चार्ल्स कोरिया  हिन्दी देवनागरी में पढ़ें।

charls koriya
charls koriya
poora nam charls koriya
janm 1 sitambar, 1930
janm bhoomi haidarabad rajy (ab telngana rajy)
mrityu 16 joon, 2015
mrityu sthan mumbee, maharashtr
karm bhoomi bharat
vidyalay munbee vishvavidyalay, mishigan yunivarsiti aur mesachyusets instityoot aauph teknolaauji
prasiddhi vastukar
nagarikata bharatiy
any janakari 'raauyal instityoot aauph british arkitekts' (riba) ne lndan men bharatiy vastukar charls koriya ki dijainon aur unake ab tak ke kam par ek pradarshani ayojit ki thi. riba ne us samay koriya ko bharat ke mahanatam vastukar ka khitab diya tha.

charls koriya (angrezi: Charles Correa, janm- 1 sitambar, 1930, haidarabad; mrityu- 16 joon, 2015, mumbee) bharatiy vastukar aur shahari niyojak the. azadi ke bad bharat men adhunik vastukala ke nirman ka shrey unhen diya jata hai. shahari garibon ki zarooraton aur parnparik tarikon aur samagriyon ke istemal ke lie unhen unaki snvedanashilata ke lie jana jata hai. padm puraskaron se alnkrit charls koriya ne svatntrata ke bad bharat ki vastukala ko vikasit karane men aham bhoomika nibhaee aur kee behad utkrisht snrachanaen dizain kin. ahamadabad men 'mahatma gandhi memoriyal' aur madhy pradesh men vidhan bhavan ki utkrisht snrachanaen unake hunar ka hi namoona hain.

parichay

charls koriya ka janm 1 sitambar san 1930 ko sikndarabad, haidarabad rajy (ab telngana rajy) men hua tha. unhonne munbee ke sent jeviyar kaaulej se padhaee ki. isake bad unhonne yoonivarsiti aauf mishigan aur pratishthit mesachusets instityoot aauf teknolaauji (emaeeti) se shiksha grahan ki. koriya ne bharat aur videsh ke kee vishvavidyalayon men padhaya. unhonne 1984 men munbee men 'shahari dijain anusndhan snsthan' ki sthapana ki thi. yah snsthan paryavaran snrakshan aur shahari samudayon men sudhar ke lie samarpit hai.

jab charls koriya bhavan dijain ke kshetr men apane pair jama rahe the, tab har tarah ki buniyadi suvidhaon ke lie tarasate bharat men sundar imaraton se jyada am logon ke lie shaharon ka vikas ek badi chunauti tha. munbee vishvavidyalay se arkitekchar ki padhaee karane vale is yuva ke man par ne-ne azad hue desh ke sngharsh v usake am logon ki chunautiyon ki chhap hamesha rahi. mishigan yunivarsiti aur mesachyusets instityoot aauph teknolaauji men age ki padhaee karake laute charls koriya jab 28 sal ke the, tab unhen apane kariyar ka pahala bada projekt mila. unhen ahamadabad men gandhi smarak sngrahalay ka dijain karana tha. tyoob haus bhi unhonne isi daur men banaya. in salon men charls koriya ne kee akadamik snsthanon ki imaraton ko bhi dijain kiya.[1]

navi munbee ki yojana

1970 ke dashak men charls koriya ki dilachaspi shahari yojana ki taraph ho gee. unaka manana tha ki log shaharon men basane ke uddeshy se nahin ate. unhen yahan kam milata hai, isalie ate hain; lekin ve yahan achchhe se rah paen, yah us shahar ke vastukar aur prashasan ki jimmedari hai. is vichar ke himayati charls koriya ne munbee ke upanagar navi munbee ki yojana banaee thi aur aj yah mahanagar ki ek badi abadi ko bahut achchhe se snbhal raha hai. yahin belapur men unhonne nimn ay varg ke logon ke lie artist vilej nam ki ek avasiy kaauloni ka dijain banaya. ise munbee ki kuchh ek sabase suvyavasthit aur khoobasoorat basahaton men gina jata hai.

videshon men nirman kary

charls koriya ne videshon men bhi kee imaraton ko dijain kiya hai aur bhavyata v khoobasoorati ke lihaj se unhen aj bhi adbhut mana jata hai. koriya ka akhiri bada projekt tornto men aga khan sngrahalay aur usase lagata ismaili sentar ka nirman tha. vastukala samikshak hyoo piyaramain ne nyoojavik men in imaraton ke bare men likha tha- "koriya ne yahan jis tarah se prarthanaghar ka nirman kiya hai, vah adbhut hai. atyadhunik aur utana hi rahasyamayi." halanki charls koriya ke lie yah rahasy ek sidhe se siddhant se nikalata tha. ve kahate the- "oopar eeshvar ka akash hai aur niche usaki dharati. jab ap in donon ko samajhane lagate hain, tab apako sahi kam karane ki prerana milati hai." unaki banaee imaraten batati hain ki unhen shayad is bat ki kaphi samajh thi.[1]

'raauyal instityoot aauph british arkitekts' (riba) ne lndan men bharatiy vastukar charls koriya ki dijainon aur unake ab tak ke kam par ek pradarshani ayojit ki thi. riba ne us samay koriya ko bharat ke mahanatam vastukar ka khitab diya tha. gova mool ke charls koriya ko is bat par thodi apatti thi. unhonne pratikriya di thi- "shayad sabase jyada prayogadharmi thik rahata... lekin mahanatam kahane ke bad age koee spes nahin bachata." charls koriya ki yah tippani vastav men unake poore kam ka nichod hai.

pramukh imaraten

bhopal ka 'bharat bhavan' ho, dilli men british kaunsil ki imarat ya ahamadabad ka 'gandhi memoriyal' jo unaka pahala bada projekt tha ya phir kanada ke tornto men bana 'aga khan sngrahalay, koriya ki dijain ki gee imaraton men khule sthan ka khasa dhyan rakha gaya hai. is tarah ki vah dijain ka sabase aham hissa ho. isi tarah se ve is bat ka bhi khyal rakhate the ki dijain ka asapas ke vatavaran se ek samnjasy rahe. yah bat unake dvara banaee geen badi ya bhavy imaraton par hi lagoo nahin hoti. ahamadabad men unaki dijain ke adhar par 'tyoob haus' nam ki imarat banaee gee hai. nimn ay varg ke lie bani is avasiy imarat ko is tarah se dijain kiya gaya hai ki hava ke pravah se usaka tapaman niyntrit rahe.[1] videshon men unaki banaee imaraton men bostan ka emaiti sains sentar, kanada ke tornto ka ismaili sentar adi unake vilakshan vastushilp ki gavahi dete hain.

puraskar v samman

charls koriya ne kee rashtriy evn antararashtriy puraskar jite. vah shahari yojana evn kiphayati avas nirman ke visheshgy the. unhen 1972 men 'padmashri' aur 2006 men 'padm vibhooshan' se sammanit kiya gaya tha. unhen vastukala ke lie 'aga khan puraskar', primiyar impiriyal aauph japan aur araeebie ke 'raauyal gold medal' samet kee puraskaron se sammanit kiya gaya.[2]

nidhan

charls koriya ka nidhan 16 joon, 2015 ko mumbee, maharashtr men hua. jivan ke akhiri dinon men koriya pani ke punarchakran, oorja punarnavikaran, gramin basahat aur kshetriy jaiv-vividhata ko lekar adhyayan-anusndhan kar rahe the. aj kitane aise vastukar hain, jo prakriti aur parnpara ko lekar is kadar gahan chintan-manan karate hain, unake snrakshan ke lie snvedanashil hain. aj bhavan nirman mahaj paisa kamane ka jariya ho gaya hai, isalie saundary ka vah paimana kahin nahin dikhata, jo charls koriya ke kam men maujood hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 charls koriya : aisa arkitekt jisake lie imarat ki khoobasoorati insanon ke sath hi mukammal hoti thi (hindi) satyagrah.scroll.in. abhigaman tithi: 14 disambar, 2017.
  2. bharat ke prasiddh vastukar charls koriya ka nidhan (hindi) khabar.ndtv.com. abhigaman tithi: 14 disambar, 2017.

snbndhit lekh