पीरू सिंह  हिन्दी देवनागरी में पढ़ें।

piroo sinh
piroo sinh
poora nam piroo sinh shekhavat
janm 20 mee, 1918
janm bhoomi jhunjhunoo zila, rajasthan
shahadat 18 julaee, 1948
sthan tithaval, kashmir
sena bharatiy thal sena
raink kampani havaladar
yoonit 6 rajapootana raifals
yuddh bharat-pakistan yuddh (1947)
samman 'paramavir chakr'
nagarikata bharatiy
any janakari apani shiksha ke adhar par 17 agast, 1940 ko piroo sinh lans nayak ke roop men padonnat ho ge the. isi dauran unhonne uttar-pashchim sima par yuddh men bhi bhag liya.
adyatan‎

piroo sinh shekhavat (angrezi: Piru Singh, 6 rajapootana raifals, nn. 2831592; janm- 20 mee, 1918, jhunjhunoo zila, rajasthan; shahadat- 18 julaee, 1948, tithaval, kashmir) bharatiy sena ke vir amar shahidon men ek the. kashmir ghati ke yuddh men sakriy roop se joojhate hue unhonne pirakanti aur ledigani thikanon par apani fateh hasil ki thi. varsh 1948 men darapari ke yuddh men piroo sinh ne viragati prapt ki. unaki virata aur balidan ke lie unhen maranoparant bharat ke sarvochch sainik samman "paramavir chakr" se sammanit kiya gaya tha.

janm tatha shiksha

piroo sinh ka janm 20 mee, 1918 ko rajasthan ke jhunjhunoo zile ke beri ganv men hua tha. unake pita ke tin putr tatha char putriyan thin. piroo sinh apane bhaiyon men sabase chhote the. sat varsh ki ayu men unhen skool bheja gaya, lekin piroo sinh ka man skooli shiksha men nahin laga. skool men ek sathi se unaka jhagada ho gaya tha. tab skool ke adhyapak ne unhen dant lagaee. piroo sinh ne bhi apani slet vahin par pataki aur bhag gaye. isake bad ve kabhi palat kar skool nahin gaye.

vyavasay

skooli shiksha men man nahin lagane par piroo sinh ke pita ne unhen kheti badi men laga liya. vah ek sampann kisan the. kheti men piroo sinh ne apani ruchi dikhaee. vah apane pita ki bharapoor madad kiya karate the. unhonne kisani ka kary achchhi tarah se sikh liya tha. kisani ke atirikt kee prakar ke sahasik khelon men bhi unaka bahut man lagata tha. shikar karane ke to vah bachapan se hi shaukin rahe the. apane is shauq ke karan vah kee bar ghayal bhi hue the.

sena men bharti

shikar ke shauq ne hi piroo sinh ko sena men ane aur phauji banane ke lie prerit kiya tha. 1936 ko piroo sinh ne phauj men kadam rakha. unhen 10/1st pnjab men prashikshan ke lie liya gaya. phir 1 mee, 1937 ko unhen 5/1st pnjab men niyukt kar liya gaya. phauj men ane ke bad hi piroo sinh ke charitr men ashcharyajanak badalav aya. skool men unhen padhaee se chidh thi, lekin phauj men vah padhaee ki or se behad gnbhir sainik siddh hue. kuchh hi varshon men unhonne 'indiyan armi pharst klas sartiphiket aauf ejukeshan' saphalatapoorvak pa liya.

padonnati

apani shiksha ke adhar par 17 agast, 1940 ko piroo sinh lans nayak ke roop men padonnat ho ge. isi dauran unhonne uttar-pashchim sima par yuddh men bhi bhag liya. march, 1941 men vah nayak banaye ge. sitambar, 1941 ko vah shiksha ke bal par hi pnjab rejimental sentar men instraktar bane, jahan vah aktoobar, 1945 tak kary karate rahe. faravari, 1942 men ve havaladar ke roop men padonnat hue. phir mee, 1943 men vah kampani havaladar mejar ban gaye. unaki tarakki ka yah rujhan hamesha yah batata raha ki piroo sinh ek karmath, bahadur aur jimmedar phauji hain.

jammoo-kashmir ka mamala

varsh 1947-1948 men jammoo-kashmir kshetr, jo ladaee ka maidan ban gaya tha, usake pichhe british raj dvara 3 joon, 1947 ko ki gee vah ghoshana thi, jo unhonne desh ke vibhajan ke sath-sath ki thi. darasal, vah ek chal thi, jo british raj ki kutilata ko ujagar kar gee thi. vah bhi tab, jab vah bharat ko svatntr karane ka nirnay bakayada ghoshit kar chuke the. british raj ne prastav kiya tha ki desh ke vibhajan ke bad akhand bharat ki sabhi riyasaten yah chunane ke lie svatntr hain ki vah bharat men rahana chahati hain ya pakistan se judana chahati hain ya phir unhen svatntr rahana hi pasand hai. inamen se jo riyasaten svatntr rahana chahati thin, unamen maharaja harisinh bhi the, jinaka rajy jammoo-kashmir men tha. unhonne isake nirnay karane ki prakriya men janamat jutana pasand kiya, jisake lie unhen kuchh samay chahie tha.

pakistan ka kashmir par hamala

harisinh ne isake lie bharat tatha pakistan se kuchh samay thaharane ka nivedan kiya. bharat ne unake is nivedan ko man liya, lekin pakistan to bas har hal men kashmir ko pana chahata tha. usane maharaja harisinh ke nivedan ko nahin mana. pakistan ne ek rananiti ke tahat kashmir ki vah apoorti rok di, jo usake kshetr se kashmir hamesha pahunchati thi. is apoorti men rashan, tel, eedhan adi ki bahut hi avashyak samagri thin. isake bad pakistan ne poore sainy bal ke sath kashmir par hamala kar diya. usaka irada maharaja harisinh par dabav dalane ka tha ki vah pakistan ke paksh men apana mat prakat karen aur pakistan ke sath jud jayen. lekin pakistan ko nirasha hi hath aee, kyonki maharaja harisinh ne bharat ke paksh men mat prakat kiya aur bharat se madad ki guhar ki. aisi sthiti men ab bharat ke lie madad karana asan tha, kyonki maharaja ki sahamati se jammoo-kashmir bharat ka ho chuka tha. 26 aktoobar, 1947 ko maharaja harisnh ne bharat ke paksh men apana mat rakha aur 31 aktoobar ko bharat is yuddh men pakistan se mukabale ke lie a khada hua. yah yuddh kee morchon par ek sath lada gaya. unamen se ek morcha darapari ka tha, jahan kampani havaladar piroo sinh niyukt the.

bahaduri

uttari tithaval ki 'di' kampani men piroo sinh havaladar mejar ke roop men niyukt the aur is kampani ko jimmedari saunpi gee thi ki vah pahadi par jami dushman ki tukadi par hamala karake us par kaboo kar le. dushman ne bahut salike se midiyam mashinaganen laga kar apani rananiti jama rakhi thi aur usaki or se vah sab raste nishane par the, jinake jarie un par hamala bola ja sakata tha. dushman ke bnkaron se grened phenke ja rahe the. havaladar mejar kampani ki ekadam agrim pnkti men age badh rahe the. piroo sinh ne dekha ki unaki adhe se jyada tukadi tabah ho chuki hai, lekin unhonne himmat nahin hari. poore josh se yuddhanad karate hue unhonne apane bache hue javanon ka hausala badhaya aur teji se dushman ke nikatamat midiyam mashinagan dal ki or badh ge. phatate hue grened ki kirchen piroo sinh ke kapadon aur sharir ko chirate hue nikalati ja rahi thin, lekin piroo sinh ko isaki jara bhi paravah nahin thi aur vah apani hiphajat ki chinta kie bagair age badh rahe the. unake sharir se khoon bah raha tha, lekin unaka dhyan is or nahin tha. vah to apana sara dhyan bas lakshy ko pane men laga rahe the. unhonne uttejana se bharakar ek chhalang dushman ke us midiyam mashinagan ke daste par lagaee aur bainet se bhedate hue unhen maut ki nind sula diya.

viragati

isi samay piroo sinh ko ehasas hua ki vah apani tukadi men akele hi bache hain aur ek matr yoddha hain. unake shesh sathi ya to maut ki nind so ge hain ya buri tarah ghayal hain. achanak ek grened akar sidhe unake chehare par laga. unaka chehara aur ankhen khoon se bhig geen. isake bavajood unhonne rengakar ludhakate hue, grened ki paravah kie bagair dushman ki doosari pojishan ki or kooch kar diya. piroo sinh ne poore josh se yuddh ghosh kiya aur doosari khaee men chhipe dushmanon par bhi sngin se var kiya aur do sainikon ko thikane laga diya. unake is hamale ka sara nazara unaki 'si' kampani ke kamandar ne dekha, jo piroo sinh ki kampani ki golibari men madad kar raha tha. isi ghayal avastha men havaladar piroo sinh doosari khaee se nikal kar dushman ke tisare bnkar ki or badhe. isi vakt ek goli akar sidhe unake sir men lagi aur unhen dushman ki khaee se takara kar girate dekha gaya. yakayak dushman ko dhamake ki avaj aee, jisase pata chala ki piroo sinh ka grened apana kam kar gaya. thik isi samay piroo sinh ne bhi goli ko jhelakar pran tyag diye.

paramavir chakr

piroo sinh ne apani bahaduri bhare karaname ke lie apane pranon ki ahuti de di, lekin vah apane sathiyon ke age ek jinda misal chhod ge ki akele dam par bhi ladi gee ladaee himmat ke bal par kya natija dikhati hai. yuddh men ve viragati ko prapt hue. jis himmat, bahaduri aur soojh-boojh se havaladar mejar piroo sinh ne morcha snbhala, usake lie unhen maranoparant "paramavir chakr" se sammanit kiya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah