जोधराज  हिन्दी देवनागरी में पढ़ें।

jodharaj
jodharaj
poora nam jodharaj
abhibhavak pita- balakrishn
mukhy rachanaen 'hammiraraso'
bhasha farasi, arabi, brajabhasha
prasiddhi kavi
nagarikata bharatiy
snbndhit lekh prithvirajaraso, ramacharitamanas' ramachandr shukl, shyamasundar das, muhavaron, chauhanavnshiy, chhandon, alauddin
any janakari jodharaj ko kavy-kala aur jyotish-shastr ka poorn gyan tha.
adyatan‎ 04:58, 30 joon 2017 (IST)

jodharaj vir-ras ke utkrisht koti ke kavi the tatha inhen kavy-kala aur jyotish-shastr ka poorn gyan tha. yah atrigotriy gaud vnshotpann brahman the. inaki rachana par pauranik akhyanon, 'prithvirajaraso' tatha 'ramacharitamanas' ka paryapt prabhav pada hai.

parichay

jodharaj nimarana alavar, rajasthan ke chauhanavnshiy raja chandrabhan ke ashrit the. inake pita ka nam balakrishn tha. inaka nivas sthan bijavar gram tha. yah atrigotriy gaud vnshotpann brahman the. jodharaj kavy-kala aur jyotish-shastr ke poorn pandit the. inhonne apane ashrayadata ki agya se 'sammiraraso' likha tha.[1]

rachanaen

jodharaj ne isaki rachana-tithi is prakar di hai- "chandr nag vasu pnchagini snvat madhav mas. shulk sutritiya jiv jut ta din grnth prakas."(chhand 168) nag ko sat ka paryayavachi manane se 'hammiraraso' ki rachana-tithi snvat 1785 vikram, vaishakh shukl 3, jiv (guruvar) thaharati hai. ganana karane par gyat hota hai ki 1785 vikram men vaishakh shukl tritiy ko guruvar nahin pada tha. nag ka arth ath lene se jodharaj kathit tithi 1885 vikram vaishakh shukl tritiya vrihaspativar ati hai. yah tithi ganana karane par khari utarati hai. atev jodharaj ne 'hammiraraso' ki rachana snvat 1885 vikram, vaishakh shukl 3, vrihaspativar tadanusar 17 aprail, 1828 ee. ko ki thi. mishrabandhon, shyamasundaradas adi vidvanon ne isaki rachana-tithi 1785 vikram (1728 ee.) tatha ramachandr shukl ne 1875 vikram (1818 ee.) mani hai par ye mat bhramak hain.

'hammiraraso' men 969 chhand hain. grnth ke arambh men kavi ne ganesh aur sarasvati ki stuti, ashrayadata tatha apana parichay dene ke pashchath srishti-rachana, chandr-soory-vnsh-utpatti, agni-kul-janm adi ka varnan kiya hai. tadanntar ranathambhaur ke rav hammir aur alauddin ke yuddh ka vistarapoorvak chitran kiya gaya hai.[2]

bhasha shaili

jodharaj ki rachana par pauranik akhyanon, 'prithvirajaraso' tatha 'ramacharitamanas' ka paryapt prabhav pada hai. inhonne aitihasik tathyaniroopan men asavadhani se kam liya hai. is kavy men vir-ras ka saphal chitran kiya gaya hai. sath hi isamen shrringar, raudr aur vibhats adi rason ka bhi achchha nirvah hua hai aur dohara, motidam, narach, kavitt, chhappan adi vividh chhandon ka prayog kiya gaya hai. hammir ke pratidvandvi alauddin ke dvara akhoot (chooha) ko maravakar usake charitr ko upahasaspad bana diya gaya hai. isamen brajabhasha ke sahityik roop ke darshan hote hain, par kahin-kahin par usane bolachal ka roop dharan kar liya hai. farasi, arabi adi ke adbhut prayog bhi prachur matra men milate hain. muhavaron ke prayog dvara jodharaj ne apani bhasha ko adhik saval, vyapak aur praudh banaya hai. is prakar jodharaj vir-ras ke utkrisht koti ke kavi hain.[3]

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 'mammiraraso' chhand 5-13
  2. hindi sahity kosh bhag-2 |lekhak: daau. dhirendr varma |prakashak: gyanamandal limited, varanasi |snkalan: bharat diskavari pustakalay |prishth snkhya: 222 |
  3. sahayak grnth- hi. vi; hi. sa. i.; hi. sa. (bha. 2).

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah