ठाकुर बुंदेलखंडी  हिन्दी देवनागरी में पढ़ें।

thakur bundelakhndi ka poora nam 'lala thakuradas' tha. ye jati ke kayasth the. inake poorvaj kakori, lakhanoo zile ke rahane vale the aur inake pitamah 'khadgaray ji' bade bhari manasabadar the. unake putr gulabaray ka vivah badi dhoomadham se orachha, bundelakhnd ke ravaraja[1] ki putri ke sath hua tha. ye hi gulabaray thakur kavi ke pita the.

janm tatha shiksha

kisi karan se gulabaray apani sasural orachha men hi a base, jahan snvath 1823 men thakur bundelakhndi ka janm hua. shiksha samapt hone par thakur achchhe kavi nikale aur jetapur men samman pakar rahane lage. us samay jetapur ke raja kesari sinh ji the. thakur ke kul ke kuchh log 'bijavar' men bhi ja base the. isase ye kabhi vahan bhi raha karate the. bijavar ke raja ne ek ganv dekar thakur ka samman kiya. jetapur naresh 'raja kesari sinh' ke uparant jab unake putr raja 'parichhat' gaddi par baithe, tab thakur unaki sabha ke ratn hue.

khyati

parichhat ke samay men hi thakur ji ki khyati phailane lagi thi aur ve bundelakhnd ke doosare rajadarabaron men bhi ane jane lage. banda ke himmat bahadur gosaeen ke darabar men kabhi-kabhi padmakar ji ke sath thakur ki kuchh nonk jhonk ki baten ho jaya karati thin.

ek bar padmakar ji ne kaha - 'thakur kavita to achchhi karate hain par pad kuchh halake padate hain.'
is par thakur bole - 'tabhi to hamari kavita udi udi phirati hai.'

itihas men prasiddh hai ki himmatabahadur kabhi apani sena ke sath angrejon ka kary sadhan karate the aur kabhi lakhanoo ke navab ke paksh men ladate. ek bar himmatabahadur ne raja parichhat ke sath kuchh dhokha karane ke lie unhen banda bulaya. raja parichhat vahan ja rahe the ki marg men thakur kavi mile aur do aise snket bhare savaiye padhe ki raja parichhat laut ge. ek savaiya yah hai -

kaise suchitt bhe nikasau bihnsau bilasau hari dai galabahin.
ye chhal chhidran ki batiyan chhalati chhin ek ghari pal mahin॥
thakur vai juri ek bheen, rachihain parapnch kachhoo braj mahin.
hal chavain ki duhachal ki lal tumhen hai dikhat ki nahin॥

kahate hain ki yah hal sunakar himmatabahadur ne thakur ko apane darabar men bula bheja. bulane ka karan samajhakar bhi thakur bedhadak chale ge. jab himmatabahadur in par jhallane lage tab inhonne yah kavitt padha -

veee nar nirnay nidan men sarahe jat,
sukhan aghat pyala prem ko pie rahain.
hari ras chndan chadhay ang angan men,
niti ko tilak, bendi jas ki dierahain.
thakur kahat mnju knju te mridul man,
mohani saroop, dhare, himmat hie rahain.
bhent bhe samaye asamaye, achahe chahe,
aur laun nibahain, aaunkhain ekasi kie rahain.

is par himmatabahadur ne jab kuchh aur katu vachan kaha tab suna jata hai ki thakur ne myan se talavar nikal li aur bole-

sevak sipahi ham un rajapootan ke,
dan juddh juribe men neku je n murake.
nit denavare hain mahi ke mahipalan ko,
hie ke visuddh hain, sanehi sanche ur ke.
thakur kahat ham bairi bevakoophan ke,
jalim damad hain adaniyan sasur ke.
chojin ke choji maha, maujin ke maharaj,
ham kaviraj hain, pai chakar chatur ke.

himmat bahadur yah sunate hi chup ho ge. phir muskarate hue bole - 'kavi ji bas! main to yahi dekhana chahata tha ki ap kore kavi hi hain ya purakhon ki himmat bhi ap men hai.' is par thakur ji ne badi chaturaee se uttar diya - 'maharaj! himmat to hamare oopar sada anoop roop se balihar rahi hai, aj himmat kaise gir jaegi?'[2] thakur kavi ka paralokavas snvath 1880 ke lagabhag hua. at: inaka kavitakal snvath 1850 se 1880 tak mana ja sakata hai. inaki kavitaon ka ek achchha sngrah 'thakur thasak' ke nam se shriyuth lala bhagavanadinaji ne nikala hai. par isamen bhi doosare do thakur ki kavitaen mili huee hain. is sngrah men visheshata yah hai ki kavi ka jivanavritt bhi kuchh de diya gaya hai. thakur ke putr dariyav sinh (chatur) aur pautr shnkaraprasad bhi kavi the.

bhasha

thakur bahut hi sachchi umng ke kavi the. inamen kritrimata ka lesh nahin. n to kahin vyarth ka shabdadnbar hai, n kalpana ki jhoothi udan aur n anubhooti ke viruddh bhavon ka utkarsh. jaise bhavon ka jis dhng se manushy matr anubhav karate hain vaise bhavon ko usi dhng se yah kavi apani svabhavik bhasha men utar deta hai. bolachal ki chalati bhasha men bhav ko jyon ka tyon samane rakh dena is kavi ka lakshy raha hai. brajabhasha ki shrringari kavitaen pray: stri patron ke hi mukh ki vani hoti hain at: sthan sthan par lokoktiyon ka jo manohar vidhan is kavi ne kiya unase uktiyon men aur bhi svabhavikata a gee hai. yah ek anubhoot bat hai ki striyan bat bat men kahavaten kaha karati hain. unake hriday ke bhavon ki bharapoor vynjana ke lie ye kahavaten mano ek snchit vanmay hain. lokoktiyon ka jaisa madhur upayog thakur ne kiya hai vaisa aur kisi kavi ne nahin. in kahavaton men se kuchh to sarvatr prachalit hain aur kuchh khas bundelakhnd ki hain. thakur sachche udar, bhavuk aur hriday ke parakhi kavi the isi se inaki kavitaen visheshat: savaiye itane lokapriy hue. aisa svachchhnd kavi kisi kram se baddh hokar kavita karana bhala kahan pasnd karata? jab jis vishay par ji men aya kuchh kaha.

anekangadarshi kavi

thakur pradhanat: premaniroopak hone par bhi lok vyapar ke anekangadarshi kavi the. isi se premabhav ki apani svabhavik tanmayata ke atirikt kabhi to ye akhati, phag, basnt, holi, hindora adi utsavon ke ullas men magn dikhaee padate hain; kabhi logon ki kshudrata, kutilata, du:shilata adi par kshobh prakat karate pae jate hain aur kabhi kal ki gati par khinn aur udas dekhe jate hain. kavikarm ko ye kathin samajhate the. roodhi ke anusar shabdon ki ladi jod chalane ko ye kavita nahin kahate the. namoone ke lie yahan inake thode hi se pady die jate hain-

sikhi linhon min mrig khnjan kamal nain,
sikhi linhon jas au pratap ko kahano hai.
sikhi linhon kalpavriksh kamadhonu chintamani,
sikhi linhon meru au kuber giri ano hai
thakur kahat yaki badi hai kathin bat,
yako nahin bhooli kahoon bandhiyat bano hai.
dhel so banay ay melat sabha ke bich,
logan kavitt kibo khel kari jano hai

das bar, bis bar, baraji dee hai jahi,
etai pai n manai jau tau jaran baran dev.
kaiso kaha kijai kachhoo apano karo n hoy,
jake jaise din tahi taiseee bharan dev.
thakur kahat man apano magan rakho,
prem nihasnk rasarng biharan dev.
bidhi ke banae jiv jete hain jahan ke tahan,
khelat phirat tinhain khelan phiran dev

apane apane suthi gehan men chadhe dooo saneh ki nav pai ri!
anganan men bhijat premabhare, samayo lakhi main bali jaoon pai ri!
kahai thakur doun ki ruchi so rng hvai umade dou thanv pai ri.
sakhi, kari ghata barase barasane pai, gori ghata nndaganv pai ri

va niramohini roop ki rasi joo ur hetu n thanati hvai hai.
barahi bar biloki ghari ghari soorati tau pahichanati hvai hai
thakur ya man ki paratiti hai; jo pai sanehu n manati hvai hai.
avat hain nit mere lie, itani to visesh kai janati hvai hai

yah charahu or udau mukhachnd ki chandani charu nihari lai ri.
bali jau pai adhin bhayo piy, pyari! tau etau bichar bichari lairi
kabi thakur chooki gayo jau gopal tau tain bigari kaun sabhari lai ri.
ab raihai n raihai yahai samayo, bahati nadi pany pakhari lai ri

pavas men parades te ay mile piy au manabhaee bhee hai.
dadur mor papihara bolat; ta par ani ghata unee hai॥
thakur va sukhakari suhavani damini kaundha kitai ko gee hai.
ri ab tau ghanaghor ghata garajau barasau tumhain dhoor dee hai

piy pyar karain jehi pai sajani tehi ki sab bhantin saiyat hai.
man man karaun tau paraun bhram men, phir pachhe pare pachhataiyat hai
kavi thakur kaun ki kasaun kahaun? din dekhi dasa bisaraiyat hai.
apane atake sun e ri bhatoo! nij saut ke mayake jaiyat hai

tika tippani aur sndarbh

  1. jo maharaj orachha ke musahab the
  2. gosaeen himmat giri ka asal nam anoop giri tha, himmatabahadur shahi khitab tha.

achary, ramachndr shukl “prakaran 3”, hindi sahity ka itihas (hindi). bharatadiskavari pustakalay: kamal prakashan, nee dilli, prishth sn. 261-64.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah