जतीन्द्रनाथ दास  हिन्दी देवनागरी में पढ़ें।

jatindranath das
jatindranath das
poora nam jatindranath das
janm 27 aktoobar, 1904
janm bhoomi kalakatta, british bharat
mrityu 13 sitambar, 1929
mrityu sthan lahaur, pakistan
mrityu karan bhookh hadatal
abhibhavak bnkim bihari das aur suhasini devi
nagarikata bharatiy
prasiddhi krantikari
jel yatra inhen 1925 men 'dakshineshvar bam kand' aur 'kakori kand' ke silasile men aur phir 14 joon, 1929 ko 'kendriy asembali bamakand' ke silasile men jel huee.
snbndhit lekh bhagat sinh, batukeshvar datt, subhashachandr bos
any janakari 8 aprail, 1929 ko bhagat sinh aur batukeshvar datt ne jo bam kendriy asembali men phenke, ve jatindranath das ke dvara banaye hue the.

jatindranath das (angrezi: Jatindranath Das; janm- 27 aktoobar, 1904, kalakatta, british bharat; mrityu- 13 sitambar, 1929, lahaur, pakistan) bharat ke prasiddh krantikariyon men se ek the, jinhonne desh ki azadi ke lie jel men apane pran tyag die aur shahadat paee. inhen 'jatin das' ke nam se bhi jana jata hai, jabaki sngi sathi inhen pyar se 'jatin da' kaha karate the. jatindranath das 'kangres sevadal' men subhashachandr bos ke sahayak the. bhagat sinh se bhent hone ke bad ye bam banane ke lie agara a gaye the. bhagat sinh aur batukeshvar datt ne jo bam kendriy asembali men phenke the, ve inhin ke dvara banaye ge the. jel men krantikariyon ke sath rajabandiyon ke saman vyavahar n hone ke karan krantikariyon ne 13 julaee, 1929 se anashan arambh kar diya. jatindranath bhi isamen sammilit hue. anashan ke 63ven din jel men hi inaka dehant ho gaya.

janm aur shiksha

amar shahid jatindranath das ka janm 27 aktoobar, 1904 ee. ko kalakatta (vartaman kolakata), british bharat men ek sadharan bngali parivar men hua tha. unake pita ka nam bnkim bihari das aur mata ka nam suhasini devi tha. jatindr nau varsh ke the, tabhi unaki mata ka svargavas ho gaya. 16 varsh ki umr men 1920 men jatindr ne maitrik ki pariksha pas ki.

krantikari gatividhi

jab jatindranath apani age ki shiksha poorn kar rahe the, tabhi mahatma gandhi ne 'asahayog andolan' prarambh kiya. jatindr is andolan men kood pade. videshi kapadon ki dukan par dharana dete hue ve giraftar kar liye ge. unhen 6 mahine ki saza huee. lekin jab chauri-chaura ki ghatana ke bad gandhiji ne andolan vapas le liya to nirash jatindranath phir kaaulej men bharti ho ge. kaaulej ka yah pravesh jatindr ke jivan men nirnayak siddh hua.[1]

shachindranath se bhent

ek yuvak ke madhyam se jatindranath prasiddh krantikari shachindranath sanyal ke sampark men ae aur krantikari snstha 'hindustan ripablikan esosieshan' ke sadasy ban gaye. apane samparkon aur sahasapoorn karyon se unhonne dal men mahattvapoorn sthan bana liya aur anek krantikari karyon men bhag liya. is bich jatindr ne bam banana bhi sikh liya tha.

nazaraband

1925 men jatindranath ko 'dakshineshvar bam kand' aur 'kakori kand' ke silasile men giraftar kiya gaya, kintu pramanon ke abhav men mukadama n chal pane par ve nazaraband kar liye ge. jel men durvyavahar ke virodh men unhonne 21 din tak jab bhookh hadatal kar di to bigadate svasthy ko dekhakar sarakar ko unhen riha karana pada.

lahaur shadayntr kes men giraftar

jel se bahar ane par jatindranath das ne apana adhyayan aur rajaniti donon kam jari rakhe. 1928 ki 'kolakata kangres' men ve 'kangres sevadal' men netaji subhashachndr bos ke sahayak the. vahin unaki saradar bhagat sinh se bhent huee aur unake anurodh par bam banane ke lie agara ae. 8 aprail, 1929 ko bhagat sinh aur batukeshvar datt ne jo bam kendriy asembali men phenke, ve inhin ke dvara banaye hue the. 14 joon, 1929 ko jatindr giraftar kar liye ge aur un par 'lahaur shadayntr kes' men mukadama chala.[1]

anashan

jel men krantikariyon ke sath rajabandiyon ke saman vyavahar n hone ke karan krantikariyon ne 13 julaee, 1929 se anashan arambh kar diya. jatindr bhi isamen sammilit hue. unaka kahana tha ki ek bar anashan arambh hone par ham apani mangon ki poorti ke bina use nahin todenge. kuchh samay ke bad jel adhikariyon ne nak men nali dalakar balapoorvak anashan par baithe krantikariyon ke ke pet men doodh dalana shuroo kar diya. jatindr ko 21 din ke pahale apane anashan ka anubhav tha. unake sath yah yukti kam nahin aee. nak se dali nali ko sans se khinchakar ve danton se daba lete the. ant men pagal khane ke ek daauktar ne ek nak ki nali danton se dab jane par doosari nak se nali dal di, jo jatindr ke phephadon men chali gee. unaki ghutati sans ki paravah kie bina us daauktar ne ek ser doodh unake phephadon men bhar diya. isase unhen nimoniya ho gaya. karmachariyon ne unhen dhokhe se bahar le jana chaha, lekin jatindr apane sathiyon se alag hone ke lie taiyar nahin hue.

nidhan

anashan ke 63ven din 13 sitambar, 1929 ko jatindranath das ka dehant ho gaya. jatindr ke bhaee kiran chndradas tren se unake shav ko kolakata le ge. sabhi steshanon par logon ne is shahid ko shraddhanjali arpit ki. kolakata men shavadah ke samay lakhon ki bhid ekatr thi. unaki is shanadar ahinsatmak shahadat ka ullekh pndit javaharalal neharoo ne apani atmakatha men kiya hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 667 |

snbndhit lekh