छीतस्वामी  हिन्दी देवनागरी में पढ़ें।

chhitasvami vitthalanath ji ke shishy aur ashtachhap ke antargat the. pahale ye mathura ke susampann pnda the aur raja birabal jaise log inake jajaman the. pnda hone ke karan ye pahale bade akkhad aur uddnd the, pichhe gosvami vitthalanath ji se diksha lekar param shant bhakt ho ge aur shrikrishn ka gunagan karane lage.

parichay

ashtachhap ke kaviyon men chhitasvami ek aise vyakti the, jinhonne jivanaparyant grihasth-jivan bitate hue tatha apane hi ghar rahate hue shrinathaji ki kirtan-seva ki. ye mathura ke rahane vale chaube the. inaka janm anumanat: sanh 1510 ee. ke asapas, sampraday pravesh sanh 1535 ee. tatha golokavas sanh 1585 ee. men hua tha. varta men likha hai ki ye bade masakhare, lampat aur gunde the. ek bar gosaee vitthalanath ki pariksha lene ke lie ve apane char chaube mitron ke sath unhen ek khota rupaya aur ek thotha nariyal bhent karane gaye, kintu vitthalanath ko dekhate hi in par aisa prabhav pada ki unhonne hath jodakar gosaeen ji se kshama yachana ki aur unase sharan men lene ki prarthana ki. sharan men lene ke bad gosaeen ji ne shrinath ji ki seva-pranali ke nirman men chhitasvami se bahut sahayata li. maharaj birabal ke ve purohit the aur unase varshik vritti pate the. ek bar birabal ko unhonne ek pad sunaya, jisamen gosvami ji ki sakshat krishn ke roop men prashnsa varnit thi. birabal ne us pad ki sarahana nahin ki. is par chhitasvami aprasann ho gaye aur unhonne birabal se varshik vritti lena band kar diya. gosaeen ji ne lahaur ke vaishnavon se unake lie varshik vritti ka prabandh kar diya. kavita aur sngit donon men chhitasvami bade nipun the. prasiddh hai ki akabar bhi unake pad sunane ke lie bhesh badalakar ate the.

rachanayen

inaki rachanaon ka samay sanh 1555 ee. ke asapas mana jata hain. chhitasvami ke keval 64 padon ka pata chala hai. unaka arth-vishay bhi vahi hai, jo ashtachhap ke any prasiddh kaviyon ke padon ka hai yatha-ath pahar ki seva, krishn lila ke vividh prasng, gosaeen ji ki badhaee adi. inake padon ka ek snkalan vidya-vibhag, kankarauli se 'chhitasvami' shirshak se prakashit ho chuka hai. inake padon men shrringar ke atirikt brajabhoomi ke prati premavynjana bhi achchhi paee jati hai.

pad

‘he vidhana toson anchara pasari mangau janam janam dijo yahi braj basibo’



panne ki pragati avastha
adhar
prarambhik
madhyamik
poornata
shodh

tika tippani aur sndarbh

[sahayak granth-

  1. do sau vaishnavan ki varta: ashtachhap aur vallabh sampraday: da. dinadayal gupt;
  2. ashtachhap parichay: prabhudayal mital.]

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah