ठाकुर प्यारेलाल सिंह  हिन्दी देवनागरी में पढ़ें।

thakur pyarelal sinh
thakur pyarelal sinh
poora nam thakur pyarelal sinh
janm 21 disambar, 1891
janm bhoomi daihan, rajanandaganv, chhattisagadh
mrityu 22 aktoobar, 1954
abhibhavak pita- dinadayal sinh tatha mata- narmada devi
nagarikata bharatiy
prasiddhi rashtriy neta tatha shramik andolan ke sootradhar
dharm hindoo
andolan apake netritv men rajanandaganv men shramik andolan, 'chhatr andolan', 'svadeshi andolan' tatha 'atyachari divan hatao andolan' chalate rahe.
shiksha bi.e. tatha vidhi snatak
vishesh yogadan rajanandaganv men thakur pyarelal ne mil mazadooron ko sngathit kiya tha. unake netritv men 1919 men mazadooron ne desh ki sabase pahali aur lambi hadatal ki thi.
snbndhit lekh chhattisagadh ka itihas, shramik andolan
any janakari san 1936 se 1947 tak thakur sahab rayapur nagarapalika ke lagatar tin bar adhyaksh nirvachit hue the, jo svaynmev ek rikard hai. ve 'chhattisagadh ejookeshanal sosaiti' ke snsthapak adhyaksh the.

thakur pyarelal sinh (angrezi: Thakur Pyarelal Singh ; janm- 21 disambar, 1891, rajanandaganv, chhattisagadh; mrityu- 22 aktoobar, 1954) chhattisagadh men 'shramik andolan' ke sootradhar tatha 'sahakarita andolan' ke praneta the. san 1920 men rajanandaganv men mil mazadooron ne hadatal ki thi, jo 37 se bhi adhik dinon tak chali thi aur mil adhikariyon ko mazadooron ki sabhi mangen mnjoor karani padi thin. vah hadatal thakur pyarelal ke netritv men huee thi. thakur pyarelal 1920 men pahali bar mahatma gandhi ke snpark men ae the. asahayog andolan evn satyagrah andolan men unhonne sakriy bhag liya tatha giraftar hokar jel bhi ge. varsh 1945 men chhattisagadh ke bunakaron ko sngathit karane ke lie unake netritv men 'chhattisagadh bunakar sahakari sngh' ki sthapana huee thi. pravasi chhattisagadhiyon ko shoshan evn atyachar se mukt karane ki disha men ve sada sakriy rahe.

janm

chhattisagadh men shramik andolan ke sootradhar thakur pyarelal sinh ka janm 21 disambar, 1891 ee. ko chhattisagadh men rajanandaganv zile ke 'daihan' namak gram men hua tha. inake pita ka nam dinadayal sinh tatha mata ka nam narmada devi tha.

shiksha

thakur pyarelal ki prarambhik shiksha rajanandaganv tatha rayapur men huee. haeeskool ke lie unhen rayapur ana pada tha. san 1909 men unhonne maitrik ki pariksha uttirn ki thi. isake bad 1913 men unhonne nagapur se bi.e. pas kiya. nagapur tatha jabalapur se unhonne uchch shiksha prapt ki thi aur phir 1916 men vakalat ki pariksha uttirn karane ke bad vakalat prarambh kar di.[1]

svadeshapremi

balyakal se hi thakur pyarelal medhavi, sachche svadeshapremi tatha rashtriy vicharadhara se ot-prot the. ve solah varsh ki umr se hi svadeshi kapade pahanane lage the. us vakt ve kuchh krantikariyon se mile the, jo bngal ke the. tab se unhonne than liya tha ki desh seva hi unake jivan ka makasad hoga. san 1909 men jab pyarelal sirf unnis sal ke the, usi vakt rajanandaganv men sarasvati vachanalay ki sthapana ki. vahan samachar patr padhakar logon ko desh ki samasyaon ke bare men janakari hasil karane ke lie utsahit kiya jata tha.

bhashashastri

mahatma gandhi ne vardha men jab nee yojana prarnbh karane ke lie vichar vimarsh hetu baithak ayojit ki, tab us baithak men thakur sahab ko vishesh roop se amntrit kiya gaya tha. shiksha, sahity, patrakarita ke kshetr men prarnbh se hi unaki gahari ruchi thi. 'gita' ke ve prakand vidvanh the. hindi, angrezi, snskrit adi bhashaon ke sath-sath apani matribhasha chhattisagadhi men ve saman adhikar rakhane vale bhashashastri bhi the.

rashtriy skoolon ki sthapana

san 1916 men pyarelalaji ne durg men vakalat arambh ki thi, par 1920 men jab 'nagapur adhiveshan' men kangres ne asahayog andolan chhedane ki ghoshana ki to thakur pyarelal ne apani vakalat chhod di aur zile bhar men asahayog andolan ka prachar karane nikal pade. asahayog andolan ke dauran n jane kitane hi vidyarthiyon ne sarakari skool chhod diye, kitane vakilon ne vakalat chhod di. thakur pyarelal ji ke bhaeeyon ne bhi skool chhod diya. un skool chhode hue vidyarthiyon ke liye thakur pyarelal sochane lage ki kya kiya jaye. bad men un vidyarthiyon ke lie rashtriy skoolon ki sthapana ki gee. pyarelal ji ne khud rajanandaganv men ek madhyamik skool ki sthapana ki. dhamatari men rashtriy vidyalay ka dayitv bhi pyarelal ji ko saunpa gaya tha. unake pita dinadayal sinh un skoolon ke dipyooti inspektar the, jo rajanandaganv, chhueekhadan aur kavardha riyasaton ke the.

khadi ka prachar

thakur pyarelal vakalat chhodane ke bad ganv-ganv ghoomakar charakhe aur khadi ka prachar karane lage. prachar sirf doosaron ke lie nahin tha. prachar toe apane-ap ke lie bhi tha. aisa kahate hain ki un dinon pyarelal ji sirf ek hi khadi ki dhoti pahanate the. usi ko pahanakar snan karate, dhoti ka ek chhor pahane rahate, doosara chhor sukhate, doosara chhor sookhane par use pahan lete aur pahala chhor sukhate. tin sal tak pyarelal ji usi dhoti ko pahanate rahe.[1]

vibhinn andolanon ka netritv

thakur pyarelal sinh ke netritv men rajanandaganv men chhatr andolan, svadeshi andolan, atyachari divan hatao andolan chalate rahe, jinamen unhen saphalata bhi milati rahi. chhatr jivan men hi ve bngal ke krantikariyon ke snpark men a ge the. lokamany tilak tatha madhavarav sapre ke snpark men bhi ve chhatr jivan men ae the. desh bhakti aur rashtriyata ki bhavana unake nas-nas men sama gee thi. 1909 ee. men unhonne rajanandaganv men 'sarasvati pustakalay' ki sthapana ki thi, jo andolanakariyon ka adda bana.

mazadooron ka sngathan

rajanandaganv men vakalat karate hue hi thakur pyarelal sinh ne mil mazadooron ko sngathit kiya. unake netritv men 1919 men mazadooron ne desh ki sabase pahali aur lambi hadatal ki thi. unhen parinamasvaroop riyasat se nishkasit kie jane ki saja mili thi. is ghatana se thakur sahab ek shramik neta ke roop men desh men pratishthat ho ge. san 1920 men ve pahali bar mahatma gandhi ke snpark men ae. asahayog evn satyagrah andolan men unhone bhag liya tatha giraphtar hue aur jel ge. san 1924 men unake netritv men rajanandaganv mil mazadooron ne punah hadatal ki. shramikon par lathiyan aur goliyan barasaee geen, kintu hadatal jari rahi. thakur sahab ko punah rajanandaganv se nishkasit kar diya gaya. atah ve rayapur jakar bas ge. rayapur men unhone pn. sundaralal sharma ke sath judakar 'achhutoddhar' ke kary men sahayog pradan kiya.[2]

krantikari ki bhoomika

1930 aur 1932 ke andolan men thakur pyarelal sinh ne krantikari ki bhoomika nibhaee. unhonne hazaron ki snkhya men kisanon ko sngathit kar "patta mat lo, lagan mat pataon" andolan chalakar british shasan ki ninv hila di. donon bar unhen dedh-dedh varsh ki saja huee. unase vakalat ki sanad british sarakar ne chhinn li. svatntrata andolan men thakur sahab snbhavatah akele vakil honge, jinhen azadi ki ladaee men sakriy bhoomika nibhane ke karan unake jivan yapan ka kam vakalat pesha jari rakhane ke lie vakalat ka sanad nahin lautaya gaya. angrez hukumat ki trishti men thakur pyarelal bahut bade viplavi the. inake karyon ki satat nigarani ki jati thi. san 1934 ee. men ve 'mahakoshal kangres kameti' ke mahasachiv nirvachit he the. khare mntrimndal men ve kuchh samay ke lie shiksha mntri bhi rahe.

rayapur nagarapalika ke adhyaksh

san 1936 se 1947 tak ve rayapur nagarapalika ke tin bar adhyaksh nirvachit hote rahe. yah svaynmev ek rikard hai. ve 'chhattisagadh ejookeshanal sosaiti' ke snsthapak adhyaksh the. 1972 men unhonne 'bhoomigat andolan' ka snchalan kiya tha. san 1945 men unhonne 'chhattisagadh bunakar sahakari sngh' ki sthapana ki thi, jisake prarnbhik kal men 3000 sadasy the. aj bhi yah chhattisagadh ki ek majaboot sahakari snstha hai. isi varsh unhonne 'chhattisagadh shoshan virodhi sngh'ki sthapana ki thi. is sngh ke benar tale bhatapara ke nagarapalika chunav men sthaniy sadasyon ne vijay hasil kar is sngh ki apadeyata pramanit ki thi.[2]

chhattisagadh pradesh ke samarthak

thakur pyarelal sinh chhattisagadh rajy ki avadharana ke janmadataon men se the. 'tripuri kangres' ke pahale bilasapur men ek baithak huee thi, jisamen thakur pyarelal sinh, pn. sundaralal sharma, bairistar chhedilal ne chhattisagadh ko ek alag rajanaitik pahachan dene ke vishay par vichar-vimarsh kiya tha, jisamen thakur sahab, pn. ramadayal tivari, daau. jvala prasad mishr, dvarika prasad tivari vipr adi ne bahut badi snkhya men sammilit hokar chhattisagadh rajy nirman vishayak prastav parit kiya tha. san 1946 men thakur sahab se poochha gaya tha ki azadi ke bad kya chhattisagadh alag pradesh ban sakata hai, tab unhonne kaha tha- "jab tak chhattisagadh ki riyasaten shamil nahin ki jatin, tab tak bhaugolik roop se chhattisagadh ko pradesh ka darja dena snbhav nahin hai. isi asnbhav ko snbhav banane ke lie 1946 men unhonne riyasati andolan ki ninv dali aur chhattisagadh riyasati andolan ke lie nirmit sngharsh samiti ke adhyaksh ke roop men thakur pyare lal sinh ne bagador snbhali. is andolan men n keval riyasaton ke vilinikaran ke marg ko sugam v prashast kiya, varanh chhattisagadh ko pradesh banane layak sunishchit bhaugolik sima nirdharit ki. chhattisagadh rajy andolan ko inhin vilinikrit riyasaton sahit sat zilon ke adhar par majabooti ke sath khada kiya.

nidhan

22 aktoobar, 1954 ko bhootan ki yatra ke samay asvasth ho jane karan thakur pyarelal sinh ka nidhan ho gaya. chhattisagadh shasan ne unaki smriti men sahakarita ke kshetr men utkrisht pradarshan ke lie "thakur pyarelal sinh samman" sthapit kiya hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 thakur pyarelal sinh (hindi) ignika. abhigaman tithi: 01 faravari, 2015.
  2. 2.0 2.1 tyagamoorti thakur pyarelal sinh (hindi) chhattisagadh ke mahapurush. abhigaman tithi: 01 faravari, 2015.

snbndhit lekh