दुर्गाबाई देशमुख  हिन्दी देवनागरी में पढ़ें।

durgabaee deshamukh
durgabaee deshamukh
poora nam durgabaee deshamukh
janm 15 julaee, 1909
mrityu 9 aprail, 1981[1]
pati/patni si. di. deshamukh
nagarikata bharatiy
jel yatra do bar (pahale ek varsh doosari bar tin varsh)
vidyalay madras vishvavidyalay
shiksha em.e., vakalat
puraskar-upadhi padm vibhooshan (1975)

durgabaee deshamukh (angrezi: Durgabai Deshmukh, janm: 15 julaee, 1909 – mrityu: 9 aprail, 1981)[1] andhr pradesh ki pratham mahila neta jinaka janm 15 julaee, 1909 ee. ko rajamundri men ek madhyam star ke parivar men hua tha. unake pita ka balyakal men hi dehant ho gaya. unaki man rajaniti men bhag leti thin aur kangres kameti ki sachiv thin. isaka prabhav durgabaee par bhi pada.

jivan parichay

shiksha

durgabaee ke balyakal ke dinon men balikaon ko vidyalay nahin bheja jata tha. par durgabaee men padhane ki lagan thi. unhonne apane padosi ek adhyapak se hindi padhana arnbh kar kiya. un dinon hindi ka prachar-prasar rashtriy andolan ka ek ang tha. durgabaee ne shighr hi hindi men itani yogyata arjit kar li ki 1923 men unhonne balikaon ke lie ek vidyalay khol liya. gandhi ji ne is prayatn ki sarahana karake durgabaee ko svarnapadak se sammanit kiya tha.

jel yatra

ab durgabaee sakriy roop se svatntrata sngram men bhag lene lagin. ve apani man ke sath ghoom-ghoom kar khaddar becha karati thin. namak satyagrah men unhonne prasiddh neta ti. prakasham ke sath bhag liya. 25 mee, 1930 ko ve giraphtar kar lin aur ek varsh ki saza huee. saza katakar bahar ate hi phir andolan men bhag lene ke karan unhen punah giraphtar karake tin varsh ke lie jel men dal diya. jel ki is avadhi men durgabaee ne apana angrezi bhasha ka gyan badhaya.

mahila vakil

bahar ane par durgabaee ne madras vishvavidyalay men niyamit adhyayan arnbh kiya. ve itani medhavi thin ki em.e. ki pariksha men unhen panch padak mile. vahin se qanoon ki digri li aur 1942 men vakalat karane lagin. katl ke muqadame men bahas karane vali ve pahali mahila vakil thin.

mahattvapoorn yogadan

durgabaee 1946 men lokasabha aur snvidhan parishadh ki sadasy chuni geen. unhonne anek samitiyon men mahattvapoorn yog diya. 1952 men durgabaee ne si. di. deshamukh ke sath vivah kar liya. ve anek samajasevi aur mahilaon ke utthan se snbndhit snsthaon ki sadasy rahin. yojana ayog ke prakashan ‘bharat men samaj seva ka vishvakosh’ unhin ki dekharekh men nikala. 1953 men durgabaee deshamukh ne kendriy ‘soshal velapheyar bord’ ki sthapana ki aur usaki adhyaksh chuni geen. ve jivan-bhar samaj seva ke karyon se judi rahin.

nidhan

9 aprail, 1981 ee. ko durgabaee deshamukh ka dehant ho gaya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 liladhar, sharma bharatiy charit kosh (hindi). bharatadiskavari pustakalay: shiksha bharati, 384-385.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah