द्वारका प्रसाद मिश्रा  हिन्दी देवनागरी में पढ़ें।

dvaraka prasad mishra
dvaraka prasad mishra
poora nam dvaraka prasad mishra
janm 5 agast, 1901
janm bhoomi unnav, uttar pradesh
mrityu 31 mee, 1988
mrityu sthan dilli
abhibhavak pandit ayodhya prasad, rama devi
nagarikata bharatiy
prasiddhi bhootapoorv mukhyamntri, madhy pradesh; svatntrata senani, sahityakar.
parti 'bharatiy rashtriy kangres'
kary kal 30 sitnbar, 1963 se 8 march, 1967 tak aur phir 9 march, 1967 se 29 julaee, 1967 tak.
shiksha bi.e., elelabi
vidyalay 'ilahabad vishvavidyalay'
jel yatra 1932, 1940 aur 1942 men.
vishesh 1942 men jel men rahate hue dvaraka prasad mishra ji ne 'krishnayan' mahakavy ki rachana ki. krishn ke janm se lekar svargarohan tak ki katha is mahakavy men kahi gee hai.
any janakari dvaraka prasad mishra 1937 aur 1946 men kendriy pranton ke mntri rahe. unhonne angrezi men apani atmakatha 'living en era' likhi thi, jisamen bisavin sadi ka poora itihas samahit hain.

dvaraka prasad mishra (angrezi: Dwarka Prasad Mishra; janm- 5 agast, 1901, unnav, uttar pradesh; mrityu- 31 mee, 1988, dilli) bharat ke prasiddh rajaneta, svatntrata senani, patrakar aur sahityakar the. unhonne madhy pradesh ke mukhyamntri pad ko bhi sushobhit kiya tha. dvaraka prasad mishra mahatma gandhi ke 'asahayog andolan' se jud gaye the. rashtravadi andolanon men unhonne sakriyata se apana yogadan diya tha. javaharalal neharoo se matabhedon ke karan inhen terah varshon tak rajanitik vanavas bhogana pada. inhonne kee aitihasik shodh grnth bhi likhe the. hindi, angrezi, urdoo aur snskrit sahity se dvaraka prasad ji ko bahut lagav tha.

janm tatha shiksha

dvaraka prasad mishra ji ka janm 5 agast, 1901 men uttar pradesh ke unnav zile men padhari namak gram men ek brahman parivar men hua tha. inake pita ka nam pandit ayodhya prasad aur mata ka nam rama devi tha. jab inake pita ayodhya prasad rayapur men ek thekedar ke roop men kary kar rahe the, tab dvaraka prasad ne yahin se apani prarambhik shiksha prapt ki. is samay desh videshi satta se sngharsh kar raha tha. kuchh samay ke lie dvaraka prasad mishra ne kanapur aur jabalapur men adhyayan kiya aur 'ilahabad vishvavidyalay' se snatakottar ki pariksha aur qanoon ki digri prapt ki.

svatntrata sngram men yogadan

varsh 1920 men dvaraka prasad mishra mahatma gandhi ke ahvan par svatntrata sngram men kood pade. ve gandhiji ke 'asahayog andolan' se jud gaye aur tab se rashtravadi andolanon men agrim pnkti men rahe. desh ki seva karate hue jel yatraen unaki sathi ban gee. dvaraka prasad ji ne varsh 1932, 1940 aur 1942 men jel ki sazaen bhongi.

mntri pad

dvaraka prasad mishra 1937 aur 1946 men kendriy pranton ke mntri rahe. ve 30 sitnbar, 1963 se 8 march, 1967 tak aur phir 9 march, 1967 se 29 julaee, 1967 tak madhy pradesh ke mukhyamntri bhi rahe the. pandit mishra ek prasiddh patrakar, kavi aur rachanakar the.

lekhan kary

1942 men jel men rahate hue dvaraka prasad mishra ji ne 'krishnayan' mahakavy ki rachana ki thi. krishn ke janm se lekar svargarohan tak ki katha is mahakavy men kahi gee hai. mahabharat ke krishn hamesha dvaraka ji ke adarsh rahe. ek prakhar patrakar ke roop men bhi dvaraka prasad ji ne 1921 men 'shri sharada' masik, 1931 men 'dainik lokamat' aur 1947 men saptahik 'sarathi' ka sampadan kiya. lala lajapat ray ki angrezon ki lathi se huee maut par 'lokamat' men likhe unake sampadakiy par pandit motilal neharoo ne kaha tha ki- "bharat ka sarvashreshth phaujadari vakil bhi isase achchha abhiyog patr taiyar nahin kar sakata." javaharalal neharoo se matabhed ke karan mishr ji ko terah varshon tak rajanitik vanavas bhogana pada tha.

dvaraka prasad mishra ji ne angrezi men apani atmakatha 'living en era' likhi thi, jisamen bisavin sadi ka poora itihas samahit hain. aitihasik shodh grnth bhi likhe, jinamen 'stadij in d proto histri aauph indiya aur 'sarch aauph lnka' vishesh ullekhaniy hain. hindi, angrezi, snskrit aur urdoo bhasha ke sahity se unaka gahara lagav tha. snskrit kaviyon aur urdoo ke shayaron ke hindi anuvad men unhen kafi ras milata tha.

kulapati

dvaraka prasad mishra ne 1954 se 1964 tak 'sagar vishvavidyalay' ke kulapati ke roop men vyatit kiya. unake vidya-vyasan ke snbndh men kaha jata tha ki- "vishvavidyalay ke kisi pradhyapak ya vidyarthi se adhik usake kulapati adhyayanarat rahate hain." 1971 men rajaniti se avakash lekar unhonne sara samay sahity ko samarpit kar diya tha.

nidhan

dvaraka prasad ji shatarnj ke mahir khiladi the. ek sahityakar, itihasavid aur prakhar rajaneta ke roop men prasiddh dvaraka prasad mishra ji nidhan 5 mee, 1988 ko dilli hua. unaka parthiv sharir jabalapur men narmada nadi ke tat par 'pnchatatv' men lin hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah