चक्रवर्ती राजगोपालाचारी  हिन्दी देवनागरी में पढ़ें।

chakravarti rajagopalachari
Chakravarthi-Rajagopalachari.jpg
poora nam chakravarti rajagopalachari
any nam rajaji
janm 10 disnbar, 1878
janm bhoomi madras
mrityu 28 disambar, 1972
abhibhavak shri nalin chakravarti
nagarikata bharatiy
prasiddhi svatantrata senani, krantikari, patrakar, samajasudharak, shiksha visheshgy
parti kangres
pad bhootapoorv udyog mntri, madras ke mukhyamntri, bngal ke rajyapal
shiksha vakalat
vidyalay presidensi kaaulej madras
bhasha hindi, tamil aur angrezi
puraskar-upadhi bharat ratn
adyatan‎ 11:53, 11 march 2011 (IST)

chakravarti rajagopalachari (angrezi: Chakravarti Rajagopalachari, janm: 10 disnbar, 1878; mrityu: 28 disambar, 1972) bharatiy rajaniti ke shikhar purush the, jo rajaji ke nam se bhi jane jate hain. rajagopalachari vakil, lekhak, rajanitigy aur darshanik the. ve svatantr bharat ke dvitiy gavarnar-janaral aur pratham bharatiy gavarnar-janaral the. apane adbhut aur prabhavashali vyaktitv ke karan 'rajaji' ke nam se prasiddh mahanh svatntrata senani, samaj sudharak, gandhivadi rajanitigy chakravarti rajagopalachari ko adhunik bharat ke itihas ka 'chanaky' mana jata hai. rajagopalachari ji ki buddhi chatury aur dridh ichchhashakti ke karan javaharalal neharoo, mahatma gandhi aur saradar patel jaise anek uchchakoti ke kangresi neta bhi unaki prashnsa karate nahin aghate the.

jivan parichay

chakravarti rajagopalachari ka janm 10 disnbar, 1878 ko tamilanadu (madras) ke selam zile ke hosoor ke pas 'dhorapalli' namak ganv men hua tha. ek vaishnav brahman parivar men janme chakravarti ji ke pita ka nam shri nalin chakravarti tha, jo selam ke nyayalay men nyayadhish ke pad par karyarat the. rajagopalachari ji ki prarambhik shiksha ganv ke hi ek skool se prapt karane ke bad unhonne baingalor ke saintral kaaulej se haee skool aur intaramidiet ki pariksha pratham shreni men uttirn ki. isake bad madras ke presidensi kaaulej se bi.e. aur vakalat ki pariksha uttirn ki. vakalat ki digri pane ke pashchath ve selam men hi vakalat karane lage. apani yogyata aur pratibha ke bal par unaki ganana vahan ke pramukh vakilon men ki jane chakravarti padhane likhane men to tej the hi, deshabhakti aur samaj seva ki bhavana bhi unamen svabhavik roop se vidyaman thi. jin dinon ve vakalat kar rahe the, unhin dinon ve svami vivekannd ji ke vicharon se atynt prabhavit hue aur vakalat ke sath sath samaj sudhar ke karyon men bhi sakriy roop se ruchi lene lage. unake samaj sevi karyon se prabhavit hokar janata dvara unhen selam ki myoonisipal kaaurporeshan ka adhyaksh chun liya gaya. is pad par rahate hue unhonne anek nagarik samasyaon ka to samadhan kiya hi, sath hi tatkalin samaj men vyapt aisi samajik buraiyon ka bhi jamakar virodh kiya jo unhin ke jaise himmati vyakti ke bas ki bat thi. selam men pahale sahakari baink ki sthapana ka shrey bhi unhen hi jata hai.

gandhi ji ka sannidhy

varsh 1915 men gandhi ji dakshin aphrika se laut kar bharat aye the aur ate hi desh ke svatntrata sngram ko gati pradan karane men jut gaye the. chakravarti bhi desh ke halat se anabhigy nahin the, vah vakalat men utkarsh par the. 1919 men gandhi ji ne raaulekt ekt ke viruddh satyagrah andolan prarambh kiya. isi samay rajagopalachari gandhi ji ke sampark men aye aur unake rashtriy andolan ke vicharon se prabhavit hue. gandhi ji ne pahali bhent men unaki pratibha ko pahachana aur unase madras men satyagrah andolan ka netritv karane ka ahvan kiya.
chakravarti rajagopalachari
unhonne poore josh se madras satyagrah andolan ka netritv kiya aur giraphtar hokar jel gaye. jel se chhootate hi chakravarti ne apani vakalat aur tamam sukh suvidhaon ko tyag diya aur poorn roop se desh ke svatntrata sngram ko samarpit ho gaye. sanh 1921 men gandhi ji ne namak satyagrah arnbh kiya. isi varsh vah kangres ke sachiv bhi chune gaye. is andolan ke tahat unhonne jagajagaran ke lie padayatra ki aur vedayasam ke sagar tat par namak qanoon ka ullnghan kiya. parinamasvaroop unhen giraphtar kar pun: jel bhej diya gaya. is samay tak chakravarti desh ki rajaniti aur kangres men itana ooncha qad prapt kar chuke the ki gandhi ji jaise neta bhi pratyek kary men unaki ray lete the. ve spasht kahate the 'raja ji hi mere sachche anuyayi hain.' yadyapi kee avasar aise bhi aye, jab chakravarti gandhi aur kangres ke virodh men a khade hue, kintu ise bhi unaki dooradarshita, unaki kootaniti ka hi ek ang samajhakar unaka samarthan hi kiya gaya.

asahayog andolan

1930-31 men asahayog andolan prarambh kiya gaya. chakravarti ne is andolan men badh chadh kar bhag liya. vah jel bhi gaye, kintu kuchh muddon par ve kangres ke bade bade netaon ke virodh men nidarata se a khade hue. vah apane siddhanton ke age kisi se bhi kisi prakar ke samajhaute ke lie taiyar nahin hote the. vah akaran hi apane siddhanton par nahin adate the, pray: jin masalon par any netagan unaka virodh karate the, bad men ve sahaj roop se unhin masalon par raja ji ke drishtikon se sahamat ho jate the. chakravarti ji ki soojhaboojh aur rajanitik kushalata ka udaharan dekhane ko milata hai, jab 1931-32 men harijanon ke prithakh matadhikar ko lekar gandhi ji aur bhimarav anbedakar ke bich matabhed utpann ho gaye the. ek or jahan gandhi ji is sndarbh men anashan par baith gaye the, vahin anbedakar bhi pichhe hatane ko taiyar nahin the. us samay chakravarti ne un donnon ke bich badi hi chaturaee se samajhauta karakar vivad ko shant karaya tha.

gandhi ji se snbndh

chakravarti rajagopalachari

vah gandhi ji ke kitana nikat the, isaka pata is bat se chalata hai ki jab bhi gandhi ji jel men hote the, unake dvara snpadit patr 'yng indiya' ka sampadan chakravarti hi karate the. jab kabhi gandhi ji se poochha jata tha, ' jab ap jel men hote hain, tab bahar apaka uttaradhikari kise samajha jae?' tab gandhi ji bade hi sahaj bhav se kahate, 'raja ji, aur kaun?' gandhi ji aur chakravarti ke snbndhon men tab aur bhi pragadhata a gayi, jab sanh 1933 men chakravarti ji ki putri aur gandhi ji ke putr vaivahik bndhan men bndh gaye.

mukhyamntri

san 1937 men hue kaaunsilo ke chunavon men chakravarti ke netritv men kangres ne madras prant men vijay prapt ki. unhen madras ka mukhyamntri banaya gaya. 1930 men british sarakar aur kangres ke bich matabhed ke chalate kangres ki sabhi sarakaren bhng kar di gayi thin. chakravarti ne bhi apane pad se tyagapatr de diya. isi samay doosare vishv yuddh ka arambh hua, kangres aur chakravarti ke bich pun: than gayi. is bar vah gandhi ji ke bhi virodh men khade the. gandhi ji ka vichar tha ki british sarakar ko is yuddh men matr naitik samarthan diya jae, vahin raja ji ka kahana tha ki bharat ko poorn svatntrata dene ki shart par british sarakar ko har prakar ka sahayog diya jae. yah matabhed itane badh gaye ki raja ji ne kangres ki karyakarini ki sadasyata se tyagapatr de diya. isake bad 1942 men 'bharat chhodo' andolan prarambh hua, tab bhi vah any kangresi netaon ke sath giraphtar hokar jel nahin gaye. is ka arth yah nahin ki vah desh ke svatntrata sngram ya kangres se vimukh ho gaye the. apane siddhanton aur karyashaili ke anusar vah in donon se nirntar jude rahe. unaki rajaniti par gahari pakad thi. 1942 ke ilahabad kangres adhiveshan men unhonne desh ke vibhajan ko spasht sahamati pradan ki. yadyapi apane is mat par unhen am janata aur kangres ka bahut virodh sahana pada, kintu unhonne isaki paravah nahin ki. itihas gavah hai ki 1942 men unhonne desh ke vibhajan ko sabhi ke virodh ke bad bhi svikar kiya, sanh 1947 men vahi hua. yahi karan hai ki kangres ke sabhi neta unaki dooradarshita aur buddhimatta ka loha manate rahe. kangres se alag hone par bhi yah mahasoos nahin kiya gaya ki vah usase alag hain.

rajyapal

1946 men desh ki antarim sarakar bani. unhen kendr sarakar men udyog mntri banaya gaya. 1947 men desh ke poorn svatntr hone par unhen bngal ka rajyapal niyukt kiya gaya. isake agale hi varsh vah svatntr bharat ke pratham 'gavarnar janaral' jaise ati mahattvapoorn pad par niyukt kie gaye. sanh 1950 men ve pun: kendriy mntrimndal men le lie gaye. isi varsh saradar vallabh bhaee patel ki mrityu hone par ve kendriy grih mntri banaye gaye. sanh 1952 ke am chunavon men vah lokasabha sadasy bane aur madras ke mukhyamntri nirvachit hue. isake kuchh varshon ke bad hi kangres ki tatkalin nitiyon ke virodh men unhonne mukhyamntri pad aur kangres donon ko hi chhod diya aur apani prithakh svatntr parti ki sthapana ki.

samman

1954 men "bharatiy rajaniti ke chanaky" kahe jane vale raja ji ko 'bharat ratn' se sammanit kiya gaya. vah vidvanh aur adbhut lekhan pratibha ke dhani the. jo gaharaee aur tikhapan unake buddhichatury men tha, vahi unaki lekhani men bhi tha. vah tamil aur angrezi ke bahut achchhe lekhak the. 'gita' aur 'upanishadon' par unaki tikaen prasiddh hain. unako unaki pustak 'chakravarti tharomagam' par 'sahity akadami' dvara puraskrit kiya gaya. unaki likhi anek kahaniyan uchch stariy thin. 'svarajy' namak patr unake lekh nirntar prakashit hote rahate the. isake atirikt nashabndi aur svadeshi vastuon visheshakar khadi ke prachar prasar men unaka yogadan mahattvapoorn mana jata hai.

nidhan

apani veshabhoosha se bhi bharatiyata ke darshan karane vale is mahapurush ka 28 disambar, 1972 ko nidhan ho gaya.


panne ki pragati avastha
adhar
prarambhik
madhyamik
poornata
shodh

snbndhit lekh