देवशयनी एकादशी  हिन्दी देवनागरी में पढ़ें।

devashayani ekadashi
bhagavan vishnu
any nam 'padmanabha' ekadashi, 'harishayani' ekadashi
anuyayi hindoo, bharatiy
uddeshy brahm vaivart puran men is ekadashi ka vishesh mahatmy likha hai. is vrat ko karane se prani ki samast manokamanaen poorn hoti hain, sabhi pap nasht hote hain.
prarambh pauranik kal
tithi ashadh shukl ekadashi
anushthan is din upavas karake bhagavan vishnu ki pratima ko asan par asin kar unaka shodashopachar sahit poojan karake, unake hathon men shnkh, chakr, gada, padm sushobhit kar unhen pitambar, pit vastron v pile dupatte se sajaya jata hai. pnchamrit se snan karavakar, tatpashchath bhagavan ki dhoop, dip, pushp adi se pooja kar arati utari jati hai.
dharmik manyata puranon men aisa ullekh milata hai ki is din se bhagavan vishnu char mas ke lie bali ke dvar par patal lok men nivas karate hain aur kartik shukl ekadashi ko lautate hain.
any janakari in char mahinon men bhagavan vishnu ke kshirasagar men shayan karane ke karan vivah adi koee shubh kary nahin kiya jata. dharmik drishti se yah char mas bhagavan vishnu ka nidra kal mana jata hai. in dinon men tapasvi bhraman nahin karate, ve ek hi sthan par rahakar tapasya (chaturmas) karate hain. in dinon keval braj ki yatra ki ja sakati hai, kyonki in char mahinon men bhoo-mandal (prithvi) ke samast tirth braj men akar nivas karate hain.

devashayani ekadashi ashadh mas ke shukl paksh ki ekadashi ko kaha jata hai. ise 'padmanabha' tatha 'harishayani ekadashi' bhi kaha jata hai. puranon men aisa ullekh milata hai ki is din se bhagavan vishnu char mas ke lie bali ke dvar par patal lok men nivas karate hain aur kartik shukl ekadashi ko lautate hain. isi din se chaumase ka arambh mana jata hai. is din se bhagavan vishnu char mas ke lie kshirasagar men shayan karate hain. isi karan is ekadashi ko 'harishayani ekadashi' tatha kartik shukl ekadashi ko 'prabodhini ekadashi' kahate hain. in char mahinon men bhagavan vishnu ke kshirasagar men shayan karane ke karan vivah adi koee shubh kary nahin kiya jata. dharmik drishti se yah char mas bhagavan vishnu ka nidra kal mana jata hai. in dinon men tapasvi bhraman nahin karate, ve ek hi sthan par rahakar tapasya (chaturmas) karate hain. in dinon keval braj ki yatra ki ja sakati hai, kyonki in char mahinon men bhoo-mandal (prithvi) ke samast tirth braj men akar nivas karate hain. brahm vaivart puran men is ekadashi ka vishesh mahatmy likha hai. is vrat ko karane se prani ki samast manokamanaen poorn hoti hain, sabhi pap nasht hote hain tatha bhagavan hrishikesh prasann hote hain.

pooja archana

sabhi ekadashiyon ko bhagavan vishnu ki pooja-aradhana ki jati hai, parntu aj ki ratri se bhagavan ka shayan prarambh hone ke karan unaki vishesh vidhi-vidhan se pooja ki jati hai. is din upavas karake bhagavan vishnu ki pratima ko asan par asin kar unaka shodashopachar sahit poojan karake, unake hathon men shnkh, chakr, gada, padm sushobhit kar unhen pitambar, pit vastron v pile dupatte se sajaya jata hai. pnchamrit se snan karavakar, tatpashchath bhagavan ki dhoop, dip, pushp adi se pooja kar arati utari jati hai. bhagavan ko pan (tambool), supari (pungiphal) arpit karane ke bad nimn mantr dvara stuti ki jati hai.

'supte tvayi jagannath jamatsuptn bhavedidamh.
vibuddhe tvayi buddhn ch jagatsarv characharamh..

Blockquote-open.gif is din se bhagavan vishnu char mas ke lie kshirasagar men shayan karate hain. isi karan is ekadashi ko harishayani ekadashi tatha kartik shukl ekadashi ko prabodhini ekadashi kahate hain. in char mahinon men bhagavan vishnu ke kshirasagar men shayan karane ke karan vivah adi koee shubh kary nahin kiya jata. dharmik drishti se yah char mas bhagavan vishnu ka nidra kal mana jata hai. Blockquote-close.gif

arthath he jagannathaji! apake nidrit ho jane par snpoorn vishv nidrit ho jata hai aur apake jag jane par snpoorn vishv tatha charachar bhi jagrat ho jate hain. is prakar prarthana karake bhagavan vishnu ka poojan karana chahie. tatpashchath brahmanon ko bhojan karakar svayn phalahar karana chahie. ratri men bhagavan ke mndir men hi shayan karana chahie tatha bhagavan ka bhajan v stuti karani chahie. svayn sone se poorv bhagavan ko bhi shayan kara dena chahie. is din anek parivaron men mahilaen parivarik paramparanusar devon ko sulati hain. in char mahinon ke lie apani ruchi athava abhisht ke anusar nity vyavahar ke padarthon ka tyag aur grahan karen. madhur savar ke lie gud ka, dirghayu athava putr-pautradi ki prapti ke lie tel ka, shatrunashadi ke lie kaduve tel ka, saubhagy ke lie mithe tel ka aur svarg prapti ke lie pushpadi bhogon ka tyag karen. deh shuddhi ya sundarata ke lie parimit praman ke pnchagavy ka, vnsh vriddhi ke lie niyamit doodh ka, kurukshetradi ke saman phal milane ke lie bartan men bhojan karane ke bajay 'patr' ka tatha sarvapapakshayapoorvak sakal puny phal prapt hone ke lie ekamukt, naktavrat, ayachit bhojan ya sarvatha upavas karane ka vrat grahan karen. sath hi chaturmasiy vraton men kuchh varjanaen bhi hain. jaise-palng par sona, bharya ka sng karana, jhooth bolana, mans, shahad tatha kisi anroo ka diya dahi-bhat adi ka bhojan karana. mooli, paraval evn baingan adi shak khana bhi tyag dena chahie. jo shraddhalu jan is ekadashi ko poorn vidhi-vidhanapoorvak bhagavan ka poojan karate aur vrat rakhate hain, ve moksh ko prapt karate hain.

devashayani ekadashi ki katha

ek bar devarshi narad ji ne brahma ji se is ekadashi ke mahatmy ke bare men poochha. tab brahmaji ne unhen bataya ki

'sat yug men mandhata namak ek chakravarti samrat rajy karate the. unake rajy men praja bahut sukh aur anand se rahati thi. ek bar unake rajy men lagatar tin varsh tak varsha n hone ke karan bhaynkar akal pada. praja vyakul ho gee. is durbhiksh se charon or trahi-trahi mach gee. dharm paksh ke ygy, havan pindadan, katha, vrat adi sab men kami ho gee. praja ne raja ke darabar men jakar apani vedana ki duhaee di. raja ne kaha- 'ap logon ka kasht bhari hai. main praja ki bhalaee hetu poora prayatn karoonga.' raja is sthiti ko lekar pahale se hi dukhi the. ve sochane lage ki akhir mainne aisa kaun-sa pap-karm kiya hai, jisaka dand mujhe is roop men mil raha hai?'


phir praja ki duhaee tatha kasht ko sahan n karane ke karan, is kasht se mukti pane ka koee sadhan karane ke uddeshy se raja sena ko lekar jngal ki or chal die. jngal men vicharan karate-karate ek din ve brahma ji ke tejasvo putr angira rishi ke ashram men pahunche aur unhen sashtang pranam kiya. muni ne unhen ashirvad dekar kushal kshem poochha. phir jngal men vicharane v apane ashram men ane ka abhipray janana chaha. tab raja ne hath jodakar kaha-'mahatman! sab prakar se dharm ka palan karate hue bhi main apane rajy men durbhiksh ka drishy dekh raha hoon. main isaka karan nahin janata. akhir kyon aisa ho raha hai, kripaya ap isaka samadhan kar mera snshay door kijie.'


yah sunakar angira rishi ne kaha- 'he rajan! yah satayug sab yugon men ksheshth aur uttam mana gaya hai. isamen chhote se pap ka bhi bada bhari phal milata hai. isamen log brahma ki upasana karate hain. isamen dharm apane charon charanon men vyapt rahata hai. isamen brahmanon ke atirikt any kisi jati ko tap karane ka adhikar nahin tha, jabaki apake rajy men ek shoodr tapasya kar raha hai. yahi karan hai ki apake rajy men varsha nahin ho rahi hai. jab tak usaki jivan lila samapt nahin hogi, tab tak yah durbhiksh shant nahin hogi. us shoodr tapasvi ko marane se hi pap ki shanti hogi.' parntu raja ka hriday ek niraparadh ko marane ko taiyar nahin hua. raja ne us niraparadh tapasvi ko marana uchit n janakar rishi se any upay poochha. raja ne kaha-'he dev! main us niraparadh ko mar doon, yah bat mera man svikar nahin kar raha hai. isalie kripa karake ap koee aur upay bataen.' tab rishi ne kaha-' ashadh mah ke shukl paksh ki ekadashi (padma ekadashi ya harishayani ekadashi) ka vidhipoorvak vrat karo. is vrat ke prabhav se avashy hi varsha hogi.' yah sunakar raja mandhata vapas laut aya aur usane charon varnon sahit padma ekadashi ka vidhipoorvak vrat kiya. vrat ke prabhav se unake rajy men moosaladhar varsha huee aur poora rajy dhan-dhany se paripoorn ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah