गद्दी जनजाति  हिन्दी देवनागरी में पढ़ें।

gaddi janajati himachal pradesh ki pashchimi sima par paee jati hai. inaki qad-kathi rajasthan ki marubhooti ke rajapoot samaj se milati hai. yah bhi apane ap ko rajasthan ke 'gadhavi' shasakon ke vnshaj batate hain. is janajati ka vishvas hai ki mugalon ke akraman kal men dharm evn samaj ki pavitrata banaye rakhane ke lie yah rajasthan chhodakar pavitr himalay ki sharan men yahan ke surakshit bhagon men akar bas gaye.

nivas

vartaman samay men gaddi janajati ke log dhauladhar shreni ke nichale bhagon men himachal pradesh ke chamba evn kangada zilon men base hue hain. prarambh men yah oonche parvatiy bhagon men akar base rahe, kintu bad men dhire-dhire dhaulaghar parvat ki nichali shreniyon, ghatiyon evn samatalapray bhagon men bhi inhonne apani bastiyan sthapit kar lin. isake bad dhire-dhire yah janajati sthaniy janajatiyon se achchhe sampark evn sambandh banakar unase ghul-mil gee aur apane ap ko poorn roop se sthapit kar liya.

sharirik rachana

adhikanshat: gaddi janajati ke logon ka rng gehuna ya gauravarn tatha kabhi-kabhi halka bhoora bhi hota hai. yah janajati rajapoot varg se kuchh nate qad ke hote hain, kintu inake nak-naksh ab bhi unase milate hain. at: vartaman samay men nate qad ke purushon ka qad pray: 128 se 135 semi. ki oonchaee tak evn mahilaon ka usase 3 se 5 semi. kam hota hai. inaka badan bhari, gatha hua evn hrisht-pusht hota hai. inamen aryon ke chehare ke lakshanon ke sath-sath mngolaauyad lakshan bhi ankhon v bhauhon, galon ki haddiyon par vishesh roop se dekhe ja sakate hain. nirntar bhari bojha uthate rahane, pahadon par chadhane, adi karanon se inake pair kuchh mude hue evn panvon v hathon ki mansapeshiyan kathor hoti hain. inamen kathor shit sahane ki bhi kshamata hoti hai.

bhojan

yahan ke paryavaran evn sthaniy vastuen hi inake bhojan ka adhar bani rahati hain. isamen mukhyat: doodh, dahi, khoya, panir evn mans hota hai evn simit matr men chaval, mote anaj, genhoon, matar, chana, adi ka tatha kabhi-kabhi mausami sabjiyan, aloo adi bhi banate hain. jau, gehoon evn chaval ab yahan ke mukhy khadyann hai. jau evn dhan se sharab bhi banaee jati hai, ise 'sara' kahate hain. ab aloo, rataloo evn arabi ka prachalan bhi dhan se badha hai. sharab ka sevan vishesh tyonharon, samajik utsavon evn samaroh ke samay nach-gan ke sath evn samajik bhoj ke avasar par khulakar hota hai.

dharm

gaddi janajati ke log hindoo dharmavalambi hote hain. yah shiv evn man parvati ke vividh roopon evn shakti ki aradhana vishesh roop se karate hain. pooja karate samay yah uttam svasthy evn sampannata ki kamana bhi karate hain. kyonki gaddi janajati ke vishvas ke anusar anek prakar ki bimariyan, pashuon ki mahamari evn garbhapat ka karan pratikool atmaon ya pretatma ka kopayukt prabhav hai. at: aisi kathor ya kroor svabhav vali pretatmaon ko prasann karane ke lie ye log bhed ya bakare ki bali chadhate hain.

jadoo-tona

yah jati jadoo-tonon evn ojha ke pad men bhi poori astha rakhati hai. navaratri men shakti ya devi ki pooja vishesh dhoomadham se ki jati hai. yah utsav varsh men do bar manaya jata hai. is avasar par antim din pashu bali dene ka vishesh rivaj ban gaya hai. ab dhire-dhire pashu bali ka sthan mithe vynjan ka prasad bhi kee sthanon par chadhaya jata hai. hindoo dharm ke sath-sath jadoo-tone evn jadoo-tona janane vale ojha ki bhi samaj men vishesh kadr ki jati hai. ab is janajati men bhi shiksha ke prasar se anek parivartan ane lage hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah