छत्तीसगढ़  हिन्दी देवनागरी में पढ़ें।

India-flag.gif
chhattisagadh
Chhattisgarh-map.jpg
rajadhani rayapur
rajabhasha(en) chhattisagadhi aur hindi
sthapana 1 navnbar, 2000
janasnkhya 2,55,40,196 (17van sthan)[1]
· ghanatv 189 /varg kimi
kshetraphal 1,35,361 varg kimi (10van sthan)[2]
bhaugolik nirdeshank 21.27° uttar, 81.60° poorv
mndal 5 (sambhag)
zile 27[2]
sabase bada nagar rayapur
ling anupat 1000:991 ♂/♀
saksharata 70.28%
· stri 60.24%
· purush 80.27%
uchch nyayalay chhattisagadh uchch nyayalay
rajyapal balaram das tndan
mukhyamntri raman sinh[2]
vidhanasabha sadasy 90[2]
lokasabha kshetr 11[2]
rajakiy pashu jngali bhains (Wild Buffalo)
rajakiy pakshi pahadi maina (Hill Myna)
rajakiy vriksh sal (Sal)
vishesh bharat ke kul khanij utpadan ka 16 pratishat khanij utpadan chhattisagadh men hota hai.[2]
any janakari bharat men visheshat: do aise kshetr hain, jinaka nam vishesh karanon se dhire dhire badal gaya. pahala 'magadh', jo bauddh viharon ke karan 'bihar' ban gaya aur doosara 'dakshin kaushal', jo 'chhattis gadhon' ko apane men samahit rakhane ke karan 'chhattisagadh' ban gaya.
bahari kadiyan adhikarik vebasait
adyatan‎
Chhattisgarh Logo.png

chhattisagadh (angrezi: Chhattisgarh) bharat ka 26van rajy hai. bharat men visheshat: do aise kshetr hain, jinaka nam vishesh karanon se dhire dhire badal gaya. pahala 'magadh', jo bauddh viharon ke karan 'bihar' ban gaya aur doosara 'dakshin kaushal', jo 'chhattis gadhon' ko apane men samahit rakhane ke karan 'chhattisagadh' ban gaya. ye donon hi kshetr prachin kal se bharat ko gauravanvit karate rahe hain. 'chhattisagadh' pauranik kal se hi vibhinn snskritiyon ke vikas ka kendr raha hai. yahan ke prachin mandir tatha unake bhagnavashesh batate hain ki yahan vaishnav, shaiv, shakt aur bauddh ke sath hi sath anek ary tatha anary snskritiyon ka samay-samay par prabhav raha hai.

gathan

chhattisagadh rajy ka gathan 1 navnbar 2000 ko hua tha. chhattisagadh poorv men dakshini jharakhand aur udisa se, pashchim men madhy pradesh aur maharashtr se, uttar men uttar pradesh aur pashchimi jharakhand aur dakshin men andhr pradesh se ghira hai. chhattisagadh ka bhoo-bhag sampoorn bharat ke bhoo-bhag ka kul 4.14% hai. is prakar chhattisagadh rajy kshetraphal ke hisab se desh ka 10van bada rajy hai. janasnkhya ki drishti se is rajy ka bharat men 17van sthan hai.

itihas

madhy pradesh se banaya gaya yah rajy bharatiy sngh ke 26 ven rajy ke roop men 1 navnbar, 2000 ko poorn astitv men aya. isase poorv chhattisagadh 44 varsh tak madhy pradesh ka ek ang raha tha. prachin kal men is kshetr ko 'dakshin kaushal' ke nam se jana jata tha. is kshetr ka ullekh ramayan aur mahabharat men bhi milata hai. chhathi aur barahavin shatabdiyon ke bich sarabhapooriya, panduvnshi, somavnshi, kalachuri aur nagavnshi shasakon ne is kshetr par shasan kiya. kalachuri aur nagavnshi shasakon ne is kshetr par lambe samay tak shasan kiya. kalachuriyon ne chhattisagadh par sanh 980 se lekar 1791 tak raj kiya. sanh 1854 men angrezon ke akraman ke bad mahattv badh gaya. sanh 1904 men snbalapur udisa men chala gaya aur 'saraguja' riyasat bngal se chhattisagadh ke pas a gee.

shiksha

shiksha ke kshetr men bhi chhattisagadh ne dhire-dhire vikas ki gati ko apanaya hai. aitihasik drishti se dekhen to chhattisagadh ki shiksha paddhati men snskrit ka bhi mahattvapoorn sthan hai. mahnt vaishnavadas ji snskrit shiksha ke bade premi the. shiksha ke prasar-prachar ke lie unhonne ullekhaniy kary kiya. sanh 1955 men rayapur men 'shri doodhadhari vaishnav snskrit mahavidyalay' khulavane ke lie 3.5 lakh rupaye nagad aur 100 ekad zamin dan men di. age chalakar amaradip taaukij ko bhi is mahavidyalay ko dan kar diya. is kary men desh ke pratham rashtrapati daau. rajendr prasad aur madhy pradesh[3] ke mukhyamntri pndit ravishnkar shukl ka vishesh yogadan tha. isi prakar balikaon ki shiksha ke lie rayapur men sanh 1958 men 'shasakiy doodhadhari bajarngadas mahila mahavidyalay' khulavaya aur isaki vyavastha ke lie math se 1.5 lakh rupaye nagad aur pendri ganv ke 300 ekad zamin dan men di. madhy prant ke tatkalin mukhyamntri pndit ravishnkar shukl ki 'vidyamndir yojana' ke kriyanvayan ke lie math se 30 ekad zamin dan men di. sanh 1958 men apane guru ke nam par abhanapur men 'shri bajarngadas uchchatar madhyamik vidyalay' khulavaya. isi prakar apane pita ki smriti men apane paitrik ganv pncharookhi men ek haee skool khulavaya.[4] chhattisagadh men shiksha ke star ko aur ooncha uthane ke lie yahan vishvavidyalayon ki bhi sthapana huee hai. 'guru ghasidas vishvavidyalay' ko rajy ka pahala vishvavidyalay banane ka gaurav prapt hua, jisaki sthapana 16 joon, sanh 1983 ko madhy pradesh ke bilasapur men huee thi. bad men madhy pradesh ka vibhajan ho gaya aur yah vishvavidyalay chhattisagadh men shamil ho gaya. janavari 2009 men kendr sarakar dvara snsad men pesh 'kendriy vishh‍vavidyalay adhiniyam' 2009 ke madhh‍yam se ise kendriy vishh‍vavidyalay ka darja diya gaya.

bhoogol

chhattisagadh rajy madhy pradesh ke dakshin-poorv men 17°46' uttari akshansh se 24°5' uttari akshansh tatha 80°15' poorvi deshantar se 84°15' poorvi deshantar rekhaon ke madhy sthit hai. van kshetraphal ke hisab se chhattisagadh bharat ka tisara bada rajy hai. isaki uttari-dakshin lambaee 360 kimi. tatha poorv-pashchim chaudaee 140 kimi. hai. chhattisagadh ke uttar men uttar pradesh, uttari-poorvi sima men jharakhand, dakshin-poorv men odisha rajy sthit hai.
bhoramadev mndir, chhattisagadh
dakshin men andhr pradesh, dakshin-pashchim men maharashtr tatha uttari-pashchim bhag men madhy pradesh sthit hai. chhattisagadh rajy men panch sambhag (bastar, durg, rayapur, bilasapur, saraguja) v 27 zile hain. yah pradesh bharat ke kul kshetraphal ka 4.11% hai. yah rajy anek chhote-chhote rajyon se bada hai. chhattisagadh ka kshetraphal pnjab, hariyana evn keral in tinon rajyon se yog se adhik hai. isake alava chhattisagadh ka sambhag bastar[5] ka vistar keral ke kshetraphal se bada hai.

jalavayu

chhattisagadh ki jalavayu men bhi maaunasooni jalavayu ki sabhi visheshataen hain. chhattisagadh pradesh ki jalavayu ushn-ardr maaunasoon prakar ki hai, jise samany bolachal men ushnakatibndhiy maaunasooni jalavayu ya shushk up-ardr kaha jata hai. maaunasoon ki drishti se chhattisagadh shushk ardr maaunasooni jalavayu ke antargat ata hai. kark rekha pradesh ke uttari bhag (saraguja, koriya zile) se hokar guzarati hai, jisaka paryapt prabhav yahan ki jalavayu par padata hai. sampoorn pradesh ki jalavayu men anshik bhinnata hai, jo samay-samay par varsha, tapaman adi ke roop men parilakshit hoti rahati hai. chhattisagadh men grishm men adhik garmi tatha shitakal kafi thanda hone ke sath-sath varsha ritu men nyoon dainik tapantar evn nyoonadhik varsha yahan ki jalavayu ki mukhy visheshata hai. is tarah pradesh men desh ki maaunasooni jalavayu men prapt ritu kram se abhinn sthiti drishtigochar hoti hai. anchal men ausat varsha 140 semi. tatha isaka 90% dakshin-pashchim maaunasoon ke dvara prapt hota hai arthath joon se 1 sitambar ke madhy.

chhattisagadh rajy ki nadiyan

nadiyan jivanadayini hoti hain. kisi bhi rashtr ya rajy ke samajik, rajanitik, arthik, bhautik evn sanskritik itihas men inaka pramukh sthan hai. nadiyan peyajal, sinchaee aur parivahan ka pramukh srot rahi hain, jisake karan adikal se hi sabhyataon ka vikas nadiyon kinare sthit hai. nadiyon se bhoomi ke dhal ke vishay men janakari prapt hoti hai. kisi rajy ka apavah tantr vahan ke uchchavach evn bhoomi ke dhal par nirbhar karata hai. ye nadiyan apane pravah ke sath vibhinn prakar ke mahattvapoorn tattv lakar apane taton par bichha deti hain, jo tattv krishi men bahut hi sahayak hote hain. chhattisagadh rajy men mahanadi ko 'gnga' ke saman pavitr mana jata hai, yahi karan hai ki yah 'chhattisagadh ki gnga' kahi jati hai. is nadi ko gnga kahe jane ke bare men manyata hai ki, tretayug men shrringi rishi ka ashram sihava ki pahadi men tha. ve ayodhya men maharaja dasharath ke nivedan par putreshthi ygy karakar laute the. unake kamndal men ygy men prayukt gnga ka pavitr jal bhara tha. samadhi se uthate samay kamndal ka abhimntrit jal gir pada aur bahakar mahanadi ke udgam men mil gaya. gngajal ke milane se mahanadi gnga ke saman pavitr ho gayi.

arthavyavstha

chhattisagadh bharat ke khanij samriddh rajyon men se ek hai. yahan par choona- patthar, lauh ayask, tanba, faausphet, mainganiz, baauksait, koyala, esabestas aur abhrak ke ullekhaniy bhndar hain. tanbe ki sarvadhik matra bilasapur zile se prapt hoti hai. chhattisagadh men lagabhag 52.5 karod tan ka dolomait ka bhndar hai, jo poore desh ke kul bhndar ka 24 pratishat hai. yahan baauksait ka anumanit 7.3 karod tan ka samriddh bhndar hai aur tin ayask ka 2,700 karod se bhi zyada ka ullekhaniy bhndar hai. chhattisagadh men hi koyale ka 2,690.8 karod tan ka bhndar hai. svarn bhndar lagabhag 38,05,000 kilo kshamata ka hai. yahan bharat ka sarvottam lauh ayask milata hai, jisaka 19.7 karod tan ka bhndar hai. bailadila, bastar, durg aur jagadalapur men loha milata hai. bailadila men sarvadhik lauh ayask nikala jata hai. yahan se prapt lauh achchhi kism aur uchch koti ka hota hai. bhilaee men bharat ke bade ispat snyntron men se ek sthit hai. rajy men 75 se bhi zyada bade aur madhyam ispat udyog hain, jo garm dhatu, kachcha loha, bhurabhura loha (spnj ayaran), rel-patariyon, lohe ki silliyon aur pattiyon ka utpadan karate hain. 'bhilaee ispat snyatr' ki sthapana sanh 1957 men ki gee thi. yah desh ek bada tatha mahattvapoorn ispat sayntr hai. rayapur zile ke devabhog men hire ke bhndar hain.

oorja

chhattisagadh apani avashyakata se adhik oorja ka utpadan karata hai. yahan koyala samriddh koraba men tin tapavidyut snyntr hain, aur any kee snyntr lagane ki yojana hai| koraba men pahala vidyut snyatr sanh 1978 men men sthapit kiya gaya tha. yah din chhattisagadh rajy ke lie svarnim tha. sauth eestarn kolafildas limited koyale ke vishal bhndar vale kshetron men khoj kar raha hai. chhattisagadh men tendoo patte ka bharat ke kul utpadan ka 70 pratishat hota hai.

audyogik kshetr

ek audyogik kshetr aur kee vikasashil audyogik nagar vale chhattisagadh ka arthik parivesh adhunik hai. bhilaee, bilasapur, rayapur, rayagadh aur durg rajy ke mukhy shahar hain. bhilaee ki relave lain ke poorv aur pashchim men shahari vistar hua hai. koraba, rajanandaganv aur rayagadh any vikasashil shahari kendr hain. sidhe naharon se sinchit kshetr bhi hain. is kshetr ka gramin adhar kamazor hai aur yahan ke bhitar ilake abhi tak ghor gramin tatha avikasit hain. shahari kendron ka kshetriy janajatiy arthavyavastha par bahut kam prabhav pada hai.

krishi

rajy men 80 pratishat abadi krishi aur usase judi gatividhiyon men lagi hai. 137.9 lakh hekteyar bhaugolik kshetr men se kul krishi kshetr kul kshetr ka lagabhag 35 pratishat hai. kheti ka pramukh mausam khariph hain. chaval yahan ki mukhy fasal hai. rajy men dhan ka sarvadhik bhndar maujood hai, shayad yahi mukhy karan hai ki rajy ko 'dhan ka katora' kahakar sammanit kiya gaya hai. yahan prati hekteyar 14 kvintal dhan ka utpadan hota hai. rajy ki any mahattvapoorn fasalen hain- makka, genhoon, kachcha anaj, moongaphali aur dalahan. koriya chhattisagadh rajy ke pramukh kshetron men se ek hai, jahan par makke ki kheti sabase zyada ki jati hai. lagabhag 3.03 lakh hekteyar men bagavani fasalen ugaee jati hain. chhattisagadh men 'indira gandhi krishi vishvavidyalay' pramukh krishi kary ke bare men vistarapoorvak shodh karata hai. vishvavidyalay ki sthapana 20 janavari, sanh 1987 ko ki gee thi. yah krishi vishvavidyalay krishi shiksha pradan karata hai. yah krishi vishvavidyalay 9 mahavidyalayon, 8 anusndhan kendron tatha 4 krishi vigyan kendron ke madhyam se kam kar raha hai. is vishvavidyalay ka lakshy hai- 'krishi shiksha anusndhan aur prasar'.
ek vistrit aur laharadar pradesh chhattisagadh men chaval aur anaj ki kheti hoti hai. nimnabhoomi men chaval bahutayat men hota hai, jabaki uchchabhoomi men makka aur mote anaj ki kheti hoti hai. kshetr ki mahattvaparn naqadi fasalon men kapas aur tilahan shamil hain. besin men adhunik krishi takanikon ka prachalan dhimi gati se ho raha hai. krishi ki drishti se yah ek behad upajaoo kshetr hai. yah desh ka 'dhan ka katora' kahalata hai aur 600 se zyada chaval milon ko anaj ki apoorti karata hai. kul kshetr ka adhe se kam kshetr krishi yogy hai, halanki sthalakriti, varsha aur mitti men vividhata ke karan isaka vitaran asaman hai. yahan ki krishi ki visheshata kam utpadan aur kheti ki parnparik vidhiyon ka prayog hai.

udyog

chhattisagadh abhi tak apane snsadhanon ka snpoorn labh nahin utha paya hai. audyogikikaran ho raha hai, lekin usaki gati dhimi hai. bade aur madhyam paimane ke udyog kendr samane a rahe hain. suniyojit vikas ke ang ke roop men rayapur aur bhilaee ko audyogik kshetr ke roop men sthapit kiya gaya hai. sookshm ilektraauniks upakaran aur uchch praudyogik aauptikal faibar ke nirman jaise any adhunik udyogon ko bhi sthapit kiya gaya hai. niji udyogon men siment karakhane, kagaz, chini aur kapada (sooti, ooni, resham aur joot) milon ke sath-sath ata, tel aur ara milen bhi hain. yahan par samany injiniyaring vastuon ke sath-sath rasayanik khad, kritrim reshe aur rasayan utpadan ki bhi kuchh ikaiyan hain. rajy men visphotak padarthon ka karakhana koraba zile men sthit hai, jahan kee prakar ke khataranak visphotak padarthon ka nirman kiya jata hai. rajy ki laghu udyog ikaiyon ka rashtriy paridrishy par prabhav chhodana baqi hai lekin hathakaragha udyog yahan phal-phool raha hai aur sadi bunane, galiche v bartan banane tatha sone rasayan utpadan ki bhi kuchh ikaiyan hain. bharat men bidi banane ka udyog bhi bade paimane par hota hai. madhy pradesh, udisa aur chhattisagadh rajyon men tendoopatta ek badi matra men ugaya jata hai. chhattisagadh rajy men is patte ka adhikatar prayog bidi banane men kiya jata hai.
chhattisagadh men van, khanij aur bhoojal jaise prakritik snsadhanon ka asim bhndar hai. pichhale kuchh varsho se rajy men udyogon ka vistar ho raha hai. chhattisagadh men desh ka lagabhag 15 pratishat ispat taiyar hota hai. bhilaee ispat snyntr, rashtriy khanij vikas nigam, sauth-eestarn kol philds limited en.ti.pi.si. jaise bharat sarakar aur e.si.si. gujarat anbuja, grasim, el end ti si si aee aur phrans ke la-pharge jaise bade siment plant tatha 53 ispat pariyojanaen kriyanvayan ke vibhinn charanon men hai. rajy men lagabhag 133 ispat dhalane ke karakhane, anek laghu ispat snyntr, 11 phairo-elaauy karakhane, injiniyaring aur phaibrikeshan ikaiyon sahit bade paimane par krishi adharit aur khady prasnskaran, rasayan, plastik, bhavan nirman samagri aur vanotpad par adharit karakhane hain. anukool audyogik vatavaran ke karan chhattisagadh men vishal audyogik nivesh ho raha hai. bharat ke kendr men sthit chhattisagadh rajy karakhanon ko har samay bijali upalabdh karane men saksham hai. rajy men koyale ke vishal bhndar (desh ke 17 pratishat) ke karan se rajy ke pas kam lagat par bijali utpadan ke avasar hain aur any ke pas 50,000 megavaaut ki bijali utpadan kshamata hai.

pashupalan

chhattisagadh rajy men maveshi aur pashupalan mahattvapoorn karyon men se ek hain. maveshiyon men gay, bhains, bakari, bhed, aur sooar adi pramukh roop se shamil hain. rajy men bilasapur sthit bakari v gay ke kritrim prajanan aur snkaran kendr in janavaron ki snkhya aur gunavatta badhane men lage hain. gokulam (anjora) rajy ka ekamatr pashu chikitsalay aur ek mahavidyalay hai, jahan pashuon adi ki dekhabhal aur unase sambandhit bimariyon ka ilaj kiya jata hai. chhattisagadh men ped-paudhe aur nadi-pahad adi bahut hain. yahan par pakshiyon ki bhi vibhinn qismen paee jati hain. pahadi maina ko yahan ka 'rajakiy pakshi' aur 'van bhainse' ko 'rajakiy pashu' ghoshit kiya gaya hai. isake sath hi sath 'sal vriksh', jise chhattisagadh men 'saraee' kaha jata hai, ko 'rajakiy vriksh' ghoshit kiya gaya hai.

soochana praudyogiki

chips (chhattisagadh inphotek end bayotek promoshan sosayati) uchchadhikar prapt parishad hai jo mukhyamntri ki adhyakshata men gathit hai aur isaka kary rajy men soochana praudyogiki aur jaiv praudyogiki ko protsahit karana hai. ee-shasan ki sari nagarik sevaen ‘chaauis’ (chhattisagadh aaunalain inphaaurmeshan phaaur sitijan enpavarament) namak pariyojana ke antargat hain. chhattisagadh ko, nagarikon ki behatari ke lie soochana praudyogiki ka upayog karake taiyar ki gee manav vikas riport ke lie snyukt rashtr vikas karyakram puraskar, 2007 mila hai.

khanij snsadhan

chhattisagadh men agney, kayantarit aur talachhati kshetron men anek prakar ke khanij pae jate hain. koyala, kachcha loha, choona patthar, baauksait, dolomait tatha tin ke vishal bhndar rajy ke vibhinn hisson men hain. rayapur zile men daimndiphairas kinbaralaits men se bahut matra men hira prapt kiya jata hain. isake alava sona, adhar dhatuon, billauri patthar, chikana patthar, setait, phloororait, korndam, grephait, lepidolait, uchit akar ki emligonait ke vishal bhndar milane ki snbhavana hai. rajy men desh ke kul utpadan ka 20 pratishat ispat aur siment ka utpadan kiya jata hai. kachche tin ka utpadan karane vala yah desh ka ekamatr rajy hai. yahan khanij snsadhanon se utkhanan, khanij adharit udyog lagane aur rozagar ke avasar badhane ki apar kshamata hai. chhattisagadh vishv ka sabase adhik kinbaralait bhndar ka kshetr hai.

sinchaee aur bijali

chhattisagadh jab astitv men aya tab yahan kul sinchaee kshamata 13.28 lakh hekteyar (1 navambar 2000 ke anusar) thi. 2 varsh aur 9 mah bad 1.25 lakh hekteyar ki atirikt kshamata ka srijan kiya gaya. pramukh roop se poori ki gee pariyojanaen hain tndula, kodar aur peyari. hasadev, mahanadi rijarvayar pariyojana, sondhur aur jonk kuchh any pariyojanaen hain. rajy bijali bord ki kul kshamata 1,68,1.05 megavat hai, jisamen se 1,260 megavat tapabijali aur shesh panabijali hai. rajy bijali bord ne koraba men 500 megavat ki atirikt sthapit utpadan kshamata (2x250 megavat yoonit) badhaee hai. rajy ke kul 19,270 base hue ganvon men se 93 pratishat ganvon men bijali pahunchaee ja chuki hai. chhattisagadh men sinchaee suvidha men badhotari karane ke lie yahan ke do bade jalashayon ko lnbi nahar se joda gaya hai. mukhyamntri raman sinh ne rajy ke do pramukh sinchaee jalashayon dhamatari zile ke gngarel sthit ravishnkar jalashay aur durg zile ke tandula jalashay ko lagabhag 60 kilomitar lnbi nahar ke jarie apas men jodane ki prastavit yojana ke lie sarvekshan ki svikriti pradan kar di.[6]

parivahan

chitrakot jalaprapat, chhattisagadh

chhattisagadh desh ke any bhagon se sadak, rel aur vayumarg se bhalibhanti juda hai.

sadak marg

  • rashtriy rajamarg snkhya 6 aur 200 isase hokar guzarate hain.
  • rajy men sadakon ki kul lnbaee 34,930 ki.mi. hai.
  • rashtriy rajamargon ki lnbaee 2,225 ki.mi., prantiy rajamargon ki lnbaee 3,213.50 ki.mi., zila sadakon ki lnbaee 4,814 ki.mi.aur gramin sadakon ki lnbaee 27,001 ki.mi. hai.
  • uttar-dakshin ko jodane vale do tatha poorv-pashchim ko jodane vale char sadak galiyare banae ja rahe hain jinaki kul lnbaee 3,106.75 ki.mi.hai.

rel marg

  • chhattisagadh men kuchh pramukh relamarg rajy se hokar guzarate hain aur bilasapur, durg, rayapur, manendragadh tatha chanpa mahattvapoorn rel jnkshan hain.

havaee marg

  • chhattisagadh men rayapur aur bilasapur men havaee adde hain.
  • rayapur nee dilli, nagapur, munbee aur bhuvaneshvar ke sath dainik udanon dvara juda hai.
  • bilasapur, bhilaee, rayagadh, jagadalapur, ambikapur, koraba, jashapuranagar aur rajanandaganv men havaee pattiyan hain.

sanskritik jivan

  • chhattisagadh ki snskriti ki ek dhara lok jivan men pravahit hai.
  • yah dhara jivan ke ullas se rasamay hai aur anek roopon men prakat hai.
  • isake antargat anchal ke prasiddh utsav, nrity-sngit, mela-madee tatha lok shilp shamil hai.
  • bastar ka dashahara, rayagadh ka ganeshotsav tatha bilasapur ka raut madhee aise hi utsav hain, jinaki apani hi pahachan hai.
  • pndavani, bharathari, pnthi nrity, karama, dadara, gedi nrity, gaura, dhanakul adi ki svar madhuri bhav-bhngima tatha lay men oj aur ullas samaya hua hai. chhattisagadh ki shilpakala men parnpara aur astha ka adbhut samanvay hai.
  • yahan ki parnparik shilp kala men dhatu, kashth, bans tatha mitti ekakar hokar archana aur alnkaran ke lie vishesh roop se lokapriy hai.
  • snskriti vibhag ke karyakramon men parnparik nrity, sngit tatha shilpakala ka snrakshan aur snvardhan ke sath-sath kalakaron ko avasar bhi pradan kiye.

parv evn tyohar

chhattisagadh ke prasiddh tyohar hain- pola, navakhaee, dashahara, dipavali, holi, govardhan pooja ko bade utsah aur dhoomadham se manaya jata hai.

paryatan sthal

bharat ke hriday men sthit chhattisagadh men samriddh sanskritik pnrapara aur akarshak prakritik vividhata hai. rajy men prachin smarak, durlabh vanyajiv, naqqashidar mndir, bauddhasthal, mahal, jal-prapat, parvatiy pathar, raauk penting aur gufaen hain. bastar apani anokhi sanskritik aur bhaugolik pahachan ke sath paryatakon ko ek nee tajagi pradan karata ho. chitrakot ke jal-prapat jahan indravati nadi ka pani 96 phut oonchaee se girata hai. kanger nadi ke sau phut ki oonchaee se girane se bane tirathagadh jalaprapat nayanabhiram drishy upasthit karate hain. any pramukh sthal hain: keshakal ghati, kangeraghat rashtriy park, kailash gufaen aur kudnbasar gufaen jo apane prakritik saundary ke lie jani jati hain. jngal, pahad, patal bhedi jharanon ke sath-sath prakritik saundary shauqinon ke lie chhattisagadh men bahut kuchh hai. rajy men 3 rashtriy park aur 11 vaild laif senchuri hain. jahan shit ritu ke lie jngal saphari aur kainping suvidha upalabdh karaee gee hai. chhattisagadh rajy men pahadi maina ko rajakiy pakshi ka gaurav pradan kiya gaya hai. baranavapara rajy ka pratham pakshi vihar tha, jise britishakal men vikasit kiya gaya tha. rajy men pairaseling, pairaglaiding, paipaling, raauk klainbing aur vaautar sports jaisi suvidhaon ki bhi taiyari ki gayi hai.

jalaprapat

amritadhara jalaprapat koriya zile ka ek prakritik jharana hai, jo hasado nadi par sthit hai. chhattisagadh men koriya bharat men british shasan ke dauran ek riyasat thi. poore bharat men koriya ko prakritik saundary ke lie jana jata hai. yah jagah poore ghane jngalon, pahadon, nadiyon aur jharanon se bhari padi hai. amritadhara jalaprapat koriya men sabase prasiddh jharanon men se ek hai. koriya men amritadhara jharana, ek bahut hi shubh shiv mndir ke lie prasiddh hai. is jagah ke asapas ek bahut prasiddh mela har sal ayojit kiya jata hai. mele ka ayojan ramanuj pratap sinh joodev, jo koriya rajy ke raja the, ne varsh 1936 men kiya gaya tha. mahashivaratri ke utsav ke dauran is jagah men mele ka ayojan hota hai, jis dauran yahan lakhon shraddhaluon ki bhid upasthit hoti hai.

chhattisagadh ke jashapur zile se 15 kimi. door 'ranidah jalaprapat' sthit hai. manyata hai ki udisa ki kisi rani ne yahan koodakar atmahatya kar li thi. isilie isaka nam ranidah pada. ranidah ke nikat mahakaleshvar mndir sthit hai. ranidah jalaprapat se ek kimi. door dakshin men aitihasik sthal pnchabhaiya prachin shivamndir hai. is jalapratap se age bihar ki ramarekha ki prasiddh gufaen evn prachin mndir jane ka marg hai. isalie ranidah ka is rajy men vishesh mahattv hai. bilasapur men ratanapur ka mahamaya mndir, doongaragadh men bnbaleshvari devi mndir, dantevada men dnteshvari devi mndir aur chhathi se dasavin shatabdi men bauddh dharm ka pramukh kendr raha sirapur bhi mahattvapoorn paryatan sthal hain. mahaprabhu vallabhachary ka janmasthan chnparan, khootaghat jal prapat, mallahar men dindaneshvari devi mndir, achanakamar abhayarany, rayapur ke pas udnti abhayarany, koraba zile men pali aur kndee jal prapat bhi paryatakon ke manapasnd sthal hain. kharod jnjagir chnpa ka sabari mndir, shivarinarayan ka naranarayan mndir, rnjim ka rajiv lochan aur kuleshvar mndir, sirapur ka lakshman mndir aur jnjagir ka vishnu mndir mahattvapoorn dharmik sthalon men hain.

smaraniy tathy

2011 ki janaganana ke anusar
  • chhattisagadh men bijapur sabase kam saksharata vala zila hai.
  • chhattisagadh ka sarvadhik sakshar zila durg hai.
  • chhattisagadh ki kul janasnkhya do karod 55 lakh 40 hajar 196 hai. isamen ek karod 28 lakh 27 hajar 915 purush aur ek karod 27 lakh 12 hajar 281 mahilaen hain. pradesh ki gramin abadi lagabhag ek karod 96 lakh 3 hajar 658 aur shahari abadi 59 lakh 36 hajar 538 hai.
  • purush aur stri janasnkhya men laingik anupat ke mamale men chhattisagadh ka sthan desh men doosara hai. yahan prati ek hajar purushon ke bich striyon ki snkhya 991 hai.
  • khanij rajasv ki drishti se desh men doosara bada rajy hai.
  • van rajasv ki drishti se tisara bada rajy hai.
  • rajy ke kul kshetraphal ka 44 pratishat hissa bahumooly vanon se paripoorn hai.
  • desh ke kul khanij utpadan ka 16 pratishat khanij utpadan chhattisagadh men hota hai.
  • chhattisagadh men desh ka 38.11 pratishat tin ayask, 28.38 pratishat hira, 18.55 pratishat lauh ayask aur 16.13 pratishat koyala, 12.42 pratishat dolomait, 4.62 pratishat baksait upalabdh hai.
  • chhattisagadh men bharat ka lagabhag 20 pratishat ayaran or hai, yani har panchaven tan ayaran or par chhattisagadh ka nam likha hai.
  • bharat men koyale par adharit har chhathavan udyog chhattisagadh ke koyale se chal sakata hai. desh ke kul koyale ke bhandar ka lagabhag 17 pratishat chhattisagadh men hai.
  • dolomait par adharit har panchavan udyog chhattisagadh par nirbhar hai, kyonki chhattisagadh ke pas desh ke kul dolomait ka lagabhag 12 pratishat bhandar hai.
  • bayodijal utpadan aur usake lie ratanajot ke vriksharopan men chhattisagadh desh men agrani hai.[7]



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 2011 ki janaganana ke anusar
  2. 2.0 2.1 2.2 2.3 2.4 2.5 mukhaprishth (angrezi) (ech.ti.em.el) chhattisagadh ki adhikarik vebasait. abhigaman tithi: 14 julaee, 2014.
  3. vibhajan se poorv
  4. kesharavani, pro. ashvini. mat aur mahnt parnpara (hindi) (ech.ti.mal.el.). . abhigaman tithi: 14 janavari, 2012.
  5. 39,114 varg kimi.
  6. nadiyan n sahi jalashayon ko hi joda jaega (hindi). . abhigaman tithi: 15 janavari, 2012.
  7. chhattisagadh-pramukh tathy (hindi) chhattisagadh janasnpark vibhag. abhigaman tithi: 25 aprail, 2018.

snbndhit lekh