पुलिन बिहारी दास  हिन्दी देवनागरी में पढ़ें।

pulin bihari das
pulin bihari das
poora nam pulin bihari das
janm 24 janavari, 1877
janm bhoomi faridapur, bngal
mrityu 17 agast, 1949, kolakata, pashchim bngal
abhibhavak pita- naba kumar das
sntan tin putr v do putriyan
nagarikata bharatiy
prasiddhi svatntrata senani
dharm hindoo
snbndhit lekh barindr kumar ghosh aur vinayak damodar savarakar
any janakari angrez sarakar dvara 'anushilan samiti' ko gair-kanooni ghoshit karane ke karan pulin bihari das ne krantikari gatividhiyon ko snchalit karane ke lie 1920 men "bharat sevak sngh" ki sthapana ki thi.

pulin bihari das (angrezi: Pulin Behari Das, janm- 24 janavari, 1877, faridapur; mrityu- 17 agast, 1949, kolakata) mahanh svatntrata premi v krantikari the. unhonne bharat ki svatntrata ke lie "dhaka anushilan samiti" namak krantikari sngathan ki sthapana ki v anek krantikari ghatanaon ko anjam diya. kalakatta vishvavidyalay unake samman men vishesh padak deta hai, jisaka nam 'pulin bihari das smriti padak' hai.

parichay

pulin bihari das ka janm 24 janavari, 1877 ko bngal ke faridapur zile men lonasinh namak ganv men ek madhyam-vargiy bngali parivar men hua tha. unake pita naba kumar das madaripur ke sab-divijanal kort men vakil the. unake ek chacha dipti majistret v ek chacha munsiph the. unhonne faridapur zila skool se prarnbhik shiksha prapt ki aur uchch shiksha ke lie dhaka kaaulej men pravesh liya. kaaulej ki padhaee ke doran hi vah leboratari asistent v nidarshak ban ge the. unhen bachapan se hi sharirik snvardhan ka bahut shauk tha aur vah bahut achchhi lathi chala lete the. kalakatta men sarala devi ke akhade ki saphalata se prerit hokar unhonne bhi 1903 men tikatuli men apana akhada khol liya. 1905 men unhonne mashahoor 'lathiyal' (lathi chalane men mahir) "murtaja" se lathi khel aur gherabndi ka prashikshan liya.[1]

shreshth sngathanakarta

sitambar, 1906 men bipin chandr pal aur pramath nath mitr poorvi bngal aur asam ke ne bane prant ka dora karane ge. vahan pramath nath ne jab apane bhashan ke doran janata se ahvan kiya ki 'jo log desh ke lie apana jivan dene ko taiyar hain, vah age ayen' to pulin bihari das turnt age badh ge. bad men unhen 'anushilan samiti' ki dhaka ikaee ka sngathan karane ka dayitv bhi saunpa gaya aur aktoobar men unhonne 80 yuvaon ke sath "dhaka anushilan samiti" ki sthapana ki. pulin bihari das utkrisht sngathanakarta the aur unake prayason se jald hi prant men samiti ki 500 se bhi jyada shakhaen ho gayin.

neshanal skool ki sthapana

krantikari yuvaon ko prashikshan adi dene ke lie pulin bihari das ne dhaka men neshanal skool ki sthapana ki. isamen naujavanon ko shuroo men lathi aur lakadi ki talavaron se ladane ki kala sikhaee jati thi aur bad men unhen khnjar chalane aur antat: pistol aur rivaaulvar chalane ki bhi shiksha di jati thi.

krantikari gatividhiyan

pulin bihari das ne dhaka ke dusht poorv zila majistret basil koplestan elan[2] ki hatya ki yojana banayi. 23 disnbar, 1907 ko jab elan vapas inglaind ja raha tha, tabhi golando relave steshan par use goli mar di gayi, kintu durbhagy se vah bach gaya. dhan ki vyavastha karane ke lie 1908 ke prarnbh men pulin bihari das ne sanisanikhej "bara dakaiti kand" ko anjam diya. is sahasi dakaiti ko vir yuvakon ne apani jan par khelakar din-dahade dala tha aur yah bara ke zamindar ke ghar par dali gayi thi n ki garibon ke ghar. is se prapt dhan se krantikariyon ne hathiyar kharide.[1]

giraftari

san 1908 men angrez sarakar ne pulin bihari das ko bhoopesh chandr nag, shyam sundar chakravarti, krishan kumar mitr, subodh malik aur ashvini kumar datt ke sath giraphtar kar liya aur montagomari jel men kaid kar diya. lekin angrez sarakar unhen jhuka nahin saki aur 1910 men jel se riha hone ke bad vah dobara krantikari gatividhiyon ko tej karane men lag ge. is samay tak, pramath nath mitr ki mrityu ke pashchat, dhaka samooh kalakatta samooh se alag ho chuka tha. parantu angrez sarakar ne "dhaka shadyntr kes" men pulin bihari das v unake 46 sathiyon ko julaee, 1910 ko dobara giraphtar kar liya. bad men unake 44 any sathiyon ko bhi pakad liya gaya. is kes men pulin bihari das ko kalepani (ajivan karavas) ki saja huee aur unhen kukhyat selyoolar jel men bhej diya gaya. yahan unaki bhent apane hi jaise vir krantikariyon se huee, jaise- hemachandr das, barindr kumar ghosh aur vinayak damodar savarakar.

rihaee

pratham vishv yuddh ki samapti par pulin bihari das ki saja kam kar di gayi aur 1918 men unhen riha kar diya gaya, lekin phir bhi unhen ek varsh tak grih-bndi men rakha gaya. angrez sarakar ke daman aur atyacharon ke bad bhi 1919 men poori tarah riha hote hi unhonne ek bar phir se samiti ki gatividhiyon ko punarjivit karane ka prayas shuroo kar diya. lekin sarakar dvara samiti ko gair-kanooni ghoshit karane aur usake sadasyon ke bikhar jane se unhen jyada saphalata nahin mil saki.[1]

'bharat sevak sngh' ki sthapana

mahatma gandhi dvara asahayog andolan prarnbh karane se anek yuvaon men nayi umng uthi aur unhonne use apana samarthan diya, kintu pulin bihari das abhi bhi apane adarshon aur apane marg par adig rahe. sarakar dvara samiti ko gair-kanooni ghoshit karane ke karan unhonne krantikari gatividhiyon ko snchalit karane ke lie 1920 men "bharat sevak sngh" ki sthapana ki.

patrikaen

krantikari vicharadhara ko phailane ke lie pulin bihari das ne es. ar. das ke sanidhy men "haq katha" aur "svaraj" namak do patrikaen bhi nikalin. samiti gupt roop se bani rahi, lekin dhire-dhire pulin bihari das aur samiti men doori ane lagi. phalasvaroop unhonne svayn ko samiti se prathak kar liya. bharat sevak sngh ko bhng kar diya aur antat 1922 men sakriy rajaniti se sanyas le liya. 1928 men unhonne kalakatta ke machchubazar men "vangy vyayam samiti" ki sthapana ki. yah sharirik shiksha ka snsthan v akhada tha, jahan vah yuvakon ko lathi chalane, talavarabazi aur kushti ki trening dene lage.

vivah

bad men pulin bihari das ne vivah kar liya. unake tin putr v do putriyan hueen. bad men ek yogi ke snpark men ane se unaki anasakti bhav men pravarti huee. isi samay svami satyanand giri aur unake mitr pulin bihari bos ke nivas par jate aur vahan satsng adi kiya karate the.

mrityu

pulin bihari das ka 17 agast, 1949 ko kolakata, pashchim bngal men nidhan hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 pulin bihari das (hindi) bharatkenayak.blogspot.in. abhigaman tithi: 23 disambar, 2016.
  2. Basil Copleston Allen

snbndhit lekh