घनश्याम दास बिड़ला  हिन्दी देवनागरी में पढ़ें।

ghanashyam das bidala
ghanashyam das bidala
poora nam ghanashyam das bidala
janm 10 aprail, 1894
janm bhoomi pilani, rajasthan
mrityu 11 joon, 1983
mrityu sthan munbee, maharashtr
abhibhavak bi. di. bidala (pita)
sntan krishnakumar bidala (putr)
karm bhoomi bharat
karm-kshetr udyogapati
mukhy rachanaen 'rupaye ki kahani', 'bapoo', 'jamanalal bajaj', 'paths too proparti'[1], 'in d shedo aauf d mahatma'[2]
puraskar-upadhi padm vibhooshan
vishesh yogadan bharat ke agrani audyogik samooh bi. ke. ke. em. bidala samooh ke snsthapak the.
nagarikata bharatiy

ghanashyam das bidala (angrezi: Ghanshyam Das Birla, janm-10 aprail, 1894, pilani, rajasthan; mrityu- 11 joon, 1983, munbee) bharat ke agrani audyogik samooh bi. ke. ke. em. bidala samooh ke snsthapak the, jisaki parisnpattiyan 195 arab rupaye se adhik hai. ye svadhinata senani bhi the. is samooh ka mukhy vyavasay kapada, viskat filament yarn, siment, rasayanik padarth, bijali, urvarak, doorasnchar, vittiy seva aur elyuminiyam kshetr men hai, jabaki agrani knpaniyan 'grasim indastrij' aur 'senchuri teksatail' hain. ye gandhiji ke mitr, salahakar, prashnsak evn sahayogi the. bharat sarakar ne sanh 1957 men unhen padm vibhooshan ki upadhi se sammanit kiya.

parichay

ek sthaniy guru se ankaganit tatha hindi ki arnbhik shiksha prapt karane ke bad apane pita bi. di. bidala ki prerana v sahayog se ghanashyam das bidala ne kalakatta (vartaman kolakata) men vyapar jagath men pravesh kiya. 1912 men kishoravastha men hi ghanashyam das bidala ne apane sasur em. somani ki madad se dalali ka vyavasay shuroo kar diya. 1918 men ghanashyam das bidala ne ‘bidala bradars’ ki sthapana ki. kuchh hi samay bad ghanashyam das bidala ne dilli ki ek purani kapada mil kharid li, udyogapati ke roop men yah ghanashyam das bidala ka pahala anubhav tha. 1919 men ghanashyam das bidala ne joot udyog men bhi qadam rakha. 1921 men gvaliyar men kapada mil ki sthapana ki aur 1923 se 1924 men unhonne kesoram kaautan mils kharid li. ye 1928 ee. men poonjipati sngathan ‘bharatiy vanijy udyog mahamandal’ ke adhyaksh bane.

bidala parivar ka vnsh vriksh

bidala parivar

bidala parivar bharat ke sabase bade vyavasayik evn audyogik parivaron men se ek hai. is parivar ke adhin vastr udyog, atomobails, soochana praudyogiki adi hain. bidala parivar bharat ke svatntrata sngram ka naitik evn arthik roop se samarthan kiya. is parivar ki gandhiji ke sath ghanisht mitrata thi. bidala samooh ke snsthapak baladevadas bidala the jo rajasthan ke saphal maravadi samuday ke sadasy the. unnisavin shatabdi ke antim dinon men ve apana parivarik vyavasay arambh karane ke liye kolakata chale aye aur us samay chal rahe bharat ke svatntrata sngram andolan ke sath nikat se jud gaye.

svatntrata andolan

ghanashyam das bidala ek sachche svadeshi aur svatntrata andolan ke kattar samarthak the tatha mahatma gandhi ki gatividhiyon ke lie dhan upalabdh karane ke liye tatpar rahate the. inhonne poonjipatiyon se rashtriy andolan ka samarthan karane evn kangres ke hath mazaboot karane ki apil ki. inhonne savinay avgya andolan ka samarthan kiya. inhonne rashtriy andolan ke lie arthik sahayata di. inhonne samajik kuritiyon ka bhi virodh kiya tatha 1932 ee. men harijan sevak sngh ke adhyaksh bane.[3]

bidala udyog samooh

30 varsh ki ayu tak pahunchane tak ghanashyam das bidala ka audyogik samrajy apani jaden jama chuka tha. bidala ek sv-nirmit vyakti the aur apani sachcharitrata tatha eemanadari ke liye vikhyat the. ye bidala samooh ke pramukh tatha bharat ke agrani udyogapatiyon men the. bidala udyog samooh jisaka netritv unake bete kar rahe hain, isaka vyapar dakshin-poorvi eshiya aur aphrika men bhi phaila hua hai. inhonne anek vaigyanik, dharmik, shaikshanik tatha audyogik snsthaon ki sthapana ki.

birala praudyogiki evn vigyan snsthan

birala praudyogiki evn vigyan snsthan (BITS), bharatavarsh ke sabase purane aur agrani praudyogiki snsthanon men se ek hai. pilani (rajasthan) ke alava bits ke kaimpas goa, haidarabad aur dubee men bhi hain . yah snsthan poornatah svavittaposhit aur avasiy hai. birala praudyogiki evn vigyan snsthan, pilani ki sthapana ghanashyam das bidala ke dvara 1929 men ek intar kaaulej ke roop men sthapit kiya gaya tha. dvitiy vishv yuddh ke samay, bharat sarakar ke raksha sevaon aur udyog ke lie takanishiyanon ki apoorti ke lie pilani men ek takaniki prashikshan kendr ki sthapana ki. 1946 men, yah birala injiniyaring kaaulej men ilektrikal aur maikenikal injiniyaring men digri karyakramon se parivartit kar diya gaya. isake alava hindustan taims evn hindustan motars (sanh 1942) ki ninv dali. kuchh any udyogapatiyon ke sath milakar inhonne sanh 1927 men 'indiyan chaimbar aph kamars end indastri' ki sthapana bhi ki thi.

kritiyan

maroobhoomi ka vah megh (atmakatha lekhak- ram nivas jajoo)

inhonne kuchh kritiyan bhi likhi jo nimnalikhit hain-

  • rupaye ki kahani
  • bapoo
  • jamanalal bajaj
  • paths too proparti (Paths to Prosperity)
  • in d shedo aauf d mahatma (In the Shadow of the Mahatma)

atmakatha

maroo bhoomi ka vah megh namak pustak ghanashyam das bidala ki atmakatha hai jo ram nivas jajoo ne likhi hai. ‘marubhoomi ka vah megh’ ek kavi ki gady-rachana hai aur isamen kavijanochit bhav-pravanata aur lality ke sarvatr darshan hote hain. yadyapi lekhak ne pustakon, patr-patrikaon, purane patracharon aur taja bhentavartaon se bidalaji yani ji. di. baboo ke jivan ke vishay men upalabdh sari soochanaen kramabaddh dhng aur kathasulabh rochakata se prastut kar di hain tathapi sadharan jivan-charit nahin hai yah to. shri ghanashyamadas bidala ke kee-kee ayamon vale vyaktitv par kee-kee konon se nazar tikate hue usaki samagrata ko abhivyakti dene ki ek adbhud, asambhavapray koshish hai. lekhak pichhale pachapan sal se bidalaon se samabaddh raha hai tathapi ‘vishnu sahasranam nahin shrimadbhagavat’ likhane ke snkalp ne use apane shraddhey patr ke prati vaisi hi tathasthata pradan ki hai jaisi svayn ghanashyamadas bidala ne kabhi ‘bapoo’ ki chhavi ankate hue pradarshit ki thi. han, bidala-parivar se nikat ka parichay usaki kriti ko antarngata ka pritikar sparsh de paya hai.[4]

puraskar

1967 ee. men inhen padm vibhooshan se alnkrit kiya gaya.

nidhan

ghanashyam das bidala ka nidhan 11 joon, 1983 ee. hua tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. Paths to Prosperity
  2. In the Shadow of the Mahatma
  3. nagori, daau. es.el. “khand 3”, svatntrata senani kosh (gandhiyugin), 2011 (hindi), bharatadiskavari pustakalay: gitanjali prakashan, jayapur, prishth sn 139.
  4. jajoo, ram nivas. maroobhoomi ka vah megh (hindi) bharatiy sahity sngrah. abhigaman tithi: 9 apral, 2013.

snbndhit lekh