पांडुरंग वामन काणे  हिन्दी देवनागरी में पढ़ें।

pandurng vaman kane
Vaaman-Kaane.jpg
poora nam daau. pandurng vaman kane
any nam daau. kane
janm 7 mee, 1880
janm bhoomi ratnagiri zila, maharashtr
mrityu 18 apral, 1972
abhibhavak vaman rav (pita)
karm bhoomi bharat
karm-kshetr sahity, adhyapak evn shodh kary
mukhy rachanaen 'dharmashastr ka itihas', 'snskrit kavyashastr ka itihas', 'bharatiy riti rivaz' adi grnth
vishay dharm, bhasha, snskriti
bhasha hindi, snskrit, jarmani, angrezi, phrench, urdoo, pharasi
vidyalay es. pi. ji. skool, ratnagiri
shiksha el.el.bi. (vakalat), em.e. (snskrit aur angrezi)
puraskar-upadhi di.lit., bharat ratn
vishesh yogadan chhuachhoot ka virodh, antarjatiy aur vidhava vivah ko samarthan
nagarikata bharatiy
any janakari 'dharmashastr ka itihas' panch bhagon men prakashit bade akar ke 6500 prishthon ka bharatiy dharmashastr ka vishvakosh hai. yah grnth is bat ka praman hai ki daau. kane ne athak lagan aur parishram se is grnth ka nirman kiya.
inhen bhi dekhen kavi soochi, sahityakar soochi

daau. pandurng vaman kane (angrezi: Pandurang Vaman Kane, janm: 7 mee 1880 - 18 apral, 1972) snskrit ke ek vidvanh evn prachyavidya visharad the. bharat ki ati prachin vaidik bhasha ke roop men yadi aj snskrit ko vishv ki sabhi bhashaon ki janani mana jata hai aur bharat ki ati prachin dharm snskriti ko yadi vishv bhar men bade samman ki drishti se dekha jata hai, to usamen mahanh bharatiy snskritgy aur vidvanh pndit daauktar pandurng vaman kane ke amooly yogadan ko kabhi bhi bhulaya nahin ja sakata.

parichay

daau. kane ka janm 7 mee 1880 ko maharashtr ke ratnagiri zile ke dapoli namak ganv men ek chitapavan brahman parivar men hua tha. unake pita shri vaman rav purohitaee ke kary se jude the, kintu sath hi vakalat ke kary se bhi jude the. vastav men daau. kane ka parivar vaidik snskriti aur gyan se paitrik roop se samriddh tha. daau. kane ne ganv ke hi skool se prarambhik shiksha prapt karane ke sath sath apane parivar se vaidik gyan bhi prapt kiya.

shiksha

varsh 1887 men unhonne es. pi. ji. skool se haeeskool ki pariksha uttirn ki. ve padhane men bahut kushagr the. unhonne haeeskool men poore zile men 23van sthan prapt kiya. varsh 1901 men daau. kane ne snatak ki pariksha utirn ki aur snskrit vishay men vishesh yogyata hone ke phalasvaroop 'bhaoodaji snskrit puraskar' se sammanit kie gaye. shikshik yogyata ke adhar par unhen 'vilsan kaaulej' men do varsh ke lie phailoship prapt huee. daau. kane ne isi kaaulej se el.el.bi. (vakalat) ki pariksha pratham shreni men uttirn ki. sanh 1903 men unhonne snskrit aur angrezi vishay se pratham shreni men em.e. ki pariksha utirn ki. isi samay unhen 'vedant puraskar' se sammanit kiya gaya. parivar ki arthik sthiti ko dekhate hue unhonne em.e. karane ke bad apana adhyayan aur prashikshan kary karate rahe aur ratnagiri ke skool men adhyapan ka kary karane lage. sanh 1905 men unhonne tichars trening ki pariksha uttirn ki. sanh 1906 men ve vibhagiy parikshaon men poore prant men pratham aye aur parinamasvaroop unhen zila sahayak shiksha adhikari ke pad par niyukti mili, kintu unhonne apane adhyayan aur shodh karyon ke karan is pad ko asvikar kar diya. isi varsh unhonne snskrit men 'alnkar sahity ke itihas' par apana shodh kary poorn kiya aur is upalabdhi ke lie daau. kane ko 'vi.en. maaudaling svarn padak' se sammanit kiya gaya. is samay tak daau. kane samooche maharashtr men snskrit vidvanh ke roop men prasiddhi pa chuke the.

karyakshetr

varsh 1907 men unhen munbee ke elaphinstan kaaulej men snskrit ke mukhy adhyapak ke roop men niyukt kiya gaya. yah pad unake shodh karyon ke anukool tha. isi varsh unhonne 'prachin bharatiy sahity' par apana ek any shodh kary poorn kiya aur unhen pun: 'vi.en.maaudaling svarn padak' se sammanit kiya gaya. varsh 1908 men daau. kane ne el.el.bi. (vakalat) ki pariksha pratham shreni men uttirn ki. sanh 1909 men jab ve elaphinstan kaaulej men snskrit ke pradhyapak ke pad par the, vahan par apani yogyata aur pratibha ki anahoni hoti dekh unhonne tyagapatr dekar vakalat prarambh ki. vakalat ke sath sath ve snskrit bhasha aur prachin bharatiy snskriti par shodh kary karate rahe aur in vishayon se sambandhit vyakhyan bhi nirntar dete rahe.

yogadan

pandurng vaman kane ka sabase bada yogadan unaka vipul sahity hai, jisaki rachana men unhonne apana mahattvapoorn jivan lagaya. ve apane mahanh grnthon - 'sahityashastr' aur 'dharmashastr' par 1906 ee. se kary kar rahe the. inamen 'dharmashastr ka itihas' sabase mahattvapoorn aur prasiddh hai. panch bhagon men prakashit bade akar ke 6500 prishthon ka yah grnth bharatiy dharmashastr ka vishvakosh hai. isamen eesvi poorv 600 se lekar 1800 ee. tak ki bharat ki vibhinn dharmik pravrittiyon ka pramanik vivechan prastut kiya gaya hai. hindoo vidhi aur achar vichar snbndhi unaka kul prakashit sahity 20,000 prishthon se adhik ka hai.

dharm ki vyakhya

vaman kane ne dharm ki vyakhya usake udar roop men ki hai. unhonne chhuachhoot ka virodh kiya, antarjatiy aur vidhava vivah ka samarthan kiya. paristhiti utpann hone par ve mahilaon ke talaq ke adhikar ke bhi samarthak the. unaki manyata thi ki hindoo dharm ke mool men rashtriyata, lokatntr aur vishvabndhutv ki bhavana vidyaman hai. ve kahate the ki dharmashastr ke grnth 'anity' hain aur samay ke sath dharm men bhi parivartan hona chahie.

vidvan

pandurng vaman kane
  • gyan ke ve adbhut bhndar the. unaka hindi, snskrit bhasha ke atirikt jarmani, angrezi, phrench, urdoo, pharasi adi bhashaon par saman adhikar tha. ve hindoo dharm aur snskriti ke atoot rakshak the. unhonne manavata aur satyata ke adhar par kattar brahman hote hue bhi harijanon ke uddhar ke lie bhi mahattvapoorn kary kie. unhonne 'muslim laau' ka bhi gahara adhyayan kiya. unhonne muslimon ke adhikaron ke lie bhi sngharsh kiya. daau. kane adbhut vyaktitv ke svami the.
  • ek or jahan ve bharatiy bhasha, dharm, snskriti, ke jivnt kosh the, vahin doosari or anek vishayon par apani vakapatuta se aisa vatavaran bana dete the ki vyakti sabakuchh bhoolakar unhin ko dekhata aur sunata rahata tha. unaki vidvata ka samman karate hue sanh 1942 men unhen 'mahamahopadhyay' ki upadhi se vibhooshit kiya gaya. isi varsh ilahabad vishvavidyalay dvara unhen 'di.lit.' ki manad upadhi se samanit kiya.
  • san 1946 men ve nagapur men ayojit 'idiyan oriental kanphrens' ke adhiveshan ke adhyaksh banaye gaye. sanh 1947 men unhen 'bambee vishvavidyalay' ka upakulapati banaya gaya. sanh 1953 aur usake bad do bar aur unhen rajyasabha ka sadasy manonit kiya gaya. varsh 1959 men bharat sarakar ne unhen 'bharatiy prachy vidya' ka 'rashtriy shikshak' niyukt kiya. unaki vidvatta ki prasiddhi bharat men hi nahin varanh videshon men bhi thi. vishv mnch ke antarrashtriy dharm, bhasha, sahity sammelanon men do bar unhonne bharat ka pratinidhitv kiya.
  • daau. kane ki mahanatam upalabdhiyon men unake dvara likhe gaye mahanatam grnth pramukh hain, jinhen likhane men unhonne apane jivan ka adhikansh bhag laga diya tha. daau. kane ne kul 18 grnth pustakon aur 21 shodh patron ka srijan kiya. inake likhe grnthon men 'dharmashastr ka itihas', 'snskrit kavyashastr ka itihas', 'bharatiy riti rivaz' aur 'adhunik vidhan' uchchakoti ke ve mahanatam grnth hain jinhonne daau. kane ko antarrashtriy vishv mnch par bharatiy sahity ke ek yug ke roop men pratishthit kiya.
  • 'dharmashastr ka itihas' 6000 prishthon ka grnth hai. yah grnth is bat ka praman hai ki daau. kane ne athak lagan aur parishram se is grnth ka nirman kiya. daau. kane ke ye grnth angrezi bhasha men likhe gaye hain. is sab ke pichhe shayad unaka yah uddeshy tha ki angrezi bhasha men likhe hone ke karan bharatiy dharm, bhasha, snskriti ki prachinatam aur amooly dharohar ko vishv ke adhikansh deshon men padha aur jana ja saka.

samman aur puraskar

daau. kane ko unake yogadan ke lie anek samman mile. kee vishvavidyalayon ne 'daauktaret' ki digri di. mumbee vishvavidyalay ke kulapati rahe. bharatiy itihas kangres aur prachyavidha kangres ki adhyakshata ki. 1948, 1951 aur 1954 men prachy vidyavidon ke antarrashtriy sammelan men bharatiy pratinidhi mndal ka netritv kiya.

bharat ratn

daau. pandurng vaman kane ki mahanh upalabdhiyon ke lie bharat sarakar dvara sanh 1963 men unhen 'bharat ratn' se sammanit kiya gaya.

nidhan

daau. kane ka poora jivan bharatiy dharm, bhasha, snskriti ke prachar prasar men laga raha. unaka poora jivan bharatiy dharm, bhasha, snskriti ko sudridh karane men samarpit raha. daau. kane ajivan mumbee ki 'raauyal eshiya hind sosayati' aur brahman sabha mumbee se sambaddh rahe. jivanaparynt ek karmayogi ki bhanti sahity ki seva karane vale is mahanh sahityakar, dharmashastri aur shikshashastri ka 18 apral, 1972 ko nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah