जयपुर  हिन्दी देवनागरी में पढ़ें।

jayapur
havamahal, jayapur
vivaran jayapur rajasthan rajy ki rajadhani hai. yahan ke bhavanon ke nirman men gulabi rng ke pattharon ka upayog kiya gaya hai, isalie ise 'gulabi nagar' bhi kahate hain.
rajy rajasthan
zila jayapur zila
nirmata raja jayasinh dvitiy
sthapana san 1728 ee. men sthapit
bhaugolik sthiti uttar- 26.9260°, poorv- 75.8235°
prasiddhi karanchi ka halava
kab jaen sitnbar se march[1]
kaise pahunchen dilli se ajamer shatabdi aur dilli-jayapur eksapres se jayapur pahuncha ja sakata hai. kolakata se havada-jayapur eksapres aur mumbee se aravali v baaumbe sentral eksapres se jayapur pahuncha ja sakata hai. dilli se rashtriy rajamarg 8 se jayapur pahuncha ja sakata hai jo 256 kilomitar ki doori par hai. rajasthan parivahan nigam ki basen anek shaharon se jayapur jati hain.
havaee adda jayapur ke dakshin men sthit snganer havaee adda nazadiki havaee adda hai. jayapur aur snganer ki doori 14 kilomitar hai.
relave steshan jayapur jnkshan
bas adda sindhi kaimp, ghat get
yatayat sthaniy bas, aauto riksha, saeekil riksha
kya dekhen siti pailes , hava mahal, janh‍tar manh‍tar, jal mahal, alh‍bart haaul sngrahalay, amer ka qila, ambar qila, sanbhar jhil, govind devaji ka mndir adi
kya khariden kala v hastashilp dvara taiyar abhooshan, hathakaragha bunaee, asavan v shisha, qalin, kambal adi kharide ja sakate hain.
es.ti.di. kod 0141
Map-icon.gif googal manachitr, havaee adda
any janakari jayapur sookhi jhil ke maidan men basa hai jisake tin or ki pahadiyon ki choti par purane qile hain. yah bada suniyojit nagar hai.

jayapur (angrezi:Jaipur) vartaman rajasthan rajy ki rajadhani aur sabase bada nagar hai. 1947 ee. tak jayapur nam ki ek deshi riyasat ki rajadhani thi. kachhavaha raja jayasinh dvitiy ka basaya hua rajasthan ka aitihasik prasiddh nagar hai. is nagar ki sthapana 1728 ee. men ki thi aur unhin ke nam par isaka yah nam rakha gaya gaya. svatntrata ke bad is riyasat ka vilay bharatiy ganarajy men ho gaya. jayapur sookhi jhil ke maidan men basa hai jisake tin or ki pahadiyon ki choti par purane qile hain. yah bada suniyojit nagar hai. bazar sab sidhi sadakon ke donon or hain aur inake bhavanon ka nirman bhi ek hi akar-prakar ka hai. nagar ke charon or chaudi aur oonchi divar hai, jisamen sat dvar hain. yahan ke bhavanon ke nirman men gulabi rng ke pattharon ka upayog kiya gaya hai, isalie ise gulabi shahar bhi kahate hain. jayapur men anek darshaniy sthal hain, jinamen hava mahal, jntar-mntar, jal mahal, amer ka qila aur kuchh purane qile adhik prasiddh hain.

sthapana

adhunik rajasthan ki rajadhani jayapur ki ninv 18 navambar, 1727 ee. ko kachhavaha shasak savaee jayasinh (1700-1743 ee.) ke dvara rakhi gayi. ek poore ke poore nagar ki prayojana aur nirman kisi bhi rajy ke lie asadharan kary hota hai aur usaka bida vah tabhi utha sakata hai, jab vah svatntr ho aur usamen nootan shaktiyon ka unmesh ho raha ho. amer ke kachhavaha rajy ke sath yah tathy saty pratit hota hai. jayapur ke nirman men jayasinh ko vidyadhar namak bngali nagar niyojan se vishesh madad mili thi. usane jayapur ko ekasunishchit yojana ke adhar par banaya. 1729 ee. men nagar ka ek bada bhag, jisamen bazar, mandir makan adi sabhi the, banakar taiyar ho gaya tha. jayapur phatehapur sikari ki bhanti nahin tha, jo mukhy roop se shahi avashyakataon ki poorti hetu banavaya gaya tha. yahan nau se men sat khand janasadharan ke makanon evn dukanon ke lie nirdharit kiye gaye the. dakshin disha ko chhodakar usake tinon or pahadiyan hain. purana nagar chaharadivari se ghira hua hai, jisake charon aur sat daravaze banaye gaye the.

itihas

kachhavaha rajapoot apane vnsh ka adi purush shri ramachandr ji ke putr kush ko manate hain. unaka kahana hai ki prarambh men unake vnsh ke log rohatasagadh (bihar) men jakar base the. tisari shati ee. men ve log gvaliyar chale ae. ek aitihasik anushruti ke adhar par yah bhi kaha jata hai ki 1068 ee. ke lagabhag, ayodhya-naresh lakshman ne gvaliyar men apana prabhutv sthapit kiya aur tatpashchath inake vnshaj dausa namak sthan par ae aur unhonne minaon se amer ka ilaqa chhinakar is sthan par apani rajadhani banaee.
jal mahal, jayapur
itihasakaron ka yah bhi mat hai ki amer ka giridurg 967 ee. men dholaraj ne banavaya tha aur yahin 1150 ee. ke lagabhag kachhavahon ne apani rajadhani banaee. 1300 ee. men jab rajy ke prasiddh durg ranathnbhaur par alauddin khilaji ne akraman kiya to amer naresh rajy ke bhitari bhag men chale ge kintu shighr hi unhonne qile ko pun: hastagat kar liya aur alauddin se sndhi kar li. 1548-74 ee. men biharimal athava bharamal amer ka raja tha. usane humayoon aur akabar se maitri ki aur akabar ke sath apani putri mariyam-uzh-zamani ya haraka baee (vartaman men jodhabaee ke nam se prachalit) ka vivah bhi kar diya. usake putr bhagavan das ne bhi akabar ke putr salim ke sath apani putri ka vivah karake purane maitri-sambandh banae rakhe. bhagavan das ko akabar ne pnjab[2] ka soobedar niyukt kiya tha. usane 16 varsh tak amer men rajy kiya. usake pashchath usaka putr manasinh 1590 ee. se 1614 ee. tak amer ka raja raha. manasinh akabar ka vishvast senapati tha. kahate hain usi ke kahane se akabar ne chittaud naresh maharana pratap (1577 ee.) par akraman kiya tha. manasinh ke pashchath jayasinh pratham ne amer ki gaddi samhali. usane bhi shahajahan aur aurngazeb se mitrata ki niti jari rakhi. jayasinh pratham shivaji ko aurngazeb ke darabar men lane men samarth hua tha.

sthapaty kala

nagar nirman shaili ke vichar se yah nagar bharat tatha yoorop men apane dhng ka anupam hai, jisaki samasamayik evn paravartikalin videshi yatriyon ne mukt-kanth se prashnsa ki hai. bharatiy nirman kala ki drishti se jayapur puratan tatha nootan ko jodane vali mahattvapoorn kadi hai. is nagar ka gulabi rng isaki pahachan ban gaya hai. kaha jata hai jayasinh ko aurngazeb ne 1667 ee. men zahar dekar marava dala tha. 1699 ee. se 1743 ee. tak amer par jayasinh dvitiy ka rajy raha. isane 'savaee' ka upadhi grahan ki. yah bada jyotishavid aur vastukalavisharad tha. isi ne 1728 ee. men vartaman jayapur nagar basaya. amer ka prachin durg ek pahadi ki choti par sthit hai jo 350 phut oonchi hai. is karan is nagar ke vistar ke lie paryapt sthan nahin tha. savaee jayasinh ne ne nagar jayapur ko amer se tin mil (4.8 kimi) ki doori par maidan men basaya. isaka kshetraphal tin vargamil (7.8 varg kimi) rakha gaya. nagar ko parakote aur sat pravesh dvaron se surakshit banaya gaya. chaupad ke nakshe ke anusar hi sadaken banavaee gee. poorv se pashchim ki or jane vali mukhy sadak 111 phut chaudi rakhi gee. yah sadak, ek doosari utani hi chaudi sadak ko eeshvar lat ke nikat samakon par katati thi. any sadaken 55 phut chaudi rakhi gee. ye mukhy sadak ko kee sthanon par samakonon par katati thi. kee galiyan jo chaudaee men inaki adhi ya 27 phut thi, nagar ke bhitari bhagon se akar mukhy sadak men milati thin. sadakon ke kinaron ke sare makan lal baluva patthar ke banavae ge the jisase sara nagar gulabi rng ka dikhaee deta tha. rajamahal nagar ke kendr men banaya gaya tha. yah sat mnzila hai. isamen ek divanekhas hai. isake samip hi tatkalin sachivalay, bavan kachahari sthit hai. 18 vin shati men raja madhosinh ka banavaya hua chh: mnzila havamahal bhi nagar ki mukhy sadak par hi dikhaee deta hai. raja jayasinh dvitiy ne jayapur, dilli, mathura, banaras, aur ujjain men vedhashalaen bhi banaee thi. jayapur ki vedhashala in sabase badi hai. kaha jata hai ki jayasinh ko nagar ka naksha banane men do bngali pnditon se vishesh sahayata prapt huee thi.

bhaugolik snrachana

jayapur rajy rajapootana ke uttar pashchim v poorv men sthit hai. isaka nam ee. sanh 1728 men jayapur nagar basane par apani rajadhani ke nam par pada. isake pahale yah amer rajy kahalata tha. is nam se yah nagar ee. sanh 1200 ke lagabhag kakil dev ne basaya. isase bhi pahale yah rajy 'dhoondhad' kahalata tha. karnal taaud ne dhoondhad nam jobaner ke pas dhoondh nam pahadi ke karan batalaya hai. prithvisinh mehata ne yah nam jayapur ke pas amer ki pahadiyon se nikalane vali dhundh nadi ke nam par batalaya hai. dhundh nadi ka nam is kshetr men dhundh namak kisi atyachari purush ke nam ke karan pada, jo us kshetr men rahata tha. jobaner ke pas dhoondh namak koee pahadi nahin hai at: bahut snbhav hai ki is nadi se hi yah kshetr dhoondhad kahalaya hai. mahabharat ke samay yah matsy pradesh ka ek bhag tha. us vakt isaki rajadhani bairath (jayapur nagar se 48 mil) thi jo ab ek chhota qasba hai. yahan samrat ashok ke samay ka ek shilalekh mila hai. ee. sanh 634 men yahan chini yatri hven tsang aya tha. us samay yahan bauddhon ke 8 math the. is nagar ko mahamood gazanavi ne kafi nasht kar diya tha. matsy pradesh ke matsyon ne raja sudash se yuddh kiya tha. manu ne is pradesh ko brahmarishi desh ke antargat mana tha.[3]

krishi

retile bhoomi ki mukhy phasal bajara, moong evn moth hai. maidani kshetr ki paidavar kapas, jvar, makka, bajara, gehoon, chana, dhaniya, aphim adi hai. savaee madhopur ki or eekh, chaval aur moongaphali bhi hoti hai. nadiyon ke kinare v as pas ke kshetron men kharabooj, tarabooj, kakadi adi hoti hai. zyadatar kisan varsha par nirbhar rahate hain. yahan ki ausat varsha 24 inch hai. yah joon men arambh hokar sitambar ke ant tak rahati hai. sabase zyada varsha savaee madhopur men aur sabase kam shekhavati kshetr men hoti hai.

khanij padarth

yahan kee prakar ke khanij padarth paye jate hain. rajy ki or se abhi tak udyogapatiyon ko bahut kam suvidha di gayi hai tatha rajy ne is or bahut kam dhyan diya hai anyatha yah rajy ki amadani ka ek bada sadhan ho sakata hai. yatayat ki suvidha n hone, adhunik mashinon ki kami tatha dhan ki kami ke karan khanij padarth yahan zyada nahin nikale jate hain. jo bhi nikale jate hain unamen se adhikansh kachche rup men hi bahar bhej diye jate hain. khanij udyog ko protsahan dene ki or rajy ki or se ab dhyan diya jata hai. yahan paye jane vale khanijon men pramukh nimlikhit hain[3]-

khanij prapti sthan
loha lohe ke bhandar tateri, singhana, kali pahadi evn bagoli saray men hai.
tanba yah khetadi, singhana, kho dariba, udapuravati matasoola men milata hai. mugalakal men yahan kafi matra men tamba nikala jata tha.
beriliyam isaka upayog anushakti prapt karane men tatha havaee jahaz adi banane men kiya jata hai. yah bachoora tatha malapura men milata hai.
ghiya bhata (sop ston) isaka upayog saundary prasadhanon ke banane men, kagaz, kapada, rabad, chamada adi ke nirman men upayog men laya jata hai. yah zyadatar videshon ko bheja jata hai. yahan se salana lagabhag 10,000 tan nikalata hai. yah dagota jharana (dausai se 20 mil uttar) nivaee, hindaun, nim ka thana men milata hai.
abhrak isaki khanen malapura, toda rayasinh evn dooni men hai. yah lagabhag salana 4000 man nikalata hai. yah bijali ki mashinon, rediyon havaee jahaz adi men kam men ata hai.
gaya bhata (kela saeet) yah mavada, khetadi, pan v nim ka thana men milata hai.
kanch banane ka baloo (silika send) yah bansako, dhoola manota adi men milata hai. yah choodiyan v kanch banane ke kam men ata hai.
choone ka patthar yah manvada, patan, bhesalana, nayala, parasaramapura men milata hai. isaka siment banane men kafi prayog hota hai. yon makan banane men bhi isaka kafi upayog hota hai.
kala sngamaramar yah bhaisalana men milata hai.
imarati patthar yah kotari, jasarapur, amer, raghunathagadh v toda rayasinh ke as pas ke khanon men milata hai.

udyog aur vyapar

yah vanijyik vyapar kendr hai. yahan ke udyogon men injiniyaring aur dhatukarm, hathakaragha bunaee, asavan v shisha, hozari, qalin, kambal, jooton aur davaiyon ka nirman pramukh hai. jayapur ke vikhyat kala v hastashilp men abhooshanon ki minakari, dhatukarm v chhape vale vastr ke sath-sath patthar, sngamaramar v hathidant par naqqashi shamil hai. jayapur rajy ki or visheshakar yahan ke shekhavati kshetr ke nivasi bharat ke pramukh udyogapatiyon men gine jate hain. inake audyogik snsthan kolakata, mumbee, ahamadabad, kanapur adi men hain. isamen se kuchh udyogapatiyon ne jayapur men kuchh udyog dhandhe chaloo kiye hain. bade paimane par udyog dhandhon men yahan jayapur metal end ilektrikals limited, neshanal bal biyakinrag phaiktri, jayapur spining end viving mils, man indastriyal karaporeshan adi hain. jayapur metal end ilektrikals aloy dhatu ka saman banane ka ek bahut bada karakhana hai. yahan bijali ke mitaron ka bhi utpadan hota hai. neshanal bal biyakinrag phaiktri bharat hi nahin balki eshiya ka sabase bada karakhana hai. yahan bal biyakinrag prachoor matra men taiyar hote hain. man indastriyal karaporeshan ispat ke daravaze, khidakiyon ke phrem adi banata hai. bharat men apane dhng ka yah pahala karakhana hai. isake alava jorastar end kampani audyogik adhar par phailt hait taiyar karati hai.

minakari aur moortikari

yahan ke chhote paimane ke udyogon men mukhy hain - javaharat, minakari tatha javaharaton ki jadaee, khadi v gram udyog, hath ka bana kagaz, khilaune, hathi dant, sanganeri chhapaee, bndhej v rngaee ka kam, lakh ka kam, joote banaee, gota kinari ka kam. yahan ke pital ke naqqashi karane valon tatha moorti karon ki kala sampoorn bharat men vikhyat hai. jayapur ke silavat kee varshon se hindoo devi - devataon ki moortiyon ko banane ke lie prasiddh rahe hain. yahan ki bani moortiyan desh ke pratyek bhag ke mndiron men mil jaegi. dilli, agara, fatehapur sikari ke bhavanon ke nirman men bhi yahan ke sngatarashon ka mukhy hath raha hai. ye sngatarash zyadatar mandoo, naranaul v dig se yahan mirja raja manasinh ke samay men aye huye hain. inhonne pahale amer men apana nivas sthan banaya lekin savaee jayasinh ke samay jayapur nagar men a base. ye apane kam men poore ustad hain. ye zyadatar makarane ka sngamaramar ka patthar, alavar ka rayala ka patthar v khetadi ke maisalana ka kala patthar kam men late hain. saranath ke naye buddh mndir men sthapit buddh pratima yahan se banakar rakhi gayi hai.

javaharaton ka kendr

jayapur javaharaton ka pramukh kendr hai. yahan ratnon ki kataee, v banaee badi kushalata se ki jati hai. visheshakar panne ki kharad ke nagine, maniya, nilam, manak adi banane men yah sthan vishesh prasiddh hai. yahan ke hathi dant ke khilaune kala ki drishti se bahut sundar banate hain. hathi dant ki yahan choodiyan bhi banaee jati hai. hathi dant se bani vibhinn vastuain - moortiyan, khilaune, shrringaradan, phool pattiyan adi videshon ko bhi kafi jati hai. yahan ke chandi, pital, chandan, lakadi v kutti ke khilaune bhi bahut prasiddh hai. inamen rng bharaee bhi badi kushalata se ki jati hai.

rngaee, chhapaee aur bandhej

jayapur ke nikat hi sanganer men kapadon ki rngaee, chhapaee tatha bandhej prachin kal se prasiddh chali a rahi hai. yahan ki chhinte gujarat, v madhy pradesh, uttar pradesh men kafi lokapriy hai. sanganeri saphe aur kimal rajapootana men pratyek vyakti lena chahata hai. yahan ke chhipe lakadi ke thappon se kapade par chhapaee karate hain. rngaee v bandhej ka kam zyadatar musalaman karate hain. rngaee purush to bandhej sriyan hi karati hain. bandhej ke do prakar hai - choondadi aur lahariya. donon ka hi kam jayapur men bahut achchha hota hai.[3]

bhasha

mukhy bhasha rajasthani hai. hindi, angrezi v pnjabi bhasha bhi kafi boli jati hai. rajasthani bhasha ki do shakhaon ka yahan zyada prachalan hai - shekhavati kshetr men maravadi ka v shesh kshetr men dhoondhadi ka. donon kshetron ke nivasiyon ko ek doosare ki bhasha samajhane men koee kathinaee nahin hoti hai. yahi bat hindi bhasha valon ke lie bhi hai. yahan ki rajabhasha sanh 1943 ee. se hindi tatha urdoo donon ghoshit ki gee hai. isake pahale yahan urdoo ka hi bolabala tha. jayapur ke nareshon ne hindi v snskrit sahity ki vriddhi men apana apoorv yogadan diya. unhonne sahity v vidya premi donon ko hi uchit rup se sammanit kiya. inake ashray men n keval snskrit balki hindi, rajasthani tatha any kee bhashaon ke prakand vidvanh rahe hain. jayapur rajy ke nareshon ke karyakal men kee mahatmaon - agradas, nabhadas, dadoodayal, rajjav, garibadas adi ne bhakti pradhan sahity ki rachana ki.[3]

dharm

jayapur men sthit saikadon mndiron ko dekhakar koee tatkal hi soch sakata hai ki vah banaras, vrindavan jaise dharmik sthan par a gaya hai. vastav men jayapur hinduon ka ek dharmik kendr hai. jayapur rajaon ki sahishnuta ke karan yahan ke musalamanon v eesaeeyon ke bhi kee poojan sthal - masjiden v girajaghar dikhaee dete hain. hinduon men zyadatar vaishnav hain. unake bad kramash: shaiv, shakt, jain, dadoopnthi, ary samaji adi ate hain. vaishnav vishnu tatha lakshmi ki pooja karate hain. vishnu ke avatar ram v krishn ki tatha unaki dharmapatniyon - sita v radha ki bhi pooja ki jati hai. jayapur ke maharaja v kachhavaha rajapoot apane ko ram ka vnshaj manate hain tatha ram, sita v ram ke bhaee lakshman evn unake sevak hanuman ki pooja zyada ki jati hai. vaishnaviyon ke char mukhy sampraday hain - ramanuj, nimbark, madhav, gokuliya. ramanuj ram ke upasak hain lekin shesh tinon krishn ke upasak hain. shaiv, shiv ke upasak hain. ye log 'ling' ke rup men pooja karate hain. 'ling' sthayi rup se ek hi sthan par rahata hai. ise ek sthan par sthapit karane ke bad hataya nahin jata hai. ling ke charon or parvati, ganesh kartikey, nandi, sinh ki moortiyan rahati hain. shakt log shakti jo parvati ka hi ek nam hai, ki pooja karata hain. isako kali ya mahakali bhi kahate hain. amer ke qile men isaki pooja shilamata ke nam se ki jati hai. yah sinh par savar hoti hai tatha isake 8 bhujayen hoti hain. pratyek hindoo parivar ki ek kul devi hoti hai jisaki ve pooja karate hain - sal men kam se kam do bar. kachhavahon ki kuladevi jamavay mata hai jisaka pooja sthal jamava ramagadh men hai. shaivon v shakton ki ek prashakha bamamarg kahalati hai jo mukti ke lie tntr, mntr, sura, mans, machhali v sri ka hona avashyak samajhate hain.
ganapati ki pooja lagabhag sabhi hindoo karate hain. karan -inhen saphalata v samriddhi ka devata mana jata hai. inaki moorti pratyek ghar men daravaze par rahati hai. ganesh apani hathi ki soond v char hathon ke karan asani se pahachane jate hain. jayapur men moti degari par ganesh ka bada mndir hai. jayapur men dadoo pnthi bhi kafi hain. dadoo dayal ek prasiddh sudharak the jo moorti pooja men vishvas nahin karate the. unhonne 500 padon ki "vani' rachana ki jo hindi ka ek siddh kavy hai. ise dadoo pnthi apana dharmik granth manate hain. dadoo pnthiyon ki jayapur rajy men sena hai. dadoo dayal ke 52 shishy the jinhonne alag - alag thambhe sthapit kiye. naga log dadoo ke varishth shishy sundaradas ke anuchar haim, jinaka gurudvara ghatada (alavar rajy) men hai. dadoo dayal ke sabase chhote shishy sundaradas hindi ke ek prasiddh kavi ho gaye. inhonne 'sundar vani' ki rachana ki thi. inake granth 'sundar vilas', 'gyan samudr', "sundar kavy" adi prasiddh hai. inaka janm dhoosar jati men dausa men hua tha tatha mrityu sanganer men huee thi. jayapur men zyadatar osaval v saravagi jain dharmavalambi hain. jainon men do shakhayen 'digambari' tatha 'shvetambari' hain. ye 24 tirthnkaron men vishvas karate hain. ye ahinsa men zyada vishvas karate hain. inake riti rivaj zyadatar hinduon jaise hi hain.[3]

yatayat aur parivahan

jayapur men pramukh sadak, rel aur vayusampark upalabdh hai.

kala

jayapur ke raja kala premi the. yuddhon men lage rahane ke bavajood bich bich men jab bhi inhen mauka milata, kala v sahity ki or ye dhyan dete the. at: yahan shaury aur kala ka apoorv mishran hua hai. yahan ke rajaon ne kalakaron ko apane darabar men ashray diya. isamen koee sandeh nahin ki yahan ke nareshon ka mugalon se atyadhik sampark rahane se yahan ki kala par bhi kafi prabhav raha lekin usamen bhi kafi laukikata hai.

chitrakala

jayapur ki chitrakala rajasthan ki chitrakala men apana vishisht sthan rakhati hai. jayapur shaili ka yug 1600 se 1900 tak mana jata hai. jayapur shaili ke anek chitr shekhavati men 18 vin shatabdi ke madhy v uttarardh men bhitti chitron ke roop men bane hain. isake atirikt sikar, navalagadh, ramagadh, mukundagadh, jhunjhunoo ityadi sthanon par bhi is shaili ke bhitti chitr prapt hote hain.

moti dungari qila, jayapur

Blockquote-open.gif savaee jayasinh ne ne nagar jayapur ko amer se tin mil (4.8 kimi) ki doori par maidan men basaya. isaka kshetraphal tin vargamil (7.8 varg kimi) rakha gaya. nagar ko parakote aur sat pravesh dvaron se surakshit banaya gaya. is nagar ki sthapana 1728 ee. men ki thi aur raja jayasinh dvitiy ke nam par isaka yah nam rakha gaya gaya. svatntrata ke bad is riyasat ka vilay bharatiy ganarajy men ho gaya. jayapur sookhi jhil ke maidan men basa hai jisake tin or ki pahadiyon ki choti par purane qile hain. Blockquote-close.gif

  • jayapur shaili ke chitron men bhakti tatha shrringar ka sundar samnvay milata hai. krishn lila, rag-ragini, rasalila ke atirikt shikar tatha hathiyon ki ladaee ke adbhut chitr banaye gaye hain. vistrit maidan, vriksh, mandir ke shikhar, ashvarohi adi prathanuroop hi minaron v vistrit shailamalaon ka khulakar chitran hua hai. jayapur ke kalakar udyan chitran men bhi atynt daksh the. udyogon men bhanti-bhanti ke vrikshon, pakshiyon tatha bandaron ka sundar chitran kiya gaya hai.
  • manavakritiyon men striyon ke chehare gol banaye gaye hain. akritiyan madhyam hain. min nayan, bhari, honth, mansal chibuk, bhara gatha hua sharir chitrit kiya gaya hai. nari patron ko choli, kurti, dupatta, gahare rng ka gheradar lahnga tatha kahin-kahin jooti pahane chitrit kiya gaya hai. patali kamar, nitamb tak jhoolati veni, panvon men payajeb, mathe par tika, kanon men baliyan, moti ke jhumake, har, hnsali, bajuon men bajooband, hathon men choodi adi abhooshan mugal prabhav se yukt hain.
  • striyon ki bhanti purushon ko bhi vastrabhooshanon se sujajjit kiya gaya hai. purushon ko kalngi lagi pagadi, kurta, jama, angarakha, dholi mori ka payajama, kamaraband, pataka tatha nokadar joota pahane chitrit kiya gaya hai.
  • jayapur shaili ke chitron men hara rng pramukh hai. hasiye lal rng se bhare gaye hain jinako belabooton se sajaya gaya hai. lal, pila, nila tatha sunahare rngon ka bahuly hai.

sngit kala

raja jayasinh ke darabar men kee kavi, kalakar v sngitgy the. biharilal ne apani satasee ki yahan rachana ki thi. sngit granth 'hastakar ratnavali' 'ki rachana bhi isi samay men yahan huee thi. isase yahan sngit vidya ke shasriy adhyayan ko badi sahayata mili. madhosinh pratham ke darabar men brajalal namak ek siddhahast vinavadak rahata tha. ise jagir bhi inam men de di gayi. savaee pratapasinh svayn ek kavi tha aur sngitachary bhi. usake darabar ke sngitgy ustad chandakhan ne 'svar sagar grnth' ki rachana ki thi. pratapasinh ne use 'buddh prakash' ki upadhi di thi. ek aur sngitgy bh dvarakanath ko pratapasinh ne' bani', prithvisinh ne 'bharati' aur madhosinh pratham ne 'surasati' ki upadhiyan di thi. isane "rag chandrika" taiyar kiya tha. dvarakanath ke putr devarshibh ne 'radhagovind sngit sar 'granth ki rachana ki thi. ise pratapasinh ne badakhas ki jagir di thi jo usake vnshaj abhi tak bhogate hain. ek aur sngitgy radhakrishn ne 'ragaratnakar 'ki rachana ka thi. pratapasinh ke darabar men 22 kaviyon, 22 jyotishiyon aur 22 sngitgy bhi the. inamen se alibhagavan aur shraddharng prasiddh svarakar the.
savaee manasinh ke snrakshan men hirachand vyas ne 'sngit ratnakar' tatha 'sngit kalpadrum' namak do pramanik sngit granthon ki rachani ki. ek doosare sngitgy madhusoodan sarasvati ne vibhinn rag raganiyon ka sachitr granth rag - ragini sngrah taiyar kiya tha. maharaj ramasinh ne jayapur men ramaprakash natyashala bhi banavayi thi. maharaja ne apane samay ke prasiddh sngitgy bnshidhar harivallabhachary ko jagiren pradan ki thi. sngitgyon men ustad karamatakhan dhrupad ka advitiy gayak hai. uniyara thikane men radhakrishn dvara likhit 'ragaratnakar' hai.[3]

nrity kala

sngit ki bhanti nrity kala bhi jayapur men khoob phali phooli. nrity ki katthak shaili ke lie jayapur prasiddh hai. yah shaili mukhyat: bhavatmak hai tatha isaki bhav bhngima aur mudrayen dekhane yogy hoti hai.

shikshan snsthan

jayapur men 1947 men sthapit rajasthan vishvavidyalay sthit hai.

mele aur tyauhar

jayapur apane mele v tyauharon ke lie prasiddh hai. ghudala, shitalashtami, ganagaur, nrisinh chaturdashi, shravani tij adi ke mele mukhy hain. chakasoo men shitalashtami mele par hazaron vyakti ekatrit hote hain. chaitr shukl poornima ko hindaun ke pas mahaviraji men mela bharata hai. isamen bhi lagabhag 1 lakh vyakti ekatrit hote hain. yah mela tin din tak chalata hai. amer men ashvin shukl chhathi ko mela bharata hai. ganagaur v shravani tij jayapur men bahut dhoomadham se manayi jati hai. musalamanon men snt amanishah ka mela ajameri daravaza ke bahar bharata hai. jayapur men hinduon ke mukhy tyauhar basant pnchami, bhanu saptami, mahashivaratri, holi, shitalashtami, ganagaur, ramanavami, akshay tritiya, gnga saptami, bat savitri, ashadhi dashahara, guru purnima, nag pnchami, raksha bndhan, badi tij, janmashtami, goganavami, jal jhoolani amavasya, dashahara, divali v makar snkranti hai. musalamanon men shabberat, eed, muharram v baravafat jaise mukhy tyauhar hote hain.[3]

paryatan

rajasthan paryatan ki drishti se poore vishv men ek alag sthan rakhata hai lekin shanadar mahalon, oonchi prachir v durgon vala shahar jayapur rajasthan men paryatan ka sarvochch kendr hai. yah shahar charon or se parakoton (divaron) se ghira hai, jis men pravesh ke liye 7 daravaze bane hue hain 1876 main prins aph vels ke svagat men maharaja savaee manasinh ne is shahar ko gulabi rng se rngava diya tha tabhi se is shahar ka nam gulabi nagari (pink siti) pad gaya. yahan ke pramukh bhavanon men siti pailes, 18vin shatabdi men bana jntar-mntar, havamahal, ramabag pailes aur naharagadh qila shamil hain. any sarvajanik bhavanon men ek sngrahalay aur ek pustakalay shamil hai.

shasan prabandh

rajy chinh- jayapur ka jhanda pncharnga - nila, pila, lal, hara aur kala hai. yah snkhya yah jhanda mirja raja manasinh ne kabul men sanh 1573 men pathanon ke panch saradaron ko harakar unake jhandon ke rngon ke anusar apana rng banaya. isase pahale yahan ka jhanda saphed tha tatha usake bich kachanar ka vriksh tha. is jhande ke bich soory ki akriti hai. yahan ke rajy chinh men sabase oopar radhagovind ka chitr hai. bich men bail, soory karath, hathi v durg ke chitr hain. inake niche ek jnjir hai. chitron ke ek or sinh v ek or ghoda hai. niche ke ek or rajy ka moolamntr 'yatodhamry stato jay:' likha hai, jisaka arth hai dharmaur saty ki sada jay hoti hai.[3]

janasnkhya

jayapur ki janasnkhya (2001) 23,24,319 hai aur jayapur zile ki kul janasnkhya 52,52,388 hai.

vithika

jayagadh qila, jayapur
panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. garam kshetr hone ke karan aprail se agast tak garmi adhik padati hai.
  2. bharat vibhajan se poorv
  3. 3.0 3.1 3.2 3.3 3.4 3.5 3.6 3.7 tanegariya, rahul. jayapur rajyabhaugolik evn arthik vivaran (hindi) (ech.ti.em.el) IGNCA. abhigaman tithi: 5 janavari, 2013.

bahari kadiyan

snbndhit lekh