दुर्गा  हिन्दी देवनागरी में पढ़ें।

snkshipt parichay
durga
Durga-Devi.jpg
any nam man bhagavati, sheron vali man
janm vivaran durga asal men shiv ki patni parvati ka ek roop hain, jisaki utpatti devataon ki prarthana par rakshason ka nash karane ke liye huee thi.
prakritik svaroop 'gauri' arthath shantamay, sundar aur gora roop
vishesh bhagavati durga ki savari sher hai. durga ji ki pooja men durga ji ki arati aur durga chalisa ka path kiya jata hai.
any janakari devi durga ke svayn kee roop hain. mukhy roop unaka 'gauri' hai arthath shantamay, sundar aur gora roop. unaka sabase bhayanak roop kali hai, arthath kala roop. vibhinn roopon men durga bharat aur nepal ke kee mandiron aur tirthasthanon men pooji jati hain.

durga parvati ka doosara nam hai. hinduon ke shakt sampraday men bhagavati durga ko hi duniya ki parashakti aur sarvochch devata mana jata hai (shakt sampraday eeshvar ko devi ke roop men manata hai) vedon men to durga ka koee zikr nahin hai, magar upanishad men devi 'uma haimavati' uma, himalay ki putri ka varnan hai. puran men durga ko adishakti mana gaya hai. durga asal men shiv ki patni parvati ka ek roop hain, jisaki utpatti devataon ki prarthana par rakshason ka nash karane ke liye huee thi. is tarah durga yuddh ki devi hain. devi durga ke svayn kee roop hain. mukhy roop unaka 'gauri' hai arthath shantamay, sundar aur gora roop. unaka sabase bhayanak roop kali hai, arthath kala roop. vibhinn roopon men durga bharat aur nepal ke kee mandiron aur tirthasthanon men pooji jati hain. kuchh durga mandiron men pashubali bhi chadhati hai. bhagavati durga ki savari sher hai. durga ji ki pooja men durga ji ki arati aur durga chalisa ka path kiya jata hai.

navaratr men devi poojan

hindoo dharm grnth puranon ke anusar mata bhagavati ki aradhana ka shreshth samay navaratr hota hai. bharat men navaratr ka parv, ek aisa parv hai jo hamari snskriti men mahilaon ke garimamay sthan ko darshata hai. varsh ke char navaratron men chaitr, ashadh, ashvin aur magh ki shukl pratipada se navami tak nau din ke hote hain, parntu prasiddhi men chaitr aur ashvin ke navaratr hi mukhy mane jate hain. inamen bhi devibhakt ashvin ke navaratr adhik karate hain. inako yathakram vasanti aur sharadiy navaratr bhi kahate hain. inaka arambh chaitr aur ashvin shukl pratipada se hota hai. atah yah pratipada ’sammukhi’ shubh hoti hai. [1]

durga ji ke solah nam

brahm vaivart puran se uddhrit:
naradaji bole- brahmanh! mainne atyant adbhut sampoorn upakhyanon ko suna. ab durgaji ke uttam upakhyan ko sunana chahata hoon. ved ki kauthumi shakha men jo durga, narayani, eeshana, vishnumaya, shiva, sati, nitya, satya, bhagavati, sarvani, sarvamngala, ambika, vaishnavi, gauri, parvati aur sanatani- ye solah nam bataye gaye hain, ve sab ke liye kalyanadayak hain. vedavettaon men shreshth narayan! in solah namon ka jo uttam arth hai, vah sabako abhisht hai. usamen sarvasammat vedokt arth ko ap bataiye. pahale kisane durgaji ki pooja ki hai? phir doosari, tisari aur chauthi bar kin-kin logon ne unaka sarvatr poojan kiya hai?
shrinarayan ne kaha- devarshe! bhagavanh vishnu ne ved men in solah namon ka arth kiya hai, tum use janate ho to bhi mujhase pun: poochhate ho. achchha, main agamon ke anusar un namon ka arth kahata hoon.

durga durga shabd ka padachchhed yon hai- durg+a. 'durg' shabd daity, mahavighn, bhavabandhan, karm, shok, du:kh, narak, yamadand, janm, mahanh bhay tatha atyant rog ke arth men ata hai tatha 'a' shabd 'hanta' ka vachak hai. jo devi in daity aur mahavighn adi ka hanan karati hai, use 'durga' kaha gaya hai.

narayani

durga pooja, kolakata
Durga Puja, Kolkata

yah durga yash, tej, roop aur gunon men narayan ke saman hai tatha narayan ki hi shakti hai. isaliye 'narayani' kahi gayi hain

eeshana

eeshana ka padachchhed is prakar hai- eeshan+a. 'eeshan' shabd sampoorn siddhiyon ke arth men prayukt hota hai aur 'a' shabd dataka vachak hai. jo sampoorn siddhiyon ko dene vali hai, vah devi 'eeshana' kahi gayi hai.

vishnumaya

poorvakal men srishti ke samay paramatma vishnu ne maya ki srishti ki thi aur apani us mayadvara sampoorn vishv ko mohit kiya. vah mayadevi vishnu ki hi shakti hai, isaliye 'vishnumaya' kahi gayi hai.

shiva

'shiva' shabd ka padachded yon hai- shiv+a. 'shiv' shabd shiv evn kalyan arth men prayukt hota hai tatha 'a' shabd priy aur data-arth men. vah devi kalyanasvaroopa hai, shivadayini hai aur shivapriya hai, isaliye 'shiva' kahi gayi hai.

sati

devi durga sadbuddhi ki adhishthatri devi hain, pratyek yug men vidyaman hain tatha pativrata evn sushila hain. isiliye unhen 'sati' kahate hain.

nitya

any sambndhit lekh


jaise bhagavanh nity hain, usi tarah bhagavati bhi 'nitya' hain. prakrit pralay ke samay ve apani maya se paramatma shrikrishn men tirohit rahati hain.

durga, rajakiy sngrahalay, mathura
Durga, Govt. Museum, Mathura

satya brahmase lekar trin athava kitaparyant sampoorn jagath kritrim hone ke karan mithya hi hai, parntu durga satyasvaroopa hain. jaise bhagavanh saty hain, usi tarah prakritidevi bhi 'satya' hain.

bhagavati

durga man ki chhavi, salt lek, kolakata
Image of Goddess Durga, Salt Lake, Kolkata

siddh, aishvary adi ke arth men 'bhag' shabd ka prayog hota hai, aisa samajhana chahiye. vah sampoorn siddh, aishvaryadiroop bhag pratyek yug men jinake bhitar vidyaman hai, ve devi durga 'bhagavati' kahi gayi hain.

sarvani

jo vishv ke sampoorn charachar praniyon ko janm, mrityu, jara adi ki tatha mokshaki bhi prapti karati hain, ve devi apane isi gun ke karan 'sarvani' kahi gayi hain.

sarvamngala

'mngal' shabd moksh ka vachak hai aur 'a' shabd dataka. jo sampoorn moksh deti hain, ve di devi 'sarvamngala' hain. 'mngal' shabd harsh, sampatti aur kalyan ke arth men prayukt hota hai. jo un sabako deti hain, ve hi devi 'sarvamngala' namase vikhyat hain.

ambika

'amba' shabd mata ka vachak hai tatha vandan aur poojan-arth men bhi 'amb' shabd ka prayog hota hai. ve devi sabake dvara poojit aur vandit hain tatha tinon lokon ki mata hain, isaliye 'ambika' kahalati hain.

durga

vaishnavi

devi shrivishnu ki bhakta, vishnuroopa tatha vishnu ki shakti hain. sath hi srishtakal men vishnu ke dvara hi unaki srishti huee hai. isaliye unaki 'vaishnavi' sngya hai.

gauri

'gaur' shabd pile rng, nirlipt evn nirmal parabrahm paramatma ke arth men prayukt hota hai. un 'gaur' shabdavachy paramatma ki ve shakti hain, isaliye ve 'gauri' kahi gayi hain. bhagavanh shiv sabake guru hain aur devi unaki sati-sadhvi priya shakti hain. isaliye 'gauri' kahi gayi hain. shrikrishn hi sabake guru hain aur devi unaki maya hai. isaliye bhi unako 'gauri' kaha gaya hai.

parvati

'parv' shabd tithibhed (poornima), parvabhed, kalpabhed tatha anyany bhed arth men prayukt hota hai tatha 'ti' shabd khyati ke arth men ata hai. un parv adi men vikhyat hone se un devi ki 'parvati' sngya hai. 'parvanh' shabd mahotsav-vishesh ke arth men ata hai. usaki adhishthatri devi hone ke nate unhen 'parvati' kaha gaya hai. ve devi parvat (giriraj himalay)- ki putri hain. parvat par prakat huee hain tatha parvat ki adhishthatri devi hain. isaliye bhi unhen 'parvati' kahate hain.'

sanatani

'sana' ka arth hai sarvada aur 'tani' ka arth hai vidyamana. sarvatr aur sab kal men vidyaman hone se ve devi 'sanatani' kahi gayi hain.

inhen bhi dekhen: navaratr, durga chalisa, durgashtami evn durga ji ki arati

tika tippani aur sandarbh

  1. chaitr ya vasanti navaratr (hindi) riti daaut kaaum. abhigaman tithi: 22 march, 2012.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah