नाभादास  हिन्दी देवनागरी में पढ़ें।

nabhadas agradas ji ke shishy, bade bhakt aur sadhusevi the. snvath 1657 ke lagabhag vartaman the aur gosvami tulasidas ji ki mrityu ke bahut pichhe tak jivit rahe. inaka prasiddh grnth 'bhaktamal' snvath 1642 ke pichhe bana aur snvath 1769 men 'priyadas' ji ne usaki tika likhi.

tulasidas aur nabhadas

nabha ji ko kuchh log 'dom', kuchh 'kshatriy' batate hain. aisa prasiddh hai ki ve ek bar gosvami tulasidas ji se milane kashi ge. par us samay gosvami ji dhyan men the, isase n mil sake. nabha ji usi din vrindavan chale ge. dhyan bhng hone par gosvami ji ko bada khed hua aur ve turnt nabha ji se milane vrindavan chal die. nabha ji ke yahan vaishnavon ka bhndara tha jisamen gosvami ji bina bulae ja pahunche. gosvami ji yah samajhakar ki nabha ji ne mujhe abhimani n samajha ho, sabase door ek kinare buri jagah baith ge. nabha ji ne jan boojhakar unaki or dhyan n diya. parasane ke samay koee patr n milata tha jisamen gosvami ji ko khir di jati. yah dekhakar gosvami ji ek sadhu ka joota utha lae aur bole, 'isase sundar patr mere lie aur kya hoga?' is par nabha ji ne uthakar unhen gale laga liya aur gadgad ho ge. aisa kaha jata hai ki tulasi snbndhi apane prasiddh chhappay ke ant men pahale nabha ji ne kuchh chidhakar yah charan rakha tha kali kutil jiv tulasi bhe, valmiki avatar dhari. yah vrittant kahan tak thik hai, nahin kaha ja sakata, kyonki gosvami ji khanapan ka vichar rakhane vale smart vaishnav the. tulasidas ji ke snbndh men nabha ji ka prasiddh chhappay hai -

trota kavy nibndh kari sat koti ramayan.
ik achchhar uchchare brahmahatyadi parayan॥
ab bhaktan sukh dain bahuri lila bistari.
ramacharanarasamatta rahat ahanisi vratadhari॥
snsar apar ke par ko sugam roop nauka liyo.
kali kutil jiv nistarahit valmiki tulasi bhayo॥

ram bhakti

apane guru agradas ke saman inhonne bhi ramabhakti snbndhi kavita ki hai. brajabhasha par inaka achchha adhikar tha aur pady rachana men achchhi nipunata thi. ramacharit snbndhi inake padon ka ek chhota sa sngrah abhi thode din hue prapt hua hai.

ashtayam

in pustakon ke atirikt inhonne do 'ashtayam' bhi banae ek brajabhasha gady men, doosara ramacharitamanas ki shaili par doha chaupaiyon men. donon ke udaharan is prakar hain -

gady
tab shri maharajakumar pratham shri vashishth maharaj ke charan chhui pranam karat bhe. phiri apar vriddh samaj tinako pranam karat bhe. phiri shri rajadhiraj joo ko johar karike shri mahendranath dasharath joo ke nikat baithat bhe.
pady

avadhapuri ki shobha jaisi . kahi nahin sakahin shesh shruti taisi॥
rachit kot kaladhaut suhavan . bibidha rng mati ati man bhavan॥
chahun disi vipin pramodanoopa . chaturavis jojan ras roopa॥
sudisi nagar sarajoosaripavani . manimay tirath param suhavani॥
bigase jalaj bhring ras bhoole . gunjat jal samooh dou koole॥
parikha prati chahundisi lasati, knchan kot prakas.
bibidha bhanti nag jagamagat, prati gopur pur pas॥


panne ki pragati avastha
adhar
prarambhik
madhyamik
poornata
shodh

tika tippani aur sndarbh


achary, ramachndr shukl “prakaran 4”, hindi sahity ka itihas (hindi). bharatadiskavari pustakalay: kamal prakashan, nee dilli, prishth sn. 108.

bahari kadiyan

snbndhit lekh