छान्दोग्य उपनिषद  हिन्दी देवनागरी में पढ़ें।

chhandogy upanishad
chhandogy upanishad ka avaran prishth
vivaran 'chhandogy upanishad' prachinatam das upanishadon men navam evn sabase brihadakar hai. nam ke anusar is upanishad ka adhar chhand hai.
adhyay 8 (ath)
prakar mukhy upanishad
sambndhit ved samaved
snbndhit lekh upanishad, ved, vedang, vaidik kal, snskrit sahity
any janakari samaved ki talavakar shakha men chhandogy upanishad ko manyata prapt hai. isamen das adhyay hain. isake antim ath adhyay hi chhandogy upanishad men liye gaye hain.

chhandogy upanishad (angrezi: Chandogya Upanishad) samavediy chhandogy brahman ka aupanishadik bhag hai, jo prachinatam das upanishadon men navam evn sabase brihadakar hai. samaved ki talavakar shakha men is upanishad ko manyata prapt hai. isamen das adhyay hain. isake antim ath adhyay hi is upanishad men liye gaye hain. yah upanishad paryapt bada hai. nam ke anusar is upanishad ka adhar chhand hai. isaka yahan vyapak arth ke roop men prayog kiya gaya hai. ise yahan 'achchhadit karane vala' mana gaya hai. sahityik kavi ki bhanti rishi bhi mool saty ko vividh madhyamon se abhivyakt karata hai. vah prakriti ke madhy us paramasatta ke darshan karata hai. isamen Omkar ('Om') ko sarvottam ras mana gaya hai.

pratham adhyay

pratham adhyay men terah khand hain. inamen 'sam' ke sar roop 'Omkar' ki vyakhya ki gayi hai tatha 'Omkar' ki adhyatmik, adhidaivik upasanaon ko samajhate hue vibhinn svaroopon ko spasht kiya hai. is adhyay ke pratham khand men bataya gaya hai ki Omkar sarvottam ras hai. sarvapratham udgata 'Om' ka uchcharan karake samagan karata hai. vah batata hai ki samast praniyon aur padarthon ka ras athava sar prithvi hai. prithvi ka sar jal hai, jal ka ras aushadhiyan hain, aushadhiyon ka ras purush hai, purush ka ras vani hai, vani ka ras sam hai aur sam ka ras udgith 'Omkar' hai. yah onkar sabhi rason men sarvottam ras hai. yah paramatma ka pratik hone ke karan 'upasy' hai. jis prakar stri-purush ke milan se ek-doosare ki kamanaon ki poorti hoti hai, usi prakar is vani, pran aur richa tatha sam (gayan) ke snyog se 'Omkar' ka srijan hota hai. 'Omkar' anubhooti-jany hai, jise aksharon ke gayan se anubhav kiya jata hai. yah aksharabrahm ki hi vyakhya hai.

dvitiy adhyay

doosare adhyay men 'sam' ko shreshthata se jodate hue vibhinn prakar ki upasanaon ka varnan kiya gaya hai. is adhyay men chaubis khand hain. in khandon men 'pnchavidh' aur 'saptavidh' sam ki upasana pranaliyon ka varnan hai. is adhyay ke pratham khand men sam ki sampoorn upasana ko shreshth bataya gaya hai. snsar men jo kuchh bhi shreshth hai, vah 'sam' hai. is prakar jo sam ki upasana karate hain, unhen shreshth dharm ki shighr prapti hoti hai. jabaki doosare khand men sam ka bhav sadhutapoorn-sadashayatapoorn bataya gaya hai. 'udgith' hi sam he. oordhv lokon men panch prakar se sam ki upasana ki jati hai. prithvi ko 'hinkar', agni ko 'prastav,'antariksh ko 'udgith' aur adity ko 'pratihar' tatha dyulok ko 'nidhan' mana jata hai. isi prakar adhomukh lokon men bhi panch prakar se sam ki upasana ki jati hai. yahan svarg 'hinkar' hai, adity 'prastav' hai, antariksh 'udgith' hai, agni 'pratihar' hai aur prithivi 'nidhan' hai. pnchavidh sam ki upasana se oordhv aur adholokon ke samast bhog sahaj prapt ho jate hain.

tritiy adhyay

is adhyay men adity ko hi parabrahm manakar vividh roopakon dvara usake svaroop ka varnan kiya gaya hai. is adhyay men 19 khand hain. pahale se panchaven tak ke khand men bataya gaya hai ki adity hi parabrahm hain. in panch khandon men adity ke poorv, dakshin, pashchim v uttar bhagon tatha urdhv men sthit rason ki vyakhya madhumakkhiyon ke chhatte ke roopak dvara ki gayi hai. rishi ka kahana hai ki soory ke samast drishy, sthool rngon (saptarng) ke sath sookshm chetana pravah se jude hain. 'Omkar' roop yah adity hi devon ka madhu hai. samast vedon- rigved, samaved, yajurved aur atharvaved- ki richaen hi madhumakkhiyan hain, charon ved pushp hain aur som hi amrit-roop jal hai. is brahmand men adity ki jo drishy prakriya chal rahi he, usake pichhe chaitany ka snkalp athava adesh hi kary kar raha hai.

chaturth adhyay

is adhyay men satrah khand hain. pratham tin khandon men raja janashruti aur gadivan raikv ka snvad hai. un snvadon ke madhyam se raikv raja janashruti ko 'vayu' aur 'pran' ki shreshthata ke vishay men batata hai. chaturth se navam khand tak jabala-putr satyakam ki katha hai, jisamen vrishabh, agni, hns aur jal pakshi ke madhyam se 'brahm' ka upadesh diya gaya hai aur dasham se satrahaven khand tak satyakam jabal ke shishy upakosal ko vibhinn agniyon dvara tatha ant men achary satyakam dvara 'brahmgyan' diya gaya hai tatha ygy ka brahma kaun hai, is or snket kiya hai.

pncham adhyay

is adhyay men 'pran' ki sarvashreshthata evn pnchagni vidya ka vishad varnan kiya gaya hai. sath hi agni ka mahattv, jiv ki gati, 'atma' par satyakam jabal, shvetaketu aur pravahan ka snvad tatha jivan-jagat ke goodhatam vishayon ka saral bhashy prastut kiya gaya hai. is adhyay men chaubis khand hain. isake pratham khand men sharir men pranatattv ki sarvashreshthata ke bare men bataya gaya hai. is sharir men jo sthan 'pran' ka hai, vah kisi any indriy ka nahin hai. ek bar sabhi indriyon men apani-apani shreshthata ko lekar vivad chhid gaya. tab sabhi ne prajapati brahma se nirnay janana chaha ki sarvashreshth kaun hai? is par prajapati ne kaha ki "tumasen se jisake dvara sharir chhod dene par vah nishchesht ho jaye, vahi shreshth hai." sabase pahal vani ne, usake bad chakshu ne, phir kanon ne, phir man ne sharir ko bari-bari se chhoda, kintu har bar sharir ka ek ang hi nishchesht hua. shesh sharir sakriy bana raha. jaise vani ke jane se vah goonga ho gaya, chakshu ke jane se andha ho gaya, kanon ke jane se bahara ho gaya aur man ke jane se balak-roop-jaisa ho gaya, par jivit raha aur apane sare kary karata raha, kintu jab 'pran' jane laga, to sari indriyan shithil hone lagin. unhonne ghabarakar pran ko roka aur usaki sarvashreshthata ko svikar kar liya.

shashth adhyay

brahmrishi aruni-putr uddalak ne apane putr shvetaketu ko saty-svaroop 'brahm' ko vividh udaharanon dvara samajhaya tha aur srishti ke srijan ki vidhivat vyakhya ki thi. is adhyay men usi ka vivechan kiya gaya hai. is adhyay men solah khand hain. pahale aur doosare khand men jagath ki utpatti ke vishay men bataya gaya hai. apane putr shvetaketu ko samajhate hue brahmrishi uddalak ne kaha ki srishti ke prarambh men ek matr 'sath' hi vidyaman tha. phir kisi samay usane apane apakon anek roopon men vibhakt karane ka snkalp kiya. usake snkalp karate hi usamen se 'tej' prakat hua. tej men se jal prakat huan snkalp dvara prakat hone vale us 'tej' ko ved men 'hiranyagarbh' kaha gaya hai. srishti ka mool kriyashil pravah yah 'jalatattv' hi hai, jo tej se prakat hota hai. us jal ke pravah se atisookshm kan bane aur kalantar men yahi sookshm kan ekatr hokar prithvi ka karan bane. prarambh se srishti-srijan ki pahali ahuti dyulok men hi huee thi. usi men vidyaman 'sath' se 'tej' aur tej se 'jal' ki utpatti huee thi tatha jal ke sookshm padarth kanon ke sammilan se prithvi ka nirman hua tha. dharati se ann ka utpadan hua tatha doosare charan men soory utpann hua.

saptam adhyay

is adhyay men chhabbis khand hain. in shabdon men 'brahm' se 'pran' tak ki vyakhya prastut ki gayi hai. 'brahm' ki vastavik sthiti kya hai, us par prakash dala gaya hai. ek se pandrahaven khand tak men 'brahm ka yatharth ras kya hai?' isaka varnan kiya gaya hai. in khandon men rishi sanatkumar narad ko 'pran' ke saty svaroop ka gyan karate hain. narad ji charon vedon, itihas, puran, nrity, sngit adi vidyaon ke gyata the. unhen apane gyan par garv tha. ek bar unhonne sanatkumaraji se 'brahm' ke bare men prashn kiya, to unhonne narad ji se yahi kaha ki "ab tak apane jo gyan prapt kiya hai, vah sab to brahm ka nam-bhar hai." unhonne kaha- "nam ke oopar vani hai; kyonki vani dvara hi nam ka uchcharan hota hai. ise brahm ka ek roop mana ja sakata hai. vani ke oopar snkalp hai; kyonki snkalp hi man ko prerit karata hai. snkalp ke oopar chitt hai; kyonki chitt hi snkalp karane ki prerana deta hai. chitt se bhi oopar dhyan hai; kyonki dhyan lagane par hi chitt snkalp ki prerana deta hai. dhyan se oopar vigyan hai; kyonki vigyan ka gyan hone par hi ham saty-asaty ka pata lagakar labhadayak vastu par dhyan kendrit karate hain. vigyan se shreshth bal hai aur bal se bhi shreshth ann hai; kyonki bhookhe rahakar n bal hoga, n vigyan hoga, n dhyan lagaya ja sakega."

ashtam adhyay

is adhyay men sharir men sthit atma ki ajarata-amarata ka vivechan kiya gaya hai. is adhyay men pandrah khand hain. ek se chhah khand tak ke khand men 'sharir men atma ki sthiti ke bare men bataya gaya hai. in chhah prarambhik khandon men sharir ke bhautik svaroop men atma ki sthiti ka varnan kiya gaya hai aur hriday tatha akash ki tulana ki gayi hai. yahan atma ke is prasng ko guru-shishy parampara ke madhyam se abhivyakt kiya gaya hai. guru apane shishyon se kahata hai ki "manav-hriday men atyant sookshm roop se 'brahm' vidyaman rahata hai." 's va esh atma hridi tasyaitadev nirookthn hridyayamiti tasmaddhadathamaharaharva evnvitsvarg lokameti॥3/3॥' arthath vah atma hriday men hi sthit hai. 'hriday' ka arth hai- 'hridi ayamh'- vah hriday men hai. yahi atma ki vyutpatti hai. is prakar jo vyakti atmatattv ko hriday men janata hai, vah pratidin svargalok men hi gaman karata hai. vastav men jitana bada yah akash hai, utana hi bada aur vistrit yah chidakash hriday bhi hai. is hriday men atyant sookshm roop men 'atma' nivas karata hai. yah sharir samay ke sath-sath jarjar hota chala hai aur ek din vriddh hokar mrityu ka gras ban jata hai. isilie sharir ko nashvar kaha gaya hai, parantu is sharir men jo 'atma' vidyaman hai, vah kabhi nahin marata. vah n to jarjar hota hai, n vriddh hota hai aur n marata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

chhandogy upanishad adhyay-1

khand-1 | khand-2 | khand-3 | khand-4 | khand-5 | khand-6 | khand-7 | khand-8 | khand-9 | khand-10 | khand-11 | khand-12 | khand-13

chhandogy upanishad adhyay-2

khand-1 | khand-2 | khand-3 | khand-4 | khand-5 | khand-6 | khand-7 | khand-8 | khand-9 | khand-10 | khand-11 | khand-12 | khand-13 | khand-14 | khand-15 | khand-16 | khand-17 | khand-18 | khand-19 | khand-20 | khand-21 | khand-22 | khand-23 | khand-24

chhandogy upanishad adhyay-3

khand-1 se 5 | khand-6 se 10 | khand-11 | khand-12 | khand-13 se 19

chhandogy upanishad adhyay-4

khand-1 se 3 | khand-4 se 9 | khand-10 se 17

chhandogy upanishad adhyay-5

khand-1 | khand-2 | khand-3 se 10 | khand-11 se 24

chhandogy upanishad adhyay-6

khand-1 se 2 | khand-3 se 4 | khand-5 se 6 | khand-7 | khand-8 | khand-9 se 13 | khand-14 se 16

chhandogy upanishad adhyay-7

khand-1 se 15 | khand-16 se 26

chhandogy upanishad adhyay-8

khand-1 se 6 | khand-7 se 15

shrutiyan