गोपबन्धु चौधरी  हिन्दी देवनागरी में पढ़ें।

gopabandhu chaudhari
gopabandhu chaudhari
poora nam gopabandhu chaudhari
janm 8 mee, 1895
janm bhoomi katak, udisa
mrityu 29 aprail, 1958
nagarikata bharatiy
prasiddhi svatntrata senani
dharm hindoo
jel yatra gopabandhu chaudhari ko 'namak satyagrah' ke dauran 1930 men aur phir 'bharat chhodo andolan' ke samay 1942 men giraftar kiya gaya tha.
vidyalay presidensi kaaulej, kolakata
shiksha em.e.
vishesh yogadan 1950 men inhonne 'sarvoday sammelan' ka ayojan kiya tha aur vinoba bhave ke 'bhoodan andolan' men bhi sakriy rahe.
snbndhit lekh mahatma gandhi, vinoba bhave, bhoodan andolan, gandhi yug
any janakari gopabandhu chaudhari 'gandhi seva sngh' ke sakriy sadasy the. 1938 men unhen 'utkal pradesh kangres kameti' ka adhyaksh chuna gaya tha.

gopabandhu chaudhari (angrezi: Gopabandhu Choudhury, janm- 8 mee, 1895, katak, udisa; mrityu- 29 aprail, 1958) ko udisa ke pramukh svatntrata senaniyon men gina jata hai. bharat ki tatkalin angrez sarakar ne inhen udisa men akal padane ke samay sahayata adhikari niyukt kiya tha. jab gandhiji ne 'asahayog andolan' prarambh kiya, tab gopabandhu chaudhari ne naukari se tyagapatr de diya aur andolan men sammilit ho ge. inhonne vinoba bhave ke prasiddh 'bhoodan andolan' men bhi sakriy bhoomika nibhaee thi.[1]

janm tatha shiksha

udisa ke pramukh svatntrata senani aur rachanatmak karyakarta gopabndhu chaudhari ka janm 8 mee, 1895 ee. ko udisa ke katak men hua tha. unhonne 1914 men kolakata (bhootapoorv kalakatta) ke 'presidensi kaaulej' se ganit men em.e. ki pariksha pas ki thi. gopabandhu chaudhari apani age ki shiksha jari rakhane ke liye inglaind jana chahate the, kintu pratham vishvayuddh arnbh ho jane aur pita ki mrityu ho jane ke karan ve nahin ja sake.

naukari se tyagapatr

varsh 1919 men udisa ke kuchh bhagon men badh ne badhi tabahi machaee aur isake bad vahan pade bhishan akal ne logon ki kamar tod di. aise samay men gopabndhu chaudhari ko angrez sarakar ne sahayata adhikari niyukt kiya. lekin angrezon ke gair zimmedar uchch adhikari kam ke prati laparavah the aur kisi samasya ko koee mahatv nahin dete the. gopabndhu chaudhari ne unaki tivr alochana ki. 1921 men mahatma gandhi ne 'asahayog andolan' prarambh kiya. is andolan men sammlit hone ke liye gopabandhu chaudhari ne naukari se tyagapatr de diya.

krantikari gatividhiyan

naukari se tyagapatr dene ke bad gopabandhu chaudhari krantikari gatividhiyon men bhag lene lage the. unhonne satyagrahiyon ke prashikshan ke liye katak ke nikat 'alaka ashram' ki sthapana ki aur svayn 6 varsh ashram men rahakar vibhinn rachanatmak karyon ko age badhaya. 'namak satyagrah' men unhonne apane pradesh ka netritv kiya aur 1930 men giraphtar kar liye gaye. is samay angrez sarakar gopabandhu chaudhari se badi buri tarah se chidhi huee thi. usane gopabandhu chaudhari ki vriddh man ko chhodakar shesh parivar ke sabhi sadasyon ko jel men band kar diya.[1]

janaseva

bad men jail se riha hone ke bad gopabandhu chaudhari janaseva ke kary me jut ge. 1934 ke bihar ke bhaynkar bhookamp men bhi unhonne prabhavit logon ki seva ki. ve 'gandhi seva sngh' ke sakriy sadasy the. 1938 men unhen 'utkal pradesh kangres kameti' ka adhyaksh chuna gaya.

sammelan ka ayojan

1942 ke 'bharat chhodo andolan' men gopabandhu chaudhari aur unake parivar ko phir giraphtar kar liya gaya. unaka ashram british sarakar ne tahas-nahas kar dala. jel se chhootane ke bad ve phir rachanatmak karyon men hi lage rahe. 1950 men unhonne 'sarvoday sammelan' ka ayojan kiya. vinoba bhave ke 'bhoodan andolan' men bhi ve sakriy rahe aur vinoba ji ki udisa yatra ke samay gopabandhu chaudhari ke prayatn se puri men 'akhil bharatiy sarvoday sammelan' ayojit kiya gaya.

nidhan

bharat ki azadi ke lie kee krantikari gatividhiyon men bhag lene vale gandhivadi karyakarta gopabandhu chaudhari ka nidhan 29 aprail, 1958 ee. ko hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 244 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah