avaz buland ki.

lokapriyata

samajik, arthik aur rajanitik samasyaon par vidyarthi ji ke vichar bade hi nirbhik hote the. vidyarthi ji ne deshi riyasaton ki praja par kiye gaye atyacharon ka bhi tivr virodh kiya. ganeshashnkar vidyarthi kanapur ke lokapriy neta tatha patrakar, shailikar evn nibandh lekhak rahe the. yah apani atul desh bhakti aur anupam atmosarg ke lie chirasmaraniy rahenge. vidyarthi ji ne premachand ki tarah pahale urdoo men likhana prarambh kiya tha. usake bad hindi men patrakarita ke madhyam se ve aye aur ajivan patrakar rahe. unake adhikansh nibandh tyag aur balidan sambandhi vishayon par adharit hain. isake atirikt ve ek bahut achchhe vakta bhi the.

sahityik abhiruchi

patrakarita ke sath-sath ganeshashnkar vidyarthi ki sahityik abhiruchiyan bhi nikharati ja rahi thin. apaki rachanayen 'sarasvati', 'karmayogi', 'svarajy', 'hitavarta' men chhapati rahin. apane ‘sarasvati‘ men achary mahavir prasad dvivedi ke sahayak ke roop men kam kiya tha. hindi men "shekhachilli ki kahaniyan" apaki den hai. "abhyuday" namak patr jo ki ilahabad se nikalata tha, se bhi vidyarthi ji jude. ganesh shnkar vidyarthi ne antatogatva kanapur lautakar "pratap" akhabar ki shurooat ki. 'pratap' bharat ki azadi ki ladaee ka mukh-patr sabit hua. kanapur ka sahity samaj 'pratap' se jud gaya. krantikari vicharon v bharat ki svatantrata ki abhivyakti ka madhyam ban gaya tha-pratap. lokamany bal gngadhar tilak ke vicharon se prerit ganeshashnkar vidyarthi 'jng-e-azadi' ke ek nishthavan sipahi the. mahatma gandhi unake neta aur ve krantikariyon ke sahayogi the. saradar bhagat sinh ko 'pratap' se vidyarthi ji ne hi joda tha. vidyarthi ji ne ram prasad bismil ki atmakatha pratap men chhapi, krantikariyon ke vichar v lekh pratap men nirantar chhapate rahate.[3]

bhasha-shaili

ganeshashnkar vidyarthi ki bhasha men apoorv shakti hai. usamen saralata aur pravahamayata sarvatr milati hai. vidyarthi ji ki shaili men bhavatmakata, oj, gambhiry aur nirbhikata bhi paryapt matra men payi jati hai. usamen ap vakrata pradhan shaili grahan kar lete hain. jisase nibandh kala ka hras bhale hota dikhe, kintu pathak ke man par gahara prabhav pade bina nahin rahata. unaki bhasha kuchh is tarah ki thi, jo har kisi ke man par tir ki bhanti chubhati thi. garibon ki har chhoti se chhoti pareshani ko vah apani kalam ki takat se dard ki kahani men badal dete the.

patrakarita ke purodha

samman men jari dak tikat

vidyarthi ji ka bachapan vidisha aur mungavali men bita. kishor avastha men unhonne samachar patron ke prati apani ruchi ko jahir kar diya tha. ve un dinon prakashit hone vale bharat mitr, bngavasi jaise any samachar patron ka gnbhirata poorvak adhyayan karate the. isaka asar yah hua ki pathan-pathan ke prati unaki ruchi dinon din badhati gee. unhonne apane samay ke vikhyat vicharakon valteyar, thoro, imarsan, jan stuart mil, shekh sadi sahit any rachanakaron ki kritiyon ka adhyayan kiya. ve lokamany tilak ke rashtriy darshan se behad prabhavit the. mahatma gandhi ne un dinon angrezon ke khilaf ahinsatmak andolan ki shurooat ki thi, jisase vidyarthi ji sahamat nahin the, kyonki ve svabhav se ugravadi vicharon ke the. vidyarthi ji ne matr 16 varsh ki alp ayu men ‘hamari atmosargata’ namak ek kitab likh dali thi. varsh 1911 men bharat ke charchit samachar patr 'sarasvati' men unaka pahala lekh 'atmosarg' shirshak se prakashit hua tha, jisaka snpadak hindi ke udbhoot, viddhan, achary mahavir prasad dvivedi dvara kiya jata tha. ve dvivedi ke vyaktitv evn vicharon se prabhavit hokar patrakarita ke kshetr men aye. shri dvivedi ke sannidhy men sarasvati men kam karate hue unhonne sahityik, sanskritik sarokaron ke prati apana rujhan badhaya. isake sath hi ve mahamana pndit madan mohan malaviy ke patr ‘abhyuday’ se bhi jud gaye. in samachar patron se jude aur svadhinata ke lie samarpit pndit madan mohan malaviy, jo ki rashtravad ki vicharadhara ka jan jan men prasar kar sake.

‘pratap’ ka prakashan

apane sahayogiyon evn varishthajanon se sahayog margadarshan ka ashvasan pakar antat: vidyarthi ji ne 9 navambar 1913 se ‘pratap’ namak samachar patr ka prakashan prarnbh kar diya. is samachar patr ke pratham ank men hi unhonne spasht kar diya tha ki ham rashtriy svadhinata andolan, samajik arthik kranti, jatiy gaurav, sahityik sanskritik virasat ke lie, apane hak adhikar ke lie sngharsh karenge. vidyarthi ji ne apane is snkalp ko pratap men likhe agralekhon ko abhivyakt kiya jisake karan angrejon ne unhen jel bheja, jurmana kiya aur 22 agast 1918 men pratap men prakashit nanak sinh ki ‘sauda e vatan’ namak kavita se naraj angrejon ne vidyarthi ji par rajadroh ka arop lagaya v ‘pratap’ ka prakashan bnd karava diya. arthik snkat se joojhate vidyarthi ji ne kisi tarah vyavastha jutaee to 8 julaee 1918 ko phir pratap ki shurooat ho gee. pratap ke is ank men vidyarthi ji ne sarakar ki damanapoorn niti ki aisi joradar khilaphat kar di ki am janata pratap ko arthik sahayog dene ke lie mukt hast se dan karane lagi. janata ke sahayog se arthik snkat hal ho jane par saptahik pratap ka prakashan 23 navambar 1990 se dainik samachar patr ke rup men kiya jane laga. lagatar angrejon ke virodh men likhane se pratap ki pahachan sarakar virodhi ban gee aur tatkalin majistet mi. straiph ne apane hukmanamen men pratap ko ‘badanam patr’ ki sngya dekar jamanat ki rashi japt kar li. angrejon ka kopabhajan bane vidyarthi ji ko 23 julaee 1921, 16 aktoobar 1921 men bhi jel ki saja di gee parantu unhonne sarakar ke viruddh kalam ki dhar ko kam nahin kiya. jelayatra ke dauran unaki bhent makhanalal chaturvedi, balakrishn sharma navin, sahit any sahityakaron se bhi huee.[4]

mrityu

ganeshashnkar vidyarthi ki mrityu kanapur ke hindoo-muslim dnge men nissahayon ko bachate hue 25 march sanh 1931 ee. men ho gee. vidyarthi ji sampradayikata ki bhent chadh ge the. unaka shav aspatal ki lashon ke madhy pada mila. vah itana phool gaya tha ki, use pahachanana tak mushkil tha. nam ankhon se 29 march ko vidyarthi ji ka antim snskar kar diya gaya. ganeshashnkar vidyarthi ek aise sahityakar rahe, jinhonne desh men apani kalam se sudhar ki kranti utpann ki.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 pustak- bharatiy charit kosh | lekhak-liladhar sharma 'parvatiy' | prishth-219 | prakashak- shiksha bharati, dilli
  2. ganesh shnkar vidyarthi : ek samaj sudharak aur nishthavan patrakar (hindi) jagaran jnkshan. abhigaman tithi: 20 march, 2013.
  3. amar shahid ganesh shnkar vidyarthi (hindi) janokti daaut kaaum. abhigaman tithi: 20 march, 2013.
  4. patrakarita ke purodha : vidyarthi ji (hindi) pravakta daaut kaaum. abhigaman tithi: 20 march, 2013.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah