पुरुषोत्तम दास टंडन  हिन्दी देवनागरी में पढ़ें।

purushottam das tndan
purushottam das tndan
poora nam purushottam das tndan
janm 1 agast, 1882
janm bhoomi ilahabad, uttar pradesh
mrityu 1 julaee, 1962
nagarikata bharatiy
prasiddhi svatntrata senani aur rajaneta
andolan 'savinay avgya andolan', 'bihar kisan andolan'
jel yatra varsh 1930 men mahatma gandhi dvara chalaye ja rahe 'savinay avgya andolan' ke silasile men purushottam ji basti men giraphtar hue aur karavas ka dand mila.
kary kal vidhanasabha pravakta uttar pradesh- 31 julaee, 1937 se 10 agast, 1950 tak
vidyalay siti englo varnakyoolar vidyalay, ilahabad vishvavidyalay
shiksha el.el.bi. aur em.e.
puraskar-upadhi 'bharat ratn' (23 aprail, 1961)
vishesh yogadan purushottam ji hindi ke prabal samarthak the. unhonne hindi ko rashtrabhasha ka darja dilane ke lie kafi prayatn kiye the.
any janakari tndan ji ne 10 aktoobar, 1910 ko 'nagari pracharini sabha', varanasi ke prangan men 'hindi sahity sammelan' ki sthapana ki thi.

purushottam das tndan (angrezi: Purushottam Das Tandon, janm- 1 agast, 1882, ilahabad, uttar pradesh; mrityu- 1 julaee, 1962) adhunik bharat ke pramukh svadhinata senaniyon men se ek the. ve 'rajarshi' ke nam se bhi vikhyat the. unhonne apana jivan ek vakil ke roop men prarambh kiya tha. hindi ko age badhane aur ise rashtrabhasha ka sthan dilane ke lie purushottam das ji ne kafi prayas kiye the. ve hindi ko desh ki azadi ke pahale azadi prapt karane ka sadhan manate rahe aur azadi mil jane ke bad azadi ko banaye rakhane ka. varsh 1950 men ve 'bharatiy rashtriy kangres ke adhyaksh niyukt hue the. purushottam das tndan ko bharat ke rajanitik aur samajik jivan men nayi chetana, nayi lahar, nayi kranti paida karane vala karmayogi kaha gaya hai. varsh 1961 men unhen desh ke sarvochch nagarik samman 'bharat ratn' se bhi sammanit kiya gaya tha.

janm tatha shiksha

purushottam das tndan ka janm 1 agast, 1882 ko uttar pradesh ke prachinatam aur dharmik shahar ilahabad men hua tha. unaki prarnbhik shiksha sthaniy 'siti englo varnakyoolar vidyalay' men huee thi. isake bad unhonne el.el.bi. ki digri hasil ki aur em.e. itihas vishay se kiya. varsh 1906 men vakalat ki praiktis ke lie purushottam ji ne 'ilahabad uchch nyayalay' men kam karana shuroo kiya.

vidhayi jivan

purushottam ji ke vyaktitv ka ek any mahattvapoorn paksh unaka vidhayi jivan tha, jisamen vah azadi ke poorv ek dashak se bhi adhik samay tak uttar pradesh ki vidhanasabha ke adhyaksh rahe. ve snvidhan sabha, lok sabha aur rajy sabha ke bhi sadasy rahe the. ve samarpit rajanayik, hindi ke anany sevak, karmath patrakar, tejasvi vakta aur samaj sudharak the. 

krantikari jivan ki shuruat

purushottam das tndan ne 'bharatiy rashtriy kangres' ke sath varsh 1899 se hi kam karana shuru kar diya tha. krantikari karyakalapon ke karan unhen 'ilahabad vishvavidyalay' ke 'myor sentral kaaulej' se nishkasit kar diya gaya tha. bad men 1903 men apane pita ke nidhan ke bad unhonne ek any kaaulej se apani padhaee poori ki. varsh 1919 men desh ko jhakajhor kar rakh dene vali ghatana 'jaliyanvala bag hatyakand' ka adhyayan karane vali kangres parti ki samiti ke vah ek sadasy banaye ge the. rashtrapita mahatma gandhi ke kahane par purushottam ji ne vakalat ko chhodakar svatntrata sngram men bhag liya. unhonne 'raaulet ekt' virodhi satyagrah men sakriyata se bhag liya.

jel yatra v andolan

varsh 1930 men mahatma gandhi dvara chalaye ja rahe 'savinay avgya andolan' ke silasile men ve basti men giraphtar hue aur unhen karavas ka dand mila. bad ke samay men unhonne ilahabad men 'krishak andolan' ka snchalan kiya. unhonne uttar pradesh men 'savinay avgya andolan' ka snchalan kiya. kisanon men lagan ki naadayagi ka andolan bhi chalaya. ve snyukt prant vyavasthapika parishadh ke sadasy bane tatha 1937 ee. men isake adhyaksh bhi niyukt hue. purushottam das tndan ne bharat ke vibhajan ka datakar virodh kiya. 1931 men lndan men ayojit 'golamej sammelan' se gandhiji ke vapas lautane se pahale jin svatntrata senaniyon ko giraphtar kiya gaya tha, unamen javahar lal neharoo ke sath purushottam das tndan bhi the. unhonne bihar men krishi ko badhava dene ke lie kafi kary kie the. varsh 1933 men ve bihar ki 'pradeshik kisan sabha' ke adhyaksh chune ge the. 'bihar kisan andolan' ke sath sahanubhooti rakhate hue unhonne vikas ke anek kary sampann karaye.

kangres se tyagapatr

varsh 1951 ee. men purushottam das tndan kangres ke adhyaksh banaye gaye the, kintu is pad par ve adhik samay tak nahin rahe. kyonki bad ke samay men bhashayi rajyon ke sambandh men kangres se unaka matabhed ho gaya. matabhed ho jane ke karan unhonne kangres se tyag patr de diya.

hindi ke pakshadhar

purushottam ji hindi ko rashtrabhasha banae jane ke prabal samarthak the aur isako age badhane aur rashtrabhasha ka sthan dene ke lie kafi prayas kar rahe the. rajarshi purushottam das tndan  ne 10 aktoobar, 1910 ko 'nagari pracharini sabha', varanasi ke prangan men 'hindi sahity sammelan' ki sthapana ki. isi kram men 1918 men unhonne 'hindi vidyapith' aur 1947 men 'hindi rakshak dal' ki sthapana ki. ve hindi ko desh ki azadi ke pahale 'azadi prapt karane ka' aur azadi ke bad 'azadi ko banaye rakhane ka' ek bada sadhan manate the.' purushottamadas tndan hindi ke prabal pakshadhar the. vah hindi men bharat ki mitti ki sugndh mahasoos karate the. 'hindi sahity sammelan' ke 'indaur adhiveshan' men spasht ghoshana ki gee thi ki- "ab se rajakiy sabhaon, kangres ki prantiy sabhaon aur any sammelanon men angrezi ka ek shabd bhi sunaee n pade."[1]

rajanitik saphalataen

bharat ki azadi ke bad 1951 men hue desh ke pahale chunav men panch pratyashi nirvirodh chune ge the. isake bad 1952 men hue up-chunav men ilahabad pashchim men kangres ke purushottam das tndan nirvirodh vijayi hue. varsh 1962 men tihari gadhaval se vahan ke raja manavendrashah ne jab chunav ladane ka phaisala kiya to purushottam das tndan ke mukabale koee pratyashi age nahin aya. is chunav men 'janasngh' ke rngilal ne paracha bhara tha, lekin bad men unhonne bhi parcha vapas le liya.

karyakal

azadi ke bad purushottam das tndan ne uttar pradesh ki vidhan sabha ke pravakta ke roop men tairah sal tak kam kiya. 31 julaee, 1937 se lekar 10 agast, 1950 tak ke lnbe karyakal ke dauran unhonne vidhan sabha ko kee bar snbodhit kiya.

puraskar

varsh 1961 men hindi bhasha ko desh men agrani sthan dilane men aham bhoomika nibhane ke lie unhen desh ka sarvochch nagarik puraskar diya gaya. 23 aprail, 1961 ko unhen bharat sarakar dvara 'bharat ratn' ki upadhi se vibhooshit kiya gaya.

nidhan

rashtrabhasha hindi ke lie samarpit purushottam das tndan ji ka nidhan 1 julaee, 1962 ko hua.

prabhudatt brahmachari ka kathan

rajarshi purushottam das tndan ka hindi ke sath-sath gohatya band n kie jane, sharab ko rajasv ka sadhan banae rakhane tatha "dharmanirapekshata" ki ad men path pustakon men se dharmik-naitik prerana dene vali samagri hataye jane jaise vishayon par kangres se nirantar virodh raha. pauranik sahity ke marmgy, mahanh gobhakt snt prabhudatt brahmachari maharaj ka tndan ji se nikat ka atmiy sambndh tha. tndan ji ke golokavasi hone ke bad prabhudatt ji ne "kalyan" patrika men purushottam das tndan ke snsmaran men likha tha ki- "ve mujhe apani sab baten hriday kholakar batate the. kahate the ki ek bar chitrakoot ke kuchh log malaviy ji ke pas aye aur kahane lage- "maharaj! hamare yahan gay ka vadh hota hai." malaviy ji ne mujhe vahan bheja. mainne vahan jakar poochha- "goo ko kyon marate ho?" un dinon gomans ko muslim bhi nahin khate the. chamade ke lie govadh karate the. mans ko to ve phenk bhi dete the. usi din mainne chamade ke joote n pahanane ki pratigya ki."[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi ke karta-dharta : bharat ratn rajarshi purushottam das tndan (hindi) jagaran jnkshan. abhigaman tithi: 21 julaee, 2011.
  2. purushottamadas tndan ki 125vin jaynti (hindi). . abhigaman tithi: 05 joon, 2013.

bahari kadiyan

snbndhit lekh