चौधरी चरण सिंह  हिन्दी देवनागरी में पढ़ें।

chaudhari charan sinh
Chaudhary-Charan-Singh.jpg
poora nam chaudhari charan sinh
janm 23 disambar, 1902
janm bhoomi noorapur gram, merath, uttar pradesh,
mrityu 29 mee, 1987
abhibhavak chaudhari mir sinh
pati/patni gayatri devi
nagarikata bharatiy
prasiddhi kisan neta
parti kangres aur lok dal
kary kal 28 julaee, 1979-14 janavari, 1980
shiksha vigyan snatak, kala snatakottar aur vidhi
vidyalay sarakari uchch vidyalay, merath
bhasha hindi, angrezi aur urdoo
vishesh yogadan lekhan, svadhinata sngram, bharat ke panchaven pradhanamntri
rachanaen 'abaaulishan aauf zamidari', 'bharat ki bhayavah arthik sthiti, isake karan aur nidan', 'lijend proparaitaraship' aur 'indiyas paauvarti end its solyooshns'
any janakari sampoorn bharat men 'kisanon ke masiha' mane jate hain.

chaudhari charan sinh (angrezi: Chaudhary Charan Singh, janm: 23 disambar, 1902 merath; mrityu- 29 mee, 1987) bharat ke panchaven[1] pradhanamntri the. charan sinh kisanon ki avaz buland karane vale prakhar neta mane jate the. chaudhari charan sinh ka pradhanamntri ke roop men karyakal 28 julaee, 1979 se 14 janavari, 1980 tak raha. yah samajavadi parti tatha kangres (o) ke sahayog se desh ke pradhanamntri bane. inhen 'kangres in' aur si. pi. aee. ne bahar se samarthan diya, lekin ve inaki sarakar men sammilit nahin hue. isake atirikt chaudhari charan sinh bharat ke grihamntri (karyakal- 24 march 19771 julaee 1978), upapradhanamntri (karyakal- 24 march 197728 julaee 1979) aur do bar uttar pradesh ke mukhyamntri bhi rahe.

arambhik jivan

chaudhari charan sinh ka janm 23 disambar, 1902 ko uttar pradesh ke merath zile ke noorapur gram men ek madhyam vargiy krishak parivar men hua tha. inaka parivar jat prishthabhoomi vala tha. inake purakhe maharaja nahar sinh ne 1887 ki pratham kranti men vishesh yogadan diya tha. maharaja nahar sinh vallabhagadh ke nivasi the, jo ki vartaman men hariyana men ata hai. maharaja nahar sinh ko dilli ke chandani chauk men british hukoomat ne fansi par chadha diya tha. tab angrezon ke khilaf kranti ki jvala ko akshunn banae rakhane ke lie maharaja nahar sinh ke samarthak aur chaudhari charan sinh ke dada ji uttar pradesh ke bulndashahar zile ke poorvavarti kshetr men nishkraman kar ge.

vidyarthi jivan

chaudhari charan sinh ko parivar men shaikshanik vatavaran prapt hua tha. svayn inaka bhi shiksha ke prati atirikt rujhan raha. chaudhari charan sinh ke pita chaudhari mir sinh chahate the ki unaka putr shikshit hokar desh seva ka kary kare. chaudhari charan sinh ki prathamik shiksha noorapur gram men hi poorn huee, jabaki maitrikuleshan ke lie inhen merath ke sarakari uchch vidyalay men bhej diya gaya. 1923 men 21 varsh ki ayu men inhonne vigyan vishay men snatak ki upadhi prapt kar li. do varsh ke pashchath 1925 men chaudhari charan sinh ne kala snatakottar ki pariksha uttirn ki. phir vidhi ki pariksha uttirn karane ke bad unhonne gaziyabad men vaqalat karana arambh kar diya.

vivah

1929 men chaudhari charan sinh merath a ge. merath ane ke bad inaki shadi jat parivar ki beti gayatri ke sath sampann huee. gayatri devi ka parivar rohatak zile ke 'gadhi gram' men rahata tha. yah vah samay tha jab desh men svadhinata sngram tivr gati pakad chuka tha. charan sinh svayn ko desh ki pukar se alag nahin rakh pae. inhonne vaqalat ko tyagakar andolan men bhag lene ka man bana liya. us samay kangres ek bahut badi parti thi. charan sinh bhi kangres ke sadasy ban ge. kangres men unaki chhavi ek kushal karyakarta ke roop men sthapit huee. 1937 ke vidhanasabha chunav men inhen saphalata prapt huee aur yah chhatravali vidhanasabha kshetr se nirvachit hue.

rajanitik jivan

ek bar rajaniti se judane ke bad chaudhari charan sinh ka isase kabhi mohabhng nahin hua. un dinon sushikshit logon ki kami nahin thi, jo desh seva ke lie kangres se jud rahe the. unhonne chhatravali vidhanasabha sit se 9 varsh (arthath 1946) tak kshetriy janata ka kushalatapoorvak pratinidhitv kiya. desh ki azadi ke bad vah rashtriy star ke neta to nahin ban sake, lekin rajy vidhanasabha men unaka prabhav spasht mahasoos kiya jata tha. azadi ke bad 1952, 1962 aur 1967 men hue chunavon men chaudhari charan sinh rajy vidhanasabha ke lie pun: chune ge. inaki yogyata se parti ka shirsh netritv bhi prabhavit raha. isake phalasvaroop pndit govind vallabh pnt ki sarakar men inhen 'parliyamentari sekretariship' bhi prapt huee. snsadiy sachiv ki bhoomika men inhonne rajasv, nyay, soochana, chikitsa evn svasthy adi vibhagon ke dayitvon ka nirvahan poori nishtha ke sath kiya. chaudhari charan sinh ka rajanitik bhavishy 1951 men banana arambh ho gaya tha, jab inhen uttar pradesh men kaibinet mntri ka pad prapt hua. unhonne nyay evn soochana vibhag sambhala. 1952 men daauktar sampoornannd ke mukhyamntritv kal men unhen rajasv tatha krishi vibhag ka dayitv mila. vah zamin se jude neta the aur krishi vibhag unhen vishisht roop se pasnd tha. charan sinh svabhav se bhi krishak the. vah krishak hiton ke lie anavarat prayas karate rahe. 1960 men chndrabhanu gupta ki sarakar men unhen grih tatha krishi mntralay diya gaya. vah uttar pradesh ki janata ke madhy atyant lokapriy the. isilie pradesh sarakar men yogyata evn anubhav ke karan unhen ooncha muqam hasil hua.

samajik karyakarta

uttar pradesh ke kisan charan sinh ko apana masiha manane lage the. unhonne krishakon ke kalyan ke lie kafi kary kie. samast uttar pradesh men bhraman karate hue krishakon ki samasyaon ka samadhan karane ka prayas kiya. uttar pradesh ke gramin ilaqon men krishi mukhy vyavasay tha. krishakon men samman hone ke karan inhen kisi bhi chunav men har ka mukh nahin dekhana pada. us samay tak uttar pradesh ki sinchaee vyavastha men sudhar ki bahut kafi avashyakata thi, is karan charan sinh krishi ke star ko bahut zyada unnat nahin kar pae. phir bhi unaka samarpan asndigdh tha. unaki eemanadarana koshishon ki sadaiv sarahana huee. vah logon ke lie ek rajanitigy se zyada samajik karyakarta the. unhen vaktritv kala men bhi maharat hasil thi. yahi karan hai ki unaki janasabhaon men bhari bhid juta karati thi. log unhen sunane ko lalayit rahate the. phir 1966 men sucheta kripalani ki sarakar men unhen mntri pad to prapt ho gaya lekin kam mahattvapoorn vibhag mile. 1969 men kangres ka vighatan ho gaya. chaudhari charan sinh kangres (o) ke sath jud ge. inaki nishtha kangres sindiket ke prati rahi. phir vah kangres (o) ke samarthan se uttar pradesh ke mukhyamntri nirvachit ho ge, lekin bahut samay tak mukhyamntri pad par nahin rahe.

chaudhari charan sinh stamp

hadabndi qanoon

kangres ke vibhajan ka prabhav uttar pradesh rajy ki kangres par bhi pada. kendriy star ka vibhajan rajy star par bhi lagoo hua. kangresi neta apani-apani nishtha ke anusar indira kangres aur sindiket kangres ke sath jud ge. choonki chaudhari charan sinh indira gandhi ke sahaj virodhi the, is karan vah kangres (o) ke kripapatr ban ge. jis samay indira gandhi desh ki pradhanamntri thin, us samay bhi uttar pradesh snsadiy siton ke mamale men bada aur mahattvapoorn rajy tha. phir yah indira gandhi ka grih pradesh bhi tha. is karan unhen yah svikar nahin tha ki kangres (o) ka koee vyakti uttar pradesh men mukhyamntri rahe. at: shrimati indira gandhi ne 2 aktoobar, 1970 ko uttar pradesh men rashtrapati shasan lagoo kar diya. chaudhari charan sinh ka mukhyamntritv jata raha. isase indira gandhi ke prati chaudhari charan sinh ka rosh aur durbhavana dvigunit ho gee. lekin uttar pradesh ki zamini rajaniti se charan sinh ko bedakhal karana sambhav nahin tha. vah uttar pradesh men bhoomi sudhar ke lie agrani purush mane jate the. 1939 men krishakon ke qarj mukti vidheyak ko parit karane men charan sinh ki nirnayak bhoomika thi. 1960 men unhonne bhoomi hadabndi qanoon ko lagoo karane men bhi mahattvapoorn bhoomika nibhaee thi.

pradhanamntri pad par

1977 men chunav ke bad jab kendr men janata parti satta men aee to king mekar jayaprakash narayan ke sahayog se moraraji desaee pradhanamntri bane aur charan sinh ko desh ka grih mntri banaya gaya. isi ke bad moraraji desaee aur charan sinh ke matabhed khulakar samane ae. is prakar 28 julaee, 1979 ko chaudhari charan sinh samajavadi partiyon tatha kangres (yoo) ke sahayog se pradhanamntri banane men saphal hue. kangres in aur si. pi. aee. ne inhen bahar se samarthan pradan kiya. yah to spasht hai ki yadi indira gandhi ka samarthan chaudhari charan sinh ko n prapt hota to vah kisi bhi sthiti men pradhanamntri nahin ban sakate the. rajaniti ki visheshata hai ki isamen sthayi mitrata evn sthayi shatruta ka sthan nahin hota. virodhi log bhi mitr ban jate hain aur mitr log virodhi. rajaniti ki yah visheshata is kal men khas taur par dekhi ja sakati thi. kabhi moraraji desaee aur chaudhari charan sinh janata dal ke stambh the tatha param mitr bhi.

pradhanamntri pad se tyagapatr

indira gandhi janati thin ki moraraji desaee aur chaudhari charan sinh ke rishte kharab ho chuke hain. yadi charan sinh ko samarthan dene ki bat kahakar bagavat ke lie mana liya jae to janata parti men bikharav arambh ho jaega. at: indira gandhi ne chaudhari charan sinh ki pradhanamntri banane ki bhavana ko hava di. charan sinh ne indira gandhi ki bat man li. vah 28 julaee 1979 ko pradhanamntri bane. lekin rashtrapati nilam snjiv reddi ne yah spasht kah diya ki vah lokasabha men apana bahumat 20 agast, 1979 tak siddh karen. is prakar vishvas mat prapt karane ke lie unhen matr 13 din hi mile the. lekin indira gandhi ne 19 agast, 1979 ko bina batae samarthan vapas lie jane ki ghoshana kar di. ab yah prashn nahin tha ki chaudhari sahab kisi bhi prakar se vishvas mat prapt kar lenge. vah janate the ki vishvas mat prapt karana asambhav tha. yahan par yah batana prasngik hoga ki indira gandhi ne samarthan ke lie shart lagaee thi. usake anusar janata parti sarakar ne indira gandhi ke viruddh jo muqadamen qayam kie hain, unhen vapas le liya jae. lekin chaudhari sahab isake lie taiyar nahin hue the. is prakar ki galat saudebazi karana charan sinh ko qabool nahin tha. isilie unhonne pradhanamntri ki kursi gnvana bardasht kar liya. vah janate the ki unhonne eemanadar neta aur siddhantavadi vyakti ki chhavi bana rakhi hai, vah sadaiv ke lie khandit ho jaegi. at: snsad ka ek bar bhi samana kie bina chaudhari charan sinh ne pradhanamntri pad ka tyag kar diya.

madhyavadhi chunav

pradhanamntri pad se tyagapatr dene ke sath-sath chaudhari charan sinh ne rashtrapati nilam snjiv reddi se madhyavadhi chunav ki sifarish bhi ki taki kisi any dvara pradhanamntri ka dava n kiya ja sake. rashtrapati ne inaki anushnsa par lokasabha bhng kar di. chaudhari charan sinh ko lagata tha ki indira gandhi ki bhanti janata parti bhi alokapriy ho chuki hai. at: vah apani lokadal parti aur samajavadiyon se yah ummid laga baithe ki madhyavadhi chunav men unhen bahumat prapt ho jaega. isake alava charan sinh ko yah asha bhi thi ki unake dvara tyagapatr die jane ke karan janata ko unase nishchay hi sahanubhooti hogi. unhen uttar pradesh ki janata se kafi ummid thi. kisanon men unaki jo lokapriyata thi, vah asndigdh thi. vah madhyavadhi chunav men 'kisan raja' ke chunavi nare ke sath men utare. tab karyavahak pradhanamntri chaudhari charan sinh hi the, jab madhyavadhi chunav sampann hue. vah 14 janavari, 1980 tak hi bharat ke pradhanamntri rahe. is prakar unaka karyakal lagabhag nau mah ka raha.

vyaktitv

chaudhari charan sinh ki vyaktigat chhavi ek aise dehati purush ki thi jo sada jivan aur uchch vichar men vishvas rakhata tha. is karan inaka pahanava ek kisan ki sadagi ko pratibimbit karata tha. ek prashasak ke taur par unhen behad siddhantavadi aur anushasanapriy mana jata tha. vah sarakari adhikariyon ki lal fitashahi aur bhrashtachar ke prabal virodhi the. charan sinh samajik nyay ke poshak aur lok seva bhavana se ot-prot rahe. charan sinh ek rajanitigy the aur pratyek rajanitigy ki yah svabhavik ichchha hoti hai ki vah rajaniti ke shirsh par pahunche. isamen kuchh bhi anaitik nahin tha. charan sinh achchhe vakta the aur behatarin sansad bhi. vah jis kary ko karane ka man bana lete the, phir use poora karake hi rahate the. chaudhari charan sinh rajaniti men svachchh chhavi rakhane vale insan the. vah apane samakalin logon ke saman gandhivadi vicharadhara men yaqin rakhate the. svatntrata prapti ke bad gandhi topi ko kee bade netaon ne tyag diya tha lekin chaudhari charan sinh ne ise jivan paryant dharan kie rakha.

kushal lekhak

bahut kam logon ko is bat ki janakari hogi ki charan sinh ek kushal lekhak ki atma bhi rakhate the. unaka angrezi bhasha par achchha adhikar tha. unhonne 'abaaulishan aauf zamindari', 'lijend proparaitaraship' aur 'indiyas paauvarti end its solyooshns' namak pustakon ka lekhan bhi kiya. janavari 1980 men indira gandhi ka puragaman charan sinh ki rajanitik vidaee ka mahattvapoorn karan bana, yadyapi vah graminon ke paramarshadata banakar lok kalyan karate rahe.

mrityu

lok kalyan ke dauran umr bhi apana asar dikhane lagi thi. antat: unaki jivan yatra ka rath 29 mee, 1987 ko tham gaya. 84 varsh se adhik umr pane vala vah kisan neta mrityu ke agosh men chala gaya. vah gandhivadi vicharadhara ke sath hi ant tak apana jivan nirvah karate rahe. unamen desh ke prati vafadari ka bhav tha. vah krishakon ke sachche shubhachintak the. itihas men inaka nam pradhanamntri se zyada ek kisan neta ke roop men jana jaega.



bharat ke pradhanamntri
Arrow-left.png poorvadhikari
moraraji desaee
chaudhari charan sinh uttaradhikari
rajiv gandhi
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. nam ke anusar panchaven kintu bharatiy snvidhan ke anusar sataven pradhanamntri the, kyonki pndit javaharalal neharoo aur shrimati indira gandhi do do bar pradhan mntri rahe the.

snbndhit lekh