गणेश वासुदेव मावलंकर  हिन्दी देवनागरी में पढ़ें।

ganesh vasudev mavalnkar
ganesh vasudev mavalnkar
poora nam ganesh vasudev mavalnkar
any nam dadasaheb, lokasabha ke janak[1]
janm 27 navambar, 1888 ee.
janm bhoomi badodara, bharat
mrityu 27 faravari, 1956 ee.
mrityu sthan ahamadabad
nagarikata bharatiy
parti kangres
pad lokasabha ke pratham adhyaksh
kary kal 15 mee, 1952 - 27 faravari, 1956
shiksha bi.e., vakalat
vidyalay 'gujarat kaaulej', 'mumbee vishvavidyalay'
bhasha hindi, angrezi

ganesh vasudev mavalnkar (angrezi: Ganesh Vasudev Mavalankar, janm: 27 navambar, 1888; mrityu: 27 faravari, 1956) prasiddh svatntrata senani aur bharat ki svadhinata ke pashchat lokasabha ke pratham adhyaksh bane the. apane karyakal men unhonne kee snsadiy paramparaen sthapit ki thin. unhen 'dada saheb' ke nam se bhi jana jata hai. ganesh vasudev mavalnkar ne ek adhivakta ke roop men apana sarvajanik jivan shuroo kiya tha. unhonne kee grnthon ki bhi rachana ki. ap kee bhashaon ke janakar the.

parichay

ganesh vasudev mavalnkar ka janm 27 navambar, 1888 ee. men badodara men hua tha. unake poorvaj maharashtr men ratnagiri ke nivasi the. mavalnkar apani uchch shiksha ke lie 1902 ee. men ahamadabad a gaye the. unhonne apani bi.e. ki pariksha 'gujarat kaaulej' se uttirn ki thi aur qanoon ki digri 'munbee yoonivarsiti' se prapt ki. apani shiksha poorn karane ke bad unhonne ahamadabad se apani vakalat prarambh ki aur sath hi sarvajanik karyon men bhi bhag lene lage. shighr hi ve saradar vallabh bhaee patel aur gandhiji ke prabhav men a ge. unhonne kheda satyagrah men mahattvapoorn yogadan diya tha.

rajanitik shuruat

vasudev mavalnkar ne apana jivan ek vakil ke roop men prarnbh kiya. 1921 men ve asahayog andolan men sammilit hue. unhonne vakalat chhod di tatha 'gujarat vidyapith' men ek avaitanik pradhyapak ke roop men naukari karane lage. 1921 ki ahamadabad kangres ki svagat-samiti ke ve sachiv the. 'akhil bharatiy kangres kameti' ke bhi ve sachiv rahe the. 'namak satyagrah' men apani bhoomika ke lie unhen karavas jana pada tha. vah savinay avgya andolan, vyaktigat satyagrah tatha bharat chhodo andolan ke dauran bhi anek bar jel ge tatha jel men durdamy aparadhiyon ko sudharane ka kary kiya. ve ahamadabad nagar palika ke adhyaksh bhi rahe. 1937 men ap bambee vyavasthapika parishad ke sadasy chune ge tatha isake adhyaksh bhi bane. 1946 men ganesh vasudev mavalnkar kendriy vyavasthapika ke sadasy chune ge. pndharapur ke prasiddh mndir men harijanon ke pravesh ke lie hue satyagrah ke neta mavalnkar hi the. khadi adi rachanatmak karyon men inaka nirntar sahayog raha.

lokasabha adhyaksh

vasudev mavalnkar 1937 ee. men munbee vidhan sabha ke sadasy aur usake adhyaksh chune ge. 1945 ee. tak ve is pad par bane rahe. usake bad unhen kendriy asembali ka adhyaksh bana diya gaya. svatntrata ke bad 1947 ee. men unhen sarvasammati se lokasabha ka adhyaksh (spikar) chuna gaya. 1952 ee. men pahale sarvajanik chunav ke bad unhen punah adhyaksh ka asan mila. apani adhyakshata ki is dirgh avadhi men mavalnkar ne sadan ke snchalan men ne manadndon ki sthapana ki.

granth rachana

mavalnkar ne saiman kamishan ke bahishkar ke lie ahamadabad men age badhakar bhag liya. ve snvidhan sabha ke pramukh sadasy the. ‘kastooraba smarak nidhi’ aur ‘gandhi smarak nidhi’ ke adhyaksh ke roop men bhi inaki sevaen smaraniy hain. unhonne marathi, gujarati aur angrezi bhasha men anek granth bhi likhe hain.

nidhan

vasudev mavalnkar ke vicharon par shrimadbhagavadagita ka bada prabhav tha. bharat ki is mahanh vibhooti ka 27 faravari, 1956 ee. ko nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 218 |

  1. bharat ke pratham pndit javahar lal neharoo ne "lok sabha ke janak" ki upadhi se sammanit kiya tha.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah