पाण्डुलिपि  हिन्दी देवनागरी में पढ़ें।

pandulipi

pandulipi (angrezi: Manuscript) us dastavej ko kahate hain jo ek vyakti ya anek logon dvara hath se likhi gayi ho. jaise hastalikhit patr. print kiya hua ya kisi any vidhi se kisi doosare dastavej se (yantrik/vaidyut riti se) nakal karake taiyar samagri ko pandulipi nahin kahate hain.

mool arth

pandulipi ka mool arth hai hath se likhi gee kisi rachana ka shuruati praroop. yani pandulipi darasal hastalekh hi hai. hastalekh yani hath se likha hua praroop. pandulipi hindi ki tatsam shabdavali ka hissa hai. snskrit ke pandu aur lipi se mil kar bana hai pandulipi. pandu ka arth hota hai pila ya safed athava pili abha vali safedi. vaise pandulipi men kisi satah ko safedi se pot kar likhane ka bhav hai.[1]

itihas se

prachinakal men rishi-muni jab vichar-mimansa karate the to unake bhashy ko kisi zamane men bhoomi ko gobar se pot kar us par khadiya mitti se lipibaddh kiya jata tha. kalantar men yah kam divaron par hone laga. usake bad lakadi ki patiyon ka chalan hua. mitti se pute kashth-phalak par likha jane laga. usake bad tadapatr par likhane ka chalan hua aur tab bhi pustakakar praroop ka nam pandulipi raha aur phir jab kagaz ka daur aya, tab bhi hastalikhit masauda hi pandulipi kahalata raha.[1]

pandulipi athava pandulekh

pandulipi shabd bahut prachin nahin hai jabaki purane yug men isake lie pandulekh shabd ka prayog hota tha. vaise bhi kisi hastalikhit dastavez ya praroop ko pandulipi kahana sahi nahin hai. pandulekh hi sahi shabd hai. pandulipi shabd se aisa abhas hota hai mano kisi lipi ka nam pandu hai. lipi shabd ka prachalit arth vahi hai jo angrezi men skript ka hai yani akshar, lekh, varnamala, utkirnan, chitran adi. prachin kal men zamin aur divaron par kuchh n kuchh chitr uker kar hi manushy ne apane manobhavon ke dastavejikaran ka kam shuroo kiya tha. isake bad hi bhasha ke sandarbh men chihnon par manushy ka dhyan gaya. usake dvara vyakt vividh chitr-snket hi prarambhik bhashaon ke lipi-chihn bane. lipi bana hai snskrit ki liph dhatu se jisamen lepana, potana, chupadana, prajvalit karana ya achchhadan karana jaise bhav hain. gauratalab hai ki vaidik sabhyata men havan ygyadi se poorv bhoomipoojan ke lie zamin ko lipa jata tha. us par mangalik chihn banae jate the. hindi men lipana, lepan, alepan jaisi kriyaen isase hi bani hain. liph se hi bana hai lipt shabd jisaka arth hai kisi gile padarth se sana hua, lipa hua, puta hua. lipt ka paravarti vikas kisi ke asar men hona, lin rahana, prabhav men hona jaise ashayon se prakat hota hai. kuchh aur shabd bhi isi kadi men hain jaise snlipt yani snlagn rahana aur nirlipt yani alag rahana, udasin rahana, judav n hona. pandulipi ke lie pahale hastalekh ya hastalipi shabd bhi prachalit tha. hastalekh me hath se ki gee chitrakari, lekhan se ashay hai. bad men isaka ashay dastavej, paripatr ya praroop ho gaya. bad men ise pandulipi ke arth men liya jane laga.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 pandulipi se gum hastalekh (hindi) shabdon ka saphar. abhigaman tithi: 23 apral, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah