पिप्पलाद  हिन्दी देवनागरी में पढ़ें।

pippalad maharshi dadhichi ji ke putr the. 'pippalad' ka shabdik arth hota hai- 'pipal ke ped ke patte khakar jivit rahane vala.' snskrit vanmay kosh ke praneta daauktar shridhar bhaskar varnekar ke anusar pippalad uchch koti ke ek rishi the. inaki mata ka nam 'gabhastini' tha. pippalad ke pita dadhichi rishi ne jis sthan par deh tyag kiya tha, vahan par kamadhenu ne apani dugdh dhara chhodi thi. at: us sthan ko ‘dugdheshvar’ kaha jane laga. pippalad usi sthan par tapasya kiya karate the, isalie use 'pippalad tirth' bhi kahate hain.

janm

pippalad ki mata ke tin nam prapt hote hain-'gabhastini', 'suvarcha' aur 'subhadra'. dadhichi ke dehavasan ke samay gabhastini garbhavati thi tatha anyatr rahati thi. pati ke nidhan ka samachar vidit hote hi unhonne apana pet chirakar garbh ko bahar nikala tatha use pipal vriksh ke niche rakha. isake pashchath ve sati ho geen. gabhastini ke is garbh ka vrikshon ne snrakshan kiya. age chalakar is garbh se jo shishu bahar nikala vahi pippalad kahalaya. pashu-pakshiyon ne is shishu ka palan poshan kiya tatha som ne use sabhi vidhaen sikhaeen.

shani ko dand

yah gyat hone par ki apane matripitriviyog ke lie shani karanibhoot hai, pippalad ne shani ko akash se niche giraya. shani unaki sharan men aye. tab shani ko yah chetavani dekar ki barah varsh ki ayu tak balakon ko ve bhavishy men pida n pahunchae, pippalad ne unhen chhod diya. aisa kahate hain ki 'gadhi' (vishvamitr ke pita), pippalad v kaushik (vishvamitr) is trayi ka smaran karane se shani ko pida nahin hoti. devataon ki sahayata se apane mata-pita se milane pippalad svarg lok ge, vahan se lautane par unhonne gautam ki kanya se vivah kar liya.

shakha pravartan

vedavyas ji ne apane shishy sumantu ko atharvasnhita di thi. pippalad unhin sumantu ke shishy the. inhonne atharvaved ki ek shakha ka pravartan kiya tha. at: us shakha ko 'pippalad' kaha jane laga. inhonne atharvaved ki ek pathashala bhi sthapit ki thi. pippalad ek mahanh darshanik bhi the. jagath ki utpatti ke bare men kabndhi katyayan dvara poochhe gaye prashn ka uttar inhonne is prakar diya-
"srishti ki utpatti ke poorv jagatakarta the. unhonne re v pran ki jodi ka nirman kiya. pran atma se utpann hua, aur atma par chhaya ke saman phail gaya. man ki kriya se pran manav sharir men pravesh karate hue svayn ko panch roopon men vibhajit karata hai."

pravachan

pippalad ne gargy ko bataya ki gahari nind men indriyan nishkriy rahati hain, keval pratiti hi kary karati hai. shaivy satyakam se ve kahate hain, onkar ki vibhinn matraon ka dhyan karane se jiv-brahmaiky sadhy hota hai. ek any sthan par ve batate hain ki, onkar ka dhyan v yogamarg ke dvara parabrahm ki prapti hoti hai. 'sharabh upanishad' pippalad ka mahashastr hai. isamen brahma, vishnu v mahesh ki ekaroopata pratipadit ki gee hai. bhishm pitamah ke nirvan ke samay, pippalad any munijanon ke sath vahan par upasthit the.[1]

tika tippani aur sndarbh

bharatiy snskriti kosh, bhag-2 |prakashak: yoonivarsiti pablikeshan, nee dilli-110002 |snpadan: profesar devendr mishr |prishth snkhya: 493 |

  1. sn.v.ko. (dvitiy khand), prishth 494

snbndhit lekh