दुर्योधन  हिन्दी देवनागरी में पढ़ें।

snkshipt parichay
duryodhan
duryodhan aur dronachary
vnsh-gotr kuru vnsh
kul kaurav
pita dhritarashtr
mata gandhari
samay-kal mahabharat
parijan dhritarashtr, gandhari, du:shasan, du:shala adi.
guru dronachary
vivah bhanumati
sntan lakshman
vidya parngat gada
mahajanapad kuru
priy sahachar karn
anuchar du:shasan
any vivaran duryodhan ke janm ke bad kuchh apashakun prakat hue the, jis karan pnditon ne dhritarashtr aur gandhari ko usaka tyag kar dene ko kaha tha.
mrityu kurukshetr ke maidan men.
apakirti duryodhan ne bhari rajyasabha pandavon ki bharya men draupadi ka nirvastr karavane ka adesh diya tha.
snbndhit lekh bhishm, dronachary, ashvatthama, kripachary, kritavarma
any janakari maharshi vyas ki kripa se hi sau kauravon ko janm hua tha, jinamen duryodhan shreshth tha. dhritarashtr ki ek vaishy jati ki sevika bhi thi, jisase unhen yuyutsukaran namak putr ki prapti huee thi. duryodhan ki ekamatr bahan du:shala thi.

duryodhan hastinapur ke maharaj dhritarashtr aur gandhari ke sau putron men sabase bada putr tha. jab pandu ki patni kunti ko pahale sntan ho gee aur use man banane ka sukh mil gaya, tab gandhari ko yah dekhakar bada du:kh hua ki ab usaka putr rajy ka adhikari nahin ban payega. yah sochakar usane apane garbh par prahar karake use nasht karane ki cheshta ki. gandhari ke is kary se usaka garbhapat ho gaya. maharshi vyas ne gandhari ke garbh ko ek sau ek bhagon men bant kar ghi se bhare ghadon men rakhava diya, jisase sau kaurav paida hue. sabase pahale ghade se jo shishu prapt hua tha, usaka nam duryodhan rakha gaya. duryodhan svabhav se bada hi hathi aur dusht tha. vah pandavon ko sadaiv nicha dikhane ka prayatn karata aur unase eershya rakhata tha. usake dusht svabhav ke karan hi 'mahabharat' ka yuddh hua.

janm

bhishm ki prerana se dhritarashtr ka vivah gandhari ke sath kiya gaya tha. gandhari ne jab suna ki usaka bhavi pati andha hai to usane apani ankhon par patti bandh li, jisase ki pativrat dharm ka palan kar sake. jab ek samay maharshi vyas atynt thake hue tatha bhookhe the, ve hastinapur men padhare. gandhari ne unaka samuchit satkar kiya. prasann hokar vyas ne gandhari ko apane pati ke anuroop sau putr prapt karane ka varadan diya. garbhadhan ke uparant do varsh bit gaye. kunti ne ek putr prapt bhi kar liya, kintu gandhari ne sntan ko janm nahin diya. at: krodh aur eershya ke vashibhoot usane apane udar par prahar kiya, jisase lohe ke saman kathor mansapind nikala. vyas ke prakat hone par gandhari ne unhen sab kuchh kah sunaya. vyas ne gupt sthan par ghi se bhare hue ek sau ek matake rakhava diye. mans-pind ko shital jal se dhone par usake ek sau ek khnd ho gaye. pratyek khnd ek-ek matake men do varsh ke lie rakh diya gaya. usake bad dhakkan kholane par pratyek matake se ek-ek balak prakat hua. antim matake se ek kanya nikali, jisaka nam du:shala rakha gaya. du:shala ka vivah sindhu pradesh ke raja jayadrath ke sath kiya gaya tha. duryodhan ka vivah 'bhanumati' ke sath sampann hua tha.

jyeshth putr

pahala mataka kholane par jo balak prakat hua tha, usaka nam duryodhan rakha gaya. usane janm lete hi buri tarah se bolana prarnbh kar diya tatha prakriti men apashakun prakat hue. pnditon ne dhritarashtr se kaha ki is balak ka parityag kar dene se hi kaurav vnsh ki raksha ho sakati hai anyatha anarth hoga, kintu moh vash gandhari tatha dhritarashtr ne usaka parityag nahin kiya. usi din kunti ke ghar men bhim ne janm liya tha. dhritarashtr ki ek vaishy jati ki sevika bhi thi, jisase dhritarashtr ko yuyutsukaran namak putr ki prapti huee thi.

pandavon se eershya

karn ki sahayata se duryodhan ne kalingaraj ki kanya ka apaharan kiya tha. use balyavastha se hi pandavon se eershya thi. bade hone par apane mama shakuni ki salah par chalakar duryodhan ne anek prakar ke prapnch kiye. pandavon ko chhal se dyootakrida men harakar unaka samast rajy hastagat kar liya. unaki bharya draupadi ka bhari sabha men apaman kiya. duryodhan ke adesh se usake bhaee du:shasan ne sabake samaksh draupadi ka chir utarane ka asaphal prayas kiya.

mahabharat ka yuddh

duryodhan ke asnkhy kukrity ke karan antatogatva kaurav aur pandavon men yuddh arnbh ho gaya. aise samay men usane tarah-tarah se pandavon ko parajit karane ka prayatn kiya. balashali bhim ke rakshas putr ghatotkach ke vadh ke uparant ratri men bhi yuddh hota raha. donon pakshon ki sena thak chuki thi. arjun ne apani sena ko vishram karane ka avasar diya to duryodhan ne dronachary ko ukasane ka bharasak prayatn kiya ki ve soti huee pandav sena par akraman kar den. shaly ke netritv men yuddh karate hue duryodhan ne pandav pakshiy yoddha chaikitan ko mar dala. bhayanak yuddh hota raha. yuddh arnbh hone ke samay duryodhan ke pas gyarah akshauhini senaen thin. nasht hote-hote ant men ashvatthama, kritavarma, kripachary tatha duryodhan ke atirikt koee bhi any maharathi jivit nahin bacha. duryodhan ko vidur ke upadesh yad ane lage. vah yuddh-kshetr se bhaga. marg men use snjay mile, jinhonne apane jivit chhootane ka vrittant kah sunaya.

duryodhan gada yuddh men parngat tha aur shrikrishn ke bade bhaee balaram ka shishy tha. duryodhan ne karn ko apana mitr banakar use ang desh ka raja niyukt kar diya tha. balaram apani bahan subhadra se usaka vivah bhi karana chahate the, kintu arjun dvara subhadr-haran se vah nirash hokar unaka shatru ho gaya. dhritarashtr beman se yudhishthar ko raja banana chahate the, kintu duryodhan ne aisa nahin hone diya. usane lakshagrih men pandavon ko jalane ka asaphal prayatn kiya. yudhishthar ke rajasooy ygy men may danav nirmit pharsh par use jal ka bhram ho gaya aur jahan jal tha, vahan use sookhi bhoomi dikhayi padi. jis par bhim tatha draupadi ne duryodhan ka apaman "andhe ka putr andha" kahakar kiya aur usaki hnsi udayi. eershyavash shakuni ki sahayata se duryodhan ne pandavon ki sab sampatti aur draupadi ko bhi jitakar apaman ka badala lene ke lie bhari sabha men draupadi ko nngi karane ki agya di aur apani jangh kholakar du:shasan se kaha ki use is par bithao. yahi sab mahabharat yuddh ka karan bana.

vajr ka sharir

mahabharat ke yuddh men sabhi kaurav mare gaye, keval duryodhan hi ab tak jivit bacha hua tha. aise men gandhari ne apani ankhon ki patti kholakar duryodhan ke sharir ko vajr ka karana chaha. gandhari ne bhagavan shiv se yah varadan paya tha ki vah jis kisi ko bhi apane netron ki patti kholakar nagnavastha men dekhegi, usaka sharir vajr ka ho jayega. isilie gandhari ne duryodhan se kaha ki vah gnga men snan karane ke pashchath usake samane nagn avastha men upasthit ho, kintu krishn ki yojana aur bahakane ke karan duryodhan ka samast sharir vajr ka nahin ho saka. jab duryodhan gnga snan ke bad nagn avastha men gandhari ke samaksh upasthit hone ke lie a raha tha, tabhi marg men shrikrishn use mil gaye aur unhonne duryodhan ko bahaka diya ki itana bada ho jane ke bad bhi vah gandhari ke samaksh nagn hokar jayega. shrikrishn ne duryodhan se kaha ki kya tumhen lajja nahin ati. is par duryodhan ne apani jngha par patte lapet lie aur gandhari ke samaksh upasthit ho gaya. jab gandhari ne apane netron se patti kholakar use dekha to usaki divy drishti jngha par nahin pad saki, jis karan duryodhan ki jnghaen vajr ki nahin ho sakin. apane pran ke anusar hi mahabharat ke ant men bhim ne gada se duryodhan ki jangh par prahar kiya.

sarovar men chhipana

sarovar se nikalata duryodhan

mahabharat yuddh ke ant samay men duryodhan ek sarovar men pravesh kar gaya. usane kaha ki- "mere paksh ke logon se kah dena ki main rajyahin ho jane ke karan sarovar men pravesh kar gaya hoon." vah sarovar men jakar chhip gaya tatha maya se usaka pani bandh liya. tabhi kripachary, ashvatthama tatha kritavarma duryodhan ko dhoondhate hue us or ja nikale. snjay se samast samachar janakar ve pun: yuddh kshetr ki or badhe. rajadhani men kauravon ki sena ke nash aur parajay ka samachar pahuncha to rajamahilaon sahit samast log nagar ki or daudane lage. yuddh-kshetr janashoony pakar kripachary, ashvatthama aur kritavarma pun: sarovar par pahunche aur duryodhan ko pandavon se yuddh karane ka adesh dene lage. unaka kahana tha ki is prakar jal men chhipana kayarata hai. usi samay kuchh vyadh mans ke bhar se thake pani pine ke lie sarovar par pahunche. snyogavash duryodhan ko dhoondhate hue pandav un vyadhon se usake vishay men poochhatachh kar chuke the. vyadhon ne un sabaki mntrana chupake se suni ki duryodhan kuchh samay talab men chhipakar vishram karana chahata hai. unhonne dhan-vaibhav ke lalach men pandavon tak usake chhupane ke sthan ka pata pahuncha diya. pandav apane sainikon ke sath sinhanad karate hue us 'dvaipayan' namak sarovar tak pahunche. ashvatthama adi ne samajha ki ve apani vijay ki prasannata ke aveg men ghoom rahe hain, at: ve duryodhan ko vahan chhod door ek baragad ke ped ke niche ja baithe tatha bhavishy ke vishay men charcha karane lage. bahar se duryodhan dikhalayi nahin padata tha, at: ve log ashvast the.

yudhishthir ka kathan

pandavon ne vahan pahunchakar dekha ki sarovar ka jal maya se stnbhit hai aur usake andar duryodhan bhi poorn surakshit hai. shrikrishn ne yudhishthir ko bhi maya ka prayog karane ka paramarsh diya. yudhishthir adi ne duryodhan ko kayarata ke lie dhikkara tatha yuddh ke lie lalakara. duryodhan ne uttar men kaha ki- "vah bhayakrant pran-raksha ke nimitt vahan nahin hai, apitu kuchh samay vishram karana chahata hai tatha usake pas rath ityadi ki vyavastha bhi nahin hai. apane bndhu-bandhavon ke nash ke uparant vah mrigacharm dharan karane ke lie utsuk hai. pandav mitrashoony dharati par rajy karen." duryodhan ke mukh se yah kathan sunakar yudhishthir ne use jamakar phatakar lagayi aur kaha ki-
tumhari di dharati bhogane ko koee bhi ichchhuk nahin hai. kshatriy log kisi ka diya dan nahin lete. tum mard ho to samane akar lado, is prakar chhipana kahan ki virata hai.

bhim se gada yuddh

duryodhan svabhav se hi krodhi tha. usane kaha ki- "vah ek-ek pandav ke sath gada yuddh karane ke lie taiyar hai. yudhishthir ne usase kaha-
tum kavach ityadi yuddh ke lie avashyak avayav grahan kar lo. tum kisi bhi ek pandav se yuddh karo, yadi jit jaonge to tum apana sara rajy le lena.
krishn is bat par rusht ho gaye. ve yudhishthir se bole- "ap logon men se bhim se itar koee bhi usase gada-yuddh karane yogy nahin hai. apane dayavash phir bhnyakar bhool ki hai. dyootakrida ki bhanti hi use yah avasar dena ki vah bhim ko chhodakar kisi aur ko lalakar le- kaun-si buddhimatta hai?" bhim ne avasar dekhakar duryodhan ko yuddh ke lie lalakara. donon ka dvndv yuddh arnbh hua. tabhi tirthatan karate hue balaram ko narad muni se kuroo-snhar ka samachar mila, at: ve bhi vahan pahunch gaye. pandavon ne unhen sadar apane shishyon ka dvndv yuddh dekhane ke lie amntrit kiya. balaram ki salah se sab log kurookshetr ke samntapnchak tirth men gaye. vahan bhim aur duryodhan gada-yuddh men jut gaye. donon ka palada barabar tha. shrikrishn tatha arjun ne paraspar vichar-vimarsh kiya ki bhim adhik balavan hai tatha duryodhan adhik kushal, at: dharmayuddh men duryodhan ko parast karana bahut kathin hai. bhim ne dyutakrida ke samay draupadi ke apaman par yah pratigya ki thi ki- "main gada marakar duryodhan ki donon janghe tod daloonga." bhim ke dekhane par shrikrishn ne apani bayin jangh ko thoka. bhim snket samajh ge aur unhonne paintara badalate hue duryodhan ki janghen gada ke prahar se tod dalin. vah dharashayi ho gaya to bhim ne usaki gada le li aur bayen pair se usaka sir kuchal diya, sath hi dyootakrida tatha chiraharan ke lajjajanak prasng ki yad duryodhan ko dilayi.

duryodhan ki parajay

yudhishthir ne bhim ko duryodhan par pad-prahar karane se roka. unhonne bhim se kaha ki- "mitrahin duryodhan ab daya ka patr hai, upahas ka nahin, jisake tarpan ke lie bhi koee shesh nahin bacha hai." yudhishthir ne duryodhan se kshama-yachana ki aur du:khi hone lage ki rajy pakar vidhava bahuon-bhabhiyon ko kaise dekh sakenge. balaram ne duryodhan ko aniti se parajit dekha to krodh se lal-pile ho uthe tatha bole- mere shishy ko anyay se girana mera apaman hai. ve apana hal uthakar bhimasen ki or daude, kintu shrikrishn ne unhen bich men rokakar batalaya ki kis prakar chiraharan ke samay bhim ne usaki jnghayen todane ki shapath li thi. kis prakar samay-samay par kauravon ne pandavon ko chhala, kis prakar abhimanyu ko anyay se mara gaya; ityadi. yah to pratishodh matr tha. balaram sntusht nahin hue tatha dvaraka ki or chal diye. shrikrishn ki bat sunakar tangen kata hua duryodhan uchakakar dharati par baith gaya aur bola-
tum logon ne bhishm, dron, karn, bhoorishrava tatha mujhe adharm se mara hai. main apani mrityu se dukhi nahin hoon. mujhe kshatriy dharm ke anusar hi mrityu prapt ho rahi hai. main svarg bhog karoonga aur tum log bhagn manorath hokar shochaniy jivan bitate rahoge. bhim ke pad-prahar ka bhi mujhe du:kh nahin, kyonki kuchh samay bad kaue-gridh is sharir ka upabhog karenge.
usaka vaky samapt hote hi pavitr sugndhavale pushpon ki varsha arnbh ho gayi. gndharv vady bajane lage aur raja pandavon ko dhikkarane lage. shrikrishn ne sab rajaon ko duryodhan ke kukrityon ki talika sunakar kaha ki uparyukt panchon yoddha atirathi the, unhen dharmayuddh men parajit karana asnbhav tha, kintu ve adharm ki or se lad rahe the. at: aniti se hi unhen parajit kiya ja sakata tha. asuron ka vinash karane ke lie poorvavarti devataon ne bhi isi marg ko apanaya tha. pandav duryodhan ko usi sthiti men chhodakar chale gaye. duryodhan tadapata raha. tabhi snyog se snjay vahan pahunche, duryodhan ne unake sammukh sab vrittant kah sunaya, phir sndeshavahakon se ashvatthama, kripachary tatha kritavarma ko bulavakar sab krity sunaye. ashvatthama ne kruddh hokar pandavon ko mar dalane ki shapath li tatha vahin par duryodhan ne unhen kauravon ke senapati-pad par niyukt kar diya gaya. un tinon ke jane ke uparant us rat vah vahin tadapata raha.

ashvatthama ki yojana

tinon maharathi nikatavarti gahan jngal men chhipakar rat vyatit karane ke lie chale gaye. ghodon ko pani ityadi pilakar ve vishram karane lage. kripachary tatha kritavarma ko nind a gayi, kint ashvatthama jage rahe. ve log baragad ke ek bade vriksh ke niche vishram kar rahe the. ashvatthama ne dekha ki ek ulloo ne achanak akraman karake ped ki kotaron men sote hue anek kauon ko mar dala. unhonne isi prakar pandavon ko marane ka nishchay kiya aur ise daivi snket hi mana. donon sathiyon ko jagakar unhonne apana vichar prakat kiya to kripachary ne unhen daiv ki prabalata ke karan kauravon ka nash hua hai- yah samajhakar shant karana chaha aur agale din prat: yuddh karane ka vichar prakat kiya, kint ashvatthama apane nishchay par atal rahe. ve akele hi sarvnnash karane ke lie udyat the. at: tinon vir us rat pandavon ke shivir men pahunche. vahan dvar par unhen sarpon ka ygyopavit tatha mrigacharm dharan kiye ek vishalakay dvarapal mila. ashvatthama ne anek divy astron ka prayog kiya, kintu pratyek astr us divy vyakti ke sharir men vilin ho jata tha. astrahin hone ke uparant ashvatthama ne us divy purush ko pahachana, ve sakshat shiv the. unhen pranam kar ashvatthama ne unase khadg ki yachana ki. unaka dridh ninshchay janakar unake sammukh tatkal hi ek svarnavedi prakat huee, jis par agni dev ka avirbhav hua tatha dishayen agni ki jvalaon se yukt ho gayin. vahan anek gan prakat hue. sab vichitr bhav-bhngima tatha mukh-netr adi se yukt the. unake darshan se hi vyakti bhayabhit ho sakata tha.

mrityu

ashvatthama ne ban, dhanush samidha, van kusha, tatha sharir havishy roop men prastut kie. ve svarnavedi ki jvalaon ke madhy ja baithe. shiv ne prasann hokar kaha ki krishn ne sadaiv unaki pooja ki hai, isi se ve unhen sarvadhik priy hain. panchalon ki raksha krishn ke samman tatha ashvatthama ki pariksha ke lie ki gayi thi. taduparant shiv ne apane svaroop bhoot ashvatthama ke sharir men pravesh kiya aur ek divy khadg pradan ki anek adrishy gan ashvatthama ke sath ho lie. kripachary aur kritavarma, in donon maharathiyon ko dvar par chhodakar ki koee jivit n bhag sake, ashvatthama shivir ke andar gaye. vahan dhrishtadyumn, uttamoja, yudhamanyu, shikhndi, draupadi ke panch putron tatha any jitane bhi log shivir men the, unhen kuchalakar, gala ghontakar athava talavar se katakar mar dala gaya. pau phatane par shesh donon yoddhaon ko sath lekar ashvatthama duryodhan ke pas pahunche. duryodhan ne ratri ka mrityukand sunakar sntoshapoorvak pran tyag diye.


panne ki pragati avastha
adhar
prarambhik
madhyamik
poornata
shodh

tika tippani aur sandarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah