छत्तीसगढ़ी बोली  हिन्दी देवनागरी में पढ़ें।

chhattisagadhi boli ka mukhy kshetr chhattisagadh rajy hai, isilie isaka nam 'chhattisagadhi' pada hai. ardh magadhi ke apabhrnsh ke dakshini roop se isaka vikas hua hai. isaka kshetr saraguja, koriya, bilasapur, rayagadh, khairagadh, rayapur, durg, nandaganv, kanker adi hain.

boligat vibhed

chhattisagadh ki bhasha hai 'chhattisagadhi'. par kya chhattisagadhi poore chhattisagadh men ek hi boli ke roop men boli jati hai? poore chhattisagadh men boligat vibhed dikhaee dete hain. daau. satyabhama adil apane "chhattisagadhi bhasha aur sahity"[1] men kahate hain ki, "yah boligat vibhed do adharon- jatigat evn bhaugolik simaon ke adhar vivechit kiye ja sakate hain." isi adhar par unhonne chhattisagadh ki boliyon ka nirdharan nimn prakar se kiya hai[2]-

  1. chhattisagadhi - rayapur, bilasapur aur durg men jo boli sunaee deti hai, vah chhattisagadhi hai.
  2. khaltahi - chhattisagadh ki yah boli rayagadh zile ke kuchh hisson men boli jati hai. yah boli balaghat zile ke poorvi bhag men, kaudiya men, sale-tekadi men aur bhimalat men sunaee deti hai.
  3. saragujiya - saragujiya chhattisagadhi boli saraguja men prachalit hai. isake alava koriya aur udayapur kshetron men bhi boli jati hai.
  4. lariya - chhattisagadh kie yah boli mahasamund, saraeepali, basana, pithaura ke as-pas boli jati hai.
  5. sadari koraba - jashapur men rahane vale koraba jati ke log jo boli bolate hain, vah sadari koraba hai. koraba jati ke log jo doosare kshetr men rahate hain, jaise- palamoo, saraguja, bilasapur adi, ve bhi yahi boli bolate hain.
  6. baigani - baiga jati ke log yah boli bolate hain. yah boli kavardha, balaghat, bilasapur, snbalapur men boli jati hai.
  7. binjhavari - binjhavari kshetr men jo boli prayog ki jati hai, vahi hai binjhavari. vir narayan sinh bhi binjhavar ke the. rayapur, rayagadh ke kuchh hisso men yah boli prachalit hai.
  8. kalnga - kalnga boli par udiya ka prabhav pada hai, kyonki yah boli udisa ke simavarti patana kshetr men boli jati hai.
  9. bhooliya - chhattisagadhi ki bhooliya boli sonapur aur patana ke ilakon men sunaee deti hai. kalnga aur bhooliya, ye donon hi udiya lipi men likhi jati hain.
  10. bastari ya halabi - ye boli bastar men halaba jati ke log bolate hain. is boli par marathi ka prabhav pada hai.[2]

madhurata

chhattisagadhi boli bahut hi madhur hai. is boli men ek apanapan hai, jo saph mahasoos kar sakate hain. hindi janane valon ko chhattisagadhi boli samajhane men takaliph nahin hoti- 'usane kaha' ko chhattisagadhi men kahate hain "kahis", 'mera' ko kahate hain "mor", 'hamara' ko "hamar", 'tumhara' ko "tor" aur bahuvachan men "tumhar". chhattisagadhi men keval lok sahity hai. udiya tatha marathi ko sima par ki chhattisagadhi men 'ri' ka uchcharan 'ru' kiya jata hai. kuchh shabdon men mahapranikaran [3], aghoshikaran [4], s ka chh ka s [5] adi isaki kuchh visheshataen hain.


panne ki pragati avastha
adhar
prarambhik
madhyamik
poornata
shodh

tika tippani

  1. vikalp prakashan, rayapur, 2002 , p-.7
  2. 2.0 2.1 chhattisagadhi bhasha (hindi) ignika. abhigaman tithi: 21 joon, 2015.
  3. ilaka- ilakha
  4. bandagi- bandaki, sharab- sharap, kharab- kharap
  5. sita- chhita, chhena- sena

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah