जयप्रकाश नारायण  हिन्दी देवनागरी में पढ़ें।

jayaprakash narayan
Jayaprakash-Narayan.jpg
poora nam jayaprakash narayan
any nam lokanayak, jepi, jayaprakash
janm 11 aktoobar, sanh 1902
janm bhoomi sitabadiyara, bihar
mrityu 8 aktoobar, sanh 1979
mrityu sthan patana, bihar
abhibhavak devaki baboo, phoolarani devi
pati/patni prabhavati
nagarikata bharatiy
parti bharatiy rashtriy kangres, janata parti
shiksha em. e (samajashastr se)
vidyalay san 1922 se 1929 ee. ke bich kailiphorniya vishvavidyalay, barakali, visakansan vishvavidyalay
jel yatra 7 march sanh 1940 ko british pulis dvara, hazari bag jel men qaid, agara sentral jel
puraskar-upadhi bharat ratn, reman maigsese puraskar
any janakari jayaprakash ji ka samajavad ka nara aj bhi goonj raha hai. samajavad ka sambandh n keval unake rajanitik jivan se tha, apitu yah unake sampoorn jivan men samaya hua tha.

jayaprakash narayan (angrezi: Jayaprakash Narayan, janm: 11 aktoobar, 1902; mrityu: 8 aktoobar, 1979) rajanitigy aur siddhantavadi neta the. matribhoomi ke varadaputr jayaprakash narayan ne hamare desh ki sarahaniy seva ki hai. lokanayak jayaprakash narayan tyag evn balidan ki pratimoorti the. kaha gaya hai–

honahar viravan ke hot chikane pat

jayaprakash vichar ke pakke aur buddhi ke sulajhe hue vyakti the. jayaprakash ji desh ke sachche sapoot the. jayaprakash ne desh ko andhakar se prakash ki or lane ka sachcha prayas kiya, jisamen vah poori tarah se saphal rahe hain. lokanayak jayaprakash narayan ne bharatiy janamanas par apana amit chhap chhodi hai. jayaprakash ji ka samajavad ka nara aj bhi goonj raha hai. samajavad ka sambandh n keval unake rajanitik jivan se tha, apitu yah unake sampoorn jivan men samaya hua tha.

jivan parichay

jayaprakash ka janm 11 aktoobar, 1902 ee. men sitabadiyara bihar men hua tha. inake pita ka nam shri 'devaki baboo' aur mata ka nam 'phoolarani devi' thin. inhen char varsh tak dant nahin aya, jisase inaki mataji inhen 'bool ji' kahati thin. inhonne jab bolana arambh kiya to vani men oj jhalakane laga. 1920 men jayaprakash ka vivah 'prabha' namak ladaki se hua. prabhavati svabhav se atyant mridul thin. gandhi ji ka unake prati apar sneh tha. prabha se shadi hone ke samay aur shadi ke bad men bhi gandhi ji se unake pita ka sambandh tha, kyonki prabhavati ke pita shri 'brajakishor bapoo' champaran men jahan gandhi ji thahare the, prabha ko sath lekar gaye the. prabha vibhinn rashtriy utsavon aur karyakramon men bhag leti thin.

shiksha

jayaprakash narayan ek nishthavan rashtravadi the aur sirf khadi pahanate the. jayaprakash ne raaulet ekt jaliyanvala bag narasnhar ke virodh men british shaili ke skoolon ko chhodakar bihar vidyapith se apani uchchashiksha poori ki, jise yuva pratibhashali yuvaon ko prerit karane ke lie daau. rajendr prasad aur suprasiddh gandhivadi daau. anugrah narayan sinha, jo gandhi ji ke ek nikat sahayogi rahe dvara sthapit kiya gaya tha.. jayaprakash ji ne em. e. samajashastr se kiya. jayaprakash ne ameriki vishvavidyalay se ath varsh tak adhyayan kiya aur vahan vah marksavadi darshan se gahare prabhavit hue.

svatntrata sngram men bhag

jayaprakash ne bharatiy svatntrata sngram men koodane ka nishchay kiya, kyonki inhen maulana ki ek garaj sunaee padi, jise unhonne patana men dhvanit kiya tha.
naujavanon angrezi (shiksha) ka tyag karo aur maidan men akar british huqoomat ki dhahati divaron ko dharashayi karo aur aise hindustan ka nirman karo, jo sare alam men khushaboo paida kare. maulana abul kalam azad
jayaprakash ne is vaktavy ko suna to unake antarman men halachal mach gaya. jayaprakash padhaee chhodakar andolan men kood pade. bhavishy men jayaprakash ji prabha ke sath a gaye aur neharoo ji ke yahan thahare. yahan unhonne desh ko azad karane ki vividh yojanaen banana arambh kar diya. ek din patana men 'achary narendr dev' ki adhyakshata men samajavadi karyakartaon ki rashtriy star par miting chal rahi thi.
azadi to hamen tabhi prapt hogi, jabaki ham samajavadi ladaee ka marg pakaden. narendr dev

vahan par yah vichar bhi bataya gaya ki yah sngharsh tabhi saphal hoga, jabaki ham samajavad ki rah ka anusaran karen. koee bhi andolan bina madhyamavargiy logon ke sahayog ke saphal nahin hota. bhavishy men kangres soshalist parti ka gathan hua to jayaprakash ko usamen shamil kiya gaya aur unhen parti ka mahasachiv banaya gaya. jayaprakash ji ne nee parti ki khoob seva ki aur usaka prachar evn prasar kiya. jayaprakash vilakshan pratibha se yukt the. unaki baton ka bharatiy janamanas par achchha prabhav tha. jayaprakash ji ajivan man se desh ki seva karate rahe. unake netritv men vibhinn andolan hue. jayaprakash ji ke nimn adarsh the–

  1. saty
  2. nishtha
  3. eemanadari

yogadan

jayaprakash ji ke yogadanon ke bare men jitana kaha jae vah kam hai. ye atyant parishrami vyakti the. inaki vilakshanata ki tarif svayn gandhiji aur neharoo jaise log kiya karate the. bharat mata ko azad karane hetu inhonne tarah-tarah ki pareshaniyon ko jhela kintu inhonne angrezon ke samane ghutane nahin teke. kyonki ye dridhanishchayi vyakti the. sngharsh ke isi daur men unaki patni bhi giraftar kar li geen aur unhen do varsh ki saza huee. kyonki vah bhi svatntrata andolan men koodi thin aur janapriy neta ban chuki thin. jayaprakash ji apani nishtha aur chaturaee ke lie prasiddh the. ve sachche deshabhakt evn eemanadar neta the. ve british prashasan ka samool nasht karane par tule hue the.

unhonne vishv star par apani avaz buland karate hue kaha hai ki vishv ke snkat ko maddenazar rakhate hue bharat ko azadi prapt hona ati avashyak hai. jab tak ham azad n honge, hamara svatntr astitv qayam n hoga aur ham vikas ke path par agrasar n ho sakenge.

mahatma gandhi ne apane saravan bhashan men kaha tha– karo ya maro" "Do or die"

ye vakyansh jayaprakash baboo ke man men sadaiv goonjata rahata tha. phalat: unhonne desh ko azad karane hetu 'karo ya maro' ka nirnay liya. gandhiji ke is mahamntr ka unhonne jamakar prachar v prasar bhi kiya. gandhiji se prerana lekar jayaprakash age badhate gaye aur svatntrata ka bigul baj utha. jab jayaprakash ki giraftari huee to thik doosare din mahatma gandhi ki bhi giraftari huee. saikadon hazaron ki snkhya men log apane netaon ki rihaee ki mang karane lage. angrez stabdh rah gaye. desh ke kone-kone ke karyakarta bandi banaye gaye. kranti ki sthiti sampoorn desh ke sammukh ayi hazaron ki snkhya men logon ne giraftariyan din.

jayaprakash narayan stamp
Jayaprakash Narayan Stamp

giraftari

jayaprakash 1929 men bharat lautane par kangres parti men shamil ho ge. bharat men british huqoomat ke khilaf savinay avgya andolan men bhag lene ke karan 1932 men unhen ek varsh ki qaid huee. riha hone par jayaprakash ne kangres soshalist parti ke gathan men agrani bhoomika nibhaee, jo bharatiy svatntrata sngram ka netrivy karane vali bharatiy rashtriy kangres ke bhitar ek vamapnthi samooh tha. dvitiy vishv yuddh men gret briten ke paksh men bharat ki bhagidari ka virodh karane ke karan 1939 men jayaprakash ko dubara giraftar kar liya gaya, jayaprakash narayan ji ko hazari bag jel men qaid kiya gaya tha. bapoo jayaprakash ji ke jel se bhagane ki yojana banane lage. isi bich dipavali ka tyohar aya aur jelar sahab ne jashn manane hetu nach-gane ka bhavy program taiyar kiya tha, log masti men jhoom rahe the. isi bich jab nach-gane ka karyakram hua to 9 navambar, 1942 ee. ko jayaprakash apane chh: sahayogiyon ke sath dhoti bandhakar jel parisar ko langh gaye. isaki soochana landan tak pahunchi.

kuchh din bad 1943 men jayaprakash aur ramamanohar lohiya donon log giraftar kar liye gaye. kintu yenaken prakaren ve log farar ho gaye. bhavishy men jayaprakash ji ravalapindi pahunche aur vahan par jayaprakash ji ne apana nam badal liya. kintu tren men kisi din safar karate hue jayaprakash ji ko angrez pulis afasar ne do bharatiy sainikon ki sahayata se giraftar kar liya. jayaprakash ko lahaur ki kal kothari men rakha gaya tatha inaki kursi par bandhakar pitaee ki gee. bhavishy men inhen vahan se agara sentral jel bhej diya gaya. isi bich briten men 'kanjaravetiv parti' ki har huee aur 'libaral parti' satta men ayi. satta sambhalane ke bad libaral parti ne apani ghoshana men yah vaktavy jari kiya ki vah bharat ko shighr hi azad karane vali hai. jayaprakash narayan ka snkalp poorn hua. jab libaral parti ne yah ghoshana ki ki vah bharat ko azadi pradan karegi, usake kuchh samay bad usane bharat ke sapooton ke hath men satta saunpi. is prakar athak prayas ke phalasvaroop 15 agast, sanh 1947 ko hamara desh azad ho gaya.

kangres soshalist ki sthapana

jayaprakash narayan ne achary narendr dev ke sath milakar 1948 men aaul indiya kangres soshalist ki sthapana ki. 1953 men krishak mazadoor praja partiyon ke vilay men unhonne sakriy bhoomika nibhaee. bharat ke svatntr hone ke bad unhonne praja soshalist parti se istifa de diya aur chunavi rajaniti se alag hokar bhoomi sudhar ke lie vinoba bhave ke bhoodan andolan se jud ge.

janata parti ka nirman

jayaprakash ji 1974 men bharatiy rajanitik paridrishy men ek katu alochak ke roop men prabhavi dhng se ubhare. jayaprakash ji ki nigah men pradhanamntri indira gandhi ki sarakar bhrasht v alokatantrik hoti ja rahi thi. 1975 men nichali adalat men gandhi par chunavon men bhrashtachar ka arop sabit ho gaya aur jayaprakash ne unake istife ki mang ki. isake badale men indira gandhi ne rashtriy apatakal ki ghoshana kar di aur narayan tatha any vipakshi netaon ko giraftar kar liya. panch mahine bad jayaprakash ji giraftar kie ge. bhrashtachar ke khilaf jepi andolan vyapak ho gaya aur isamen janasngh, samajavadi, kangres (o) tatha bharatiy lokadal jaisi kee partiyan kangres sarakar ko girane evn nagarik svatntrataon ki bahali ke lie ekatr ho geen. is prakar jayaprakash ne gair samyavadi vipakshi partiyon ko ekajut karake janata parti ka nirman kiya. jisane bharat ke 1977 ke am chunav men bhari saphalata prapt karake azadi ke bad ki pahali gair kangresi sarakar banaee. jayaprakash ne svayn rajanitik pad se door rahakar moraraji desaee ko pradhanamntri manonit kiya.

jayaprakash narayan
Jayaprakash Narayan

karmayogi

lokanayak baboo jayaprakash narayan ne svarthalolupata men koee kary nahin kiya. ve desh ke sachche sapoot the aur unhonne nishtha ki bhavana se desh ki seva ki hai. desh ko azad karane men unaki mahattvapoorn bhoomika rahi hai. ve karmayogi the. ve ant: prerana ke purush the. unhonne anek yooropiy yatraen karake sarvoday ke siddhant ko sampoorn vishv men prasarit kiya. unhonne snskrit ke nimn shlok se sampoorn vishv ko prerana lene ko kaha hai–

sarve bhavantu sukhin:
sarvesantu niramaya
sarve bhadrani pashyantu
man kashchid dukhabhagaveth..

mrityu

baboo jayaprakash narayan sabhi se unnati ki bat karate the. ve oonch-nich ki bhed bhavana se pare the. unaka vichar achchhi baton se yukt tha. ve sachche arthon men adarsh purush the. unake vyaktitv men adabhut oj aur tez tha. jayaprakash ne bihar andolan men bhi bhag liya hai. jayaprakash ki dharm patni shrimati prabha ke 13 agast sanh 1973 men mrit ho jane ke pashchath unako gahara jhataka laga. kintu isake bavazood bhi ve desh ki seva men lage rahe aur ek bahadur sipahi ki tarah kary karate rahe. bharat ka yah amar sapoot 8 aktoobar sanh 1979 ee. ko patana, bihar men chir nindra men so gaya.

  • dinakar ne lokanayak ke vishay men likha hai–

hai jayaprakash vah nam
jise itihas adar deta hai.
badhakar jisake pad chihnon ki
un par ankit kar deta hai.
kahate hain jo yah prakash ko,
nahin maran se jo darata hai.
jvala ko bujhate dekh
kund men kood svayn jo padata hai..

bharat ratn samman

bharat ke svatntrata sngram men mahattvapoorn yogadan ke liye 1998 men lokanayak jayaprakash narayan ko maranoparant bharat sarakar ne desh ke sarvochch samman bharat ratn se sammanit kiya.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh